الجزء التاسع"
"في مدرسة سيف"
على تم واقف ومصدوم من الى صار .....يشوف ارفيجه طايح على الأرض والدم يصب من راسه ......بعده ما انتبه على الى ضربه لانه من كثر الصدمه تم واقف مكانه يطالع سيف ...اشوى ورفع راسه على فوق وانصدم من الى شافه...
علي: عبووووووود يالميينون شوو سوييييييت(مسكه من ارقبته)..رد علي ليش سويييت جي ليييييييييييش؟؟
عبدالله: والله العظيم مب قصدي ...العصى فلتت من ايدي ...والله ماا كنت قاصد(على شال ايده عنه وراح لعند سيف...
علي: سيييييييف ...........سيييييييييييييييييف رد علي.......(سيف كان مغمي عليه ..ما كان يحس باحد)....سييييييف .....(طالع عبدالله) ......وانت بتم واقف جي رووووووووح شوف احد ...ازقر اي احد ...روووووح..
راح عبدالله يناادي الإخصائي وعلي تم مع سيف وحط سفرته على راسه علشان يوقف الدم ....وصل الإخصائي والمدير وخذو سيف وعلي راح معاه بعد للمستشفى ومن اهنااك...على اتصل في البيت لكن محد رد عليه ....فقام واتصل في حميد....وخبره بالى صار ...وصل حميد المستشفى وراح لعند المكان الى كانوا يعالجون فيه سيف..شاف علي واقف عند الباب سلم عليه ...وبعديين دق باب الغرفه ودخل...
حميد: السلام عليكم..
السيستر: وعليكم سلاام
حميد: وانته اشفيك ما اترد احييدهم ضاربينك على راسك.....مب على اللسانك
سيف: (طالع حميد بنص عين وشكله كان متدوخ...) ..انته اشيايبك اهني ...منو قالك..
حميد: احمد ربك اني ييت اخذك..حليله والله علي ...كسر خاطري واقف عند الباب مب راضي يدخل ....يخاف يشوفك وانت على هالحاله...ههههههههههههه ..
سيف: حليله اثيابه كلهاا خيستهاا دم....
حميد: ما قلت لي ليش ضربك عبود..
سيف: ماا ادري والله ..قالي الإخصائي انه ما كان قاصد ...بس ما عليه انا اورااوييه ....والله احس بصداع في راسي...
السيستر: بلييز دونت موف...
سيف: انشاءالله عمتي..
حميد: هههههههههههههههههههه ناازعووك هااااا..
السيستر: يالله كلاااااس ..
سيف: خلصتي ...زييييين عيل طسي من جدامي ويا ريحتج ...هلكت كلها دهن...(يحطي ايده على خشمه)
حميد: ههههههههههههههههههههه ..حراام علييك شو تبي فيهااا..
سيف: خلها اتولي زييييييييين ....اقوول روح ازقر علي قوله خلصت العمليه...(قبل لا يكمل سيف كلامه علي دخل الغرفه لانه شاف السيتر طالعه قال اكيد خلصوا)....ماا يحتاااااااي تروح الطيب عن ذكره...
علي: الحمدلله علي السلاااااااااااااااااامه ..ما اشوف شر(قعد عداله على السرير)..تعيش وتاخذ غيرها انشاءالله...
حميد: عاااااااااد المره اليايه على اللسانه ...ههههههههههه
سيف: كهاكهاكهاكهاكهاكهاكهاكهاكها...ما اتضحك..ويا ويهك....(طالع علي)...وانته مع هالويه ..جان خليت الضربه تيك انت ..هذا وانا ارفيجك المفروض تضحي علشاني..
علي: بسم الله على ...وانا شيخصني....يعني تبيني احاتيك انت واناااا اذبح نفسي علشانك ...ليش من زيينك يعني...
حميد: ههههههههههههههههههههههههه مسكين والله علي متبهدل من ورا سيف...شوو رايك تخليك واتكنسله...واترابعني انا...اسمييك مااا بتندم...(يغمز حق علي وعلي ابتسم له)...
سيف: اييييييييييييييييه انته حوووووووووووو ....شوو شايفه وحده من الغراشيب ..قاعد اتغازله...ويين تبااااااااااا ....(يطالع علي) وانت وياا ويهك ماا صدقت ...على طول شقيت لي هالحلج..
علي: هههههههههههههههههههههههه ..شووفييييك ..الريااال يسولف ماايقصد شي....
حميد: (يبي يغايض سيف) لااااااااا اناااا ماا اسولف...انا من صجي اتكلم....اانا محمد مليت منه ...نحيس كل ما اروح المول معاه يشردن عنا الغراشيب.....علي ما شاء الله عليه ويهه سمح بيتخبلن عليه البنااات...بينفعني...
