منتديات حلم دبي - عرض مشاركة واحدة - ــــ @...: أعـــــز النــــاس :...@ ـــــــــ

**نور المجد** · 04-07-2005, 05:52

"الجزء السادس"

" في المول"
حميد ومحمد كانوا يتمشوت في المول ....وكل اشوى يدخلون محل ..ما يشترون شى ...بس يتفرجون على الرايح والراد...
محمد: حميييد...
حميد: (حميد ما كان منتبه حقه)..................
محمد: حمييييييييييييد (يدزه على كتفه)..
حميد: هاااااااااااا ... شووتباا
محمد: الحين انا صار لي ساعه اتكلم وانت ماا ادري وين هوى دارك..
حميد: يااا ابووك هوااى شلته هالغرشووبه يعلني ماا اخلاا منهااا ....شوف االمشيه دخييلك غزااال ..يااااويل حااااالي انا ...
محمد: وينهاااا .....(قعد يطالع المكان الى يطالعه حمييد) ...هذي ....اخ علييييييك صدق انه ماا عندك ذوووق...
حميد: اسكت ..اسكت انت ماااا اتعرف حق االغرااشيب ...خلني اتمتع ...
يرن تلفوون محمد...وشاف انه بيتهم اهماا الى متصليين...وحميد مب منتبه حقه..
محمد: الوووووو
افنان: الوووو ..هلاا محمد ...
محمد: هلااافييج ..هاا شوبغيتي شى ؟؟
افنان: هيه ...امااايه تسأل انت ويينك الحين... ومتى ناوي ترجع البيت ؟؟.
محمد: انا في المول وياا حميد ولد عمي ...ومتى برجع عااد ماا ادري ....(قطع كلام محمد ..صوت حمييد واهو يزقره)
حميد: يااااااااويلي انا على الغزااااال الى لابس عيناااوي ...حمود دخييلك خلنااا انرووح وراها الا ارقمهااا اليوم ....فديتها وفدييت مشيتهااا...(ومايحس حميد الا بضربه قويه على راسه من محمد )....اييييييي شووفيك انت ..ينيييت..(حميد حس انه محمد يكلم احد من اهله وقفط وكان خايفة تكون افنان )
محمد: اقوول افناااااان ..انا بسكر الحين ..مشغول ..لا بغيتوا عشا من برا ولا شى دقو على زييين ..
افنان: ................................
محمد: افناااااااااااان ..اكلمج انا ليش ما اترديين شووفيج؟؟؟
افنان: هاااا ... لااا ما فيني شى ..
محمد : سمعتي شوو قلت لج؟؟..
افنان: هيه سمعت ...يالله في وداعة الله ..
محمد : في وداعة الرحمن...مع السلامه...
سكر محمد عن افنان وعلى طول طالع حميد بنضرت قويه وكاان معصب..
محمد: انت اشفيييك ...يعني ماا قدرت تصبر لين اسكر التلفون ...فضحتنااااا جدام اختي..
حميد: وانت ليش ما قلت لي انك كنت قاعد تتكلم في التلفوون ...
محمد: انته امرره من اتشووف هالغراشييب ...تنسى نفسك ...ما ادري شوو الى يعجبك فيهم كله صبغ ...
حميد: اقووول ..قوم قووم خلنا نرووح البيت ..مالى خاطر اقعد( حميد كان متضايق لانه حس انه افنان سمعت الكلام الى قاله حس بإحساس غريب ..احساي بالذنب)
محمد: اوكي يالله خلنا انرووح...
وااهما في طريقهم طالعيين من المول..وقبل ما يطلعون محمد قال يبي يشتري شى حق غاليه وعاليه موصينه اييبه حقهم ....وقف عند واحد من المحلاات ودخلوا ....مرت عليهم شلت بناات...وكل وحد احلا عن الثانيه بس بالميك اب ماا يندرا اذا خوزوا الميك اب شو بيصير.....قعدو يطالعون محمد و حمييد ..البنات مشوا الا بنتين تمو واقفين
روضه: يااا ويلي انا ...شوفي هذاك بو سفره حمرا ..والله انه يهبل ..(كانت تقصد محمد)
وله: وععع صج انه مااا عندج ذووق ...قومي خلنا انرووح ...
