"في بيت ابوسعود وبالتحديد في الصاله..الساعه 2:30..يوم الأحد"

في الصاله هند كانت قاعده مع خواتهاا....يات عندهم من الساعه 12 علشان تتغدا معاهم...وعبدالله خلته في البيت ...وكل اشوي إمأذيها يتصل فيها....واهي مستانسه تضحك عليه..
هند: الووووو..
عبدالله: فديييييييييتهم والله...
هند:هههههههههههههههه...لااا والله..
عبدالله: حبيبي ..شو رايج ايي اخذج الحين؟؟
هند: عبدالله ...مب توك من خمس دقايق متصل وقلت لي نفس الرمسه؟؟؟
عبدالله: حراااام عليج..والله اني متوله عليج...انتي كيف يالج قلب اتخليني ابروحي...
هند:ههههههههههههههههههه..انزين الا اهماا ساعتين غبت عنك لحقت تتوله علي...؟؟
عبدالله: وانتي عندي...اتوله علييج...كيف اذا بعيده عني...
هند: ههههههههههههههههه..
عبدالله: ياااااااا ويل حااالي انا على هالضحكه...خلاااص ماا اقدر.. الحين بيي اشلج اوكي...
هند: لااااااااا عبادي ...خلني لين العصر...تو الناس...
عبدالله: شو قصدج يعني ما تولهتي علي؟؟
هند: بلااااااااا تولهت عليك..بس ابويه للحين ما رجع البيت ..ابي اشوفه واسلم عليه..
عبدالله: اوكي على راحتج...
هند: انزين انته ليش ما رقدت.؟؟؟
عبدالله: الحين بسير برقد...يالله مع السلامه..
هند:هههههههههههههههه...مع السلامه..
سكرت هند عن عبدالله وقعدت تضحك عليه....خواتهاا كانوا مستانسين عليهاا...ومشتاقين حقها جنهم ماا شافوها من سنين....
نور: اشعلييييييييج..ريلج متوله علييج...
هند: ههههههههههههههههههه..لاا والله...يالله صخي ..ولا اتقولي هالرمسه..بعدج اصغيره...
نور: لا اصغيره ولا شياته...ماا باقي شي واكمل 15 سنه...وان شاءالله ..الله يرزقني بمعرس مثل ريلج...
هند: (امعصبه)..نوروو ...بس يالله عن هالرمسه......
دانه: ههههههههههههه نازعوووووهااااا..
نور: (ضربة دانه على راسها)...اسكتي انتي...
هند: عيل وين سعود وفجر...
نور: سعود من طلع وراح المدرسه وللحين ما رد....وفجر ..احيدها تلعب في الغرفه...
هند: ليش اهو متعود يتم برا لين هالوقت...
دانه: اصلااا سعود ما يرجع البيت الا حزة الرقاااد...
هند: ومااسألتوه وين يسير...
نور : بلااا..كم مره سألته.....يقول عند ربعي...وبعدين هذا صاير ما يسمع الكلام..دوم يتناقر.مع دانه..كله ضرابه في البيت...
هند: والله اني خايفه يكون مرابعله ..من هالمصبنه....ماشي حل غير اني اكلم عبدالله ..يشوف لي صرفه معاه..
نور: هيه والله احسن ...يمكن يسمع كلامه ويصطلب....
هند: ان شاءالله....اقوول دانه..قومي روحي يبي فجر..ما شفتها واايد...هالبنت ما اتعرف تقعد....
دانه: انشاءالله...
راحت دانه الغرفه...وبعد دقيقتين ردت تركض...
دانه: ابييييييييييييه ما حصلتهاااا في الغرفه...
هند: (قامت من مكانهاا)..انزييين اشفيج خرعتينااااااا.. يمكن قاعده في الحوش ولا المطبخ...
نور: (قامت نور بعد)..ما اعتقد....هالأيام فجور متعلمه تطلع برااا تلعب في الفريج...والله اني هذا اليوم بليل حصلتها تلعب عند الباب...
هند: انزيين ..روحي انتي وياهاا..كل وحده اتدور مكاان......ان شاءالله بنحصلهااا...
