"الجزء الثامن"


"في بيت ابو محمد"



افنان كانت في غرفتها ..تسمع محاضرة "وغارة الحوراء" مشغلتها من اللاب توب مالها ....وكانت مندمجه فيها واايد...دخلت عليها اختهاا ..غاليه ...شدتها القصه الى كان يحكيها المحاضر . نست اهي ليش يايه عندها ...وقعدت تسمع ...واندمجت اهي بعد ..يات وقعدت يمها في السرير..اشوى وانتبهت افنان لوجوده غاليه ...وقفت المحاضره...واطالعة غاليه..
غاليه: لييش بندتيييييييييييييه ..خليييييييييييه ابا اعرف شوو صااااااااار..
افنان: انتي متى يتيي اهنيي ..متى دخلتيي....؟؟
غاليه : هيييييي صح ذكرتيني ....انا كنت يايه اناديج علشان ...سيف ولد عمي يايب ريان بنت راشد ...
افنان: قولي والله ؟؟؟..وليش ما تكلمتي من مسااااااااع ..(قامت بتطلع من الغرفه)
غاليه : تعااااالي ويين رايحه ابي اكمل المحاضره ...
افنان: بعدين بعديين بشغلهاا لج ...يالله طلعي ..
غاليه : لاااااااااا ابا اسمعهاا الحيين ..يالله عااد...
افنان: انزييييييين شغليهااا ..انا بسمعها بعديين..(وطلعت عنها وسكرت الباب ...وغاليه شغلت المحاضره وقعدت تسمعها)..
عاليه كانت قاعده مع سيف ...وشايله ريان وقاعده اتلاعبهاا ...
عاليه: رياااانه ..عطيني حلاااوه..
رياان : مااا ابااا ...
سيف: مالقيتي غير هالدبه الى تعطييج...(سحب الحلاو من ايد ريان وعطاها حق عاليه )
ريان: ماااااااالي ...يييييييييب ...(قعدت تبجي...قامت من عند سيف وراحت عندعاليه وقعدت تضربها واتمط شعرهااا)..
عاليه: اااااااااااااااااااااااي ..خلاااااص خذيهااا مااا ابااها .....هدي شعري....
سيف: ههههههههههههههه ...خيييبه ما حلاوه هذي سوت فيج جييي....(راح يبي يسحب ريان عن عاليه) ..تعاالي هدي شعر البنت .....(مسك شعر عاليه بس حس بإنه سوا شى غلط وهده)
ريان: مااااااااابااا ...حلاو مااالي ....
عاليه: خلاص ياا ابوج خذي ..ذبحتيينااا...(ريان متمسكه حيل بشعر عاليه ومب راضيه تفجها)
سيف: يالله رااياانوو قومي بنرووح البيت ..اخر مره اطلعج زيين ...(مسكها وعقعدت اتصيح)
دخلت افنان الصاله سلمت على سيف..وخذت ريان وقعدت اتلااعبهاا
افنان: حياالله من يااناااا ..هلا وغلا ب رياااان ....شخبارج؟؟
ريان: خيير(بخيير)
افنان: شخباارك سيف .. اخبار الدراسه معااك؟؟
سيف: والله تمام امشي الحااال..
قعدوا يسولفون ... بعدين طلع سيف وخذها ريان معاه...وافنان رجعت الغرفه اما عاليه ف قعدت تتطالع التلفزيون لكنها كانت سرحانه ...تذكرت سيف وكيف حست برعشه بجسمها لما مسك شعرهاا ......غاليه نزلت الصاله شافتهاا قاعده كلمتهاا لكن عاليه ماا ردت عليها ...يات في بالها فكره ....راحت لغرفتها ..ورجعت الصاله ..وكانت لابسه عبايه وقفازات سود ..وشيله امغطيه فيها ويها كله ..يعني ما يبين منها ..شى ...دخلت الصاله وراحت ووقفت ورا عاليه ..وحطت ايدها على كتفها ...وقامت اتحرك ايدها ..عاليه حست بشى ...على كتفها قامت ومسكت الإيد وشالتها من عليها وردت تتطالع التلفزيون ...جنه ماا صار شى ...بس بعدين انتبهت لهالشى ..ولفت راسها بحركه بطيئه ..شافت شى اسود ..وقعدت اتصرخ ....وغاليه قامت تتقرب منهاا واتحاول تمسكها من ارقبتها جنها بتذبحهاا ووعاليه اتصرخ ومب قادرت تتحرك من مكانها...غاليه ما قدرت تتحمل شكل عاليه وقا مت تضحك وشالت الى كانت لابسته....ولما عرفتها عاليه قعدو يترابعوون بكبر البيت ...

