الجزء السابع"

"بيت ابو راشد"


الصبح سعود قام من وقت ..طلع من غرفة حميد وقعد يتمشى في كبر البيت ..كان شكله منبهر من كبر البيت والأثاث الفخم الى فيه ..مشى لعند الصاله فتحها شاف ام راشد كانت قاعده اهنااك وسيف عدالها ..كان يتريق .
ام راشد: هلااا والله ..تعاال يا ولدي ...تعال تريق...
سعود:.................(تم ساكت وماتحرك من مكانه)..
سيف: تعاال لا اتخااف ....مب يوعاان انت ....تعاال ااقعد يمي..
سعود مشى لعند سيف وقعد عدال ام راشد وقعدت اتاكله ..حميد لما قام من النوم شاف المكان الى كان نايم فيه سعود فاضي استغرب ...وخاف ...وين ممكن يروح ؟؟ليكون هرب من البيت ؟؟..كل هالأسأله واكثر كانت في بال حميد...نزل بسرعه للصاله ...اول ما فتح الباب ..ارتاح قلبه ...سعود كان قاعد يم امه ..(ام راشد) ..واهي كانت اتاكله .....تم حميد واقف عدال الباب يطالع شكل سعود واهو مستانس لان امه اتاكله ....انتبهت ام راشد على وجود حميد ...
ام راشد : حمييد ..اشعنه واقف عند الباب ...تعال ادخل تريق يا ولدي...
حميد: انشاءالله امايه بروح اسبح والبس ثيابي وياي ...
سيف : صج انك خديه ....جان سبحت وبعديين نزلت .....
حميد: انته محد طلب رايك ....خل اقتراحاتك حق نفسك ....(مشى عنهم وراح غرفته)...
سعود : ههههههههههههههه
سيف : افااااااااا يا سعود تضحك على ..وانا قلت بنصير ربع وقلت بخليك تلعب بالبلى ستيشن مالي ...خلاااص خل حميد ينفعك شوف منو بيخليك تلعب...
سعود: شوو هاا اللعبه انا ما اعرفها .....؟؟؟
سيف:الحين في احد ما يعرف البلي ستيشن .....خلااص انتظرني بس ارجع من المدرسه بنلعب اوكييك
سعود: اوكييي.....
ام راشد : يالله عيل قووم ....شوف الساعه كم صارت الحيين ...بتتاخر عن المدرسه...
سيف : انشاءالله اماايه ...
وقبل لا يقوم سيف دخلت عليهم ريان بنت اخوه ....كانت الخدامه يايبتهاا..
ام راشد: هلاااا والله فدييت انا هالويه الصبوحي....تعالي فديتج...
سيف: رياانواا يالدبه شمقومج من الصبح...
سعود: (يدز سيف على كتفه) ...منو هذي؟؟
سيف: ( واهو يقوم من مكانه) ....هذي ريان بنت اخوى راشد...
سعود: حلوه تشبه اختي فجر...
سيف: والله!! عندك اخت هالكبر؟؟..
سعود : يعني اكبر عنها بشوي ..بس تشبهاا ..واايد ..وشيطانه بعد..
سيف: عااد الشطانه لاا تتخبر عنهاا ...هذي ماخذه الشطانه الى في العالم كلهاا ...
ريان : ايييييب (عيب)....يالتبال ..(يالسبال) ....
سعود: هههههههههههه قويه ...سبال مره وحده...
سيف: جب يالدبه .....(مسكهااا وقعد يلعوزهاااا ...واهي تضحك)...
ام راشد: خل عنك ورووح المدرسه ....بعدين ما بيدخلونك....يالله بسرعه...
سيف: انشاءالله اماايه......يالله بااي سعوود..
سعود: باي
ريان : باااي ..أمي(عمي)...
سيف: باي يالدبه...
طلع سيف وراح المدرسه ...اما سعود ....قام وطلع من الصاله وراح يقعد في الحوش ....وريان قعدت تريق مع يدتهااا.....نزل حميد من غرفته ودخل الصاله ....قعد يتريق ....وسال عن سعود قالت له امه انه طلع يقعد في الحوش .....خلص ريوق وعلى طول راح برا...حصل سعود قاعد في واحد من الكراسي الى كانت في الحوش ...وكان ماسك في ايده زقاره ....راح لعنده وقعد يمه...
حميد: انت من متى بديت اتدخن؟؟؟
سعود : ( بعد ما انتبه لوجود حمييد ....نزل راسه ) ....من طردني ابويه..من البيت..
حميد: ومتى ناوي اتبطلهاا ...؟؟
سعود : (لف بويه على الجهه الثانيه) ..ما ادري..
حميد: عيل منو يدري؟؟؟
سعود: ..................(سكت وما رد عليه) ...
حميد: على الأقل اذا انت مب خايفه على صحتك وعلى نفسك خاف على خواتك ..انت اتعرف انه ابوك مب مهتم فيهم ولا سائل عنهم يعني مالهم غيرك سند ...اهماا بنات لاحول لهم ولا قوه ...وانت اتعرف ترا اعيا الحرام ما يخلون احد في حاله ...لاازم تنتبه حق نفسك وحق صحتك ..علشان خواتك ...والا انت ناوي تصير نفس ابوك يشرب وياخذ مخدرات ....الله العالم اذا امسكوه الشرطه شوو ممكن يصير فيكم ...
سعود: وانا شوو ذنبي اتحمل المسؤليه ...انا بروحي اصغير ...عمري 8 سنوات ..ابروحي محتا ج احد يحاتيني ويخاف على ..ويهتم بأكلي وشربي ....(بدت اعيونه تدمع ..طفى الزقاره ونزل راسه )...
حميد: (قعد يمه وخذاه في حضنه) ....والله اني حااس فيك وعاارف انك بعدك اصغير على المسؤواليه بس ماا باليد حيله ...خواتك مالهم غيرك ...
سكت اسعوود وماا قدر يتكلم ....حمييد ...حاول انه يهديه ..بس ما قدر ...قام وخذاه لين الغرفه ..وقعد اهنااك ..وحميد ..نزل وراح حق شغله ...