راحت نور اتدور عليهاا عند الباب برا..اما هند ..طلعت اتدور عليها في المطبخ......ودانه...في الغرفه الباقيه والمجلس.....فتحت دانه غرفة سعود..ودورت عليها بس ماحصلتهااا...راحت..غرفتهم اتدور عليها مره ثانيه يمكن ما انتبهت في المره الاولى....بس بعد ما حصلتهااا...ما بقى غير المجلس...اول ما فتحت الباب ...صرخة بصووت عالى..خلاا نور وهند ايون يركضون بسرعه...دخلوا المجلس....نور مسكت دانه وقعدت اتهديهاااا...اما هند على طول ركضت حق فجر الى كانت طايحه في نص المجلس...وغرشة الخمر طايحه عدالها واخلصه....هند قعدت تهز فجر...وتصفعها في ويها علشان تقوم بس فجر...............

نهــــــــــــــــاية الجـــــــــــزء








"الجزء الخامس عشر"
"في بيت ابوسعود الساعه 3وربع يوم الاحد"

هند على طول ركضت حق فجر الى كانت طايحه في نص المجلس...وغرشة الخمر طايحه عدالها وامخلصه....هند قعدت تهز فجر...وتصفعها في ويها علشان تقوم بس فجر....كانت راقده ...لكن الضرب الي ياها من عند هند خلاها اتقوم من نومها مخترعه...
فجر: آآآآآآآآآآآآآآآآآي....(قعدت اتصيح)...
هند: (حضنت فجر وقعدت اتصيح)...فديتج حبيبتي ...خرعتيناااا ...
فجر: ليييييييييييييييييش ضربتيني....يعووووووووووووور...آآآآآآآآه....اهىء..ا هىء..
دانه: (تمسح دموعها)..الله يااااااااااا خذ ابليسج بغيتي تجتلينا من الخوف..
نور: (مشت لعند هند وخذت عنها فجر)....يبيها عنج هند بوديها الغرفه اتكمل ارقادها اهناااك...
نور خذت فجر وراحت...اما هند ..كانت بعدها قاعده على الأرض واتصيح...دانه تمت واقفه يمها واتصيح بعد....
هند: انا ما ادري ابوي لين متى بيتم على هالحاله....يعني هالمره ربنا ستر لكن المره الثانيه ما ادري شو بيصير....والله حرام عليه الى قاعد يسويه فيناااا ...والله حراااااااااااااااام.....
توها امخلصه هند جملتها ..ودخل عليهم ..ابوهااا...
ابوسعود: حــــــــــرمة عليج عيشتج انشاءالله يا بنت الجلب....
هند: (طالعت وراها متفاجأه)...ابوبه..!!
ابوسعود: لا ولد ايرانكم...انتي شيابج اهني...مب البارحه كنت يايه....شيابج اليووم..بعد ..على بالج فاتحين كورنيش احناا...
هند: ابويه...انا ياياه اتطمن على خواتي...واشوفهم...ويايه اشوفك انته بعد...
ابوسعود: ما ابيج اتشوفيني...من زين شيفتج....يالله اشووف قووومي روحي بيتكم...
دانه : ( ما قدرت تضبط اعصابه)....حرااام عليك..حتى اختنا تبي تحرمنا منها....انت ليش جي...شو من البشر انته....خلااااااااااص انا ما اقدر استحمل اكثر...مليت من هالبيت....
ابو سعود...عصب من رمسة دانه...على طول راح لها ...وسحبها من شعرهاا...
ابوسعود: عااااشت دانووه... هالنااقص والله..ما باقي غير انتي ..ترفعي صوتج علي...(سحبها لين برا المجلس وفرها )...روحي اشووف من ويهيي...
هند: ( على طول ركضت وراهم)...ابويه حراااااااااااااااااااام ..
ابوسعود: (طالع هند)...وانتي بعدج قاعده ...روووحي بيتكم يالله...براااااااااااا..ولعاد اشوفج مره ثانيه في هالبيت ...محد خربهم علي غيرج...يالله براااااا...
طلع ابوسعود عن هند وخلاها غارقه في دموعهاا...تبجي على حالها وحال خواتهاا..خاطرها تاخذهم عندها بس تدري انه ابوهاا مستحيل يرضا...اتصلت هند في عبدالله..راح يصلي وعلى طول ياها وراحوا البيت..
بعد ساعتين ...نور كانت طالعه من المطبخه....دخلت الصاله شافتها فاضيه..راحت غرفة سعود.. شافت نور تذاكر اهناك....ردت الصاله و...قعدت اترتب فيها واتنظفها..اشوي طلع ابوها من المجلس وياهم الصاله..
