"الجزء الخامس "


عبدالله اول ما رفع راسه شاف اخته خلود جدامه ...ما عرف شو يقول ولا شو يسوى ...كان كل تفكيره انه ياخذ الصوره من ايد ريان ...
خلود: ريااااااني حيااتي ...وين كنتي ماما اتدور عليييج....؟؟. شوو هااااذا في ايدج عطيني بشوف ....
قبل لاااا تاخذ الصوره عن رياان ..ابحركه سريعه من عبدالله خذا الصوره من ايد ريان الى كانت حاطتنها ورا ظهرها علشان خلود ما تاخذها عنهااا...
ريان: يييييييييييييييييب ماااااااااالييي ..اهى اهي اهي ..بخبر عليك باباتي ...
خلود: شوهاا الى خذته عنها ..صورت منو هذي ....؟؟؟
عبدالله : ماايخصج انتي ..
وقبل لاا يلف على ورا علشان يرووح غرفته ..... سحب شخص من وراه الصوره الى كانت في ايده وشرد ....ومنو هالشخص ...طبعا منو غير سيف المطيور....سحب الصوره وركض نزل تحت وعبدالله يركض ورااه ويصرخ عليه وسيف يضحك ....ولا هامنه ....تمو يراكضون على كبر البيت واصراخ عبدالله وضحك سيف واصل لين اخر الشارع ....طلعت لهم امهم وكانت يايه من المطبخ...تربع ....
ام راشد: عبووووووود ...سوااااااااااف ...عنلااتكم من عياااااااااال ...اشعنه تربعووون في البيت اشعندك انت وياه ....
سواف: ههههههههههههههههه ..اماايه شوفي ولدج بيذبحني ... ...(وقبل لا يكمل كلامه ..مسكه عبدالله من كندورته وسحب عنه الصوره وحطاها في مخباته .....ومسك سيف وقاااام يسحبه بكبر الحوووش ..وامه اتزاااعج علييييه ..وسيف مييت من الضحك مب قادر يفج نفسه عن اخووه ...
سيف: الله يخلييك..(حااط ايدينه في بعض ويترجا عبدالله).. خلااااااص والله ........التوووووووووبه الله يخليك هدني والله بتووب...هههههههه...اماااااااايه ..لحقي علي ....هههههههه
عبدالله: منو يتوووووب انته .....النااااس كلها بتخااف وبتووب الا انته يااااا ويه العنز ....(خذا نعال كانت طايحه جدامه وقام يضرب فيها سيف )....الله ياخذ ابليسك من ولد جاان اناا ريال بلحيتي اتخليني اراكض ورااك بكبر البيييت ....
ام راشد: عبووووود ..خله اخوووووك ذبحته ......(سحبت سيف عن عبدالله ..وسيف تم حاضن امه واهوو يضحك)....ويدييييييييييييه ....جيي اتسوى جي في اخووك الصغير .....فدييت ولدي سواااااف مب زييين علييك جي ......ذبحته .....(واتبووس سيف على يبهته)...
عبدالله : الحيييييين هذااا ولد ....امااااااااايه طالعي كيف صار طوله واتقولين له ولد .....عز الله اليهال عنه ....(مشى ورااح عنهم .. وسيف بعده يضحك)...
سيف : (يسوى نفسه جنه يصيح واهو بعده طايح في حضنها) ...امااااااااايه ذبحني ولدج من الضرب هلكني..اهىء اهىء ...
ام راشد: وانته شوو سويت له علشان يضربك ....اشعنه قااعده انت ويااه تربعوون في كبر البيت لا حيا ولا حشيمه ...

طلع حميد من الصاله ...وكان يمشي في الحوش و يتكلم بالموبايل مع محمد ولد عمه كانوا متفقين يظهرون المول ...وقبل لااايطلع انتبه على امه واهي قاعده في نص الحوش وحاطه سيف في حضنها ....قعد يطالعهم وماا استغرب لانه سيف دلوع امه ودوم لاصق فيها...
حميد: يااااااااااااا سلااااااام علييك يااااا سيف ...دووم مااخذ الحنااان كله لك .....(راح لعندهم وسحب سيف من حضن امه) ...قووووووم ...قوووووووووم ...متفيزر حضرتك ياااااااهل عمرك سنتين .....قوووم لااااا اخرطك بهالنعاااال الحييييين ...
سيف : ( مااااقدر يتكلم من كثر الضحك ) ...ههههههههههههههههه...حرااام عليكم امااايه شوووفي عيالج كله حاطين دوبهم في دوبي ....ههههههههههه ...فجني اللله ياخذ ابليييسك ذبحتني ههههههههههه..