علي: يالمصلحجي ههههههههههههههههههه
سيف: اسمع انته هذاا ماا صدق.....ابوى انته ورااك دراسه ...ابروحك يالله بدينك ..بعد تبي تمشي مع حميد علشان تدمر مره وحده...
حميد: اقووووووووول ترا انا واايد عطيتك ويه..اشوفك قمت تعق خيط وخيط...قووم اشوف جدامي مب متفيج لك انا عندي شغل..يالله قوم لااا اروح عنك واخليك ترد البيت ب بيكب
سيف: بدينااااااا بالمذله....يالله زييييييييين قايم... اقوول علي تعال اسندني....
علي :اوكي يالله قووم...
طلعوا حميد وسيف وعلي من المستشفى....وصلوا علي بيتهم وراحوا اهماا البيت...
" في بيت ام راشد"
ام راشد كانت قاعده مع ميره مرت ولدهاا ...في الصاله....
ام راشد: اقوول ميره ...
ميره: هلاا عمتي...
ام راشد: تبي الصراحه ..انا من هذاك اليوم الي رحنا فيه بيت قوم سعود..وشفت بنتهم هاي الكبيره الى اسمها هند...الصراحه دخلت خااطري..والله حسيتها وحده طيبه وحرمة بيت...وما يعيبها شي...ولا شو رايج انتي؟؟..
ميره: هااااا يعمتي شو الى في بالج ...لكون ناويه تخطبينها حق احد من العيال؟؟..
ام راشد: والله اني من هذاك اليوم وانا افكر فيها...شوو رايج اخطبهاا حق عبدالله....منها انزوجه ومنها ناخذ اجر ونستر المسكينه اهي وخواتها..والله انهم دخلوا قلبي...
ميره: الا بتخبرج ياا عمتي العاده اهل الناس لاا بغوا يناسبوا احد يشوفون العايله اذا معروفه ..ومحترمه ..بس اول مره اشوف ام تبي اتزوج ولدها حق بنت ابوها واحد سكير لاا وفقارا بعد وفوق هذا امهاا هنديه...صراحه يا عمتي امرج غريب؟؟..
ام راشد: والله ياا بنتي ...البنت مالها شغل في ابوهاا ..وما له ذنب بالي يسوي اهو ...واحنا في هالدنيا كلنا ربنا وااحد....وانا اشوف انهاا زوينه وجميله ...وطيبه وحرمة بيت بعد..صح انهاا اصغيره وااايد عليه ..بس دامها ما تدرس ولاا عندهاا شغل اتسويه اكيد ابوها ما بيعارض زواجهاا ..ولا انتي شو رايج
ميره: والله يا عمتي ..انا اشوفها اتناسبه ...لانهاا هاديه ..وطيبه ..وعبدالله يباله وحده جي لانه حساس ..وعلى نياته...بس عااد احس مب عدله انزوج الصغير قبل الكبير...
ام راشد: ومنووو قالج اني بخلي هالمطور من دون زواج ..انا ماا علي منه ...بروح اخطب له افنان اختج...والله انها زينة البنات وماا بيحصل احسن عنهاا..
ميره: صدقتي والله انا بعد اشوفهم مناسبين حق بعض بس عااد كيف بتقنعين حميد بالزواج ..اتعرفينه مايفكر بالزواج الحين..طالع على اخوى محمد
ام راشد: ماااا عليج انتي من هالسالفه ...خليهاا علي ....مب على كيفه اهوو يقول لا ..
ميره: زيييين وعبدالله؟؟ضنج بيوافق على هند...؟؟.
ام راشد: انشاءالله بيوافق لا اتحاتيين انتي...
وبعد ماا خلصت ام راشد هالجمله.. دخل سيف وحميد الصاله .....
حميد: منو اهو الى بيواافق..؟؟...
انتبهت ام راشد عليهم وطالعتهم ...ولما شافت سيف مربوط راسه ...فزت على طول من مكانهاا ...
ام راشد: ولديييييييي شوووو فيك ....شووفيه راسك ...وعلي عليييييييييك ..يعلني افدااااااااك ...تكلم شو سوابك جي...قوووول...
حميدلي:حيييييييلج حييييييلج ...ولدج مثل البغل وااقف مااافيه شى ..هدي اعصابج....
سيف: بغل انته ...يالثووووور..
حميد: ثور..الى عطاك ويه وخله شغله علشانك..لكن مااا تستااهل..
سيف:: ياااااااربي يالمذله ..والله يسوا علي...
اشوى ورن التلفون وميره راحت ترد عليه...وبعدين تحمدت حق سيف بالسلامه وراحت غرفتهاا تشوف بنتهاا ريان اذا نيمتها الخدامه لا لا...وام سيف كانت قاعده تتطالع سيف وحميد واهماا يتناقروون ..