ابو سعود: اي انتوا ...انا حاط اغراض في المجلس من ساعه وين راحت؟؟؟
نور: (في خاطرها تقول...بعد احنا سمعنا انه الناس يسكرون بليل ..لكن هذا الابو ما عنده فرق بين بليل والظهر كله وااحد)....
ابوسعود: اكلمج انا اييي ليش ما اتردي
نور: (ترد بدون نفس)..ما ادري؟؟
ابوسعود: شو ما تدرين...انا متاكد اني حاطهم في المجلس من البارح ..منو دخل اهناك وعبث بالأغراض؟؟؟؟
نور: محد عبث بالأغراض و محد دخل المجلس من بعدك..فجوره وراقده من متى وسعود محد ..ودانه اتذاكر في غرفة سعود...يعني محد خذاهم..
ابوسعود: فجر راقده؟؟!!..متى....انا قبل اشوي شفتها داخله الصاله...
نور: (حطت ايدها على قلبها وعقت الي في ايدها..وركضت على الغرفه بسرعه..)..ياااااااااا رب رحمتك...
اول ما دخلت الغرفه..حطت ايدها على حلجها وقعدت على الأرض....
نور: انتييييييييييييي شتسوين يالخبله.....؟؟؟؟؟؟
فجر: حلووو..؟؟
نور: (قامت لعندها )...الله ياااااااااخذ ابليسج....شوو حلو..(ضربتها براسها)...
فجر: ااااااااااااااااااااي يعوووووور..اهيء اهيء اهيء..
نور: تستاهلي يالخايسه...ليش جي سويتي ....مينوونه انتي..الحين ابوج بيذبحج
فجر: انتي مالت خص ..اهيء اهيء....يبييي ...
نور: (مسكتها من ايدها حيل وقومتها)...قووووووووومي ..لا بارك الله فيج....قوومي
فجر: ماااااااااااااااا ابااااااااا...اهيء اهيء ..اهيء..
دخل ابو سعود..ومسك على راسه من الى شافه....فجر كانت ماخذه الكياس الى كانوا في المجلس..وامفضيه الغراش الى فيهم في طاسه اكبيره....وخالطتهم مع كريم مال الشعر ..وماسكه القفشه بإيدها وتخلط ..
ابو سعود: (حاط ايده على راسها)...والخيييييييييييييييييبه...
نور: (مسكت فجر وحضنتها ).......
ابوسعود: يالمينوووووووووونه انتي اتعرفي هذولي بكم؟؟؟؟؟؟؟؟ انا دافع عليهم دم قلبي ...(مشى لعند نور وخذا عنها فجر)...ليش سويتي جي يااااااااا بنت الجلبه...
نور: (تحاول تاخذ فجر عنه)....ابويااا خلها ...هذي ياهل ما تفهم ...خلااص خلهاا...
ابو سعود: (ماسك فجر من جتفها ويصفعها حيل على ويها)...الله ياااخذج شسوي فيج ....اذبحج
نور: (اتصيح)...ابويا خلاص خلهااااا بتجتلهاا.....حراااااام عليك...
ابو سعود: يعلهااا المووووووت ان شاءالله...قومي عني انتي(دز نور بعيد عنه)....الله يا خذكم من عيال..(يرجع يصفع فجر)....يالجلبه ..يا بنت الجلب ...
نور: (سحبت فجر عنه وركضت برا الصاله)....
ابو سعود: الله ياااااااخذكم من اعيال ....الله لا يبارك فيكم ان شاءالله...
دخلت نور غرفة سعود وقفلت الباب عليها..وكانت اهناك دانه قاعده بعد...تموا قاعدين في الغرفه ..فجر ميتعه من الصياح..ونور اتصيح على حالهم...
"في بيت ابوراشد الساعه 4:00 يوم الاحد"

سيف كان متردد يدخل البيت من طلع من بيت عمه واهو خلاص امقرر انه يرجع البيت ..بس اول ما وصل عند باب البيت غير رايه....ما كانت عنده الجرأه الكافيه انه يدخل البيت..بعد الى صار له ..كان كاره كل شخص في البيت بس طبعا مب من قلبه...تم واقف عند الباب رايح راد..متررد يدخل ولا لا...اشوي وصلت سياره وقربت من البيت...كان بيروح اول ما شاف السياره لكن عبدالله ما عطاه فرصه وقف السياره بسرعه وعلى طول ركض لعنده..مسكه من ايده وحضنه..وهند نزلت على طول من السياره وراحت داخل البيت ..
