غاليه: الحين انتي كيف اتروحي عني واتخليني في الغرفه برووحي...وهذا اخوج...المغازلجي...ليش يدخل الغرفه...ما يعرف انه عندج ضيوف.....ولا ليكوون انتي الى خليتييه يدخل....؟؟؟..
منال: اخووووي...ايييييييييييييه انتي شتقولي.؟؟؟ منو من اخواني دخل عليج الغرفه.؟؟؟
غاليه: وانا اشعرفني ...تراااااااااااااااااهم كلهم امغازلجيه
منال: اييييييييييييييييه عن الغلط...
غاليه: جب يالله جب ..احمدي ربج اني...ما سويت لكم حفله في البيت وفضحته
منال: هههههههههههههههههههه حرام عليج..عااد شو سوالج اهوو.. وبعدين اي واحد فيهم...كلهم اكبار ..وماينفعونج ..هههههههههههههههه
غاليه: تستهبلين انتي مع هالويه.....
منال: هههههههههه ..والخيبه...مب السان عليج انتي....المهم يالله بسكر ..امايه تزقرني...وعلى سالفة اخوي...الحين برووح وبحقق معاهم واحد وااحد..يالله مع السلامه.. ))
سيف: بس؟؟؟ اكييد شفتيه مره ثانيه...ولا انا غلطانه؟؟
غاليه: ممممممم ....هيه.. بعد اسبوع تقريبا شفته لما .. . كنا رايحين السوق ..مع ميروه اختي... كنا انا وعاليه وافنان.........

(("فلاش باك لليوم الى راحوا فيه السوق"..
"في محل الجلابيات"
عاليه: غلووووي...
غاليه: ............(مب منتبهه حقها)..
عاليه: غاليووووووو وصمخ(ضربتها على راسها)...
غاليه: وكــــسح ان شاءالله.....اشفيييييج انتي مينونه...
عاليه: خييييييييبه لا تدعي علي......شسوي فيج.. صارلي ساعه ازقرج...حشى...
غاليه: ليش تزقريني اشعندج...سندرتي راسي...
عاليه: ممممم
غاليه: احلفي انتي بس ...بترمسي والا اسير عنج....
عاليه: لا خلاااااص بقووووووووووول...ممممممممم...ابي اشتري هديه حق رفيجتي ..بس اخاف ميروه ما ترضى انروح ..محل الهدايا...
غاليه : ليش انتي شو ناويه تشترين حقها....
عاليه: ما ادري انا بسير اهنااك وبشوف... الحين المهم..يالله دبريني..شسوي...؟؟
غاليه: مممممممم....عندي فكره..
غاليه: انتي روحي المحل واشتري بدون ماا يدرون...وانا بغطي عليج اذا سألوا عنج...شو رايج...
عاليه: لاااااااااااا والله...بعدني ما تخبلت..اسير ابروحي...اخاااااااااف..
غاليه: اقــــــول..(دزتها بعيد عنها)..قومي عن ويهي لا ارفسج الحين....
عاليه: هههههههههههههههههه....حرااااااااااام غلوي...والله انا اخااف ....زين انتي سيري ...وانا الى بغطي عليج....
غاليه: هيه ..لا بالله انخرطنا بالعصا اليوم...يوم الا انتي الى بتغطي علي...
عاليه: حراااااااااام غلوي...والله...اتسيري.....هيييييييه صح..
غاليه: شووو يا ابو العريف ...اشعندج....
عاليه: ميروه اكيد بتسير محل اليهال...تشتري حق البيبي ...وحق ريانوا..اهي لما تدخل محل اطفال ...ما تطلع منه الا بعد ساعتين....يعني عندج وقت تروحي وترجعي...هاااااااا ..شوقلتي....
غاليه: ممممممممممم..اوكي هاتي البيزات....بس انتبهي ولا اتخليهم يحسون اني محد...
عاليه: اوكــــــــــــي....Give me five
غاليه: (ضربتها على ايدها)...صدق انج متفيييييجه...يالله ااناا بسير...