محمد كان قاعد في غرفته ...كان على وشك انه يطلع من البيت ...بس تلفونه رن ..وشاف انه رقم غريب ...ف رد عليه..
محمد: الووووو
روضه: الووووووو..
محمد: منو معاي...
روضه: افاااا ما عرفتني ..
محمد: لااا للاسف ماا عرفتج ....ليكون انتي السفيره عزيزه وانا ما ادري..
روضه: لااا وانت الصاج ...عاايشه المرطه ....(وقعدت تضحك)..
محمد: هاهاهاهاهاها ....سخييييييييفه ...بتقولين انتي منو لا اسكر في ويهج...
روضه : زيين انت ليش امعصب حبيبي ...هدي اعصاابك ..مي زيين لك العصبيه...
محمد: حبتج بعاارييين انشاءالله ....ما ادري انتي منو يحبج ...ابوى انتي رووحي عقي بلاج على وااحد ثاني انا مب فاضي حق السخافه ...يالله بااي
روضه:لحظه لحظه لااااااااا اتسكر الله يخلييك....
محمد: نعم ...
روضه: انته صدق ما عرفت انا منو؟؟؟
محمد: ليش الشيخه ..المفروض اني اعرفج يعني؟؟
روضه : ما تذكر هذاك اليوم تلافيناا في المول ...وكنا في نفس المحل ...؟؟ساعتها انا كلمتك وطلبت اني اتعرف علييك بس انت ما رضيت ..
محمد: بلاااااا تذكرتج ....بس انتي من وين يبتي رقمي ؟؟؟
روضه : والله الي يسأل ما يتوه..
محمد: والله زيين عيل روحي كملي ادواره ..واسالي عن وااحد ثاني يتحملج ويتحمل بياختج(سكر التلفون في ويها ..وطلع من البيت لانه كان مواعد حميد في المول)..

"في المول"

