نتجرأ انغلط لانه عارفين شو بينا ...وانتي ادرا شو كان ابويا يسوي فينا لما انغلط في شي... اما سيف ...ما في داعي اقولج ..شو كنتي اتسوي فيه لما يغلط في شي..
ام راشد: وانت برايك يعني ..الضرب اسلوب زين انه الواحد يربي اعياله عليه....يعني بتفهمني انك كنت راضي بأنه ابوك يضربك..وانته ما شاءالله عليك ريال ...
حميد: صح اني ما كنت راضي ..بس لما اشوف حالي الحين..وكيف اني ماشي سيده...وما افكر حتى اني اغلط في شي احمد ربي ...مب اني متأثربخوفي من ابوي الله يرحمه ..لا... لاني خلاص تعودت على هالشي ..وعرفت انه من مصلحتي..وابوي ما غلط لما ضربني ولا حاسبني على كل اصغيره واكبيره اسويها...
ام راشد: يعني شو تباني اسوي الحين..تباني اضرب اخوك.....وبعد شو ...بعد ما صار اكبير وفاهم..خلااااااص سيف كبر ..يعني لو ضربته الحين ..بيحسب اني ما احبه...ما بيقول انه لمصلحته...
حميد: والله انا ماا ادري انتي ادرى بولدج..وعلى راحتج..سوي الى تبينه فيه...
ام راشد: (قعدت على الكنبه وتمت ساكته).......
حميد: اماا يه لا اتضايقي نفسج...سيف في مرحلة مراهقه...وما يدري شو يسوي..
ام راشد: انزين اتصلتوا فيه شفتوه وين.....
حميد: لا ما اتصلنا ..نسيناااا ....
راحت ام راشد ويابت التلفون واتصلت فيه...لكنه كان مغلق....
حميد: امايه قومي روحي ارتاحي...وانشاءالله بيرجع..يعني وين بيسير...
ام راشد: انته ما اتشوف الساعه كم الحين......؟؟؟ ..الساعه 4 وشي العصر واهو طالع من الظهر...وللحين ما رجع...
حميد: اماايه لا اتحاتين ...انشاءالله ..بيرجع..قومي ارتاحي انتي الحين...
ام راشد: استغفر الله........والله بيينني هالولد...........لكن انا اراويه ....اذا ما رجع لين المغرب ...بخلي عمه يشوف له صرفه معاه ..انا خلاااص تعبت....ومافيني حيله..
حميد: الله كريم...خلاص يالله قومي ارتاحي...
يات الساعه 12 بليل وسيف بعده ما رجع..وام راشد كانت ميته من الخوف عليه..خاصة انه كل ما يتصلون له مره يكون مغلق ومره ما يرد عليه...ما لقت ..غير انها...تخلي حميد يتصل عمه لانها كانت ميته من الخوف على سيف...وبعد عشر دقايق يا ابومحمد...وحكوا له السالفه.. وطبعا العم عصب واايد..وحشرهم...
ابو محمد: (امعصب ويصرخ)....انـــــــــا ابــــــــــــــــي اعرف انـــــــــــــــــــتوا اشفيكم.....انتوا ما اتعرفوني الا لماااا اتطيحون في مشاكل....ولـــــــــــــــــــيش ما ييتوني من البدايه....لــــــــــــــــــــيش ما قلتوا حقي لما صار هالشي....الحين لما خلاص المشكله كبرت يـــــــــيتوني!!؟؟... وهالســــــــبال هـــــذا وينـــــه؟؟؟ليش ما اتصــــلتوا فــــــيه...؟؟؟..
ابو محمد يتنازع ..ويصرخ..ومحد يسمعه غير ام راشد مسكينه الى حاطه ايدها على خدها وساكته ..اما حميد..وعبدالله..ف اهما قاعدين عدال بعض ..ويتساسرون..