عبدالله: فدييييييييييييتك والله وفدييييييت ريحتك المعفنه..جنه ميت سنه مرت وماا شفتك مب جنه الا يوم لا حتى نص يووم...والله انه لك وحشه..
سيف: هههههههههههههه ..لا والله ..يالطفس محد امعفن غيرك....وبعدين عن هالخريط....ادريبك لا اتحبني ولو تحبني جان ماخليت عمك يضربني جدامك وانتوا كلكم ساكتين...
عبدالله: احلف انته بس ..دخييلك انته قبل ما تيي واهوو حاط علينا انا وحميد زين ماا خرطنا بالعصا الى بإيده..المهم يالله تعال داخل ترا نقعتني الشمس ...
سيف: ..............(مشى عنه)..
عبدالله: (مسكه )..وين رايح؟؟؟
سيف: ما ادري...
عبدالله: سيف بسنا من المشاكل ..خلنا نبدي حياتنا من يديد وهالمره من دون تدخل من عمي ..وامايه تراها متولهه عليك وايد...(سحبه من ايده حيل)...يالله امشي..
دخلوا عبدالله وسيف البيت...الصاله كانت فاضيه..مشوا وكانوا يسولفون..اشوي ونزل راشد من فوق وشافهم..على طول راح لهم تحت..
راشد: فديييييت ريحت اهلي انا ...بعد عمري والله ..تو ما نووووور البيت..
سيف: (قعد يشم اثيابه)..انتوا اشفيكم على الريحه اليوم....ليكون انا صدق معفن ..(رجع شم ثيابه)....لاا والله ريحت الصابون بعدها فيني ..فديتني متسبح..
راشد وعبدالله: ههههههههههههههههههههههههههههه..
راشد: شنسوي بعد...والله انك وحشتنا.....وصدق انك ولد حلال ..انا كنت الحين بسير بيت عمي علشان اييبك البيت..
عبدالله: ما عليك منه ..يخرط عليك....اناكنت رايح اييبك بس قالوا حقي انك طلعت ...
راشد: احلف انته بس...
سيف: بس بس ..لا تتضاربون علشاني انا ماا احب العنف خلاااااص والله عرفت ..كلكم تحبوني...وانا بعد احبكم وااااااااااااااااااااااااايد(فتح ايده بكبرها حيل ..كان قاصد يدز عبدالله من صوب وراشد من صوب) هالكثر..
عبدالله: والخييييييييييبه ..حشا مب حب هذاا ...ههههههههههههههههههه..
راشد: ههههههههههههه..والله انه ما عندكم سالفه ..بسير اشوف ام مايد..
سيف: منو ام مايد؟؟
راشد: منو بعد ...ميروه مرتي...
سيف: اونننننه سميته مايد بعد...حليلك والله مبرووك يتربى بعزكم ان شاءالله..
راشد: وبعز اعمومته..
عبدالله: لا ابوي ...انا ما اربي بعزي غير اعيالي ....يالله عنده عمام ثانين...
راشد: ماعليييه يالزطي...
عبدالله: ههههههههههههههههههههههه...طالع عليك...
سيف: اقووول...تراكم سندرتولي راسي...بسير اريح احسن لي...(مشى عنهم)..
عبدالله: (مسكه)..نعم ...وين رايح.....والله انك من دون مذهب ...ما اتقول بروح اشوف امايه بسلم عليهااا..المسكينه تعبانه بسبتك...
سيف: (بينت على ملامحه الصدمه والخوف بي ما حب يبين لهم اكثر).....بعدين
راشد: شو بعدين ياا سيف ...هذي امك ...خلاص انسى الى صار ...وخلنا نفتح صفحه يديده...
سيف: قلت بعدين..الحين انا تعبان بسير ارقد....
عبدالله: نـــــامت علــــيك طــــوفــــ.....(وقبل لا يكمل كلامه)...
طلعت ام راشد من الغرفه بعد ما سمعت الحشره الى مسوينها ...طلعت لهم عسب تنازعهم ..واتفاجأت بوجود سيف..
ام راشد: (شايله العصا بإيدها و اتصرخ)....والعثررررره انته وياااااااه ...(سكتت)....
انصدمت بوجود سيف..اما سيف ..ف اول ما شافها كان وده يروح لعندها ويحضنهاا ...سيف حاس بإنه وايد ضايق امه وغلط عليها..واهو ما تعود على هالشي...كان مشتاق حقها وحق حنانها...