روضه: رووحي عني ..والله ماا اطلع من اهني الا ارقمه ....
وله: شوو اترقمييينه انتي ...من حلااته ...يالله خلنا انرووح تاخرنااا...
روضه: يالله عاااد...حرام علييج ...والله انه دخل خاطري...
وله: اوووف ..زيين يالله ابسرعه ..امشى ...
مشوا البنتين ودخلوا المحل ...وقعدوا يطالعوا حميد ومحمد....روضه لما شافت حميد ابتعد عن محمد راحت وقفت عداله...
روضه: لوو سمحت...
محمد : نعم اختي في شى...
روضه: (بدلع) مممم بغيت منك طلب بس اخااف اتردني فيه...
محمد: ما عاش الى يردج اختي قولي شو بغيتي...
روضه: بغييت ..اتعرف علييك ....والله اني من اول ماا شفتك دخلت خااطري ...
محمد: (سكت وماا عرف شوو يرد علييهاا...).....
وفي الجهه الثانيه من المحل حميد كان يتمشى وبالغلط دز وحده ...وطاح الى في ايدها ..وقعدت اتلمه...
وله: وعمى يعمييك ....حشى تمشى وانت رااقد شوو....
حميد: لااا وانا متسدح هههههههههه..
وله: بااااااااااااايخه.....مع هالويه..
حميد: احسن عن ويهج يالخسفه ...طالع كله صبغ ...اتحدااج تروحين الحين تغسلين ويهج وبنشوف الجماال الطبيعي ...اشك عااد اذا كان فيه جماال ولا ماكنتي حطيتي كل هالصبغ..
وله: خسفه مرتك يالسبااال ....ومحد طلب راايك ..صج قلة ادب...
حميد: اي انتي تكلمي عدل لااااا احووس بج في المحل واخلى الى ما يشتري يتفرج....
وله: دخييييييلك خرعتي ....ابي امااايه ...بصيح ...
حميد: اووكي الحييين بتيج اماايه لاا اتصيحييين....بس والله وعلى هاللحيه والله ما اخييج تروحين البيت الا وانتي اتصيحيين ...
وله: الى ماا اتواصله بإيدك وااصله برييلك ...يالله اقلب وييهك..
مشت عنه وحمييد تم وااقف ويفكر كييف يخلييها نتدم على الكلام الى قالته ....طلع من المحل وقعد يمشي جدامه رايح وراد ....حس انه في احد يطالعه ...تم يطالع كل الجهاات ..شاف ولد اصغير واقف ويطالعه وكان مااسك في ايده زقاره ويدخن...استغرب و...راح لعنده...
حميد: السلام عليكم..
الولد: وعليكم السلام..
حميد: شوو اسمك انت؟؟؟.
الولد: سعود
حميد: عاشت الاسامي يا خاالد ...وكم عمرك..؟؟.
سعود: عمري ..8 سنوات...
حميد: العمر كله ..مب جنك اصغير على التدخين...
سعود: ليش التدخين يباله عمر..ترا اهو مضر للصغاريه وللكبار بعد
حميد: صح كلامك بس عااد انته عاادي عندك انك تمرض ..مب فارق عندك هالشى..
سعود : هيه وشووفيها ...احسن بعد علشان اموت وافتك من هالدنيا..
حميد: بعد الشر علييك مب زيين تقول هالرمسه ...(حميد استغرب من رمسة الولد ..برغم انه عمره صغير بس عقله عقل وااحد عمره ما يقل عن خمسين سنه)...الساعه الحين 11 المفروض تكون في البيت وراقد بعد ..باجر عندك مدرسه..
سعود: ...................
حميد: شووفيك.؟؟..ليش سكت ...؟؟صاير شى عندك في البيت؟؟..
سعود: ابوى طرني من البيت...
حميد: ليييش طردك من البيت ..شوو مسوي ؟؟..
سعود: سرقت من عنده فلووس ...
حميد: وانت ليش تسرق من عند ابوك فلووس ..ليش ما طلبت منه واكييد اهوو ماا بيقصر معااك...
سعود..اطالع حمييد وابتسم ابتسامة سخريه ...طفى الزقاره الى في ايده وشعل وحده ثانيه وقعد يدخن ...