حميد: ( قاعد عدال عبدالله..ويساسره)....والخـــــيبه ..الريال شكله خلاص امفول ..الله يعينك يا سيف.. ماا كنشي يومك..خخخ
عبدالله: (قرب راسه من حميد)....اقول الحين فكرت منو انه عمي يعرف بالي سواه سيف ؟؟ليكون فكرتك؟؟
حميد: والله مـــــــب انا...هذي امك....ابروحها قالت لي اتصل في عمك...وانا حذرتها..قلت لها الصراحه ماا يغرج عمي طيب..وهادى وعلى نياته...تراه ما يحب احد من اعياله ولا احنا انغلط..ولما يعصب ما يعرف احد...
عبدالله: اسكت لا اتذكرني...حشى مب عم هذا ..احساس ماشي..
حميد: (ضربه على راسه)..اسكت لاااااا اييك الحين ويربطك على المروحه..
عبدالله: ههههههههههههههه يسويها والله ما استبعد عليه شي..
حميد: حشاااا اجرااام هذا مب عم...
عبدالله: هههههههههههههههههه..بس دخيلك ...اخاف يشوفني اضحك ويقوم يصطرني... شكله خلاص منتهي بس باقي سيف ايي وبينفجر ..
ابومحمد انتبه انه حميد وعبدالله ...مب معاه وانهم قاعدين يسولفون...
ابومحمد: اقووووووووول انته وياااااااه ...انا مب عايبنكم شوو.....قاعد ارمس لروحي انا ....؟؟؟؟؟؟؟(كان ماسك العصا بإيده وهو يصرخ).....ماا اترد انته وياااااه...
عبدالله: (مسك بإيد حميد وقاله بصوت حفيف)....اقوول حميد...انا بسير اشوف مرتي ..داقه حقي رنه بشوف شوتبا...(وكان بيقوم بس مسكه حميد)...
حميد: (يساسره)...ويــــــــــن تبـــااا ....والله ما اتزر من مكانك.....ارزن .......هييـــــــــــــي ..اتمشكلني بعدين اتروح....
ابومحمد: (يكلم حميد)....الحين واحد مثل سيف بعده ما طلع من البيضه...يقص عليك ويضربك؟؟...انته رياااال كبرك كبر ما قدرت عليه..والله ما اقول خير امحق رييايل امربينهم اخويه...
حميد: (مسك راس عبدالله وقربه يم راسه)...
عبدالله: اااااااااااااااه ...ههههههههه اشفيـــــــــك؟؟؟!!
حميد: (يكلم عبدالله بصوت خفيف)...اشوف عمك قاعد يغلط...يا حظك والله يا رشود..قاعد في دبي ومتكيف
عبدالله: ههههههههههههه اسكت والله اني اخاف يقلب علي الحين..
ابو محمد: انا لو منج يا ام راشد...بربطه بالحوش بليل ...ويوم بيي الصبح بشيله وبربطه قدام باب البيت ..لين يتأدب..
حميد: (بصوت خفيف)...ما اقولك اجراام ...ما اتصدقني....
عبدالله: ههههههههههههههههههههههه..حميدو اسكت لا يربطك انته بداله...
حميد: والعثره ...لا يربطني ولا اربطه خلنا جي حبايب احسن...
ابو محمد: شوفوا ..من الحين اقولكم...ماا ابي احد يتدخل لما ايي سيف ...انا الي بربيه على طريقتي ..ومن بعد اذنج يا ام راشد باخذه معاي...
ام راشد: (فزت من مكانها جنها مخترعه من شي)....وين اتشيله يا ابو محمد؟؟....وليش ..؟؟؟
ابومحمد: بشيله عندي البيت....والله ما خليته ..شو تبون يصير فه اكثر من جي....خلاااص الولد بسه من البزا...لازم يصير ريال....
ام راشد: انزين يا ابومحمد...مب مشكله انته كلمه وفهمه...وانشاءالله بينصلح حاله...بس لا تاخذه معاك انا مالى غنات عنه...