"في المدرسه"
سيف والى اهوو زعييم الصف كان توه دااخل المدرسه وطبعا كالعاده متاخر عن الحصه ....دق باب الصف ...ودخل ...
سيف: السلااااااااااااااااااااااام عليييييكم جميعااا..
الكل : (قاام الكل ووقف في مكانه يردون السلام ) وعلييييكم السلااااااااااااام ورحمة الله وبركااااااااته...
سيف: كيف حالكم ....؟؟
الكل: بخييييييييير والحمدلله...
سيف: كيف اصبحتم....؟؟
الكل: اصبحنااا واصبح الملك لله والحمدلله ولاالاه الا الله والله اكبر..
سيف: جلوووس ...
الكل : شكرا ...
كل هذا صار والمدرسه وااقف عند الصبوره ويطالع سيف مستغرب ...اهو لما دخل الكلاس سلم وقعد يشرح والكل مب منتبه ولا احد عطاه سالفه...ولما دخل سيف ...سلمو عليه ..مشى سيف بيروح مكانه ..بس المدرس زقره

المدرس: ولاااا ياااااا سيف ...رايح فين؟؟..
سيف : بقعد مكاني استاااذ....
المدرس : مكاانك هناااا يا اخوياا(يأشر على كرسيه اهو)...تعالي اوعد مكااني واشرح الدرس كماان ياا اخوياا...
سيف : لااااااااا افاااااااا منو يقول هالرمسه ....اقعد مكانك عااد ....انا زين جان افهم الدرس تبي بعد اشرح لهم (الكل ضحك على كلام سيف )...
المدرس: بس ياا ولااا منك ليييه ...داتكو داهيه...وانت غوور من اودامي السعادي ...خلوني اكمل الدرس
سيف: وانا شيخصني انت الى ناديتني وقلت لي تعال ..(طالع سيف مكان علي وحصله فاضي ) اقووول الاااا وين علووه ماايا اليوم..؟؟؟(مشى وقعد مكانه والمدرس مسك على راسه ..قاعدين يسولفون ولاكانه موجود ولا كانه توه محتشر)
محمد: مااا ادري والله غريبه مب بالعااده يغيب ...
عبدالله: (ساكن عدال بيت علي ) ...تسال عن علووه ....؟؟
سيف: هيه والله صح انته ساكن عدال بيتهم ...ما اتعرف ليش ما ياا اليوم؟؟.
عبدالله : علوووه مسكييين ...امس انا كنت واقف عند الباب مع سليمان اخوى ...وشفت اخوه الكبيره شايله على كتفه ...خفت انا عااد ولما سالت اخوه الصغير قالي انهم حصلوه طايح في الغرفه...
سيف: (مستغرب وصووته قام يرتفع).. والللللللللللللللله ... .. زيييين الحين اهوو ينه بعده بالمستشفى ولا طلعوه...؟؟؟
عبدالله : لااا ما طلعووه ...سالت امايه اليوم الصبح وقالت لي انه بعده في المستشفى ..قلت عاد اليوم بسير بزوره انا والربع ..بتي معانا؟؟
سيف : لاااا انا بعدييين برووحي بسيرله ...(سكت سيف وقعد مكانه ...وطول الحصه.. كان يفكر في علي ...وبالى صارله ..مستغرب اهو بليل كان مرمسنه وماكان امبين عليه التعب ....)
يات الفصحه وسيف ما قام من مكانه ...متضايق ...اشوى ويحس باحد حاط ايده على عينه....
سيف: شوف عن المصاخه ..تراني مب متفيج ....قوم عني لا اقووم واحط حرتي كلها فيك..
علي : .......................(يضحك عالخفيف)...
سيف: يالله عاااااااااااااد والله بدييت اعصب ترااني ...شوو هالمصاخه..
علي: فديييييييييييييتهم انا والله ...شووفيه القلب امعصب اليوووم...(خوز ايده عن عين سيف وعلى طول سيف من سمع صوته قام من مكانه)
سيف: علووووووووه يالسبااااااااااااااااااااااااال ...كيف انته ياي اليوم وعبوود توه يقولي انك في المستشفى..
علي: ههههههههههههههههههههههههههههه ....انا قلت له يقولك جي ...عسب اني كنت بتاخر ..فقلت له لاا سأل عني سيف قوله جي ..ههههههههههههه... راحت علييك ياا صاحبي ..
سيف: مااااااااعليييه ياا عبوود ....والله اني طول الوقت قااد افكر...كيف في المستشفى واانا كلمته بليل وما كان فيه شى ....قامت افكاري اتودي واتييب ....خسك اللله يالسبااال انته ويااه ...ماا عليييه ....هذي ثاني مره تقص على فيها ...
وبدخلت عبدالله الصف وكان شايل في ايده2 سنويتش وعصير...وعلى طول قام سيف وقعد يركض وراه بكبر الكلااس بس لانه عبدالله كان متيين ..ف ماا قدر يركض تعب ووقف ..وقام سيف يضربه واهوو ميت من الضحك....
في حصة مدرس التربيه الإسلاميه ...الكل كان تعبان وهلكاان وماالهم خاطر يرمسوون ...الااا وااحد خبل ...قام وطرش حق سيف رساله علشان يطالعه...سيف قرا الرساله وقعد يطالعه..
سيف : (بصوت خفيف) هاااا حموود ..شو عندك...
محمد: انا ابي اسوى شى عااادي؟؟؟
سيف: شو بعد تبي اتسوي شى ؟؟..لا دخييلك رووح الحماام ماافينااا على الروايح...
محمد: الله يااا خذ بلييسك يالطفس ....مب جي السالفه....
سيف: عيل شوو يالله ارمس سندرت راسي ..
محمد: انا ملاان وابي اشوى شى عاادي؟؟.
سيف : شوو تبي اتسوي ؟؟؟وبعدييين ليش تستاذن مني ؟؟.
محمد: تستهبل حضرتك ..تراك انت رئيس الصف بعد شوو؟؟؟ الحين شوو عاادي اسوي هالشى؟؟؟
سيف : يااا ابوى سواااا الى تباااه صدعتني...
محمد: زيييييييين حلووو...
سيف نسى السالفه وقام يكلم علي ...والمدرس يشرح ...والباقين ..الى نايم ..والى يسولف ...والى ياكل ....وطبعا ماا ننسى الطلااب الدحييحه ...الى منتبهين على الشرح....اشوى وصووت رشاشاات ..جنه في هجوم قصف على الصف ..والكل قام يتراااكض والمدرس اولهم ......بس شكلهم كان يفطس من الضحك ..الى قام ينط من الدريشه والى طاحوا عند الباب ...والمدرس يصرخ
المدرس: ايييييييييييييه ده ....واللهي معملتج حااقه ...مين ..الى شايل مسدس ....ايييه ..الله يخلييكواا ..ماتاتلونيييييش ...
سيف وعلي ....كانواا طايحيين عند الباب ويتقلبوون من الضحك مب قادريين يشردوون من كثر ما يضحكون على شكل ربعهم والمدرس الى زيين ماا ياته جلطه ..