ام راشد: عنلااااااااااااتكم من اعيااااااااال..اناا ويين وانتوا ويين ..قولو لي .شسالفه
حميد: انزيييين الحين بنقولج ..بس تعالي قعدي ..وريحي بالج...
ام راشد: (مسكت سيف من ايده)..تعااالي ياا ولدي اقعد يمي ..تعااااال.....
سيف: امااايه ماافيني شى لا تخافين....بس هذي ضربه خفيفه يات على راسي..والحين انا بخير..جدامج ماافيني الا العافيه..
ام راشد: يعني ماا يعورك راسك الحين؟؟..
سيف: لاااااا اماايه ماا يعورني..يالله الحين بعد ماا تطمنتي ممكن اروح غرفتي ارتاح...؟؟
ام راشد: على راحتك ياا ولدي روح وانا بعد اشوى بيب لك الغدا الغرفه..
سيف: لااا اماايه مااا ابا غدا ماالي خاطر اكل ...بعد ما اقوم من الرقاد انشاءالله..
ام راشد: على راحتك يااولدي...
سيف: يالله عيل بسير انا الحين..
ام راشد: الله يحفضك يااولدي..
قام سيف وراح غرفته ...
حميد: يالله عيل انا بعد بسيرغرفتي ارتااح..
ام راشد: لااااا انت اقعد اباااك في سالفه..
حميد: الله يستر......شوو صاير بعد...
ام راشد: ماااا صاير شي بس انا بغيت اخطب لك افنان بنت عمك ..وباجر انشاءالله بنسير انا وميره مرت اخوك وبنخطبها انشاءالله..
حميد: مااااشااااء الله علييج ياا عاليه ياا بنت عوشه....زيين والله انج قلتي لي ...فيج الخير..والحين شو المطلوب مني اوافق يعني؟؟..
ام راشد: ومنووو قال اني قاعده استشيرك...بعد اقصورك تقول ماا ابيهاا ..احمد ربك يوم انك بتضوي على افنان بنت عمك...شيخة البناات..
حميد:هههههههههههههه اووووف يعني هذا امر؟؟.
ام راشد: لاا أمر ولا غييره...انت ولدي وانا ابي مصلحتك...ماافيها شي ..ولا تبيني اخليك تضوي على وحده من هالخايسات الى اتعرفهم....والله لو كنت حاط في بالك هالشى..حراااام لااا ادووس في بطنك..
حميد: والخييييييييييييييييييييييبه...ههههههههههههههههه ادوسين بطني مره وحده...والله اتسوينهاا ياابنت عوشه.. خلااص امااايه الى تشوفينه انا ماا عندي ماانع..امبوني انا كنت بكلمج عنهاا علشان تخطبيها حقي...
ام راشد: والله...فديييييت ولدي انا ...خلاااص انشاءالله باجر بنروح لهم ...يالله الحين روح المكان الى تبيه...
حميد: هههههههههههههههه انزييين...
قام حمييد والحين كان بيطلع من الصاله ...بس امه زقرته...
ام راشد: حميييييييد..
حميد: لبيه..امااايه..
ام راشد: لبيت حايه ياا ولدي...اقوول اخوك متى يوصل من الدوام؟؟
حميد: ماا ادري والله اضني على وصول اهو ...حق شوو تبينه ليكوون امحصلتله عرووس اهوو بعد...؟؟.
ام راشد: هييييييييه اكييد..
حميد: ماااشاء الله علييج ..طمااعه...تبين اتزوجيناا كلناا مره وحده...
ام راشد: هيييه اعياالي وابي افرح فييكم ....كم من العمر بااقي...
حميد: الله يطول بعمرج انشاءالله ويخلييج لناا..
ام راشد: الاا اقوول ..
حميد: قووولي امايه..
ام راشد: شخباااااار اسعود الحيين....ليش ماا اتيبه حقناا والله اني متوله علييه...مع انه قعد عندنا بس اسبوع لكن احس اني تعودت عليه وحلييله والله كان مالي علي البيت وامونسني..
حميد: ههههههههههههه ..والله لو يسمعج سيف تقولين هالكلام بيكره سعود والي ياب سعوود ..هههههههه..سعود والله للحين الشوف حالته زييينه بس تبين الصراحه انا خايف علييه واايد...احس انه ابوه ناوي له على نيه شينه..
ام راشد: وانته اشعنه اترده بيتهم ..جاان خليته عندنااا ...والله انه كان مالي علي البيت وامونسي..
حميد: شسوي امااااايه ..خواته ماا عندهم احد ..حراام ..ما عندهم غير هالولد..وبعدين اهوو كان كل يوم يترجاني علشان اكلم ابوه يخليه يرجع البيت..وماا حصلت غير اني اقص على ابوه وسويت نفسي شرطي انا ومحمد والحمدلله رضى يخليه في البيت..بس والله اني خايف عليه
ام راشد: انشاءالله ماا بيصير فيه الااا كل خير...لا اتحااتي..