راحت غاليه..وعاليه تمت طول الوقت مرتبكه...وكل ما يسألوها عن غاليه...تقول واقفه ورا اتطالع بدلات اليهال..اما غاليه..راحت المحل...وقعدت اتدور على شي حلو...ينفع هدية...المحل كان كله دباديب..ولعب ...واشياء ستايل ..الوانها رهييبه....طاحت عينها على دب ابيض اكبير...ماسك في ايده قلب كبير احمر....وشافت علبه كبيره..على شكل قلب ..علشان اتحطي فيها الدبدوب...واتحطي معاه..هدايا اصغيره........خذته وقعدت اتدور على شي خفيف اتعبي فيه العلبه...مثل برواز صغير ولا اي شي ..غاليه كانت شايله الدبدوب في حضنها ..ومن كثر ما الدبدوب كبير...كان امغطي على ويها...وما كانت اتبين ...اشوي وما اتحس الا واهي طايحه على الارض والدبدوب طاح من ايدهاا...
غاليه: (حاولت اتقوم عمرها)....ويهـــــــــــــــــــــــــــــــد ان شاءالله....
فهد: السمووووووووحه اختي والله ما شفتج....
غاليه: (امعصبه .. امنزله راسها واتنظف عباتها).. كل هذا وماا شفتني...عسى عينك العمى ان شاء الله
فهد: قلنا السموحه...ليش يعني كل هالغلط..
غاليه: عقيتني..جدام الناس واتقول ليش الغلط ..(رفعت راسها).....احمد ربك اني ماااااا ........(سكتت)...
فهد: (ابتسم حقها)...ماااا شو؟؟؟ ليش سكتي؟؟؟
شلت الدبدوب والعلبه ومشت عنه...حاسبت ابسرعه وطلعت..راحت عند خواتها على طول...وبعد ساعتين من المشي ورا ميره..اشترت عاليه باقي الأغراض الى بتحطيها داخل العلبه وبعدين ..خلصوا ورجعو البيت....)))
سيف: وطبعاا ...اكيد ..كان اهوو نفسه الشخص صح؟؟
غاليه: هيه..
سيف: وبعدين ..شو صار كملي؟؟؟
غاليه: كنـــــــــــــ.......(سكتت ما كملت)..
سيف: شووفيج؟؟؟
غاليه: ابييييييييييييه ..هذا ابوي رجع...غريبه ..مب بالعاده يرجع في هالوقت...
سيف: والخييييييييييييبه...قومي..بسرعه دخلي داخل....يالله بسرعه قبل لا ينتبه لج...
غاليه: اوكي( قامت وركضت على طول للصاله)...
اما سيف تم قاعد في مكانه....ما حب انه يرجع داخل خصوصا انه عمه رجع البيت...زقروا على الغدا ..بس قال انه ما يبي .....يات الساعه 2 ونص...حس بالحر....قام ودخل داخل...اول ما دخل طلع له عمه في ويه..الى كان توه بيقوم يروح يرقد وكان شايل جريده في ايده.... اول ما انتبه لسيف وقف..
ابو محمد: بسك ....خلصت حمامك الشمسي...
سيف: (في خاطره" يالله مسينا على خير..من وين طلع لي هذا ..انا حسبته رقد")....................
ابومحمد: ماااا اترد؟؟؟...
سيف: هيه خذيت حمام شمسي ..وتودنت فيه لين نقعت...
ابومحمد: حشم ياا ولد..الظاهر انه الضرب ما فاد فيك.....
سيف: اوووووووف...استغفر الله العظيم....
ابومحمد: اقوول تعاال عطني كف على ويهي احسن...شكلك يبالك تربيه من اول ويديد..
سيف: (عصب من كلام عمه)....الحمدلله انا متربي احسن تربيه...
ابومحمد: امحق تربيه..دامهاا يات من حرمه....ما اتشووف نفسك..وشكلك...تقول بنيه...حتى كلام مثل العالم والناس ما اتعرف اتقول...
سيف: (خلاص اعصاب سيف فولت..وما قدر يستحمل كلامه..).....انت اييييييييي....انا مااااااااا اسمح لك تقول عن ..امايه هالكلااام...وتربيه امايه حقي ..تسوا تربيتك..بالف مره.....شوو محسب نفسك انته.....علشان عمي..خلاص...اتسوي الى تبيه فينا ..واتمشينا على كيفك.. حيوانات احنا عندك......والله اني ما اتشرف انك تكون عمي..ولا اتنزل حتى..
ابومحمد انصدم من كلام سيف..عق الجريده الى في ايده..ومشا لين عند سيف...رفع ايده علشان يضربه...لكن فيه احد يا من وراه ومسك ايده...
محمد: الضرب عمره ماكان حل ...
ابومحمد: ابعد عني انته وخل نصايحك لك.....
محمد: (وقف جدام سيف)...ابويه...حراام عليك..والله حرام ..هلكته من الضرب...مب جي الناس يتفاهمون...
ابومحمد: حموود قووم من جداامي احسن لك....