حميد كان في المول يشتري اغراض حق سعود ...وكان متواعد اهو ومحمد علشان اهو ماا كان يعرف في هالسوالف ويبي محمد يساعده....حميد لما شاف انه محمد اتاخر راح مع سعود ودخلو واحد من المحلاات ..وقعد يختار له كم تي شيرت وكم بتطلون ومن هالسوالف .....اشوى ويحس انه في احد متعلق بريله ...طالع ماا شاف احد ...ورد ينقي ...بس بعد مره ثانيه حس انه في احد يشده من كندورته ..طالع تحت شاف بنت اصغيره..
البنت الصغيره: (تبجي) ..بااااااااااباااااا ....يوعانه ...
حميد: (في خاطره يقول" انتي من ويين طلعتي لي ..") ...لااا حبيبتي انا مب باااباا ...
البنت الصغيره: لاااااااااااااااا انته بابا ....(وقعدت تضربه واتصيح)
حميد: غصب اهوو...... انتي مع منو يايه اهني
البنت الصغيره: ثليييييييييييييني(شلني).....بابا ...ثلييييييينييي
حميد: شوووو...وين اشلج بعد...(اسعود كان واقف ابعييد عنه بس بعدين يا وقف عداله يراويه الى اختاره)
سعود: الللللللللللله منوو هذي ..
حميد: هههههههههه شدراني انا ..تقولي بااااااااباااا..
البنت الصغيره: (تبجي واتصرخ بصوت عاالي) ...باباااااااااااااااا ثلينيييييييييييييييييي..
حميد: بس يبوووووج فضحتيناااااااااا....وين بعد تبيني اشلج ...يااهي حاله(قام وشالها على كتفه)...هااا سعود خلصت ...يالله بنحاسب وبروح اودي هالبنت عند السيكيورتي...
سعود : هيه خلصت....
حميد حاسب عن الاغراض وطلع من المحل ...واهوو طالع الاا بدخلت محمد عند باب المحل تلااقووا..و كانوا بنات بيدخلون المحل..
محمد: والخييييييييييييييييييبه ...طلعت متزوج وعند ولد وبنت ....والله لو اتعرف امك جاااااان قلبت علييك الدنيا...ههههههههههههههههه (يضحك على شكل حميد الى كان منصدم ..)
حميد: شوووف قوووم من ويهي الحييين لا افرك بهالبنت ....(نزل البنت تحت ومسكها من ايدها)..يالله امشي قدامي خلنا انخلص ...
البنت الصغيره: لاااااااااااااااااا مااااااالييد
حميد : ( قام و حطى البنية عند السيكيورتي ) تمي اهني لين ايي باباتج
البنت الصغيرة : (تبكي وهي متعلقة برقبة حميد) لاااااااااااااااااااااااا ماليد ماليد لاااااااااااااااااا
حميد : (يحاول اخوز ايد البنية من رقبتة ) لا ااااااااا حبيبتي روحي بودونج عند باباتج ...
حاول انه يروح يبعدها عنه لكن ماا قدر.. ف قال حق محمد يروح يشتري حق سعود باقي الأغراض واهو بيقعد عند البنت لين يحصلون اهلها ...واهو كان واقف يلاعب البنت اقتربت بنت لعندهم وكانت مب متغشيه ..حميد ما انتبه حقها بس البنت الصغير قامت اتنادي بإسم واتطالع وراه ...التفت لورا وشافها ..
حميد: انتي كل يوووم امطيحه اهني في المول ماا عندج اهل يقضبونج ...(يحطي ايده على راسه جنه يفكر) لا والمشكله انه البارح بس ...طايحه جدام العالم واضحكوا علييج...بعد على الأقل غطي ويهج...صدق انه كرامه مااشى هالاياام..
وله: وانت شو يخصك... ليكون ريلي وانا ماا ادري؟؟..وبعديين انا ماا نسيت الحركه الى سويته واعرف انه انت ورا هالشى لكن صدقني والله مردوده ..اذا مب اليوم ف في يووم من الاياام
حميد: شووووو ...ريلج....عاد ما لقيتي غير هالتشبيه ..والله لو تكوني انتي أخر بنت في العالم ...اتم عزابي ولا آخذج..وبعديين الى ما اتواصلييه بريلج ..وااصلييه بعصايه...ههههههههههههه
وله: دخييييييييييييييييلك يعني انا الى الحيييييين خلاااص بمووت علشان تاخذني ..من زيينك
البنت الصغيره: وله وييييييييييين مااامااتي ....ابي ماامااتي(وقعدت اتصيح)..
وله: تعااالي(نزلت البنت تحت على الأرض وصفعتهاا حييل على ويها.. ) ..انا كم مره قلت لج لاا تبعديين عني ..ما تفهمين الرمسه الى تنقال لج انتي...(البنت الصغيره على طول شردت من عندها وتمسكت في حمييد..
حميد: والعثررررررررره حراااااااااام علييج هذي اصغيره ماا تفهم ...مب زين علييج جيي تصفعينهاا..
وله: انت مااا يخصك اوكيي (راحت ومسكت البنت من ايدها ويرتهاا حييل)...تعااااااااالي طوفي جداامي
وله كانت متعمده انها تضرب البنت جدامه علشان تبي اي شى يحره...حمييد تم منصدم من الى صار ..ما توقع انه يشوف هالبنت مره ثانيه..صدق انهاا لووح ..امس طايحه جداام النااس واليوم رجعت شووو هالكرامه..
حميد على طول راح لعند محمد وخلصوا الاغراض ورجعوا البيت على طول ..ومحمد رجع بيتهم ...