ابومحمد: (امعصب)...ليــــــــــــش انا وين باخذه...الولد بيروح بيت عمه......ومن الحين اقولكم....محد بيتكلم ...ولا بيقرب صوب سيف غيري...ولا والله ما بيصير طيب........هــــــــذا ولد اخوي....ومحد بيربيه غيري.....
اسمعوا صوت الباب يتبطل ..احد يقول هوود
حميد: ياااااااك الموت يا تارك الصلاة.....مب جنه هذا سيف...
عبدالله : هيه بس منو معااه...
ابو محمد: ايه انته وياه...محد يتحرك من مكانه....واذا اتحيدوا نفسكم بترمسون ...روحوا غرفكم من الحين فاهمين..
قامت ام راشد بتروح حق سيف...
ابومحمد: وين ياام راشد ...شو قلنا....
(( ردت قعدت مكانها....))
((ملاحظه: الفلاش باك..كان على حسب كلام حميد...انا ما حبيت اسرد الى صار ...حسيت انه بيكون احسن على شكل حوار))

محمد: والحيين عرفت ليش اهلك ما قدروا يسوون شي ....
سيف: ................
محمد: اقوول...نام على ظهرك اشوف خلني اداويك....
سيف: انشاءالله....

"في بيت ابو محمد وبالتحديد في الصاله..الساعه 7:30 الصبح..يوم الأحد"

عاليه وافنان كانوا قاعدين يتريقون مع امهم وابوهم...ومحمد كان توه نازل ..داخل عليهم الصاله وشكله ميت من التعب ويبي يرقد..
محمد : السلام عليكم...
الكل: وعليكم السلام ..
محمد: يالله قومي انتي وياها
عاليه: تو الناس حق شو انسير من الحين..
ام محمد: هيه في عييينج تو النااس ...ما اتشوفي الساعه كم الحين...يالله قومي انتي وياها
افنان: (لا حياة لمن تنادي..قاعده تاكل ولا عليها من احد..)...
ام محمد: سمعوا انتواااااااا(دزت افنان).... اندوكم...احنا ارمس منووووووو من الصبح
محمد: افنانووووو قومي وعن هالعبط...
افنان: (بكل برود)....بعدي ما خلصت ريوق...
ام محمد: شووفوا يوم اتقول عنهاا.....اسمعوا هالرمسه...(مسكت.. "قفشه.." خاشوقه".."ملعقه"..بإيدها وراشتهاعلى افنان)..قووووووووومي اشووف....الحين انتي صار لج ساعه تاكلي...وين ما خلصتي ...يالله اشوف قومي..
ابومحمد: (امعصب)...شوو تبين في البنت انتي خليهاا تاكل....(طالع محمد)...وانته اشعايلنك..الدوام باقي عليه واايد.. خل خواتك يتريقون..
محمد: (في خاطره)..الحين صرت اانا الغلطان...وبناتك ما عليهم شي...والله لو تدري بالي امسويته غلووي ..جان عرفت ساعتها ..منو الى تربا صح..سيف ولا بناتك...استغفر الله انا اشقاعد افكر فيه...
ام محمد: مااااااااااالك شغل في الولد........بنااتك الا امبزايااات....خلهن يسيرن ..صار لهن ساعه ياكلون..
قامت عاليه وتبعتها افنان...راحوا مع محمد...وابو محمد بعد طلع من البيت...
"الساعه 10 وعشر.."
سيف متعمق في رقاده...صح انه كان مب مرتاح في رقدته وهذا كان امبين عليه لانه ما كان يتقلب وايد بسب ان ظهره بعد يعوره..فتح عينه واهو يحاول يستوعب المكان الى اهو فيه..كانت نتضراته تدل على انه مستغرب انه هالغرفه مب غرفته ...وبعد لحظات مر عليه شريط الذكريات وتحديدا الى صار له امس ...قام من مكانه وغسل ويهه..وكان بيتوضأ بس تذكر انه صلى الفجر قبل لا يرقد لان اهو..و.. محمد ما ارقدوا الا بعد الصلاة لانهم كانوا يسولفون طول الليل...