سيف: هههههههههههههههه وااااااااي دخييلك ...علوووووه بطنيي بموووووت ...شووف طالع شكل المدرس ههههههههههههههه..
علي : (ضحكته عجييبه ...يضحك ويصرخ بصوووت عالي )....هههههههههااااااااااااااااااااي ..واااااااي ...مب قادر ...واااااااااااااااااااااااااااااااي ...بطنيييييييييييييي ....هههههههههه شفت عبود كيف علللق بالبااب ...ما خلا الباقيين يطلعوون ...هههههههههههه
سيف: ههههههههههههههههه ....واااااااااااههههههههههههههههه.....واي وااي ....منو سواا هالحركه ....(قعد يمسح دمووعه) ...ليكوون حموود ....اويييييه والله انه هذا خبله بيودينا في داهيه ..وانا اشوفه يقولي ابي اسوى شى ..وانا ماا فهمت شوو قصده..
علي: زييييين عيلل ....الحييييييييين بيوديينا عند المدير ...ماا ادري شو بيسوى فينااا ..
سيف : الله كرييييييم ...يالله قوووم قووم اشووف عيبتك القعده اهني...
علي : يالله زييين قووم..

....وبعد كل هالى صار ..المدرس طبعا راح حق المدير وقاله كلي الى صار ....وقام زقرهم كلهم في مكتبه.....دخلوا كلهم ..
الكل : السلام عليكم...
المدير و المدرس : وعليكم السلاام..
المدير: سيف ...بما انك رئيس الصف ....ممكن تقولي منو الى سوا هالحركه البايخه ونقع شلق في الصف؟؟.
سيف: والله انا حالى حالى الباقيين ..ابروحي اتفاجات من الى صار ....
المدرس: لاااا والله تبي اتفهمني انك ما اتعرف منو الى سوا هالشى ..
سيف : هييه نعم مااا اعرف منوو...(طبعا بين الاولاد عندهم عيب انه الواحد يخبر على الثاني..ويفتن عليه)..
المدير: اوكيي ....اونتوااا محد منكم يعرف ؟؟.
الكل سكت محد قال شى ...
المدير: اوكيييه ...يالله انتا ويااه ...باجر بنقفل الصف ومحد بيدخله ليين تقولوا من الى سوا هالحركه ...والحيين يالله براا ماا ابي اشوف رقعة ويهكم اهني ..يالله انت ويااه
الكل طلع من غرفة المدير وقعدوا يتمشون لين خلص وقت الدواام..وكل واحد راح بيته....

"في التقنيه"
عبدالله كان قاعد في الكلاااس ...يشتغل على البروجكت ...اشوي وتدخل عنده اون لاين في المسن...كانت اتكلمه بس اهو ماا كان يبي يرد عليها ..