في البيت حمييد لما رجع اهو وسعود لقوا عبدالله قاعد في الصاله يلاعب فجر وامه كاانت قاعده عداله اترمس سيف...الى كان حاط ريان على ريله واهي ما خلت حلاو ما فتحته ..خيست اثيابه..
حميد: السلام علييكم..
ام راشد: وعليكم السلام ياا ولدي...هاااخلصت شريت الأغراض..
حميد: هيه اماايه الحمدلله خلصناا...(طالع عبدالله) ..وهذاا شوو عنده حتى السلام ماا رد علي ...
عبدالله: وعليكم السلاااااااام والرحمه..
حميد: زييين انك ردييت..
ام راشد: ياا ابووك هذي حالته من نزل وشاف فجر ...ماا تم شي ماا سواه حقهاا...حصان ..قطو وماا اعرف شوو ..وكل اشوى يغير صوته شكل ...وانا الا اسولف بروحي ....مع سيف واهو مب معاانا..
حميد: ههههههههههههه والله انك ياا عبدالله ...مستاانس على فجر ..
عبدالله: هيه عشووووون عييييييييل ...والله انهاا عجيييييب وحبوووووووبه ..فدييتها(باسها على راسها)..والله ضحكتهاا عجييييييييبه وناااااااااااسه..
سيف: مستانس وبس ....اقووله عبدالله خلنا نتبادل ..انت خذ ريان وانا باخذ فجر..ماا رضى ....والله لعوزتي رياانواا الدبه شوف شو سوت بثيابي..
رياان: (مسكت ويه سيف بإيدها الوسخه)...اييييييييب ...انته تبااال ...
الكل ضحك علييييييه..
سيف: سباااااااااال محد غيرج يالدبه(نزلها على الارض)..قومي عني ...والله مب منج من الى عطاج ويه ووداج تشترين حلاو...قومي يالله رووحي من جدامي..
ام راشد: حرااااااااام علييك خل البنت مب زيين جي ..اتواقعها بعدهاا اصغيره...
سيف: خلهاا تستااهل...عاااااد يرييت بتخااف وبتصييح ...ينيه حشاا..
وبدخلت راشد ومرته وخلوود......سمعوا كلاام سيف ..
راشد: منوووووووووو ينيه...ليكون تتكلم عن بنتي..
سيف: زيييييييين انك عرفت انه بنتك ينيه....شوووف شو سوت فيني...(وكان يأشر على كندورته وويهه)
ريان: (طاحت في حضن امهاا)...مامااااااتي....
ميره: فدييييييت بنتي انا ...تعاااااااالي ...وحشتيني(تبوسهاا على خدهاا)...
سيف: وععععع والله لايعه جبدي من هالحلاو الي حطته حقي بنتج الخبله
راشد: ايييييييه حووووووووو لا اتقول عن بنتي خبله...
سيف: بس عيل مااا ادري ساب منووو انا
ام راشد: بس عااد انته وياه صخوو ...اذيتونا من حشرتكم
خلود: اووووووه ....سكتووووووووووهم هههههههههه
سيف: جب انتي جب..
خلود: هيه احترم نفسك لا اتقول جب انا اكبر عنك..
راحت خلود غرفتهاا ...وميره بعد نفس الشى خذت بنتها وراحت غرفتهااا...