حميد..الله يسمع منج..يالله بسير اريح اشوي لين حزت الغدا...
راح عنهاا حميد واهي تمت في الصاله قاعده ..وميره نزلت قعدت عندهااا ...وقعدوا يكملون سوالف...واشوى ووصلت خلود من الجامعه... قعدت اتسولف مع امهاا ومرت اخوهاا ..وبعدين يت حزت الغدا وتغدوا وبعد ما خلصوا كل واحد راح غرفته يرتاح وعبدالله قعد مع امه يسولف...
عبدالله : هااا امايه ...بغيتيني في شي
ام راشد: هيه ولدي بغيت اقولك اني نويت اخطب لك..
عبدالله: (تم ساكت وماارد عليها...تذكر ملااك الى كان امخطط اهو وياها للزواج).........
ام راشد: هاااااا ياولدي شوو قلت ...
عبدالله: ماا قلت شي....
ام راشد: ياا ولدي انت كبرت الحيين ..فيك هبه حق الزواج....بعد حق شوو صابر للحين...شوو وراك..
عبدلله: منو الى ناويه تخطبيها لي؟؟..
ام راشد: هند اخت سعود..
عبدالله: سعوود ما غيره الى كان يقعد عندنا...؟
ام راشد: هيه اهوو ...
عبدالله : وانتي من وين عرفتيهاا اخته...
ام راشد: ترا هذاك اليوم رحناا انا وميره مرت اخوك عندهم ..نوديلهم الاغراض وشفتهاا ....ما شاء الله عليهاا..حرمة بيت وقايمه بخواتهاا...
عبدالله: زيين كم عمرهاا اهي؟؟..
ام راشد: عمرهاا 15 سنه ..بس ما باقي شي واتكمل 16
عبدالله: اماااااااايه صغيره واايد...بريبها انا..حرااام الله ما بيرضى بهالشي ...
ام راشد: لا اصغيره ولاا غيره....انا باجر وانا رايحه اخطب افنان حق حميد اخوك ...بخبر عمك عن السالفه وبخليه يكلم عم البنت لان ابوهاا فاقد ما منه فايده...
عبدالله: ههههههههههههههه....يعني ماا سدج حميد تخطبي له يايه بعد تخطبي حقي انا اسميييج اماايه طلعتي طمااعه...
ام راشد: عنلااااااتك من ولد ...جي اتقولي طماعه...انتواا اعيلي ومااافيها شي لا بغيت افرح فيكم...
عبدالله: افرحي فينااا ..ما قلناا شي....سوي الى في خاطرج انا مااعندي مااانع..
امر راشد: على بركة الله ...يالله بسير عنك....بحط ينبي اشوى وبريح....
عبدالله: الله يحفضج اماايه...
"في غرفة خلود"
بعد صلاة المغرب .. خلود اول ما عرفت بخبر خطبة حميد ل افنان...راحت غرفتهاا ..اتصلت تلفون حق افنان..
خلود: الوووووووو
افنان: الووووووو
خلود: السلام عليكم ورحمة الله وبركاته
افنان: وعليكم السلام ورحمة الله وبركاته..
خلود: شخباااااااااارج...شعلووووووومج..
افنان: تماام والله يسرج الحااال..
خلود: افنااانوووووو ..عندي لج خبر بمليووووون..
افنان: اشنعدج ..سي ان ان..قوووولي ..
خلود: الحين انا سي ان ان..زيين شوفي الى يقولج الخبر..يالله مع السلامه..
افنان: ياللللللله عااااااااد اتغشمر ويااااج انا يالله قولي..
خلود: جب جب ..ماا بخبرج شي....مب منج مني انا الى يايه فرحانه ...ومستانسه ...بس ما عليييه
افنان: هههههههههههههه ..خلود والله اسولف معااج يالله عااد قولي...
خلود: بقولج بس مب علشانج ...عسب انا طيبه وحبوبه ..بقولج مممممممم
افنان: يالله قووووووووولي
خلود: انزيييين ....ممممم ...امايه بتخطب حق حميد..
افنان: شوووووووووووو
خلود: اقولج امايه قررت تخطب حق حميد..وباجر بتسير اهي واختج ميره علشان يخطبونهاا.
افنان: ...................(تمت ساكته)
خلود: (ميته من الضحك على افنان).......ههههههههههههههه شووفيج سكتي...؟؟؟
افنان: ماافيني شي..
خلود: زييين ماا سألتيني منو بيخطب..؟؟
افنان: وانا اشلي ...انشاءالله ياخذ بنت ابليس اناا ماا يهمني..