: السلام عليكم ورحمة الله وبركاته..“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: وعلييكم السلام ورحمة الله وبركااته..
: شخبااارك عبدالله ..انشاءالله احسن الحيين؟؟.“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: توج تتذكريني ...؟؟صار لي الحين شهر من طلعت من المستشفى توج تتذكرين تسالين عن حالي ...

: حراااااام علييك عبادي والله اني كنت تعبانه من خوفي عليك ..“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: لااا تتحججين لي ..خلااص انا ماا عااد يهمني سوي الى تبينه ..انتي ولاا شى بالنسبه لى ...فاهمه ولا شى ...

: ..........(تمت ساكته لانها بدت تبجي) ...“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: انا ابيييييييج تنسى اني كنت في يوم من الايام احبج ...ماا ابي اعرف عنج ولاااا شى ..

: حراام علييك ليش كل هذاا ..انا شوو سويت لك ...والله حرااام ..“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: ماا سويتي شى غير انج خنتيني ....لا ولج عين بعد تردين اتكلميني ..صج فإن لم تستحي ففعل ماا شئت..

: حرااااااام علييك والله ماا خنتك والله انا كنت اللعب علييه ما كنت جاده ويااه“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: جبب ....انتي ما تستاهليين حتى الى سويته علشانج انا ندماان ...انتي وحده حقيره..

: عبدالله صدقنيي والله احبك ....اموووت علييك انا صدقني..“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: جوفي ...انا كل شى عندب ولا الخيانه ...انا اخلصت لج وحبيتج ..بس انتي طلعتي مب قد هالثقه والإخلاص ...

: زيين عطني فرصه ثانيه ..اثبت لك فيها حبي لك ...الله يخليك لاا تتركني“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: الله يستر علييج وعلى اهلج ....خليني في حالى ..وانا اوعدج اني ماا اقول حق احد ولا افضحج ...انا عندي خوات واخااف علييهم..ف ابعدي عن طريقي ..انسي انج في يوم عرفتيني..

: خلاص على راحتك ...بس بغيت اطلب منك طلب .وارجوا انك ما اتردني فيه.“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: (حاول انه يهدي اعصابه ويكلمها يهدوء) ما عاش الى يردج اطلبي ..ارقبتي سداده..

: ممكن تشل لي شله ....والله هذا اخر شى اطلبه منك ...لاا تردني ...“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: انشاءالله ....ما يصير خاطرج الا طيب...بس ما بقدر اشغل المايك لانه خربان بتصل بج الحين وبشل وبسكر على طول..

: اوكي ..مثل ماا تبي ...تسلم“@#${{مـــــــــــلاك}}”@#$

&@#((رحــلتي ومن بقــــى ويـــاي..يحــس بضحكتي وبــكاي))#@&: الله يسلمج ...

: بااي ...“@#${{مـــــــــــلاك}}”@#$

سكر عبدالله المسن ..عن ملااك ...واتصل فيها بالتلفون ..وقال حق ربعه الى بالكلاس انه بيشل شله ..واستاانسوا ...وقعدوا ساكتين يسمعوون...ردت عليه ..وعلى طول بدا يشل ...

عبدالله:

فـــــرصه سعيده وافترقنا على خير
كــــــنت اتمنى اتكون قسمة حياتي..
هـــــــــذا نصيبي والى جنته المقادير
تــــــبعد وانا ابعد في سكون وسكاتي..

حــــاولت اداري واملك الحب ليطير
لكـــــن جروحه في الصدر دامياتي
دون السبب ماتت جميع المعاذير
لاحــــــول ياحب غدا بالشتاتي...

حـــــــــــــب يتيمن ذوبته التفاكير
مـــــاتت غصونه وانتهى بالفواتير
والله لو يشكي الجفن بالتعاسي
لكــــان يشكي دمع جرح شفاتي

ذكــــراك هذي وانتهت دون تفسير
صــــارت تتسمى ماضي في ذكرياتي
فـــــــرصه سعيده جمعتنا على خير
خــــــــــــــلك بقايا ساكنه ماضياتي


لما خلص ..سمع صوتهااا واهي تبجي ....ماا قدر يستحمل وسكر التلفوون ....وجمع اغرااض وراح البيت.....


"في بيت ابو راشد"