ام راشد : ياااااابوى خلللل اخوووك توه عبوود قطع النعال في ظهره بسه حرااام عليكم ..ذبحتوو ولديي...
حميد: اشتبييين فييه امااااايه نحن نسدج وانزيييد بعد .....خليني اذبحه احسن ....(ماسك سيف من رقبته).....طالعي ويهه دخيييلج من حلاااته والله تقوول عنز ....
سيف : هههههههههههههه........واااااااااااااااي بمووووووت اماااااايه لحقيني ..ههههههههههههههه..
بعد المشاحانات والهزاااااب والتكفيخ الى حصله سيف ....طلع حميد من البيت وراح عند محمد ولد عمه بيتهم ..اما سيف وامه ف راحوا يقعدون في الصاله يسولفون ....وخلود بعد ما ودت ريان عند امهاا راحت غرفتها وقعدت اترمس افنان بنت عمها ....وعبدالله ... آآآآآآه يا عبدالله ....حاول انه يرقد بعد المراثون الى سواه اليوم مع سيف ....


"في بيت ابو محمد "


حميد اول ما وصل عند بيت عمه مااا كان له خاطر يدخل ..تم يدق اهرانه حق محمد ويتصل فيه لكنه كل اشوى يقوله الحين بينزل وماا ينزل...اتصل فيه اخر مره وقاله انه بيدخل البيت عطشان ..قاله انه اهو مب غريب ..حدر حميد المطبخ ...بس شاف انه في شخص داخل لانه سمع اصوات ..قال يمكن مرت عمه ولا الخدامه ...اول ماا دخل تفاجا شاف افنان ...قاعده على الطاوله وقصتها طايحه على عينها..كانت قاعده اتسوى ساندويتش...بس ما انتبهت له ....حاول انه يلفت انتباها....
حميد: احم ..احم ...احم ..هوووود
فزت افنان من مكانه وعقت الى في ايدها ...وقعدت اتعدل شيلتها ....
افنان: (مرتبكه) ..اهدااا ولد عمي ...
حميد: ( مشى لعند الطاوله ...وقعد ياكل من الى كانت اتسويه ) ..شخباارج افنااااان ربج الا ابخير..
افنان: الحمدلله يسرك الحاال ..مااا اشكي باااس..
حميد: عجييييب والله ......شووها ..؟؟.شوو اسمه (الساندويتش)...
افنان: هذا سندويتش دياي ....عجبك..؟؟؟.
حميد: تبيين الصرااااحه فنااااااااااان ...كيف اتسوينه هذاا ..؟؟؟ علمي بنت عمج خلود علشان اسويه حقنااا ..في البيت..
افنان : لاااااااا هذي خلطه سريه ممنوع تطلع براااااااا ....
حميد: لااااااااا والله مكتوووبه بإسمج يعني ..محد يسويها غيرج .....الله كريم ...خليها لج خلااص ما نبيهااا.....اقوووووول ..
افنان: لبييييه
حميد: لبيتي حايه يا بنت عمي ...اذا ماا عليج امر صبي لي ماا ي عطشاااان ....
افنان: انشاءالله ..
صبت له مااي وعطته ورجعت مكانها اتخلص الى في ايدهاا ....حميد تذكر هذيك السالفه الى صارت بينهم ..فقرر انه يسالها ...مشى لعندها وقعد على الطاوله ...
حميد: افنان ...
بدوون ما ترفع راسها ردت علييه ..
افنان : لبيييييه ..
حميد: لبيتي حايه ....بغيت اتخبرج عن شى ....
افنان : قوول اسمعك ...
حميد: زييييييين طالعيني ...اول وبعدين بقولج ...
رفعت راسهااا وطالعته بس ماا حطته عينها في عينه..
افنان: قول ...
حميد: اوكي .......هذاك اليوم لما رديت علييج بالتلفون ..وقلت لج كلمه ....قعدتي اتصيحييين ....ممكن اعرف ليش ....
افنان في خاطرها اتقوول : هذا من صجه يعنيييي اهوو ماا كان يقصد الكلمه الى قالها .....كاان يتمصخر علي ...آآآآآآآه الله يلعن الحب وسنينه ......شقوله انا الحييين ..اقوله اني احبه وامووووووووووت عليه ...
حميد: ليش ساااكته .....انتي زعلتي من هالكلمه ..تراا انا والله ماا كان قصدي ...كنت اسولفج معااج ...