سعود: ماا بيقصر عني ...والله ضحكتني ....انا سرقت علشان اشتري اكل حق خواتي ..صار لنا اسبوع ماا ناكل غير الخبر ...البيت ماا فيه شى فاضى وخواتي كل يوم يروحون المدرسه بدون بيزات ولا ريوق ...(دمعت عين سعود وما قدر يكمل ...وقام بيمشى عن حميد بس حميد مسكه من ايده وراحوا يقعدون في الكافيه ...
حميد: ممكن تطفي هالزقاره الى في ايدك ....
سعود طفى الزقاره ...وتم منزل راسه يصيح ....قام حميد و رفع له راسه ومسح له دموعه ...
حميد: سعود ..بس لا اتصيح انت ريال ....طالعني ...قولي ...انته وين بيتكم ..؟؟.
سعود: بيتناا في (..........) ....
حميد : والله ....زييين ابوك شو يشتغل وامك ويينها عنكم ...
سعود: ابوى مايشتغل ....متقاعد ..وامي متوفيه صار لها كم سنه الحين...
حميد: الله يرحمها ...زييين انتوا كم عددكم في البيت؟؟.
سعود: احنااا خمسه ...اربع بناات واانا الخاامس...هند ..عمرها 15 سنه ...نور 14سنه ...دانه 10سنوات ..فجر 5 سنوات ...
حميد: الله يخلييهم انشاءالله ....ومنو يصرف عليكم ويطبخ لكم ..كيف عايشين حياتكم ...
سعود: اختي هند اهي الى ما خذه بالها منا ...اهي امنا بعد ما ماتت اماايه ...
حميد: زيين انت من متى طردك ابوك ...
سعود: من يوميين ...
حميد: والله ....عييييل وين رحت ويين رقدت هاليوميين ..
سعود: كنت اقعد ورا البيت ليين تي الساعه 3 ...بعدين اختي هند لما ينام ابوى تفتح لى الباب ...وقبل لا يقوم البس ثيابي واطلع من البيت...
حميد: تطلع من البيت تروح المدرسه وبعد ماا ترجع من المدرسه وين اتروح...
سعود: ومنوو قالك اني اروح المدرسه
حميد: عيل وين اترووح...
ارووح اللقط قواطي الى طايحه جدام الدكاكين ومن الشارع لين ياذن المغرب وبعدين ابيعهم
حميد: والعثررررره ...شوو الى كالفنك تلووى في الظهاري ...والشمس فوق راسك ....حراام علييك نفسك ..مب زيين علييك..
سعود: ( اهني سعود انهاار وقعد يتكلم واهو يصيح ) ..شوو تبي اسوي ..اخلى خواتي يموتون من اليوع ...انت اتعرف قبل لا احصل هالشغله ...كنا ماا ناكل ..والله العظيم ..بس خبز يااابس ...نيبه من بيت ايرانااا ....نحطه في صحن ونقعد ناكل ونشرب عليه مااي .. ولما خلص ماا عرفت شوو اسوي قمت وسرقت افلووس من عند ابويه واشترييت فيهم اكل واشويت اغراض حق خواتي ...ولما عرف ابوي ضربني وطردني من البيت ...مااا عرفت شوو اسوي ..غير هالشغله على الاقل احصل لقمه حقهم ياكلونها ...
حميد: (حميد مااقدر يستحمل تزلت من عينه دموع ماا عرف شو يرد عليه االولد عنده حق يسرق ) ...خلاااص هدي نفسك انت الحيين ....وانشاءالله الله بيحسن الحاال ...
سعود: اليوم ما قدرت ايمع شى ...مااقدرت امشي ...الشمس كانت واايد حاره ... والحين مب عارف شو اسوي ..اختي تنتظرني اييب حقهم اكل ...ييت المول كنت ناوي اسرق بس خفت انكشف ويدخلوني السجن وخواتي يتغربلون من بعدي...
حميد: ماا علييك لا اتحااتي ..الحين بنشتريلهم اكل ..وبنرووح انوديه انا وانت ...مسح ادمووعك ..ما ابيك اتصييح ..خلك ريااال ...
سعود: انشاءالله ..
حميد : ما قلت لي ...ابوك ويين يودي افلوسه ؟؟ اكيد يطلع له فلوس من التقاعد ...