محمد: (طالع سيف)...سيف ..اصعد فوق...روح غرفتي...يالله بسرعه...
سيف: ما برووح غرفة احد......ومب قاعد في هالبيت اصلااا.....انا بروح بيتنا....وما علي منك....والى تقدر عليه سوه انا ماا يهمني...(مشى على طول ..وطلع من البيت بثيابه الى عليه..واهو طالع لما حس انه محد لحقه..شاف الخدامه برا ..وقال حقها تيب له ورقه وقلم..ولما يابتهم...كتب في الورقه..وعطاها حقها علشان توصلها لغاليه..وقالها ما اتخبر احد..)....
ابومحمد: (دز محمد علشان يلحق سيف واييبه...بس محمد مسكه)....
محمد: الله يخلييك خله في حاله...
ابومحمد: (سكت عنه)....انزيين خله يولي...حسابي معاه بعدين...المهم...انته ما اتقولي شو بينك وبين غاليه؟؟ ليش ما خليتها اتروح المدرسه امس؟
محمد: (في خاطره" توك تتذكر ...الحين غاليه صار لها كم يوم ماداومت وانت الحين تسال...لااا ويعيب على تربية سيف")....
ابومحمد: اييييي انته ماا اترد؟؟ اكلم نفسي انا؟؟
محمد: هااااااا....لااا ماشي ...بس اهي كانت تعبانه وانا قلت حقها لا اتسير خلها ترتاح في البيت ...مافينا تتعب عليهم اهناك ..
ابومحمد: ولــــــــــــيش ما وديتها المستشفى ..ولا جان قلت لي بروحي بوديهاااا..
محمد: ودييتهااا ..والحمدلله طلع اشوية تعب وارهاق من قلة الاكل...
ابومحمد: هيه ترااني اقول حق امك...شوفي اعيالج راقبيهم لما بياكلوا..لا اتخليهم على كيفهم...لكن امك لاهيه....المهم جي اباك...خلك دوم انداري على خواتك...واتشوفهم شو يبون...زين يا ولدي..
محمد: ان شاء الله..
راح ابو محمد يرتاح في غرفته.. اما محمد. .. تم واقف في الصاله..يفكر..
غريبه؟؟؟شو الى خلااه يتخلااا عن فكرة انه يحبس سيف في البيت....؟؟؟ ليش خلاه يروح؟؟مع انه كا بإمكانه يلحقه..بس ليش ما لحقه؟؟؟ اكيد في باله شي يبي يسويه؟؟...
ام محمد دخلت الصاله وشافت محمد واقف ..زقرته بس ما رد عليها.. تقربت عداله....ودزته...
ام محمد: ايييييييه انته...ما تسمع...ساعه وانا ازقرك.....؟؟
محمد: هههههههههههههه...السموحه..امايه ما سمعتج...
ام محمد: ليش ابوي...اشعندك..سرحان في امنو انشاءالله..
محمد: سرحااااااان في القلب هههههههههههه..
ام محمد: بس يالله عن هالرمسه..الضايعه.....اقوول..
محمد: قوولي فديتج انا...
ام محمد: حمووود ارمس زين لااااا افرك الحين...
محمد: هههههههههههههه حشا اندرتيقر مب اماايه...
ام محمد: منو بعد هذا تيقر..
محمد: هذا مصارع اماايه...
ام محمد: ويييييي بسم الله علي...سلط الله على بليسك من ولد..جان اشبهني بهالسبلااااااان...
محمد: هههههههههههههههههههههههههههههههه...محشوومه والله اماايه....هههههههه والله انج سواالف..
ام محمد: انزين بس يالله.....وقولي...شو عندك العصر؟؟ بتسير مكان؟؟
محمد: لااا ما عندي شي ..ليش؟؟
ام محمد: اباك اتسير..بيت خالتك..اتوديلها اغراض....حشرتني من متى ..تسأل عنهم ..وانا تعايز اسير ليها..
محمد: والعثررررررره...حرام عليج اماايه ..تبيني انقع الفجيره...مااا ارووم بعيد...خلي ابويه يوديج وسيري انتي ويااه..انا ماافيني على الدرب..
ام محمد: والله انا مااا قاعده استشيرك....انته بتسير وريلك فوق ارقبتك...وانا قلت تراني ما فيني شده اسير...صدعة راس...
محمد: (حط ايده على راسه)...يعني ماشي امل انج اتغيري رايج؟؟؟
ام محمد: لااا....يالله سير ريح لك ساعه ..وبعدين بقومك ..يالله
محمد: ان شاءالله...كم ام محمد عندي انا..(باسها على راسها وراح)...