افنان تمت ساكته وماردت علييه ..حطت الى في ايدها وغطت علييها .. وركضت ل دااخل البيت بدوون ماا اتقوله شى ...استغرب حمد من الى سوته ....مب عارف اهي اتحبه ولاا لاا ......قام وطلع من المطبخ وركب سيارته ...واتصل حق محمد الى للحين ما نزل حقه ...بعد عشر دقايق نزل ورحووا مع بعض الموول ....
في صالت بيت ابو محمد ...غاليه .....كانت قاعده في الصاله ....
غاليه:امااااااااااااااااااااااااااايه .....امااااااااااااااااااااااااااااااااااايه....
ام محمد كانت في المطبخ ولما سمعت صوت بنتها واهي اتصرخ ..يااات تربع من المطبخ والملاااس بإيدهااا ..
ام محمد: هااااااااااااا شصااير .؟؟شوووفيييكم ......خوانج فيهم شى ....
غاليه: لاااااا اماااايه ماا فيهم شى(ردت تطالع التلفزيون .. وسكتت)...
ام محمد : اشعنه ماااا ترمسين طيحتيي قلبي .....قوولي شفيكم ..
غاليه : اماااااايه انتي بعدج واقفه اهنيي.....ابويا يبيج في التلفووون ....(سكتت وردت مره ثانيه تطالع التلفزيون)...
ام محمد : عنلاااااااااتج من بنت والله طيحتي قلبي ....الحييييين كل هالإصراخ ..علشان تلفون ....ماارمتي اتقومي وتزقريني ...
غاليه : (لاااااااااا حيات لمن تناادي ساكته ولا ردت بكلمه)
ام محمد : اندووووووووكم ...الحييييييييين انا ارمس عمري ....غلووووووووووي ويهد ...قومي من قدامي الحين ماا ابا اشوف رقعت ويهج في الصاله ....اربع وعشرين ساعه تطالعين هالخباال ...يالله قومي ...
غاليه: ( طالعة امها اشوى وبعدين ردت تطالع التلفزيون )...بعدين امايه بعدين ....
ام محمد : انا ارااويج البعديييييييين ...(تمسك االملاس الى كان في ايدها ..وترقع غاليه ...وعلى طول ربعة طلعت من الصاله وراحت فوق)...
في نفس الوقت ...افنان كانت قاعده في غرفتها اتكلم خلود بنت عمها في التلفون ..بعد الموقف الى صار لها مع ولد عمها حميد...
افنان: آآآآآآه يااا خلود ليتج كنت عندي .....والله حيست غير ....ماا قدرت اتكلم ولا قدرت اقول شى ...
خلود: يضرب الحب شو بيزل......تبين نصيحتي شيلي حميد من بالج هذا مب مال حب ....بس حق المغاازل..فالح... اشعنه اتعبين نفسج ...والله ماايسوى..
افنان: ماااا اقدر والله صدقيني ماا اقدر ....احس حبه كل يوم يزييد بقلبي ماا اقدر انساه.....
خلود: والله شوفي عقلج في راسج تعرفي خلاصج ..وانا نصحتج ......اوووووه اتذكرت ...
افنان: شوو تذكرتي اطربينااااااا
خلود: الااااااا تعاالي انتي ما قلتي لي ليش هذاك اليوم لما قالج حميد انه يحبج صحتي ....؟؟..
افنان: اتسوييييين نفسج ماا تدرييين يعني...
خلود: شوو قوولي ...مااا اتذكر ...يالله قولي حرقتي اعصابي ....
افنان: خلودييي عن الهبل ...
خلود: (سكتت اشوى بعدين ردت تتكلم) ..ااااااااااااه تذكرت ..ليكون قصدج موقف قييس حبيب الطفوله...
افنان: بس دخيييييلج لا اتذكريني ..ما صدقت نسيت هالسالفه ..واخوج ذكرني فيها ...وانتي الحين ..دخييلج سكتي كلما اتذكر ...قلبي يطيح من مكانه وكانه الموقف يصير جدامي...
خلود : بس تبين الصراحه ..المووقف كاان فنتك ههههههههههههه...
افنان : صدق ماا عندج سالفه ..يالله يالله بسكر امي تزقرني....يالله بباااي ( وسكرت في ويها قبل لا اترد عليها)
خلود : الخاااااايسه سكرت في ويهي .....ماا عليه بااجر دواج عندي ياا فنون ...
بعد ما سكرت افنان عن خلود نزلت تحت علشان تتعشى .....


" بيت ابو راشد"


الكل كانوا قاعديين يتعشووون ...سيف كان قاعد يم امه واهي إتاكله كالعاده ..وحمييد الشرار طاير من اعيوونه محتر من سيف ....