سيف كان توه راجع من المدرسه ...دخل البيت ...شاف سعود قاعد في الحوش ويدخن ..اشتغرب ..وانصدم ...ما توقع انه هالطف الصغير يدخن ..حتى ماكان امبين عليه هالشى ...راح لعنده ..
سيف: سعوووووووود....انت اتدخن؟؟؟؟؟؟؟؟؟؟؟
سعود: (اول ما انتبه حق سيف طفا الزقاره)......اشوى بس ..
سيف: انت مينووووون انا الى اكبر عنك ماا سويت جي ....مب زيين اتدخن ..والله مضر حق صحتك..
سعود: .........................
سيف: ليش ساااااكت ....منو علمك اتدخن ؟؟..ليكون ربعك..
سعود: لاااااااا محد علمني ..انا بروحي حبيت اني ادخن..
سيف: وشوو الى خلااك اتسوى جي ....
سعود: ولاااا شى ....(تم ساكت اشوي) ....سيف حميد متى بيرجع..؟؟
سيف: ماا ادري والله يعني بعد ساعتين تقريبا ..ليش تسال ؟؟؟
سعود : ابي اروح بيتنااا...ابي اشوف خواتي ...
سيف : عندك خوات انت ...؟؟
سعود : هيه عندي ....
سيف: تبي اوديك ولااا تنتظر حميد لين يرجع البيت؟؟؟
سعود: انت تقدر اتوديني ؟؟؟
سيف: هيه اقدر ..عاادي اذا تبي ..الحين بنروح انا وانت مع الدريول ...
سعود: يالله عيل خلناا انرووح الحييين ..والله اني ولهاان عليهم واايد..
سيف: اوكي بس ابدل اثيابي .....ثواني وبنزل لك..اوكي
سعود : اوكي بترياك اهنيي..
راح سيف غرفته..بدل اثيابه ونزل وقبل لا يطلع مر على المطبخ خذ له عصير وطلع ....حمد ربه انه امه مب موجوده في البيت في هالوقت ..لانها لو عرفت انه طلع اول ما رجع من المدرسه ...راح تزعل عليه...طلع سيف وخذ معاه سعود...وراحوا بيتهم وفي الطريق حكا سعود حق سيف عن قصته وحياته وكيف كان عايش...لما وصل عند الباب ..سعود خاف ينزل ..خاف انه يكون ابوه موجود....ف نزل سيف ...على اساس انه يسال عن ابوه ..اذا طلع موجود ..بيشرد اهو وسيف وبيرجعون البيت ...واذا مب موجود بينادي سيف وبيدخل...دق سيف الباب وتم واقف عند الباب ..لين يت هند وفتحت ..الباب ...اول ماا فتحت الباب ...تمت تطالع سيف ..بطريقه غريبه وسيف ما كان منتبه...هند انتبهت لنفسها نه تطالعه بطريقه غلط..(سيف كان لابس بنطلون رماادي ...وقميص ابيض عليه حركات بالرمادي ...وكان حاط نضاره شمسيه...ولابس كاب رماادي) شكله كان امبين انه ولد عز...
هند: احم احم ..نعم اخوى بغيت شى ...؟؟
سيف : (توه انتبه لوجود هند ..اول ما طالعهاا تم سااكت انعجب بجمالها ..الهادىء. مع انها كانت متغشيه.) ...هاااااا ..
هند: اقوولك بغييت منو انت؟؟؟
سيف: هااااااااا
هند: هيييييييه انت عن المصاخه بتقول شو تبي والا اسكر الباب ...؟؟.
سيف: هاااااا.....بلا بلا بقوول ...(شال النظاره من عينه وبينن عيونه العسليات) ....مممم هذا بيت(......).
هند: هيه نعم هذااا بيت(..........)...
سيف: زيين بوخالد مووجود الحيين في البيت؟؟؟..
هند: لااا مب موجود....
سيف: احـــــسن...
هند: نععععععععم ..
سيف: لااااااا قصدي اقوول زيين ...علشان في واحد يبي يشوفج..
هند: ايييييييي انت وين تبااا شو بعد وااحد يبي يشوفنيي.. يالله انقلع من اهنيي احسن لك..لااا اييب العصا واخرطك فيهااا..(ياات بتسكر الباب بس سيف مسكه)..هييي شو اتسوي انت؟؟.
سيف: شووفيج ليش خايفه ...ماا بسوي فيج شى انا ...سعوود اخوج يبي يدخل يشووفكم ممكن ولا لا؟؟
هند: والللللللللللللله ..وييييييييينه ...ماا اشووفه ..
سيف: لحظه الحيين بنااديه
نزل سعود من السياره وعلى طول طاح في حضن اخنه هند وقعد يصيح ....واهي ما قدرت تستحمل وقعدت اتصيح....
هند: فدييييتك ...سعودي شخبارك...(تمسح له دموعه)...؟؟؟
سعود: انا بخير...ويين فجر ونور ودانه...ابي اشوفهم...
هند: والله تولهت علييك واايد...الحيين بناديهم لك...(قعدت اتصرخ عليهم علشان ايوون..و.سيف كان واقف عدال سعود)...
سيف: منو هااي ؟؟.شو اسمها.؟؟
سعود: هااي اختي اسمهاا هند..
سيف: والله ...كم عمرهاا وفي اي صف..؟؟.
سعود: ماا ادري يمكن 15 سنه....بس اهي ما اتروح المدرسه ...
سيف: والله ؟؟؟؟ليييش (وقبل لا يرد عليه سعود يو باقي خواته ..سلموا عليه ...وقعدوا يرمسوون وسيف خلاهم وراح يقعد في السياره وقاله انه بيترياه اهنااك . واهو دخل مع خواته...هند قعدت تسال سعود عن سيف..
هند: سعوود منو هذا الى ياا ويااك؟؟؟
سعود: هذا سيف.. اخو حمييد الى رحت وياه انا البارح...
هند: اهاااا ....وحميد وينه ..ليش ما هوو الى يا معااك..؟؟
سعود: حمييد في الدوام ..انا وسيف طلعنا قبل لا ايي...
نور: خلاااااااص هند ..بسج من التحقيق معاه .خليه يرووح قبل لا يرجع ابوى ..ويسويله سالفه.....
دانه: سعود دير بالك على نفسك ....يالله رووح ...
هند: هيي والله ..مافينا ...يالله سعود قووم ...روح الريال يترياك براا..
سعود: زيين الحين بروح بس ..ابي اشوف فجر وينهاا..
هند: فجر داخل راقده ..تعباانه من يومين ...وابوى مب راضي يوديها المستشفى ...وانا مب عارفه شو اسوي
سعود: حراام ...زين ليش ما وديتيها انتي ...مع تاكسي ...