حميد: بس عاااد انتوا وياه...خلونا في سالفتنا الحين...(طالع راشد) ..هاا راشد خلصتوا شريتوا كل الاغراض ..
راشد: هيه الحمدلله خلصنااا ...شرينا اغراض للبيت وملابس وهالشغلات ...
حميد: الحمدلله ...خلاص عيل ...بنصلي المغرب وبروح انا وسيف بنودي فجر... وباجر انتوا روحوا ودو الأغراض...
سعود : وانا بعد ابي ارووح معااكم...
حميد: انشاءالله...
عبدالله من سمع طاري فجر ...قعد يتسمع كلامهم وحاول يفهم شو الى بيسونه....فجر كانت متعلقبه برقبته ..واهو كان تقريبا مب منتبه حقها..قام وشالها على كتفه ومشى راح لعندهم..
عبدالله: شوفيها فجر ؟؟..وين بتودونهاا...
حميد: ويين بعد بنوديها .....بنوديهاا بيتهم ....
عبدالله: شووو..
حميد : شووفيييك اقولك بنوديها بيتهم ....يالله عطها حق امايه خل انروح ماا باقي شى ويأذن
عبدالله: زيين بس ابي افهم شوو السالفه...
سيف: الحيين انت لما انك ما اتعرف منو هالبنت وشو سالفتهاا...اشعنه قاعد وشاد حيلك واتلاعبهاا
عبدالله : لوو سمحت سيف اكرمني بسكوتك مب ناقص بياختك انا ....(طالع حميد) ..قولي سالفتهاا ليش ساكت...
حميد: اللهم طولج يا روووح...اوكي....(حكاله السالفه كلهاا بختصار)..
عبدالله : والخيييييييييبه الحيين كل هالأمراض في هالبنوته الحلوه ...حشى شوو من الأبو هذا ....وهااي شو ذنبهاا كيف بتستحمل كل هاللى فيهااا...زيين ليش اتردوهاا مره ثانيه اهنااك ...خلوهاا عندنا على الاقل لين تصير زيينه..
حميد: ياا عبدالله ...السالفه مب هينه...احناا خلينا اسعوود عندنا لانه صدق ابوه مب راضي يخليه يدخل البيت ..يعني ماا يبييه عاايفنه..اما هذي ف يمكن يسال عنها وماا يحصلها بعديين تصير مشاكل احنا في غنا عنهاا...
عبدالله : الله كريم...(نزل فجر وحطاها عند امه وراح مع اخوانه المسيد)...
رجع وا من الصلاااه...وقام حميد وسيف ومعاهم سعود ....يودون فجر البيت.....في البدايه فجر ما رضت اتروح..كانت متعلقه ب عبدالله و حاضنته واتصيح مب راضيه اترووح .بس بعدين عبدالله كلمهاا ووعدهاا انه يزورها في بيتهم ..وبياخذها علشان تلعب معااه...وبعد عدة محاولات ..راحت فجر معاهم....وصلوا البيت ..وحمدو ربهم انه ابوهم ما كان موجود....حطو البنت عند خواتهاا ..وطلعوا على طول...ومر هاليوم كله على خير.....وفي اليوم الثاني راحت ام راشد مع ميره وخذوا الأغراض وعطوها حقهم ...وطبعا الابو مشت عليه الحيله ...وما رفض الأغراض ..... وسار كل شى على خير وبدون مشاكل....