خلود: اونه ..على منووووهالكلاام..دنا خابزاكي وعجناكي بإيدي دوول...ههههههههههه
افنان: خلود والله ماالي بارض حق سخافتج.....انا بسكر الحين اوكي
خلود: اونه زعلتييييي يالدبه...
افنان: دب ريلج...والله مالي خاطر اسولف الحين ..بسكر وبعدين بتصل فيج...
خلود: اوكي على راحتج...يالله تيك كير..
افنان: يوتو....مع السلامه
خلود: مع السلامه..
بعدما سكرت خلود عن افنان ..طلعت من غرفتهاا وراحت تقعد في الصاله ...واهي نازله من الدري حميد كان بيصعد ...وشافهااا...
حميد: هااااااااا طلعتي من الكهف مالج....حشى اربعه وعشرين ساعه باركه في الغرفه والسماعه لازقه في اذنج ...ماا اتمليين انتي
خلود: ههههههههههههههههههههه شسوي زوجتك المستقبليه مااا تقدر تعيش بدوني لوما اتصلت فيها اربع وعشرين ساعه مااا ارتااااح ولا اهي ترتااح..
حميد: اوووووووووووف سي ان ان وصلج الخير .....(حط ايده على راسه ) ليكوني بعد قلتي حق افنان..؟؟..
خلود: ممممممممممم ......(حطت صبعها في حلجهاا)
حميد : (حط ايده على خصره).....يعني خبرتييييييييييييهااا
خلود: لاااااااا تقريبااا...يعني قلت حقهاا وماا قلت حقهااا..
حميد: تستهبليييين انتي ..فوازير ارمضان اهي
خلود: هههههههههههههههه ...قلت حقهاا انك بتخطب بس مااا قلت حقهاا انهاا اهي زوجة المستقبل ...
حميد: (استانس حميد وشق الحلج) ...والله ...زيييييييين شو قالت ؟؟؟..يالله قوولي...
خلود: مااااا بقوووووووووولك (وتركض عنه )..
حميد: تعااااااااااااااااااالي .....والله اذا مسكتج بمسح فيييييييييييج الأرض والله ..
خلود: ههههههههههههههههه (واقفه عند باب الصاله) حرااااااااااااام انا اختك الصغيره...اهوون علييك يعني..
حميد: شوفي خمس دقايق ..اذا ماااا رجعتي لعندي ...بنفذ تهديدي...
خلود: ممممممممم انزييييييييييين بي بس اوعدني انك ماا اتبهدلني
حميد: وعد ...يالله عاااااااااااااد تعاااااالي ..
خلود: (مشت وقفت عداله ) هااااااا ييت ..
حميد: قولي حقي كل الى الصار لما عرفت افنان اني بخطب..
خلود: انزييييين(وحكت خلود السالفه كلهاا حق حميد....وحميد استانس وايد)..
حميد: حراااااااام علييج كيف قدرتي تقصين عليهااااا..
خلود: انا ماا قصيت عليهاا اهي الى ما سألتني منو بتاخذ انت...وبعدين احسن علشان ابيهاا تكون مفاجأه حقهاا احلاااا
حميد: ههههههههههههه شريره
خلود: طالعه علييييييييييك(وشردت عنه ودخلت الصاله)...
حميد: ههههههههههههههه والله خبله هالبنت...
صعد حميد غرفته بدل اثيابه وطلع من البيت راح يشوف سعود ...وخلود قعدت في الصاله امهاا .. اما في غرفة سيف...الي من دخل الغرفه الظهر ماا طلع منهاا ....سيف كان يطالع التلفزيون واشوي رن تلفونه...
سيف: رقم غريب..........(رد علييه)
سيف: الوووووووووووو..
.......: الوووووووو السلام عليكم..
سيف: وعليكم السلام والرحمه...
.........: شخبارك؟؟
سيف: تماام والله يسرك الحاال ... ومن صوبك
.........: انشاء الله دووم...انا الحمدلله ابخير دامك ابخير
سيف: تسلم والله ...اقوول منو الريال؟؟..
.......: ممممممم انا واحد معاك في المدرسه ...بس ماا ادري ماا اعتقد انك اتعرفني
سيف: والله ...اوكي مب لازم اعرف انت منو ....بس ممكن تقولي في شو اقدر اساعدك؟؟..
............ : مممممممم ...ما ادري شو اقوولك ....انا الصراحه دوم احب اوقف عدال صفكم احب اطالعك وانت اتسولف ....ما ادري ليش..؟؟.
سيف: لاااا والله عيل منو يدري؟؟؟... اقووووووووول والله اني مب متفيج لك ...راسي يعورني ومب ناقص استهبال من عند احد ...ف اقلب وييهك ولا عاااد تتصل مره ثانيه....