هند: ومن ويين اييب فلوس التاكسي ...خلهاا على الله..يالله روح انت الحين وانشاءالله فجر بتصير احسن..
سعود: لااااا حراام اتخلونهاا جي ..ييبيهااا .اانا بوديها مع سيف المستشفى ...
دانه: انته ينيييت تبي ابويه يذبحنا ..واذا سأل عنها شنقوله...
نور: خله يسوى الى يبيه انشاءالله يذبحناا...ولا تبونا انخليها اتموت..
هند: ( هند تمت ساكته اتفكر شو اتسوي)....
سعود: هااا شو قلتي...يالله تأخرت على الريال.....يالله يبيهااا ..وقبل لا يرجع ابويه برجعها..
قامت هند وراحت للغرفه ..بدلت اثياب فجر ويابت بطاقتها مالت المستشفى ..ولفتهاا بفوطه....ودتهاا لين السياره...سيف اول مااشافهم يايين نزل من السياره..
سيف : منوو هذي؟؟..شوووفيهاااا..؟
هند: هذي فجر..اختي صار لها يومين مريضه وماا خذناها المستشفى ...الله يخليك اخوى خذها ..انت واسعود ..وديروا بالكم عليهااا ...بس اذا ممكن تخليهاا ..لين المغرب عندك لانه ابويه ما باقي شى ويرجع البيت ..وما بيطلع غير المغرب..
سيف: (خذها من ايدها وشالها) انشاءالله اختي لا اتحااتيين..يالله سعود ..بسرعه تاخرنااا..
سعود: اوكي ...يالله هند ...مع السلامه..
هند : مع السلامه ودير بالك على فجر...
راح سيف مع اسعود ..وخذو فجر المستشفى .....عالجوهاا ...وكانت الساعه تقريبا ..4 العصر ...وحمييد من رجع من الدوام وما حصل سعود في البيت واهو الشياطين الى في راسه كلهم اطلعواا .(قاعدين في الصاله) ..اوم راشد ...تبجي خايفه على سيف الى دخلت غرفته وشافت ملابسه اهنااك بس اهو مب موجود ..واهوو مب متعود يطلع من البيت من دون ما يخبرهاا ...
ام راشد: ياااا ابوى رووح شوف اخوك ..دور عليييه....الحين يات الساعه 4 واهو للحين ماا رجع ..
حميد: الحين انا ويين وانتي ويين ..سيفواا ماا ينخاف عليه ريال ...لكن الخوف على سعود ..ما ادري ويين راح..
ام راشد: حراام عليك هذا اخووك ..يمكن اخطفوه ..ولاا شى .روح دور علييه...
حميد: امااايه ..منو هالمينون الى بيخطف ابعيير ..من زيينه يعني ..وبعدين حتى لو اخطفوه ..تلاقي حتى ساعه ما بيكمل عندهم ...والله لا يرجعونه في نفس اليوم....قال يخطفونه ....ما ادري على شو...(وقبل لا يكمل كلامه .دخل سعود مع سيف ..الى شايل فجر بحضنه ...وكيسة الدوا...
سيف: السلام علييكم...
ام راشد: سيييييييييف ولدي ويين كنت ...ليش ما خبرتني قبل لاتطلع ؟؟؟...
حمييد: (مشى ابسرعه لعندهم ) .انتووو ويين كنتووووووو ...ووين رحتوا..صار لنا كم ساعه اندور عليكم...
سيف: والخييييييييييبه ..شووفيك خذتنا بمشراع وميداااف ...خلوني ارتاح اول بعديين اقوولكم..
حميد: شوو ترتااح ...وبعديين منو هذا الى شايله بإيدك( ما كانت امبينه عدله)..؟؟؟.
سعود: هذي فجر اختي....
حميد: ( بعصبيه )...انته رحت بيتكم ؟؟ليش ما انتظرتني لين ايي وادييك؟؟
سيف: (قعد على الكنبه وحطا فجر في حضنه)..خل الولد في حاااااله ..انا الى قلت له بودييك بيتكم...الولد توله على خواته وقال يبي يشوفهم ..(ناادا سعود علشان يقعد يمه)..
ام راشد: خوااااااته !!!!! شوو السااالفه....اشعنه مااا خبرتوني انه عنده خوات...(طالعة حمييد) ..ليش ساكت شوو السالفه ...من ويين انت يايب هالولد ...
حميد: امااايه بعديين بخبرج الحييين خليني اعرف سالفتهم ..يالله تكلم ...
سيف: ماشى ..سالفه .....كل الى صار انه سعود كان يبي يشوف خواته ..وقال انه مافيه يصبر لين ماا حضرتك اتشرف ..قلت له اوكي ..انا ببدل اثيابي ..وبيك ..رحنا بيتهم ..وشاف خواته وسلم عليهم ..بعدين قالوا حقه انه اخته الصغيره صار لها كم يوم مريضه ...وما ودوها المستشفى ...ف خذناها معانا وديناها المستشفى ..ويناا على طول هذاااا كل الى صاااار ..بس ارتحت الحيين.....
حميد:ويالذكي ..لما ابوهم يدري انها مب موجوده ..شو بتسوى ساعتهاا..تبي اتطيحناا بمشااكل انت..
سيف: امااايه اذا ماا عليج امر ممكن تاخذين البنت علشان ترقد داخل ...
ام راشد: انشاءالله ....بشوف شو اخرتهاا معااكم انا ...هااتهاا عنك ...(حذتها وطلعت من الصاله)..
سيف: اخته الكبيره قالت انرجعها المغرب لانه ابوهم بيكون محد....ولا اتخااف اهوو ما بينتبه انها موجوده ولا لا ...زيين اهوو جان دري عن نفسه....
حميد: ( ماا عرف شوو يقوول ..رضى بالامر الواقع) ...والحين شوو قالوا حقك شوو فيها البنت؟؟
سيف: والله تبي الصراحه حالتهاا ما اتسر...الطبيب قال انها محتاجه رعايه طبيه..البنت عندها ..انيميا حاده(فقر دم) ..وسوء تغذيه...وطفح جلدي...وهذا غير الإلتهابات الى سببتهاا الحشرات والباعوض الى في بيتهم..
حميد: والعثرررررررررره ..كله هذا ... حراام والله ..شوو هالأبو الى ما عنده رحمه... والله انه ماا يستاهل انه يكون عنده اعياال ...
سعود: يعني فجر بتموت.....
حميد: لاااااااااا انشاءالله ...فجر ما فيها الا كل خير ..لا اتخااف ....