عبدالله وراشد كانوا واقفين يم سيف ...راشد كان بيمسك سيف وبيقوله يروح يراضي امه...بس سيف سبقه وراح...مشى لعند امه.....وصل لعندها وحبها على الراس..
سيف: (حب راس امه)...انا آآآآسف امايه....
ام راشد: (بعدت عنه)...آآسف على شو؟؟؟انته خليت فيها ام...عنبوك ..انا امك الى ربيتك ..تسوي فيني جي..هذا وانا مغليتك اكثر من اخوانك...تجازين بهالشي...تغلط على اخوانك وتآذي اختك ولااااا وفوق هذا متعلم لي اتهيم في الشوارع لنص الليل ..
سيف: ( نزل راسه وقعد يصيح).......
ام راشد: انا اعرف اني غلطت بالي سويته معاك..بس مهما كان انا امك وكنت ابي مصلحتك...بذمتك الحين في ام ترضى اتشوف ولدها ينضرب جدامها واهي ساكته...قولي رد ليش ساكت...
سيف: امااايه والله انا آآآآسف خلاص سامحيني...(مسك ايدها وباسها)....والله ما بعيدها مره ثانيه...والله ما بطلع عن شورج....(باس راسها مره ثانيه)..اماايه الله يخليج لا اتشيلين في قلبج علي...سامحيني...
ام راشد: (كسر خاطرها ..ما حبت تشوفها واهو على هالحاله..وفي نفس الوقت كانت تبي اتعلمه انه كل شي له حدود....سكتت وما ردت عليه..دخلت غرفتها وقفلت الباب)..
سيف تم واقف مكانه حاط ايده على ويهه ويصيح....عبدالله وراشد كانوا واقفين وساكتين طول الوقت ...كاانو يطالعوان سيف...منصدمين من رد امهم ل سيف.....اشوي ونزل حميد من فوق.. وتم يطالع راشد وعبدالله ويأشر لهم بإيده يقول حقهم شو صاير ....مشى عبدالله لعند حميد وراشد راح حق سيف..
عبدالله: (يهمس حق حميد)...فااااتك
حميد: شوو فاتني..بعد تكلم قوول وبعدين منو الى ياب سيف..لا اتقول عمي...مستحييل اصدق..
عبدالله: انزيين انته اسكت عسب اقولك السالفه حشى بالع راديوا..
حميد: (ضربه على راسه)...قووم عني ..صدق اني ما عندي سالفه لاني واقف اكلمك...
عبدالله: اااااه ...ماعليه...بتندم على هالحركه....
حميد: ليش عااااد...منو اتكون انت..
عبدالله: انا عمك وتاااااج راسك....
حميد: عممووووبك صلب ان شاءالله...اتخسى الا انته...
عبدالله: اقوول ....اقلب ويهك(..مشى عنه)...
حميد: (ركض لعنده ومسكه من كندورته)......منو يقلب ويه....
عبدالله: ههههههههههههه..أأأأأه ...خنقتني ...فجني وراااااي عيال اربيهم حرام عليك...
حميد: (بعد عنه)...شسالفه ...ليش يصيح؟؟
عبدالله: ( يعدل كندورته)..منووو؟؟
حميد : (معصب )...رااااااااااااااااسك.....يعني منو؟؟
عبدالله: هههههههههههههه..والله روح لعنده واساله شو فيك...اانا مب نقال كلام...(ركب الدري) ..بسير اشوف حرمتي احسن من امقابل ويهك....
حميد: (ركض ورا عبدالله بس مالحقه)....احسن من ويهك...ما عليه انا ارااوييك...
راشد و سيف كانوا قاعدين في الصاله..وحميد كان قاعد عدالهم بس اشوي بعيد شال الجريده ويسوي نفسه يقراها ومندج فيها..واهو بالأصل ..كان يراقب كل حركه تصدر من سيف ...
راشد: (حاط ايده على راس سيف)..خلاااص سيف ..ماله داعي كل هالدموع ....انته ريال والريال عيب يصيح..
سيف: .................
راشد: ما عليه يا سيف ..انته لازم كنت تتوقع انه امايه ما راح ترضى بسهوله ..وانته الى سويته مب اشويه...(قام من مكانه)...يالله قوم معاي ..روح غرفتك غسل ويهك وارتاح..وبعد ما اتقوم يحلها حلال ..