حميد: امااااايه
ام راشد: (واهي اتاكل سيف وبدون ما اتطالع حميد) ...لبييييه ولدي ..اشعندك...؟؟.
حميد: هالبغل الى عندنا متى ناااوي يكبر ....؟؟..(ياشر بصبعه على سيف)...
عبدالله اول ماا سمع هالكلاااام..غص بالاكل ...تم يكح يكح.....بقوه ...واخووه راشد يدق على ظهره....واهو مب قادره قعد يضحك...وراشد كان ماسك نفسه بس بعد ماشاف عبدالله على هالحاله قعد يضحك..
سيف: دخيييييييلك عبوووووود قوووم بعدك علشان خاطر اماايه تقلب اشوى مني عدالي...(يطالع حمييد والشرار يطير من عينه) ...ضج بياااخه...
راشد: واااااااااي بطني دخييلكم ماا اقدر... هههههههههههااااااااااي حسبى الله على بليييسكم ...انتوا هاي حالتكم كل يوم الوااحد مايقدر ياكل حتى على الاكل ضحك...(قام عنهم وراح تغسل ورجع قعد في الصاله)..
ام راشد: حسبي الله على بليسكم من عيااال ..اشعنه حاطين دوبكم بدوب اخوكم .....( تشيل قفشه كانت قدامها واتنفرها على حميد بس ما ياته )...عنلاااااتك ياا حمييد من ولد ....جانك اربعه وعشرين ساعه حاط على اخوك ...شو امسويلك ....اهو ..يالس له على اللقمه ..وخير ياا طير ..اكله بإيدي ...ولدي فديته مافيها شى ...
خلود: حرااااااام عليييييييييكم فديييت دلووع امه ليش اتقفطونه جي ....هههههههههههههه...
حميد: صج والله يبتييهااا دلووع امه ..هههههههه ..اماايه ..بسج بزا على هالولد ...خليه يصير ريال ...دوومه الا متفيزر في البيت ....وطايح في حضنج تقول يااهل عمره سنه ...مب جنه صاير طووووول النااقه ...مالت علييك...
ريان: منوو ناااده(ناقه)؟؟؟..
حميد: هذا الى قاعد يم يدوه نااقه (يأشر على سيف)....
ريان: امي(عمي) تيف(سيف) انته ناااده(ناقه)؟؟..
ميره: عيييييييب حبيبي راايان هذا عمي لا اتقولي جي مره ثانيه....يالله طوفي جدامي بنروح نتغسل ونرقد..
ريان: ماااااا بااا ماا بلووح(بروح) ....بدعد(بقعد) مني بتوف(بشوف)..ناده(ناقه)..
هني وبعد ماا قالت ريااان هالجمله ...الكل قعد يضحك والى طاح على الارض يتقلب من الضحك حتى امهاا ماقدرت تمسك نفسها وقعدت تضحك......خذتهاا ورااحت اتغسلها وبعدين ودتها الغرفه اترقدها ..وراشد راح معاهم بعد ....
عبدالله: هههههههههههههههههه...هاااااااااااااااااااااااااااي هووووووووووو..ههههههههههه وااااي خلاااص تعبت ...دخييييلك حميدووه بس ماااا ارووووم ..
سيف: لادخيييلك كمل بعد الطريق بعده طويل اشخط اشوى بعد رووح لعند التلفزيون وارجع مره ثانيه.... الحمدلله شبعت.......(قام بيروح عنهم بس امه مسكته من ايده قبل لا يقوم)...
ام راشد: زيييييييييين جي استانستوا....اقعد اقعد ياا ولدي مااا عليك منهم ......تعااال اكل كمل عشااك...
سيف : مااا ابا امااايه شبعت برووح غرفتي ابرك لي من القعده مع اعيالج....
الكل كان ساكت حسوا انه سيف صدق زعل لانه شكله كان امبين انه معصب حييل ...فسكتوا ولا قالوا شى..وكملوا عشاهم ...اما سيف فما رضا ياكل بس تم قاعد علشان خااطر امه ما تتضايق ...خلصوا الكل العشا ...وكل وااحد فيهم راح غرفته...حتى امهم رااحت غرفتهاا ترقد ..بعد ماا قعدت مع سيف في غرفته تطيب خاطره ....