"في مدرسة عاليه وغاليه"


بعد مرور اسبوع من الاحداث الى صارت...غاليه من هذاك اليوم لما سمعت المحاضرة عند اختهاا افنان واهي حالهاا منقلب ...تغيرت 180 درجه....ما صارت تتضارب مع عاليه...وصارت مواضبه على صلاتهاا ...وكله تسمع محاضرات ....كل الى في البيت استغرب من التغير وفي نفس الوقت استانسوا حقهاا....وفي المدرسه نفس الشى الكل كاان مستغرب من التغير الى صار حق غاليه...في المدرسه غاليه كانت قاعدهفي الصف في الفصحه ..يتهاا ارفيجتهاا نور وقعدت يمهاا...

نور: مرحبااااااا
غاليه: هلاااااا نوور..
نور: شخباااااارج ..
غاليه: تمااام الحمدلله شخبارج انتي..
نور: انا الحمدلله زينوووووونه......انتي ماا قلتي لي امس ليش كنت غايبه..؟؟؟
غاليه: مااشى بس كنت اشوى تعبانه قلت ارتاح في البيت ...
نور: سلامااات ما اتسوفيين شر..
غاليه: الشر مااييييج...
نور: بغييت اسألج سؤال بس اخااف تتضايقيين مني..
غاليه: لاا انشاءاالله ماا بتضايق قوولي..
نور : غاليه انا صار لي اسبوع ملااحظه علييج انج مت\غيره وااايد..مب انا بس كل الربع جي ...احس ما صرتي تقعديين معانا ولاا تطلعيين من الصف ...ودووم هااديه..
غاليه: مممممممممم ..زين شوو رايج انا متغيره للأحسن ولا للأسوء...؟؟.
نور: طبعاا للأحسن...احس وييهج صار منور وفييه تقا جييي ...ماا ادري كيف ....بس خاطري اعرف شو هالشى الى خلاج تتغيريين جي..
غاليه: تبين الصراحه .....في يوم انا كنت داخله على اختي خلود ف شفتهاا تسمع محاضرةاسمهاا.... "وغاره الحوراء" ..قمت وقعدت معااهااا شدتني القصص الى كان المحاضر يقولهاا ....ماا ادري كيف حسيت غير واهوو يحكي....(قامت عيونهاا اتدمع)...ضحكت على نفسي كيف كنت عايشه وشوو كانت اهتماامااتي ....ومن بعدهاا حسيت اني لازم اهتم اشوى بديني واتقرب من ربي اكثر...والحمدلله الله هداني....
نور: الله يهدينااا ويهدي جميع المسلميين...والله ماا تدرين قد شو انا مستانسه منج ...
غاليه: تسلميين والله...
نور: هييييييه صح تذكرت شى..
غاليه: شوو قولي ..
نور: البارحه سألت عنج بنت من الصف الى يمناا ....واتقولج ...اونه في ناااس يسلموون علييج ومشتاقين لج ...وماا اعرف شوو ..يعني من هالرمسه...
انصدمت غاليه من الى قالته نور...وتمت حاطه ايدها على راسهاا....وتمت ساكته ...ونور حاولت تفهم شو السالفه بس غاليه ماا ردت عليهاا ...اشوى ودق الجرس ..وياات المدرسه.....



"في مدرسة سيف"


سيف كان قاعد في الصف اهو وعلى ينتظرون محمد لين ايي ..الى راح للمدير علشان يعترف انه اهو الى نقع الشلق في الصف .....
سيف: هاااااا حموووود شوو قالك المدير؟؟؟ليكونوا اطردووك؟؟
محمد: اسكت الله يخلييك افصلوني اسبوع
سيف: خييييييييييييييييييييييييبه فصلوووك؟؟؟؟
محمد: سيييفووه شسوي قووولي ..شقوووول حق اهلي .....
سيف: مادري حموووود ... بس ابوووك لو درى بيذبحك..
محمد: وانا هاذا الي خايف منه ابوووووي... ياااربي شسوي انا شو خلانيييييييه اييييب الشلق ...
سيف: والله انك مينووون عيل فيه حد اييييييييييييب شلق المدرسه ؟؟؟؟
محمد: سيفووووه ... لا تقعد اتسويلي محااااظره انا شدراانيه ان بصييييير هالشي
على: هيه اشدراني اونه .... يعني تستعبط ويا ويهك ..في احد يسوى سواتك هذي ... انت يا تدرس ولا تلعب...
محمد: علوووووووه لم ثمك الحين لااااااااااا ادووس في بطنك واقوول ماا كنت قاصد...
سيف: هييييييييييييه وييييييييييين تبااااااااا... مااالك شغل في علي ... شوو الدوس في بطنه بعد ....امصع ارقبته احسن .....ههههههههههههههه
علي: (يضرب سيف على راسه)... وااناا مستااانس .. اقول عندي احد يدافع عني .....
محمد : المهم قولولي شسوي ....
سيف : شو رايك اتقوم من الصبح و اتسمي روحك رايح المدرسة وتروح تتمشى بعدين ترجع .....(وقبل لا يكمل سيف كلامه....ياته ضربه قويه بحديده او عصاا في راسه ...وعلى طول طاح على الأرض ...والدم يصب من راسه....

شو الى صار بسيف؟؟؟ منو الى ضربه وليش؟؟
غاليه...شو سالفة البنت الى طرشت لها سلام من ناس ...؟؟منو هالبنت ..؟؟ومنو هالنااس؟؟
عبدالله..راح يقدر يمشي الوضع بدون فجر الى من شافه تخبل عليهاا...؟؟؟
وله شووو ممكن اتسوى في حميد؟؟ ومتى ؟؟وكيف؟؟؟