على : (شل عمر على كتفه)...بسم الله على ولدي قووووووولي لا اله الا الله..بتحسدين الولد......
سعيد: (مسك راس عمر)...عموووووور شو امسوي في امك انته.....
عمر: هههههههههههههههههههههههههههههههههههههههههههههههههه ههههههههههههه
ابوعلي: هههههههه شو فيه هالكثر يضحك يعني..
سعيد : ما ادري عنه......عموور يالخبل قوول شو امسوي في امك...
ام علي: شو امسوي بعد.....ما سوا شي ...يالله خذوه من جدامي لا افره بهالجهاز الحيييييين
ابوعلى: هههههههههههه ..حشى شو امسوي فيج هالولد..(نزل عمر تحت)....رووح عند مريومه قول حقها بابا يباج....
عمر: انزييييين(ويركض بسرعه ويطلع صووت مثل السياره ..وهالمره اقوا)....
ام علي: هاااااا ..شوووف ..واتقول بعد مسكين وبحسده....شوووف يوم اتقول عنه.....والله انا محد بيخبل بي غير هالولد.......
علي: (قعد عدال امه )..افااااا عليج اماااايه...ان شاءالله الأيام بتمر وبتشوفين عمور صار ريال ...وما بيتعبج...
ابوعلي: هيه ان شاءالله الله يسمع منك....
ام علي: والله لين ايي هذاك اليوم..انا خلااااص بصير خبله....
ابو علي: استهدي وقوولي لا اله الا الله...عمور صغير ..ما يعرف الصح من الغلط كل شي عنده لعب ....لا اتعامليه كانه واحد كبير ...خليه يمارس طفولته..
سعيد: الله يعينج امايه....
ام علي: اقول باجر بي محمد ولد اختي بيب لي اغراض...عااد ..لا اتروح مكان لانه بيتغدا عندنا ...
ابو على : حياه الله...البيت بيته
ام علي: والحين يالله انته وياه قوموا عني وروحوا قعدو مكان ثاني ...انا ابا اشوف الحلقه ..وانتوا من تفتحون هالحلق ما اتسكروه...
سعيد: اووووه ..طرده....
ابوعلي: قووم ...خلها اتشوف حلقتهااا ...باجر اهي الى بتتحاسب عن الى اتشوفه مب احنااا...
ام علي: (سكتت عنهم وما ردت عليهم.)...
ابو علي: كيفج والله ..اللهم اني قد بلغت ..اللهم فشهد...
قام ابو علي وسعيد...وراحوا يقعدون في الصاله الي فوق...اشوي ويات مريم تقعد عندهم..
مريم : السلام عليكم
الكل : وعليكم السلام
مريم: (باست راس ابوها)...شخبارك الوالد شمسوي
ابو علي: الحمدلله بخير ونعمه...شخبارج انتي...واخبار الدراسه معاج..
مريم : الحمدلله..امشيه الحال....
ابو علي: الحمدلله...الله يوفقج ان شاءالله....
سعيد: متى الله بيفكني من هالدراسه واشتغل والله ملييييييييت
ابوعلي: لا اتفكر واااااااايد ترا وراك درب طوييل
سعيد: مممم انزيين ماشي مجال يعني اني اطلع من المدرسه..
ابو علي: نعم مااااا سمعت شوو قلت...
سعيد: ههههههههه ..لا اقوول ان شاءالله بشد حيلي وبتخرج وبشتغل
ابو علي: اهاااا....على بالي قلت شي ثاني بعد
ابو علي: اقول مريم ..الا وين عمور ..؟؟طرشتيه مكان انتي؟؟؟
مريم: لااااا ما طرشته مكان اهوو...زقرني بعدين راح ....
وقبل لا اتكمل كلامهااا..يا عمر يركض وقعد على حضن ابوووه...
ابو علي: فديييييييييت دلووع ابوه انا ..وين رحت انته .
عمر: رحت مناك...(يأشر على غرفة سعيد)....
سعيد: (فز من مكانه)...شوووووووووووووووووووو ....والله يا عموور من شفت شي مخترب في الغرفه...بكسر لك راسك (ركض على طول الغرفه)..
ابوعلي: (قام وشل عمر على كتفه)...يالله مريوم بنسير عنج احناا..(طالع عمر)....يالله عمور قبل لا ايي سعيد ويذيحك من الضرب...
سعيد: (من غرفته بعده ما طلع قام يزاعق)...عموووووووووووووووووووووووووووووووووور يالكلب...
ابو علي: شرررررررررررررررررده...(خذا عمر ووداه غرفته وقفل الباب)...