سعود: يشتري فيهم هالسم الى يشربه ....
حميد: يسكر ...
سعود : هيه يسكر وماا يرجع الا نص الليل ..
حميد : زيين انتوا ماا عندكم اهل ..خال او خاله او عم ..او عمه ..
سعود: امي هنديه ...ماا عندها اهل اهني ..اهلها كلهم في الهند...وابوي ..مقاطع اخوانه ...واصلا حتى لو مب امقاطعهم اهماا ماا يحبونا ...ولاا يبون يشوفونا ....
حميد: لا حول ولا قوة الا بالله ..ولييش ما يبونكم شوو مسوين حقهم ..
سعود: علشان امي هنديه ..اهماا ما كانوا راضيين انه ابوي يتزوجها ....بس ابويه كان يعرف انه ماافيه وحده بتقبل فيه ..لانه سكيير ...قص على امي ..وتزوجهاا ...واهي ما قدرت تستحمل العيشه معااه ..من القهر مااتت ...وخلتنا نعاني ...يرييت كانت خذتناا وياهاا ...
حميد : استغفر الله ...هذي مشيئة ربك ماا يصير نعترضها وهذا يومهاا ..الله يرحمهاا ...
سعود : الله يرحمهاا ...
حميد: خلااص يالله قوم معاي .. بنادي ارفيجي وبناخذ لنا اكل وبنوديه حق خواتك اوكيي..
سعود : انشاءالله (خالد كان مستحي ..عزت عليه نفسه انه يقبل بمساعدة حميد ..بس ماا كان بإيده شى ..علشان خاطر خواته يسوى اى شى ) ...
حميد الحين كان قايم مع سعود...واهما ماشيين شاف البنت الى كانت تكلمه(وله) وما شيه معاها وحده ..
حميد: اقوول خاالد ..طلبتك طلبه قول تم...
سعود: تمم ماا عاش الى يردك ...
حميد: تسلم ....تبي الصراحه انا خاطري اضحك ...ابيك تروح عند هذيك البنت الى شايله جنطه حمرا ..وتدزهاا بكل قوتك ...ابيك اتطيحهاا تحت ..اتفقنا ..
سعود: مممممم اتفقناا ...
راح سعود واهوو يركض وبكل قوته دز وله .. وطاحت على الارض ...شكلهاا كان يموت من الضحك ....حميد ...مااقدر يستحمل ...تم يتلوى ويمسك بطنه من كثر الضحك ...ووله شافت الولد الى دزها واقف عند حميد وعرفت انه اهوو الى مطرشه ...قومتها ارفيجتهاا ..واهي ماا استحملت قعدت اتصيح ...الكل كان يضحك على شكلهاا ...وصووت الشباب واهما يضحكون وااصل لبرا الشارع .....طلعت وله وروضه من المول ...اما حمييد ...مسك سعود...وقعد يمشي معاه ..لين وصلوا لمكان محمد ...خذوه وحكى في السياره حق محمد سالفة خالد ....خذو عشى في طريقهم وخذو كم غرض حق المطبخ ..وراحواا لعند بيت سعود ..وقفوا لعند باب البيت ...
حميد: يالله قوم بنزل الاغراض ابسرعه قبل لا ايي ابووك ...يالله ابسرعه ..
سعود : انشاءالله ....
خذو الاغراض وحطوها في نص الحوش .....واهما ينزلون الاغراض اتبهوا على وحده متغشيه يايه تمشى ابسرعه ووقفت عندهم ..
هند : انتوا منوووو ..شو اتسوون في بيتنااااا ...شتبون يايين(شايله عصا في ايدها)..
سعود: خليهم هذوولا ربعي ..
هند : انته تستهبل ..شوو ربعك هذيلاااا اكبر عنك بسنيين .. من ويين عرفتهم ولييش يايبهم ..الحين بيي ابويه وبيذبحك من الضرب اذا شافك اهني ومعاك هذولي بعد ..
حميد : اختي ..لاا اتخاافي احناا الحين بنرووح بس الله يخلييج اقبلي هالأغراض منا ....وديري بالج على خالد ترا اعياال الحرام ماا يخلون احد في حاله ..