"في بيت ابو راشد وبالتحديد في غرفة ام راشد..الساعه 2:30..يوم الأحد"

راشد كان توه راجع من دبي....راح لميره المستشفى ...تطمن عليها وعلى الولد...وراح البيت على طول....واهناك استقبله حميد....وزف له موجز مختصر من الاحداث الى صارت....تضايق واايد وعصب....قام عنه وراح غرفه امه...اول ما دخل شافها متدده على الأرض..باس راسها وقعد...واهي كانت هاديه على غير العاديه...
راشد: اماايه....حميد يقولي انج ما كلتي شي اليوم..ليش جي ياا ماايه مب زيييين ..لج..
ام راشد: ويين اقدر اطيح في بطني شي ...وولدي مب في غرفته ولا في البيت...
راشد: زيين عيل ليش خليتيه ياخذه..؟؟ ليش ما دافعتي عنه لما كان يضربه؟؟؟؟
ام راشد: شسوي ..... انا قلت انه لمصلحته ...لو عمه درا....انته شـــفت كيف كان يعاملنيه ويعامل اخوانك...ما كان عندي غير هالحل.....
راشد: امااااايه بس الصراحه عمي وايد زودها معاه ...اهووو مب حيوان علشان يضربه جي......
ام راشد:.....................
راشد: انا حااس انه عمي سوا هالشي ..لانه متضايق منا احناا...مب علشان سيف...هذا عمي ..وانا اعرفه..اكيد في باله شي ثاني؟
ام راشد: (تعدلت في قعدتها)....أشعنه اتقوول هالرمسه عن عمك...شو تقصد...
راشد: اماااايه....عمي...شكله متضايق ..لانا ما ردينا عليه في سالفة..خلود هذاك اليوم...وخاصة انه وضعنا المالي في الشركه ما يطمن...ولازم تستعيل في الزواج...بس اهو مب عارف كيف يقولنا هالكلام......حط حرته كلها في سيف...
ام راشد: (اتصرخ)..والله انا ماا علي منه...انا ما بزوج بنتي....حق وااحد اكبير قد ابوهااا..جي وين صارت هذي...
راشد: خلاااااص امايه الى تبينه بيصير بس هدي نفسج انتي....
ام راشد: راشد ..اباك اليووم اتروووح بيت عمك واتييب اخوووك...حشى ماا يبات عندهم ليله ثانيه...و عمك اذا ما عيبه...يسوي الى يبيييه...انا ما اخاف منه.....
راشد: انشاءالله امايه بس هدي نفسج انتي....
ام راشد: شوووف انته اتقول لعمك...خلود ماا بتتزوج هالريال ....وخله يسوي الى يبيه..حشاا ....وهذا الريال مااا يستحي ..وحده اصغر منه بسنين ..يبي يتزوجهاا...وبعدين اهو ليش مصر على خلود ....وين شافهاا؟؟
راشد: مااا شافهاا في مكان بس اهو عرف انه عندنا بنت على ويه زواج...و يعرفنها انا ناس طيبين ومتعاملين معاه من زمان...ف حب انه يناسبنا......وبعدين اماايه..اهو الا اكبر عنها ..ب 12 سنه عاادي مب مشكله...اماا يه فكري عدل..تراا عيالج متعودين يصرفون...ما ترضين انهم في يوم ..يحسون بالنقص.... شو قلتي
ام راشد: قلت ...لاا اله الا الله.....
راشد: محمد رسول الله...هااا يا ام راشد... ترا انا ما اضغط عليج..بس انا اقولج على وضعنا الحين..عسب اتعرفين ..وانتي كيفج...انا الا اخوهاا..والكلمه الاوله والأخيره راجعه لج
ام راشد: خـــــلاص انا بكلم اختك اليوم...وبشوف شو اتقول..
راشد: شوو بتقوول بعد...البنات مالهن شوور ...الشور ..شور اهلهم...وبعدين اكيد خلود ماا بترضا..اذا سالتيها..بس اذا بينتيلها انج موافقه خلاص ...بتحس انه ما عندها فرصه غير انها اتوافق
ام راشد: خلااااص يبووك الى تشوفه لمصلحت اختك سوه......بس اليووم ابيك اترووح واترجع سيف ...
راشد: ان شاءالله امايه..(حط ايده على خشمه)....على هالخشم
وكان الحين بيقوم..عنها ...بس انفتح الباب فجأه...وكان حميد اهو الي ياي...