صح انه سيف غشمرجي وفرفوووش واايد ...بس اهوو عنده كل شى ولا انه احد يتدخل بينه وبين طريقة معاملة امه حقه ...وكان يتمنى لو انه امه تكون له ابروحه يعني اهو ولدها الوحييد ...لانه ابوه مات واهو كان بعده اصغير يعني مستحيل يتذكره ...علشان جي امه دووم عاطته حناان اكثر عن اخوانه تحاول تعوضه عن حنان الأبو الى فقده... ...بس الأكيد انهاا تحبهم كلهم مثل بعض ...


"في المدرسه"


المدرس كان توه داخل الصف ....سلم على الطلااب ..وحطى كتبه على الطاوله وقعد يكتب على السبوره....في هالوقت سيف كان قاعد يدق سوالف مع علي الى كان قاعد وراه ....المدرس بدا يتكلم وسيف بعده لاف ويهه على ورا ...وارفيجه علي يقوله انه المدرس بدا يشرح بس سيف امطنش....
المدرس: يالله انتا وهووه ...اليوم عندناا تسميع سورة ...انا حنادي على الاسامي وكل واحد يقي لعندي يؤعد على الكرسي الى قمبي هنا ويسمع ..سامع يا ولا منك ليه...
سيف : استااااااااذ شووو تسمييع ..انته ماا خبرتناااا ...وبعدين يعني اليوم السبت واحناا مب متفيجين الصراحه...
المدرس: نعم ياا اخويااا ....دانااا ايلكم من يوم الاربعاء انو حيكون في تسميع يوم السبت ...بتستغفلني ياولا...شايفني عبيط مابفهمشي..
سيف: لااااااااا حشاااا والله ...الحشيمه لك استاذ ...
الكل ضحك على كلام سيف..
المدرس: بس ياااااااولا منك لييييييه بتدحكوا على اييه على خبيتكم المايله....يالله يااا سيف انته حتسمع اول وااحد يالله تعالا هناا قمبي..
سيف: لااااااااا استااذ استحي منقوود ..خلني اقعد اهني بسمع(علشان يفتح الكتاب في الدرج)...
الكل رد يضحك وهالمره زودوهااا في الضحك ....
المدرس: بسسسسسسسسسسس يااا ولاا .(وقعد يضرب بعصاه على الطاوله) ...ايه دي منؤوود ...انته بتسبني ياا ولد ياااا سيف ...
سيف : لااااااااااااا والله استاااااااااذ ...مااا سبيتك .....منقود يعني ...حلوو وجميل .....
المدرس : طيب يااا سيف ...مش عاوز اعرف لامعاني ولا حااقه ..اوووم وريني شطرتك وسمع ..يالله تعاالا بسرعه ..داا انته فوت نص الحصه على الكلااام الفارغ ..يالله ياا ابني تعااللاا ..مافيش وأت....
سيف : يااااااااااااااك المووووووت ياااااا تارك الصلاااه ...زيييييييين استااااذ الحيين ياي ... علوووووه ...(ورفع ايدينه للسماا)... ادعي لي الله يخلييك...
علي : الله يوفقك انشاءالله ...هههههههههههههه...رووح يالله رووح
راح سيف وقعد في الكرسي الى يم طاولة المدرس...
المدرس : يالله سمع..
سيف: انشاءالله استااذ .....(بصوت عالي) ..اعووووووووووذ بالله من الشيطاااااااااااان الرجيييم ...بسم الله الرحمن الرحييم ...(قرا بداايه الايه وبعديين قااام يخفف الصوت ويحرك حلجه جنه يتكلم ...والمدرس كان يسكت الطلاب الى علااا صوتهم وضحكهم ....
سيف : (بصوت عااالي) ...صدق الله العظييييييييييييييييييييم ...
المدرس بعد ما انتبه على سيف : سمع مره تانيه ياااا ولا ماااا اسمعتش حاقه يالله من المعيييز دوول..
سيف : استاااااااذ انا مااااااا يخصنيي ...محد قالك ماا تسمع ...الحيين انا ماا اقدر اعييد مره ثانيه نسيتها ....
المدرس: وانا اعملك ايييييييه ماااا دولا ماا خلونيش اسمع حااااقه ..فجروا نفوخي ...يالله عييد مره تاااانيه متصدعنييش..
سيف : استاااااااذ والله حراام علييك ..انا متعب نفسي وقاعد اسمع لك وفي الاخير تقولي انك ماا سمعت ماا يخصني كيفك والله ..
المدرس: خلااااص يااااااا ولااا غووووور من وشي الساعه دي...هاااااا 9 من 10 كويس قده ...يالله غووووور.. يالله الى بعدووه ...
سيف قاااام واشوى كاان بيطيح من الارض من الضحك على غباء المدرس...
نهاية الجزء