..............: حراااااام علييك ليش اتعاملني جي والله اني مب ناوي اضرك ولااا شي ..بس حبيت اتعرف علييك..
سيف: ههههههههههههههههه ضحكتني والله.... شوو بعد تتعرف علي ليكون انا شخصيه مشهوره وانا ماا ادري
.................: سيف......
سيف: اووووه اتعرف اسمي بعد.... نعم شي في خاطرك...
................: انا أحــــــــــــــبك..
سيف: (سيف تم ساكت ومنصدم من الى سمعه)...تحبني.؟؟.. انته صاحي للكلام الى تقوله ؟؟. شوويعني تحبني ...تعاال بالمره تزوجني....صدق انك ما عندك سالفه..
...............: والله اني احبك واموووووووت علييك.... حراام الى اتسويه فيني(وقعد يبجي)....والله حرااام ...(وسكر التلفون)...
سيف: (كان بعده منصدم.... سكر التلفوون وحطاح عداله)......منو هالمينوووووووووون ....هذا صج الى صار ولا انا كنت احلم ....استغفر الله .....انا ناااااقص ...بروحي الى فيني كافيني....
"في الصاله"
بعد العشا ام راشد كانت قاعده في الصاله مع خلود وميره يسولفون اشوي ودخل عليهم راشد سلم ..وبعدين قال حق امه انه يبيهاا بسالفه ...طلعت الأم معاه وراحت لين غرفتهاا...دلخلوا الغرفه وقعدت على الأرض وااهوو قعد عدالهااا...
ام راشد: هاا ياا ولدي...شووو في خااطرك..
راشد: امايه تذكرين هذيك السالهف الى كلمتج عنهاا ؟؟
ام راشد: اي سالفه؟؟؟
راشد: عن عمي محمد.....
ام راشد: (تمت ساكته وما ردت عليه).....
راشد: اماااايه ترا عمي رجع وكلمني مره ثانيه في السالفه وانا مب عارف شو ارد علييه...
ام راشد: انا قلت لك راي في الساااااالفه ومااا عندي كلام غير الي قلته....مينونه انا عق بنتي على ريال قد ابوهاا ....(قام يعلا صوتها)...انته ترضاهاا حق اختك ....وعمك ليش ما يزوجه حق وحده من بناته..
راشد: اماايه الريااال يبي خلوود ....وبعدين عمي يبي مصلحتنا ....الريال له عندنا معاملات ..ويمكن اذا تزوج خلود نقدر نخليه شريك معانا وانضم شركته مع شركتنااا ....امااايه هالايام الأخير احناا انعاني من عجز مالي في الشركه ...وماا باقي شي ونعلن افلاسنااا...زواج خلود بيخلينااا نوقف على ريلنا مره ثانيه...
ام راشد: نفااادهاا الفلووس وسخ دنيااا ..اللزم ماا علي راحت اعيالي...
راشد: اماايه لا تستعيلين في الرد ..فكري في الموضوع ..بكلمه منج ..تحددين مصير العايله كلهاا ...
ام راشد: (سكتت وماا ردت عليه واهوو لما شافهاا على هالحاله باس راسهااا وطلع من الغرفه)...
" في سيارة حميد"
حميد كان قاعد في السياره ينتظر عبدالله الى من عرف انه حميد رايح عند سعود ..تخبل وقااال الااا يروح معااه...اشوي ووصل عبدالله وركب السيااره ...وراحواا ...عشر دقايق بالكثير ووصلوا ...نزلوا من السياره ودقوا الباب ...فتح لهم سعود
سعود : ( اول ماا فتح الباب وشاف حميد..طاح في حضنه) حميييييييييييييييييد ....وييينك ليش ما تيني ..والله تولهت علييك..واااااايد..
حميد: هههههههههههههههه فدييتك والله انا بعد تولهت علييك ..والله تعودت على وجودك في بيتناا احس انه البيت من دونك ماا يسواا ..
عبدالله: احم احم نحن هنااااااااااا عطوني ويه ... ولا مب مشتاق لي
سعود : ههههههههههه بلا مشتاق لكم كلكم حتى ماما عاليه ..والله خاطري اشوفهاا ..
حميد : لاا اتحااتي امبوني انا اليوم ياي علشان اخذك تشوفهاا ..اهي ولهانه علييك تبي اتشوفك ..
سعود: واالللللللللللللللللله ....
عبدالله : هيه والله ...يالله رووح بدل اثيابه وتعااال .....وانت ياي يب فجوره معااك..
سعود: انزيييييين تعالوا داااخل..لين اخلص ..ابويه مب اهني ..وماايرجع الحين...
حميد: لاااااا منقود عند العرب فيه بناات داخل .....انته الحين روح وحنا بنترياك في السياره...
سعود: لاااااااااا ..انزيييين قعدوا في الحووش وبيب فجر عندكم لين اخلص..