محمد: اسمحي لنا اختي احناا الحين بنرووح بس خذو الاغراض من اهني قبل لا ايي الواالد ...
حميد: يالله سعود احنا بنروح الحين بس دير بالك على نفسك
مشا حميد ومحمد وطلعوا من البيت وركبوا السياره ووقفوا ابعيد عن البيت حميد ما رضا يروح كان خايف على سعود والى زاد من خوفه ..بعد ما طلعاو من البيت بعشر دقايق حصلوا واحد سكران يمشي ليين دخل نفس البيت قالو اكيد هذا ابوهم ...
سعود وهند وباقي خواتها قاموا يشيلون الأغراض ويودونها غرفتهم علشان لا يشوفها ابوهم و قبل لا بدخلت ابوهم عليهم لكنهم كانوا مخلصين بس ابوهم انتبه لوجود خالد في البيت ...
ابوسعود: انتتتته شيـــــــ ..شيـــايبك اهنــــ ني ...انااا مااا قلـــــ تلك...ما ابي اشوف رقعت ويـــ هك يالحـــراامي...
هند: حرااام عليك ابوى سعود بعده اصغير وين تبيه يرووح...وين تبيه يناام ...
بوا خالد: اتتي اسكتـــ ي مااا ابيي اسمـــ ع ابي اسمع صوتــــ جج فااهمه ....خليييه يرووح من اهنـــ ـي انشاالله ينااام في الشارع ...مــا اربــي حراميه انا في بيــتــ ي ....
سعود : اذا انا حرامي ..انته شوو اتسمي نفسك ...انته وااحد سكير ومال مخدرات ...على الاقل انا سرقت الفلوس علشان خواتي الى مب لاقيين لقمه ياكلونها .. لكن انت ...يالسكير وييت تودي افلوسك ...تصرفها على هالسم الى تشربه...
ابوسعود: سعوود واوييعه انشاءالله ...(عطا سعود كف على ويهه ومسكه من ايده وقعد يضربه ...)
هند: ابوياااااااااا حرااام علييك خله والله مااسوا شى ....علشان خااطررري خله بيمووووووت ...
ابوسعود: قوومي من جـــ ــدامي انتي ....انا لااازم أأدب هالولد الى مب متـــربي ....الله يااا خذك ويا خذ اليوم ..الى يــيــت فيه هالدنياا ..اطلع براااا لاا بارك الله فيك من ولد ...

سحبت هند سعود عن ابوه وركضت فيه للحوش ....وكان تعبان من كثر الضرب مب قادر يمشى عدل ...كان يصيح من الويع وخشمه كان ينزف ...حاولت طلعت براا البيت ....وووقفت فيه عند الباب مب عارفه شو اتسوي ...وين اتودييه ...حميد ومحمد كانوا واقفين بعدهم واول ماا شافوهم طالعين وواقفين عند الباب راحوا بالسياره لعند البيت ..وننزلوا..
حميد: والعثررررررره شوو هذا ...منو سوا فيه جي ....(سعود على طول طاح في حضن حميد وكان بيموت من الصياح) ...بس خلاااص لا اتصييح ...ليكون ابوك سوا فيك جي ...
هند بعدها كانت واقفه عند الباب واتصيح ....ومحمد ما قدر يستحمل المنضر قام وركب السياره وادموعه بدت اتطييح غصب عنه ...الموقف الى صار يصييح الى ماا عنده احساس ولا يحس...
هند: الله يخليييكم خذوه من اهنييي ...ابويه بيذبحه ...الله يخليييكم لا اتخلوونه ابرووحه ......
حميد: لا اتخاافين اختي اخوج في ايدي امينه (شال حميد سعود على كتفه الى كان حاضنه بقوه ويصيح وبدون قصد طاحت عينه في عين هند وانبهر جمالها كانت عيونها نااعسه ..وبياضها ملفت للنضر وقصتها طايحه على عينها .)....انا راح أخذه عندي البيت اليوم ....وباجر يحلها حلال ...بس انتي ديري بالج على خواتك ..وادخلي البيت الحيين ...ولا اتحااتين..
ابو سعود : هندووووووو ...هندووووووووو وصمخ اكلاااااب ..ويينج ..ويين رحتي ..تعالي ييبي لي ثلج ابسرعه ...