سعيد: (طلع من غرفته يركض)..وييييييييييييييينه هالخااااااايس انا اراويه...
مريم: ههههههههههههههههههههههههه....ابوي خذاه غرفته وقفل الباب
سعيد: ما عليه يعني ما بيطلع اليوم ...اانا ارااويه.....
رجع سعيد لغرفته ..وقعد يلم الأغراض الى نثرهم عمر..اما مريم ..دخلت غرفتهاا ...
نهــــــــــــــــــــــــــــــــــــــايه الجزء

الجزء السادس عشر
في بيت ابو علي..الساعه 12:00..يوم الأثنين....

مريم..كانت قاعده عند باب الصاله...الجو كان حلو....عمر كان شايل لعبته" البيبلد" ..ويدور فيها بكبر الحوش...اشوي وفيه احد يدق الباب...
مريم: عموووور.....
عمر: (يلعب ولا مسوي لها سالفه)....
مريم: عموووووووووور...انته ما تسمع...
عمر: (طالع مريم بنضرة حقد..)اشفيييييييييش انتي...ويا هالراااااس..خليني اللعب..
مريم: روح بطل الباب اول شي بعدين كمل لعبك..
عمر: مااااااااالي خص انا روحي انتي....ما عندش ريووول...
مريم: (مسكت نعال من عدالها وفرتها على عليه)...لاااا ماااااعندي..يالدب..
عمر: اييييييييييييه..والله اخبر عليج ابوي...
مريم: عموووووور يالأهبل روح افتح الباب...
عمر: جببببببببببببببب....انتي هبله...
مريم: (شالت عكازاتها وقامت)..ما عليه انا ارااويك ..يالخاااااااايس....(مشت اشوي اشوي لعند الباب وبطلته)...منو.؟؟؟
محمد: (نزل راسه على الأرض لما سمع صوت بنت).....السلام عليكم اختي..
مريم: (منخشه ورا الباب)..وعليكم السلااام والرحمه...
محمد: اختي انا محمد..ولد (.................)....
مريم: ( اترسمت على ويها ابتسامه عريضه..صار لها كم سنه ما شافته ...حاولت ترجع على ورا ..عسب تقوله يتفضل وتشرد..بس عمر سبقها وسحب العكاز من ايدها..وعلى طول طاحت ما قدرت تتوازن...)....اااااااااااااااااااه
محمد: (اخترع من الصوت..وعلى طول دخل..تفاجأ لما شافها..شكلها تغير وكبرت ..وحلوة واايد..تم يطالعها...واهي على طول نزلت راسها..لما انتبه على الى قاعد يسويه...نزل راسه....)..سلامااااااااااااات ..عسى ما شر...
مريم : الله يسلمك...
محمد: شخبارج مريم؟؟ما شاءالله عليج كبرتي وغديتي حرمه..
مريم: ..............
محمد: (ابتسم وقعد يطالعها ومستغرب كيف ويها صار احمر)..اقوول...شوفيها ريلج؟؟
مريم: اااه....
محمد: هههههههه..لا والله ...اقولج شوفيها ريلج؟؟
مريم: هذا عمور..امس دزني من على الدري وانفدعت ريلي....
محمد: ما اتشوفين شر ان شاءالله..
مريم : (حاولت اتقوم نفسها بعكاز واحد..منزله راسها ومستحيه)....عموووووور يالكلب يييييب العكااز..
محمد: (لما شافها مب قادره تقوم..) لحظه انا بييب لج العكاز الثاني من عنده.
مشى لعند عمر الى من شاف محمد قرب عداله..قام يراكض بكبر الحوش معاه....لين ما قدر محمد يمسكه وياخذ العكاز منه..وعلى طول عطاه حق مريم...
مريم كانت منحرجه انه اول لقاء لها مع محمد يكون جي...خذت منه العكاز وراحت داخل البيت....زقرت امهاا...الى كانت في المطبخ اتجهز الغدا...لما عرفت انه ولد اختها وصل..على طول طلعت له وقربت فيه...قعدت اهي وياه ..وعطاها الأغراض..وراحت عنه..طلعت من الميلس...اشوي ووصل ابو علي..وقام محمد يوايه...
ابو علي: هلااااا والله..مرحبا الساع بأهل العين...
محمد: مرحبابك زوووود...شخباركم...اعلوومكم......واعلووم الحداق وياكم
ابو علي: والله ان صار لي اسبوع مارحت..وتبي الصراحه متوله عليه..شكلي بصبح باجر ...هااا مالك نيه اتخاويني ؟
محمد: هييييييه يتني في العوق..خاطري والله اسير ..بس اليوم انا برجع البلاد ..باجر دوام عندي...