حميد: ( طالع عبدالله) ..هاااااااا عبود اشراايك؟؟.
عبدالله: ماااا ادري والله ...
سعود: يالله عااااااااااااد تعاالوووو( وقعد يسحبهم من كناديرهم)...تعاااااالوووو
حميد: ههههههههههههههه انزييييين ياا ابووك بنيي ....
عبدالله : حليله والله حبووووووووووب ....يالله سير ابسرعه ...
سعود: انزيييييييييين ماا بتاخر( وركض لعند الصاله)..
حميد: ( حميد شاف طابوقه في نص الحوش ...راح وقعد عليهاا) ....يااا الله ياا عبدالله...والله يوم اشوف بيتهم ...اقول الحمدلله على النعمه الى عطاهاا حقناا الله ..
عبدالله: صدقت والله ...يعور علييهم الحااال ....لا اهل ولا احد يداريهم ...الله يعينهم ..
اشوي وطلعت فجر من الصاله ..واول ماا شافت عبدالله ..ركضت لعنده وهو لما شافهاا ..قما يمشي لعندهاا ولما وصلت شالهاا وقعد يدورهاا فووق ..واهي تضحك مستانسه..وفيه عين كانت تطالعهم من بعيد..
عبدالله : فجوووووووووور ..فديييتج والله تولهت على ضحكتج....
حميد: هههههههههههه خلاص وصلت بنتك ..ارتحت الحين من احنا في البيت وانت قاعد لي فجر وفجر وضحكتها وما اعرف شو ...
عبدالله : والله تعللقت في هالبنت واااااايد ..هالكم ساعه الى قعدتهم عندي ..خلتني اطيييير من الفرحه..وغيرت حالي ....والله حسيت انهاا صج بنتي....صح فجوره...
فجر: سح (صح )....
عبدالله : فدييييييت الى يقول سح ااانااااا ...يالله قولي حقي شوو اتسوين في البيت منو يلعب معااج...؟؟
فجر: محد يلعب معايا ...؟؟
عبدالله: لييش
فجر: هند تدول(تقول) انا مليده(مريضه)..ما تخليني اللعب برا...
عبدالله: هييييييييييه حليلج ..انتي بعدج مريضه.؟.
فجر: لا لا انا ما مليده (مريضه) هذي هند تدابه...(كذابه)..
عبدالله : عييب بابا لا اتقولي عن اختج الكبيره كذابه انزيين..
فجر: انزيييييين
عبدالله: شطوووره ...(قام واهو شايلها على كتفه) ..يالله بسويلج مريحااانه......
عبدالله قعد يلاعب فجر ..اهي مستانسه ..وتضحك وحميد قاعد يطالعهم ...ويضحك على شكل عبدالله ..الى قام يسوي حركاته هبله واصوات غريبه .....اشوي ووصل سعود وقام حميد ...بيروحون السياره بس عبدالله قاله انه يروح واهو بيلحقه لانه فجر ما رضت اتخليه بس قال بيحاول يليهاا بشي ثاني...حميد راح السياره الى كانت اموقفه اشوي بعيد عن البيت .. عبدالله نزل فجر على الارض..
فجر: ابيي هااااااااي ...نااااو
عبدالله : تبين قطوه....
فجر: هييه ..نااااو ..
عبدالله : بتعضج منييه(وقعد ياشر على ايدهاا)...بيعورج واايد..
فجر: مااااااابي ...ماا بتعضني ...ابي ناااااااو ...(اشوي وبتصيح)..
عبدالله: لااااا دخيلج لاا اتصيحي ..الحين بنرووح عندهاا تعالي...
القطوه كانت واقفه عند المطبخ ...قام ومسك ايد فجر ومشاها لهنااك ...والقطوه لما شافتهم اقتربوا منهاا شردت عنهم ودخلت المطبخ ....اشوي ويسمعون صوت اصراخ ...وعلى طول القطوه طلعت من المطبخ بسرعه ....اما عبدالله اول ما سمع الصراخ دخل المطبخ وشاف وحده قاعده تحت على الارض وضامه ريلهاا..
عبدالله: (تم يطالعهاا واهو سااكت ولا قال شي)....
هند: (كانت اتصيح لانه دزت بإيدها الحد مال الطاوله الي كان متقشر ومتكسر وفيه زوايا حاده)....ااااااااااااااااه ....اااااااااااه ....
عبدالله: تعورتيييييييييييييي....(طالع ايدهاا)...اوووووووووف دم ...(شال سفرته من راسه ولفهاا على ايدهاا)....لااا اتخاافي بلفهاا لج بس ...
هند: انته منوو؟؟؟شوو اتسوي في بيتناا؟؟
عبدالله: انا ولد المره الى يات بيتكم هذاك اليوم ويابت لكم اغراض تذكرينهاا...