هند: يالله سعود ..خاللك ويااهم وانت ياا اخو الله يجازيك انشاءالله ..دير بالك على خالد...
حميد: انشاءالله ..
ركب حميد السياره وكان محمد الى يسوق لانه سعود كان متعلق في حضن حميد ومارضى يفجه ...كان يصيح بطريقه فضييعه ..حميد على باله انه سعود يصيح من الالم ..لكن سعود كان يصيح من القهر على العيشه الى عايشنهاا ....
وصل محمد حميد بيتهم وخذا السياره معاه.....دخل حميد البيت وكان سعود على كتفه ...مع انه سعود كان ثجيل عليه بس اهو ماحس بهالشى ..كل الى كان في باله انه يحسسه بالاماان ...دخل حميد الصاله ...وكانت امه وسيف طبعا قاعديين اهنااك اما راشد فكان راقد اهو ومرته وبنته ....وخلود في غرفتها كانت اتكلم افنان بالتلفون ...
حميد: السلام عليكم ..
الكل : (منصدم) وعليكم السلام والرحمه...
ام راشد : (وقفت في مكانها ) ...منو هذا الى شايله بإيدك ...
سيف : اكييد ولده ....عيل ويين امه السيلانيه ههههههههههه
حميد: لم ثمك انت وخلك سااكت مب ناقص بياختك انا اليوم ...(نزل سعود من كتفه وحطاه يمه في الكنبه الى قاعد فيها)..
ام راشد: لييش ما اترد على منو هذا الولد ومن ويين يايبه...والله لوو طلع ولدك يا حمييد ..لا انت ولدي ولاا اعرفك ....
حميد: والخييييبه ليش كل هذا ..وبعدين منو قالج انه ولدي......هذا ولد واحد من ربعي ...قالي اخلييه عندي الليله ولا تساليني ليش ...باجر بقولج ...والحيين ابي احد يجهز له فراش في غرفتي ..لاني تعبان وبسير يرقد
ام راشد: شوو شايفني جداامك علشان تقص على ..احلف انه مب ولدك ....
حميد: لا الله الا الله ...هذا مب ولدي ..والله العظيم انه مب ولدي...الحين بتجهزولي فراش ولا لا ...
سيف: شووفيه جي ويه جنه مضروب ...وخشمه ليش ينزف ...(خذ كلينكس ومسح الدم من خشمه ) خذ امسك امسحه عدل..
ام راشد: حلييله لييش جي خاايف ...واعيوونه مورماات ..شكله جنه صايح...
حميد : ماافيه شى يمه خلووه الولد تعبان ويبي يرتااح ..باجر انشاءالله يصير خير...
سيف : ( يكلم سعود) ..انته شسمك؟؟
سعود : اسمي سعود..
سيف : عاشت الأسامي ياا سعود....(كان عنده حلاوفي ايده ..) تبي ؟؟
سعود : هز راسه بالإيجاب ...وعطاه سيف الى عنده كله ....قام وقعد ياكله بصوره فضيعه جنه صار له سنه مب ماكل ...
سيف: حمييد ...شووفيه مب متعشي اهوو ..شكله يوعاان ..(حميد على طول طالع في ويه سعود وشافه يوم ياكل الحلاو)..
حميد: سعود ..انته تعشيت ..
سعود : لا
حميد : والله .(معصب ) ..ولييييش ما قلت لي ....جان اشتريت لك اكل واحناا يايين ...
سعود: .............
حميد: سيف اذا ماعليك امر ..شوف له اي شى ياكل ..
سيف: حااااااضرين والله حق الطيبيين ...الحين اييله شى ياكله ..
قام سيف وياب اكل حق خالد ...قعد ياكل اهوو وحمييد ...وبعد ما خلصوا كل واحد راح غرفته ينام ....وسعود من كثر التعب والالم ما قدر ينام ..وكان تفكيره كله في خواته ......حميد نفس الشى ما قدر ينام كان يفكر كيف سعود صابر على عيشته مع ابوه كيف قدر يستحمل الضرب ...كيف ماا ياكلون مثل الناس ..وليش ابوهم جي ...اسأله واايد كانت تمر في باله ...وماقدر يلاقي لها جواب ....