راشد: ماا اتعرف اتدق الباب...
حميد: انشاءالله في المره اليايه......
راشد: ( ضربه على راسه)..ويااا ويهك...
حميد: ..هههههههه...اقووول ..شو سالفتكم....نص ساعه من دخلت للوالده...شو هالأسرار الى طلعت بينكم فجأه واحناا ما ندري....
راشد: لااا اسرار ولا هم يحزنووون...كنا انسولف عن سيف...
حميد: متاكد...
ام راشد: عنلاااااااتك من ولد... يعني احنا بنجذب عليييك..
حميد: لاا محشووميين... الا اقوووول..شوفيها خلوود..
ام راشد: (حطت ايدها على قلبها)...وييييييييه...بنتي اشفيهاااااااااااا...؟؟
حميد: مااا فيهاا شي لا تخترعيين...
راشد: حميدوووو تكلم احسن لك نشفت ريجنا...
حميد: حميدوووووووو....(حط ايده على خصره)....شوووشايفني ..راعي دكااان شووووو
ام راشد: حمووووووووووود تكلم لااااااااا اخرطك بهالنعاال الحييين...
حميد: هههههههههههههههه...والخيبه...خلاص بقول كلتوني.....ماشي بس وانا نازل من الدري.. شفتها صاعده واتصيح..سالتها شوفيج ما ردت علي..قلت يمكن حد منكم قال لها شي ....
سكتت ام راشد...وراشد بعد.....والى كانوا يفكرون فيه...نفس الشي......... " يمكن خلود سمعتهم واهما يتكلمون"....
حميد: حووووووو....شوفيكم؟؟؟؟؟
راشد: اماايه ..انا بسير عند خلود..
ام راشد: خلاص يا ولدي روح انته...
حميد: واناااا...
راشد: انته شووو؟؟
حميد: بروح معاك...يااا اخي انا احس انه فيه بيكم شي...اول ما دخلت سكتوا ..شسالفتكم...
ام راشد: راشد....شيل اخوك...ورورحوا ..خلوني ارتاح.... يالله...(تسدحت على الارض..علشان ترقد)..
راشد: يالله امشي..
حميد: لحظه خلني القط ويهي(وقعد يسوي نفسه جنه يلم شي من الأرض)....
راشد: ههههههههههههههه..والله انك متفيج..يالله امشي اشوف ...
طلع حميد وراشد من الغرفه...

"في غرفة خلود"
خلود كانت نايمه على السرير واتصيح...سمعت صوت دق على الباب بس ما قامت تفتحه....
راشد : خلووده بطلي الباب...
خلود: ...........
راشد: خلود حبيبتي بطلي الباب بكلمج اشوي.....
خلود: .................
راشد: حرام عليج اتخلين اخوج واقف على الباب جي....ما لي خاطر عندج انا....
ثواني...وفتحت خلود الباب وردت ترقد...
راشد: خلود...
خلود: ..............
راشد: طبعا سمعتي كل الرمسه الى دارت بيني وبين امايه..صح؟؟
خلود: ............
راشد: خلود..الزواج هذا بيكون لمصلحتك..وثقي تماما..اناا ..نبي مصلحتج...والريال ..ما ينعاب ...مال ..وجمال... وطيبه...صح انه اكبير اشوي ..بس والله مب امبين عليه
خلود: لااا اتقول لمصلحتي....قول لمصلحتنا ...انت وعمي...
راشد: اوكي لمصلحتنا.....وانتي ما تبين مصلحتنا...؟؟؟ اعتقد انج سمعتي كل الرمسه..وما يحتاي اعيدها لج...انتي عارفه...احنا ليش نبي هالشي...وعارفه ..شو وضعنا...يعني لازم تفكرين على اساس ..ثاني ..مب على اساس الزواج نفسه....شوفي ايجابيات الريال...واحكمي عليه...ولا يغرج انه كبير..
خلود: انا لاااا بفكر ..ولا شي...خلاص الى تبون اتسونه ..سووه انا ماا يهمني...
راشد: ليش يعني؟؟؟
خلود: راشد خلاص..انا مواقفه..وماا ابي اتناقش بالموضوع....والحين ممكن اتخليني ابروحي ابي ارقد..
راشد: على راحتج..
طلع عنهااا...وعلى طول قامت خلود وقفلت الباب وردت اتصيح... ماصدقه..الي بيصير...وليش اهي بالذات....تمت اتصيح لين رقدت...