هند: (تمسح دموعهاا واتقوم من على الأرض) ...هيه عرفتهااا ....(طالعت فجر) ....فجر تعاالي...
عبدالله: لبسي عباتج وبنوديج المستشفى.....لا اتخاافي سعود معاناا...
هند: لاااااااااااا مب لااااااااازم ..انا بلفهااا بروحي..
عبدالله: انزيييييين تعاالي اغسليهاا......(مسك ايدهاا وشال عنهاا السفره ...وودها لعند المغسله ..وحط ايدهاا في الماي)
هند: ( هند ما قدرت تشيل ايدهاا عنه لانه قبضته كانت قويه واايد..وماا قدرت تتكلم ..حست بإحساس غريب في داخلهاا)..
عبدالله حس انه الى يسويه غلط ...قام بيشي ايده واشوي ولا يدخل ابووهاا... سكران طبعاا.
ابو سعود: انتي يالحـــــــ قيره ...منو هالــ ــرياااال ..الى يايبته للبيت....(راح لعندهاا ومسكهاا من شعرهاا) تكــــــــلــــ ـــــــ ــــمي يالخايــــ ــــــسه ....
عبدالله: (سحب ابو سعود ..وبعده عن هند) ...انت اشفييييييييك حشااااااا بنتك هذي جي اتقول عنهااا ...انته شو من البشر..
ابو سعود:انـــ ـــــ ـــ ــته جــــب ولاا كلمه ....داخل بيتي وماااســـــــــ ك ايد بنتي ولك عييين تتكــــلم بعد ...صج انك ماا تستحي(قام ومشى لعند واحد من الادراج وطلع سكين...فجر بدت تبجي من الخوف...)
عبدالله: هند خذي فجر ...وروحي داااااااااااخل الصااله وسكروا علييكم الباب انتي وخواتج.....
هند: بس .....
عبدالله: ( طالعهاا بعصبيه)...قلت لج روووووووووووحي ....
راحت هند وطلعت فجر معهااا وراحت لعند الصاله ..وبطلعتهاا الا وحميد وسعود داخلين ..وعلى طول قالت لهم الى صار وراحوا المطبخ..اول ماا دخل حميد شاف ابو سعود ماسك عبدالله وحاط السكين على ارقبته ....حاول انه يقترب بس خااف انه ابو سعود يتهور ويسوي شي ب عبدالله...
حميد: ابوووووو سعود ماله داعي حق الاذيه عبدالله ماا سوى شي غلط ....(قام يقترب اشوي منه)..عطني السكين...وخلناا نتفاهم...
ابوسعود: ماااا شي تفااهم ...هذا غلط مع بنتي ...ولازم يصلح غلطه(ابو سعود استغل الموقف ..اهو اصلا ما كان يفكر بالي صار اهوو الي في باله انه يزوج عبدالله حق هند علشان الفلووس ..كان محتاج فلوس ..والموقف هذا ممكن يكسبه اكثر من الفلوس الي بيهااا )... الحين تتزووج بنــــ ــتي ولااا اذبحك ...
حميد: انزييييييين كل الى تبيه بيصير بس عطني السكين....
ابوسعود: قلت لاااااااااااا ...الحين تيبووووو الملااااااااااااج .....ولااااا اليوم يااااااااا ذابح يااا مذبحووح...تسوي سوايااااااااك مـــ ـــع بنتي وتبيني اخلييك ترووح جي....
عبدالله: حميييييييييييد دخييلك لا اتلكمه ...والله انا ماا بيذبحني الااا ريحت حلجه (حاط ايده على خشمه) ..وااااااااي بموووت حشى من متى ماا غسلت اسنانك انت ....
حميد: ههههههههههههههههه عنلااتك ...احناااا وين وانت ويييين ....الريال بيذبحك وانت ...قاعد تتمصخر ....متفيييييييييج....
عبدالله : انزيييييييييين تصرف ..يالله بسرعه .....
حميد: مااشي غير اتواافق ..على الزوااج ....
عبدالله : انا اواافق على الزواااج وابوو الزوااج بس ابعده عنيي بمووت من ريحته....
ابواسعود : شوفيهاا ريحـ؟ـتـي....(قام يشم نفسه) .....ريحتي احسن عن رييييحتك يالخاايس..
عبدالله: هيييييييييييه صح انا خايسه ...وانت ريحتك حلوووه ......(طالع حميد) حمييييييييييد دخييلك..)
حميد: هههههههههههههههههههه ..انزييين يالله ..الحين بسير اتصل في عمي وبخلييه ايي ويب الملااج معاااه ...بس تحمل انت عاااااد..
عبدالله : ياللللللللللللللله بسرعه
نهــــــــــاية الجزء