بعد كل هاللى صار حميد خذا سعود غرفته..وقاله يقعد اهنااك ..لين اهو ينادييه ...وقال حق سيف ينادي كل اخوانه وامه ..حتى مرت اخوه ...ويخليهم ايون الصاله الا عبدالله كان راقد وما رضى يقوم.. ....وبعد ما تجمع الكل ...قام حميد وقال حقهم كل سالفة سعود وعايلته ....وما خلا شى ..كل الى يعرفه عنهم قاله حقهم ...واهني كل واحد قام يبدي رايه...
راشد: بس يا حمييد الى سويته غلط ....كيف تاخذ الولد واتيبه معاك ..يمكن ابوه يشتكي عليك.؟؟.
حميد: اقولك ابووه واااااحد سكير ومحشش ....تقولي يشتكي على ...اهوو اذا فيه خير بس يوقف عند باب مركز الشرطه والله حراام لاا يسجنوونه مؤبد ....وبعديين ابوه ضربه وطرده من البيت ولا يعرف عنه شى ..وين ياكل ..وين يرقد ....مب هاامه حتى ...وانت لو شفت منضره اهو يصيح والدم الى ينزل منه جاان والله بجييت معااه ...
راشد: والله ...والخيييييييييييبه ....شو هالابو ...والله ماا عنده قلب ..حشى جي يسوى في اعياله ..
ام راشد : (اعيونه قامت ادمع من كلام حميد) ...ومنو يربيهم ..ومن وين ياكلون ..وكيف عايشين؟؟.
حميد: ما عندهم غير هالاخت الى عمرهاا 15 سنه ..اهي الى قايمه فيهم ...والأكل ترا مره من عند ايرانهم ..ومراات ماا ياكلون شى ....لا عندهم لا عم ولا خال ولا شى ...وامهم هنديه ومن قهرها على عيشتها مااتت..
سيف: حميد ..تدري انه البنت الكبيره مااا تدرس ..ابوهاا قعدها في البيت علشان تخدم خواتهاا ...
خلود: واللللللللله ...حرااااام ..ليش جي عايشيين ....والله مب امصدقه انه في ناس ..جي عيشتهم ...
حميد: هذا شوي بس ..عيل ....والله لو شفتي المنطقه الى عاايشين فيهاا ...حراااااام لااا تموتين من البجي ...والله ماا ادري شو اقول لكم ...
ميره: والبنت الصغيره ...فجر ..شوو بتسوون فيها الحين؟؟؟ بترجعونهاا حقهم مره ثانيه؟؟.
راشد: هذاا المفرووض ......حتى الولد لازم يرجع ...ماافينا على المشاكل..
حميد: شتقول انت ..والله ما خليته يرجع ..وبعديين ابوه طارده ماا يبيه ...يعني لو شافه مره ثانيه بيذبحه ...
ام راشد: بسم الله علييه لاا يذبحه ولاا غيره ..خله عندناا .اانا حبييته والله هالولد...خلوه يعييش عندنا لين الله يسهلها...
خلود: حتى البنت لاا اترجعوونهاا ..والله حراام ..شكلهاا يكسر الخااطر ....وبعديين يبالها اثياب ...واكل مثل النااس ...الله يخليكم خلوها عندناا ..لين تصير زيينه..
سيف: ويييييييين تبين انتي ...على بالج فلم هندي اهوو ...احناا لازم انرجعهاا ...قبل لا يحس ابوهم انهاا مب موجوده....
راشد: خلاااااص احنااا بنخلي سعود عندناا ....وعن الباقين ...احس انا لازم نساعدهم ...
ميره : شو رايكم ..اليوم بروح انا وخلود ..السوق وبنشتري حقهم كلهم اثياب واكل واغراض للبيت ...وباجر انا وعموه بنسير في وقت يكون ابوهم موجوده وبنقوله انه ناس خبرونا عن حالتهم و انهم محتاجين مساعده ويبنالهم اغراض واهو اكيد ماا بيقول لا....والبنت انتوا رجعوها اليوم ..اما سعود مثل ما قلتوا خلوه هاليومين عندناا ...
حميد: اقتراااااااح عجييييييييييييب ..
سيف: ويييييييييي علييييييييج بنت عمي ..من وييين يبتي هالمخ ...ما احييدج اتفكرين ...افكارج كلهاا عن الاكل ...
راشد: اييييييييي حووووووووو لاا تغلط على مرتي ما اسمح لك....بعدين اهي امبونهاا ذكيه ...مب شرااتك يالقوطي ..
ميره : فدييييييت ريلي انا ..الى ماا يرضى على ..