قام سيف ..واهو يمسح دموعه ..وراشد كان ماسكه وويمشي معاه ..حاط ايده على راس سيف ويمسح له شعره..جنه ولده مب اخوه..وصلوا لين عند نص الصاله ..يعني المكان الى كان قاعد فيه حميد..سيف وقف وراح لعند حميد..تم واقف فوق راسه..بس حميد ما كان عاطيه ويه..عينه كانت على الجريده...
سيف: (قعد عدال حميد وحط ايده على كتف حميد..بعدين مسك راسه وباسه على خده..) أنا آآآآسف ..
حميد: (إبتسم..بس ما شال عينه من الجريده)......
سيف: ساااااامحني ....
حميد: ................
سيف: حميد
راشد: حميد عن الدلع ..خلاص الى صار صار واحنا الحين اعيال اليوم..حرام عليك سامحه ..اهو ان شاءالله ما بيعيدها مره ثانيه..
حميد: (عق الجريده وقام من مكانه ..وحط ايده على حلجه جنه يفكر)...
راشد: لااااا والله احلف انته بس ..بعد يبالها تفكير..
حميد: اكييد يبالها نفكير..هذي فرصه لا تعوض لازم استغل الموقف...مممممم....(طالع سيف)..انا بسامحك بس بشرط..
سيف: عيوني لك..
حميد: لا ما ابيهم خلهم لك...انا ابيك مممممممم....
راشد: ياا ابوي خلصنا مااا صارت يسوى عليه بتذله عسب بكس ..حشى...خله يروح برتاح
حميد: (اشر بصبعه على خده)...
سيف: بس ..هههه..(باسه على خده)...
حميد: (اشر على الخد الثاني)...هذا بعد عن يزعل...
سيف: هههههههههه..(باسه على الخد الثاني.. وحضنه حييييييل..وقعد يصيح)....
حميد: اييييي بس بتصيحني تراااااك .....(بعده عنه وقعد يمسح له شعره)....فديييييتك والله لك وحشه ..
سيف: (مسح دموعه)..وانته بعد....
راشد: بس انته ويااااه بتسوون لنا فلم هندي....يالله سيف روح ارتااح ....
سيف: ان شاءالله...(مشى بروح لغرفته)..
حميد: اقوووووول سيف ...قبل لا انسى
سيف: سم
حميد: سم الله عدوك..تراه ارفيجك حمدان سأل عنك كم مره ...واتصل فيك...
سيف: والله.. اوكي لما بقوم من الرقاد بتصل فيه...يالله انا بسير عنكم..

"في غرفة عبدالله الساعه 7:15 المغرب..."
هند كانت قاعده على السرير ...وسرحانه...عبدالله دخل وقعد يرمسها بس ما نتبهت له ...اطالعها شافها سرحانه...راح لعندهاوقعد عدالها ...
عبدالله: (حط ايده على يبهت هند)......
هند: (مسكت ايده وخوزتها)..شوو؟؟
عبدالله: ماشي بس كنت اشوف اذا مسخنه ولا شي....اشوفج من رجعنا من بيت اهلج وانتي ساكته..حتى ما نزلتي تقعدي تحت..عند امايه..
هند: (نزلت راسها)................
عبدالله: (رفع لها راسها)...هند حبيبي شو فيج....؟؟؟انتي تعبانه..؟؟شي يعوورج؟؟؟قوولي ليش ساكته..
يات بتنزل من على السرير..بس عبدالله سحبها لعنده وقعدها عداله..واهوو لاوي عليها..
هند: عبدالله ما فيني شي..
عبدالله: شوو ما فيج شي...!!! هندووو يالله ارمسي ولا والله ازعل منج ..
هند:..................(قعدت تبجي)..
عبدالله: (مسكها حيل من جتفها )..هندوووو ارمسي ...
هند: (قعدت تمسح دموعها )..عبدالله انا خايفه...احس شي بيصير حق فجر...
عبدالله: شووووووو..ليش شو فيهاا فجر ..؟؟؟؟
هند: (قامت من مكانها)...من كم يوم حصلتها نور تلعب بليل في الفريج عدال الباب....واليوم..بعد كنت اندور عليها وحصلناها في المجلس راقد..وانت اتعرف انه ابوي يقعد اهناك واغراضه منثره فيه...
عبدالله: انزيين وين خواتج عنها؟؟
هند: فجوره كبرت..واهما ما يقدرون عليها..وعاد نور ودانه مب من كبرهم بروحهم يبالهم احد يداريهم...
عبدالله: (حط ايده على راسه)...انزين ليش ما نيب فجر عندنا؟؟؟
هند: حاولت مع ابوي ..بس مب راضي...
