الجزء الرابع عشر

"في بيت ابو محمد ..وبالتحديد في غرفة محمد...الساعه 2:30 بليل...يوم السبت"


محمد دخل الحجره وما حصل سيف....تخبل ..ويين رااااااااح سيف..؟؟!!!.. توه كان نايم على السرير...اشوي ...وانفتح باب الحمام الى في الغرفه....ساعتها محمد بانت عليه الراحه.....
محمد: والله بغيت اين لما ما شفتك في الغرفه....قلت اكيد شرد من البيت....
سيف: (قعد على السرير)...وين اشرد..؟؟ ليش انا فيني شده حتى اقوم من مكاني....وبعدين الضرب الى ياني يكفيني ..مافيني انضرب ازياده....
محمد: (قعد عداله وحط ايده على كتف سيف)....سيف لا تزعل من ابويه....والله انه طيب ...بس لما يعصب ما يعرف حتى ابوه....اسأل مجرب...
سيف: (متفاجيء).....ليش عمي كان يضربك؟؟؟
محمد: يضربني وبس...قول يذبحني من الضرب.....اتعرف انه كان يربطني بالايام في الحوش جني جلب.....
سيف: قــــــــــــــــــــول والله
محمد: والله العظيم..حتى اذا ما اتصدق اسأل حميد..ولا راشد...ولا حتى امايه....لا تأخرت عن البيت...ولا عليت صوتي على امايه.....كان يذبحني من الضرب....الضرب الى ضربه حقك اشوي ..بالنسبه للضرب الى انضربته....
سيف: زين انا شو سويت !!!!!! علشان ضربت خلود يعني؟؟؟؟ كل يوم ترا احنا نتواقع في البيت وعاادي ..نرجع حبايب ..شو الى تغير اليوم!!!! (قام من مكانه امعصب ويصرخ)..اكـــــــــــــــــــيد هذي امـــــايه...انا ابي اعرف شووفيهااا علي ....؟؟شو سويت لهااا...ليش تكرهني؟؟؟؟؟
محمد: هدي نفسك سيف ...مافي داعي حق العصبيه...وبعدين امك اكيد تبيي مصلحتك ..وانت عارف انها اتحبك اكثر عن الكل...
سيف: هذاك اول....الحين ولا ايي على بالها حتى..عاادي عندهاا ...اذا تميت يومين او اكثر ما شفتها...
محمد: (سكت وما عرف يرد علي سيف...)...
سيف: وبعدين انا ابي اعرف اهي ليش قالت حق عمي.....يعني والله ما يسوى ...كان بإمكانها اتحل الموضوع بنفسها ...والى قاهرني...انها ما تحركت من مكانها لما كان عمي يضربني.....
محمد: انت اتعرف شو صار لما طلعت انت...
سيف: شو صار يعني ؟!! ..وبعدين انته شو عرفك بالي صار ..انته ما كنت موجود..
محمد: حميد قالي...
سيف: (سكت ولف ويه عن محمد)........
محمد: انته بعد ما طلعت من البيت...عبدالله وحميد راحوا يتطمنون على خلود....وشافوها تعبانه حيل ..خذوها المستشفى ...ولما كانوا اهناك ..اتصلت امك البيت ..والخدامه قالت حقهم انهم في المستشفى...على طول اتصلت فيهم بس ما كانوا يردون عليها..اتصلت فيني علشان اخذها البيت مع انه راشد كان عندها في المستشفى ...كان بعده ما راح دبي..يمكن ما حبت اتقوله......المهم رجعتها البيت ورحت..


"بعد ما رجعوا من المستشفى...(فلاش باك)..."
((ام راشد كانت قاعده في الصاله...وهند كانت وياها...وكل اشوي يتصلوا فيهم بس محد يرد عليهم ...حاولت كم مره لكن بدون فايده ..اشوي ويدخلون اعيالها البيت...وعلى طول ركضت لهم اهي وهند.....شافت حميد ساند خلود ..ويمشيها...
ام راشد: (اتصرخ)...خلووود...اشفييج.....عشى ماا شر ....(طالعت حميد)...شوفيهاا اختك تكلم...؟؟؟
عبدالله: تعالي خلود بوديج الغرفه...(مسك خلود وغمز حق حميد)...
حميد: يحييك والله....وطبعا خليت لي المهمه الصعبه...
عبدالله: كيفك والله انا ما يخصني انت وياها والرحمن..(طالع هند)...يالله هنوده امشي..
راح عبدالله...مع اخته وزوجته...اما حميد ف قعد مع امه....وطبعا امه ما خلته لين قال حقها الى صار كله...
ام راشد: (ماسكة راسها)...يااااااااا ربي انا شسوي في هالولد....بيذبحني ...حشا ..شو صار فيه..انقلب مره وحده....
حميد: امااايه كله منج...انتي عارفه انج انتي السبب...انتي الي دلعتيه ..وخليتيه ما يحترم احد...لو شاده عليه من البدايه...كان يمكن يكون حاله احسن من الحين...
ام راشد: (قامت من مكانها امعصبه)....الحين صرت انا الغلطانه.....تراكم اخوانه ليش ما تنصحونه ...ليش ما تاخذونه معاكم عند ربعكم....ليش ما اتخلوه يخالط الناس......انا شو بإيدي اسوي فيه...
حميد: امااايه احنا ما انلومج....بس انتي شايفه كيف حالة سيف الحين...ويمكن يصير اسوء من جي...وكل هذا لان ما شدينا عليه من البدايه... امايه احنا كلنا تربينا على ايد ابويا ..." اسمحي لي على هالكلمه" ..بس سيف تربا على ايد حرمه...(طالعته امه بعين حاره)...امـــاايه ..انا مب قصدي انج ما عرفتي اتربيه...انا قصدي ...انه احنا تربينا تربيه شديده على ايد ابويه ..كنا ما