حميد: خلااااص يالله بنبدا التنفيذ من الحين لانه ماا عندنا وقت .....انا باخذ سعود وبشتريله اغراض وانتوا خذو حق الباقيين ..
ام راشد : وانا بقعد مع البنت لين تيوون ....
راشد: خلاااص واانا باخذ ميره وخلود وبنروح السوق ...
خلود وميره : اووكييييييك ..
خلود: يالله احنا بنسير نتجهز عيل ..
سيف: افاااااااااا وانا شسوي ...؟؟
حميد: انته اقعد اهني.امي ماا بتقدر على فجر وبعد عندك ريان دير بالك عليييهم لا تنسى اتبدل لهم اثيابهم زييييين بابا هههههههههههههه
الكل: ههههههههههههههههههههه
سيف : كها كها كها كها ..باااااااااايخه ...اصلا انا امبوني ماا اقدر افارج امايه فديييتهاا ..(وباس امه على راسها )
صار وقت النفيذ والكل راح ..اماا سيف ...اخذ ريان يوديها الجمعيه ...كانت اتصيح بعد ماا راحوا عنها امها وابوهاا ...ف علشان يسكتها قال بيرشيه بشوية كاكاو ....وفجر قامت من الرقاد ...وكانت هاديه ماا صاحت ولا استغربت من المكان الى اهي فيه ..بالعكس ..تمت قاعده مع ام راشد ..الى قعدت اتاكلها علشان تقدر تعطيها الدوا..عبدالله كان توه قايم من الرقاد واستغرب انه البيت هادى في هالوقت مب بالعاده..نزل تحت وراح الصاله شاف ام راشد ما كانت اهناك ..بعد ما غسلت فجر وعطتها الدوا خلتها في الصاله وحطت جدامها لعب وقامت راحت المطبخ تسوى العشا ...عبدالله استغرب من وجود هالبنت ..شكلها كان امبين انها مريضه ..راح وقعد عدالها..
عبدالله: (شلها وحطها في حضنه)..شوو اسمج انتي يا حلوه؟؟
فجر: (ابتسمت له)..فجر
عبدالله: الله عاشت الأسامي يا فجر....هذا الدوا مالج؟؟
فجر: (هزت راسها بالإجاب)..
عبدالله: انتي مريضه؟؟..(حط ايده على يبهتها)..وين يعورج.؟؟
فجر: (حطت ايدها على بطنها)..منيه..(وبعدين اشرت على راسها). و.منيه..
عبدالله: والله .... واايد يعور...؟؟
فجر: (هزت راسها وتمت حاضنه عبدالله)..
عبدالله: فدييتج شووفييج..؟؟
دخلت ام راشد وشافت عبدالله يلاعب فجر..حاولت انها تاخذها من ايده علشان اتشربها ماي بس فجر ما رضت تروح عندهاا...
عبدالله: فدييييتهااا ..خليهاا عندي انا بعطيها (قعد يشربها )...تبين بعد..؟؟
فجر: لااا...
عبدالله : خلااص عيل خلنا نلعب اوكيييي فجوره(ضحكت فجر)..
عبدالله من كثر وناسته على البنت نسا يسأل امه ..بنت منو ...بس اهو ما اهتم بهالشى ..المهم ان البنت استانست معااه ...واهوو فرااحاان واايد ....في احساس في داخله ..خلاه يحب هالبنوته ..كل الى كان يفكر فيه انه يخليها تضحك وتستانس لانه ومع انها تضحك حس بنبرت حزن في ضحكتها وويها كان حزيين مع انها تضحك ومستانسه...


شو بيسون سيف وربعه لما بيون المدرسه وبيحصلون باب الصف مقفول؟؟؟؟
بيعرف الابو بأنه في وحده من بناته مب موجوده؟؟واذا عرف شو ممكن انه يسوى ؟؟ مكن يخلي ميره وام راشد يودون الاغراض حق البنات؟؟
حميد شوو بيسوى مع سعود وتدخينه للزقاير ..؟؟وبيقدر انه يفارق سعود بعد ما تعلق فيه؟؟
عبدالله ....شو اللإحساس الي حسه تجاه فجر البنوته؟؟بيقدر يفارقها ويخليهم يرجعونها؟؟
افنان..هل راح تتطور العلاقه ما بينها وبين حمييد؟؟؟
هند برايكم انعجبت في منو ؟؟
وله ..شو ممكن تسوى في حميد ولا انها راح تنسى الى سواه فيها؟؟؟
محمد......شو الى صار بينه وبين روضه.؟؟ رضى انه يتعرف عليها.؟؟
سيف..بيخلى سعود ياا خذ حب امه عنه؟؟
كل هالأسأله رااح تتوضح مع الأجزاء اليايه..