عبدالله: ............
هند: خلاص انته لا تشغل بالك..ان شاءالله ما بيصير فيهم الا كل خير...
عبدالله: لاااااا ما عليج انتي ..انا عندي فكره اتخلي ابوج يتخلا عن خواتج ويخليهم ايون عندنا..
هند: (قعدت عداله)..عبدالله شو في بالك؟؟؟قوولي؟؟؟
عبدالله: انتي خلي هالسالفه علي وابعدين بتعرفين....
هند: مممممم انزيين وسعود؟؟
عبدالله: (طالعها)..شوفيه سعود؟؟؟لا اتخافي بيبه وياهم بعد...
هند: ممممم عبدالله ..سعود هالأيام عليه تصرفات غريبه..دوم برا البيت وما يرجع الا متاخر ..حتى المدرسه ما يروح....اخاف يصير فيه شي..
عبدالله: اهوو للحين ما تاب ..هذاك اليوم حميد رمسه وسعود وعده انه يعتدل وما يمشي مع هالمصبنه الى كان وياهم..خلااص اليوم بكلم حميد ..وبخليه يهدده مره ثانيه...
هند: ان شاءالله عاد هالمره يسمع الكلام ..ويصطلب...
عبدالله: ان شاءالله لا اتخافي ..المهم يالله ..حبيبي ..قومي بدلي ملابسج وخلينا ننزل عند امايه...
هند: ان شاءالله...

" في بيت ابو محمد ابو محمد....الساعه 8:00 بليل يوم الأحد"...
محمد كان توه راجع من برا. ..كان ياي من المسيد...دخل الصاله ..وكانت امه وافنان قاعدين...وعاليه ..منبطحه على بطنها وتكتب...
محمد: السلام عليكم...
الكل : وعليكم السلام ...
محمد: (قعد عدال امه)...شخبارهم...
ام محمد: (سكتت عنه وماردت عليه..)..
افنان: هههههههههه..اووووه القلب زعلان عليك اليوم..شو امسوي فيه..
محمد: ههههههههه شكله جي ...( باس امه على راسها)..فديتهم والله..
ام محمد: (دزته بعيد عنها)..قوم عني انته..لا تقعد تخرط علي...خلاص ما ابا منك شي ..باجر بخلي ابوك يوديني ...ولا مذلتكم انتوا يالعيال...
محمد: امااااااايه ..والله حرام عليج...تراني قلت لج اني تعبانه...
ام محمد: انزين والفجيره وين اهي عثرهاا ..الا روشة حصى ...دقيقتين وبتوصل..
محمد: روشة حصى هااا....ههههههههههه...انزيين امايه ولا يصير خاطرج الا طيب..باجر مره من الساعه تسع بطلع...بقعد عندهم وبتغدا بعد شوو رايج....
ام محمد: اقعد مكانك....الله لا حوجني لك...باجر انا بسير ابوك..اقعد انته مكانك...
افنان: ههههههههههههههه مالك امل...شكلها من الخاطر زعلانه..
محمد: سكتي انتي...اصلااااا ام محمد...ما تقدر تزعل علي...لانها مالها غناة عني..انا بجرها وولدها الوحيد....
افنان: ها ها ها ها ها..دا كن زمااان يا بابا ...
محمد: جب انتي جب ....مالج شغل ....
عاليه..(قامت من مكانها وفي حضنها الكتاب)...حشىىىىىىىىى بالعين راديوا ..سندرتولي راسي...ابي اذاكر مب قادره...
ام محمد: قوومي ذاكري في غرفتج ...محد قالج تقعدين في الصاله...يالله رووووحي...
عاليه: انزيييييييين( .طلعت من الصاله)..
محمد: امااااايه..
ام محمد: حمووود قوووووم من جدامي لااااا افرك بهالدله...
محمد: ههههههههههههههههه..اقولج اندر تيقر ما اتصدقين...
افنان: اقووول(قامت من مكانها) ..الله يعينك على دلع امك...بنت الفجيره ما تنلام ..الدلع كله فيهم...(شردت عنها)..
ام محمد: الله ياخذ بليييييييسج من بنت...
محمد: هههههههههههههههههه..امايه ..حشى هالكثر زعلانه..ما يسوى علي...
ام محمد: عيل انا اقولك بي اقومك بعد ساعه..وانته قافل الباب ..تدري اني بي اقومك لي قفلته....