وقف عند البلكونه متملل ...وكان بفكر بحاله وشو بيصير...اذا هذي بدايتها الله يعينه عيل...كان يبي ينزل يقعد في الحوش لانه الجو كان روعه...بس تذكر البيت كله بنات...فشله ينزل وبعدين يصادف احد اهناك..تم يفكر اشوي بعدين تذكر انه اليوم الأحد يعني وقت مدارس ..اكيد كلهم راحوا...
نزل للصاله... ارتسمت عليه ابتسامه...يعني توقعاته طلعت صح كل الي في البيت طلعوا....اول ما طلع من الصاله وخذ نفس عميق...جنه طير كان مسجون.. والحين طلع ...حس بحريه...قعد يتمشى في الحوش..قعد في جلسة امسوينها في زاويه بالحوش..كان سرحااان ...بس ثواني ...قطع عليه حبل افكاره صوت..اطالع يمين يسار...ما شاف احد..رد وسند راسه...وغمض عينه...بس الصوت رجع له مره ثانيه...رجع يدور وبعد ما حصل احد..وقبل لا يرد يسند راسه..وصلت له صرخه قويه..ووحده وطلعت له في ويه...على طول رد على ورا مخترع....
سيف: (امعصب)..مينووووووووووونه انتي ..الله ياخذ ابليسج...
غاليه: (ميوده على بطنها)..هههههههههههههههههههههههههههههههههههههههههه هههههههه..وااااااااي بمووووووووت بطني...ههههههههههههه
سيف: كركركركر....باااااااااايخه .. (قعد مكانه)...
غاليه: ههههههههههههههههههههههههه...حليلك والله.....الصراحه شكلك تحفه ههههههههههههههههههههههههه..
سيف: اضحكي اضحكي ..يعلج تضحكين مينون...
غاليه: (قعدت في مكان مقابلته)....اتصدق ....صار لي مده ما ضحكت هالضحكه..
سيف: الله لا حرمج...
غاليه: هههههههههههههههه...الا قولي انته ليش ياي بيتنا من الصبح ...اتعرف انه محمد يكون في الشغل في هالوقت.؟؟؟
سيف: ................
غاليه: اكبرطاااااااااااااااااااااااف...
سيف: هههههههههههههههههههه...انتي خبله..الحين في بنت تتكلم بهالطريقه...وين الرقه..
غاليه: الرقه خليتها حق علاااااااااايه.. انزين يالله جاوب على سؤالي...
سيف: ياي اغير جو...مليت من بيتنا ..قلت ايي اقعد في بيتكم...
غاليه: على منووووووووووووو...تغير جو هااا.....انزين المفروض تكون في المدرسه الحين...ولا ما خذ اجازه..
سيف: (في خاطره)..".خييييييييبه ما يفوتها شي........."....انزيين وانتي ليش ما رحتي المدرسه..
غاليه: ( ارتبكت وما عرفت شو اتقول)... هااااااااا ..
سيف: شووفيج؟؟ اقولج وانتي ليش ما رحتي المدرسه اليوم....
غاليه: بس جي..
سيف: (سيف حس ان فيها شي)...غاليه...صاير شي؟؟؟
غاليه: (نزلت راسها)..................
سيف: ارمسي ...شوو صاير...
غاليه: ما صاير شي ... (تبي اتغير السالفه)...المهم ماا قلت لي انته شتسوي في بيتنا من الصبح..
سيف: غاليه...
غاليه: شوو؟
سيف: بقولج سالفتي ...بس ابشرط اتقولي سالفتج....وتطمني سرج بيكون في بير..
غاليه: اي سر ....انا قلت لك ...ما فيني شي ..ولا صاير شي...
سيف: غاليه....ثقي انه الكلام الى بينقال بينا ..محد بيدري فيه...واوعدج اني اكون متفهم ..وبساعدج....
غاليه: .............
سيف: غاليه...انا حاس انه صاير معاج شي .....
غاليه: ...............
سيف: تكلمي..