محمد: اماايه تراني قلت لج ..تعبانه من الدوام..وانتي الله يهداج..لزمتي على الا ارووح...وانا الصراحه ما فيني شده على الخطوط...
ام محمد: انزيين محد يبا منك شي..ارقد لين تعيز....(صبت لها قهوه وقعدت تشرب)....
محمد: اماااااااااايه..فديتج..والله والله بسير ...بس عااد انتي لا اتحطين في خاطرج علي ...
ام محمد: ..................
محمد: امايه فديتج..يالله عاااااااااااد...
ام محمد: انزييييييييييين انا هالمره بفوتها لك..لكن مره ثانيه...بتشوف شو بسوي..
محمد: ليش اهي فيها مره ثانيه...اذا الحين سويتي فيني جي..عيل بعدين شوو بتسوين...خلاااص ولا يصير خاطرج الا طيب ..انتي بس جهزي الاغراض من الصبح..قبل لا اسير ...انا بطلع من الدوام من وقت ..وبسير اوديهم ...ان شاءالله (باسها على راسها)..وهذي بوسه على راسج....يالله تامريني في شي الحين؟؟؟ تراني موعد حميد ولد عمي..بنسير المول اشوي؟؟؟
ام محمد: لااا سلامتك ..ما ابا شي ..بس حط بالك على نفسك ..قول حق حميد لا يسرع...
محمد: ان شاءالله.....(قام عنها)..يالله مع السلامه..


في نفس الساعه وفي نفس اليوم بس في اماره ثانيه في الفجيرة ..وبالتحديد..في" بيت ابو علي"

ام علي: اخت ام محمد الصغيره...مب اكبيره واايد...طيبه بس عصبيه وااايد
ابو علي: انسان طيب ومتدين... يخاف ربه..ودومه في المسيد...حتى اعياله امعلهم على هالشي
علي: ولدهم البكر....متوفي بحادث سياره لما كان عمره 18 سنه...والمفروض يكون عمره الحين 22 سنه..توفي في طريق دباا ...وكل الى كانوا في السياره معاه..توفو بعد....للحين امهم متأثره ..كانت تحبه وامدلعته واااااايد...
مريم:..عمرها 20 سنه تدرس في التقنيه..جمالها خرافي ...بيضا وايد..وخشمها طويل...عيونها عسليه..وواسعه. واهي.طولها متوسط...شعرهاا حرير ولونه اسود بس مب طويله لانها دوم اتقصه...شخصيتها هادي..ما تتكلم وايد..خجوله بطريقه فضيعه..تحمر من اي كلمه مديح تنقال حقها..
سعيد: اصغر من مريم ب 6 سنوات تقريبا ..يعني في عمر عاليه وغاليه..يشبه مريم واايد...بس شخصيته عكسها تماما...غشمرجي..ويحب الطلعات واايد..
عمر: اخر العنقود....عمره 6 سنوات ...ملقبينه بالبيت " عمورموستنج" يمووت على هالسياره..ودوووم يراكض في البيت ويخمس ويطلع اصوات من حلجه مثل صوت السياره..وعلى فكره اهوو ويايد ياخذ شبه من علي .. وطبعا دلووع ابووه
"في الصاله"
ام علي كانت قاعده في الصاله . ماسكه الريموت مال التلفزيون و..تطالع المكسيكيه ومندمجه فيها ..اشوي واي عمر..يخمس من ابعيد ويطلع صوت مثل صوت السياره..وعلى طول يطيح فوقها...ويقلبهاا من قعدتهاا...
ام علي : خييييييييييييييييييييييييييييييييبه اتخيب عدوينك من ولد.....(واتحاول اتقوم من مكانها)...الله يسلط على بلييييييييييسك ان شاء الله... وااااي ظهري ..
عمر: هههههههههههههههههههههههههههههههههههه..امااااااه والله شكلج يضحك كانش تريله منقلبه ههههههههههههههههههههههههههههههههههههه..
ام علي : تريييييييييييييييله ابوووووووك ...يا مسود الويه....
وبدخلت ابو على ..وسمعها واهي اتقول هالكلاام...وكان سعيد داخل معاه....
ابو علي: الحييييييييين انا تريله...
سعيد : ههههههههههههههههههههههههههه...تريله مره وحده...
ام علي: ما اتشووووووووف هذا ولدك الطفس....حشى مااااااااا يقعد مكان واااحد..كله الا يدووووووووور ما يعرف شي اسمه مشي ...دومه يرااكض ....حشى ماا يتعب..