غاليه: ...سيف ...انا بقولك بس ارجوك ..افهمني..والله يخليك الا اتخبر احد..
سيف: غاليه ارمسي والله خرعتيني...
غاليه: اوكي بقولك..بس اول شي اوعدني انه محد يدري بالسالفه...
سيف: اوعدج ..والله ما بخبر احد بس قولي...ارمسي...

غاليه: ...الخايسه رفيجتي مره سوت فيني حركه..عمري ما راح انساها..
سيف : شوووووو سووت؟؟؟؟
غاليه: ..........
سيف : ارمسي...
غاليه:...مره عزمتني بيتهم..اونه مسوين عزيمه حق الربع كلهم...وانا كان خاطري اسير ...تحايلت على امايه انها تقنع ابويه يخليني اسير..وبعد مذله رضى ابويه..ورحت...اهناك..تفجات انه محد من ربعنا يا ....قعدنا حوالي ساعتين...وما شفت احد....وكنا قاعدين في غرفتها....انا واهي ..اشوي وقالت لي بسير...قعدت انا في الغرفه..كنت اطالع صورها الي امعلقتنهم...وما اعرف شو...وكنت حاطه شيلتي على جتفي...المهم اشوي ..وانفتح الباب ...انا عاد ما اتطالعت ..علشان اشوف منو الى ياي ...تميت عاطيه ظهري للباب ..وو............
سيف: شوووو كملي ....
((" فلاش باك"...
غاليه لما ما سمعت صوت..حست انه مب ارفيجتها الى دخلت لانها ما تكلمت ولا قالت شي استغربت...رفعت الشيله وتحجبت...لفت تطالع منو الى دخل.....وشهقت..
فهد: ( اخو رفيجتها كان واقف عند الباب ويطالعها...)...لا اتخاافي ...والله ما بسوي فيج شي..
غاليه: (تصرخ )...ومنووووو قال اني بخاف منك.....وبعدين انته شتسوي اهني..يالله اطلع برااااااا ..لا اصرخ بأعلى صوتي والم عليك الى في البيت كلهم....
فهد: ( ارتسمت على ويهه ابتسامه شيطانيه) ليش زيين..والله ما بسوي فيج شي ...
غاليه: عااااااد يعني انا الى بخلييك تسوي فيني شي...لا انت ولا عشره من امثالك يقدرون يسون فيني شي فاااااهم......ويالله اطلع برااااااا..
فهد: (تقرب منها اشوي)...ما بطلع...هذا بيتناااهههههههه
غاليه: (ابتعد بسرعه)..هيييييييييييييييه انته...شتبي مني ..وبعدين انته منوووو ؟؟؟
فهد: انا راعي النيسان... هههههههههههههههه
غاليه: (شلت جنطتها ومشت عنه).....سخـــــــــــــــــــيف
فهد: (مسك ايدها)..ويييييييين راايحه...
غاليه: (سحبت ايدها عنه)..انته اييييييييييييييي ..منو سمحلك تمسكني.....انته شوو من الرياييل ....وبعدين ما اتطالعت ويهك في المنظره قبل لا تيي ...مالت عليك ...استح على ويييييييييهك...
فهد: هههههههههههههههههههه......حرام علييج....حليلي والله ...لا تغرج هاللحيه..تراني اصغير ومزيوون...
غاليه: صدق الى قال الشيفه شيفه...والمعاني ضعيفه...(مشت عنه وطلعت براا)..
اتصلت حق ميره اختها علشان اتطرش لها الدريول والخدامه ....وبعد عشر دقايق ..وصلوا وراحت البيت...كلمت رفيجتها على طول بالتلفون...
غاليه: الووووو
منال: غلووووووي ...ويينج...؟؟؟ رجعت للغرفه ما حصلتج وين رحتي؟؟؟
غاليه: (معصبه)..وين رحت!!!؟؟ لج عين بعد تسألي...
منال:..ههههههههههه ..شو فيج؟؟؟ ليش امعصبه...