ابو علي: ما عليك الا اهوو يوم واحد..الدوام ما بيطير....يالله عزم انته بس...خلنا نسير نستانس...
محمد: ما عليه عمي خلها على الله..مره ثانيه ان شاءالله
ابوعلي: يالله يا محمد الا اهو يوم ...مااابيضيع عليك شي..اتصل فيهم واستسمح منهم...وخبر الأهل بعد عن يحاتونك...
محمد: خلااص ما بردك...شوورك وهداية الله....
وصل سعيد البيت وعلى طول دخل الميلس عندهم..محمد قام علشان يوايه..
محمد: مرحبااااااا الساع بالشيووخ..
سعيد: مرحباابك زوود...خشمك(تخاشمو)...
محمد: يالله..ولا اتقول عندي ولد خاله..بمر عليه..بسلم...
سعيد: يعني انته الى مره مب امقصر..امحفر بيتنا تحفير....حتى باب الحوش..متخشع من كثر ما تصدم به...
محمد:هههههههههههههههههههههههه..الله ياخذ بليسك حشى مب اللسان عليك..
ابو علي: خله طالع على امه هذاا....مره يسوى عليك تقول كلمه..ولا اتدوس له على طرف..على طوول يولع مثل الكبريت..
سعيد: هههههههههههههههههههه حرام عليك ابويه مب لهالدرجه عااد..
محمد: ههههههههههه المهم خل عنك هالرمسه واسمع الزين
سعيد: آآمر وتدلل ولد خالوو.....
محمد: تراني مب ساير البلاد ...ببات لين باجر وبنسير انا وابوك الحداق....وبليل برجع البلاد...شرايك..آخذك معاي..والله بتستانس اهنااك ...
سعيد: (نقز من مكانه)..اللللللللللللللللللله ...قول والله....(باسه على خده)...فديت انا هالراس وهالحلج الى ما يطلع غير الدرر...
ابوعلي: وين وين ..استريح....يوم الأربعاء في مدارس وين بتزر ...
محمد: ما عليه الا هو يوم واحد..ماا بيضيع عليه شي...
سعيد: يعني والله ابويا الى يسمعك يقول ما شي..المدرسه ما بتمشي من دوني....حراام عليك خلني اسير ..اشم هوا..وامزر عيني واكحلها بشوفت بالغراشيب...
ابو علي: غراشيب في عينك...يالله ارزن مااا شي سيره...
سعيد: محمد دخييييييييلك تكلم ..قول شي
محمد: علشاني يا ابو علي..خله يسير ...الا اهو بيغيب يوم واحد...خله يستانس حليله...يالله حلفتك بالله ما اتردني
ابو علي: ما عاش الى يردك...(طالع سعيد)..خلاص يالاعي ..روح بس يوم الجمعه ترجع...
سعيد: (نقز من مكانه وحب ابوه على راسه)..مشكوووووووووووووووووور يا احلا ابو في هالدنيا...
قعدوا يسولفون ...لين حطو الغدا...كلو..وبعدين كل واحد راح يرقد....محمد كان بيروح يرقد في فندق..بس ابو علي ما خلاه ..وكان بيزعل منه ..لانه قال هالكلام..بس بعدين محمد وافق انه يرقد عنهم في البيت...جهزو له غرفه في الدور الى تحت كانت حق الضيوف..ورقد فيها...

في نفس الوقف بس في اماره ثانيه..وبالتحديد في بيت ابو راشد..الساعه 12:00..يوم الأثنين....

سيف كان قاعد في غرفته ..يحاول يركز بالمذاكره...لانه امتحانات التقويم ماا بقى عنها شي....اشوي ويرن تلفونه...شاف الرقم ...لكن ما عرفه..كان الحين بيرد عليه بس..اول ما شله سكت....رده مكانه ..ورجع يذاكر....اشوي ويرن مره ثانيه....على طول شله...
سيف: الووووو
.....................: .............................(محد يرد)..
سيف: الوووووووووووووووووووووووو...
.......................: (صوت ناعم)...الووو
سيف: (تم ساكت ومنصدم من حلات الصوت الى سمعه)....................
.....................: الوووووو..
سيف: (بعده منصدم)...هاااا...
....................: (ضحكة).....
سيف: ياااااااا ويل حالي اناااااا....
..................: (طلع الصوت الحقيقي..رجالي من الخاطر)....
سيف: (منصدم )..علووووووووووووووووووه.. يالكلب...والله انك سخييييف...
علي: هههههههههههههههههههههههههه....وااااااااااي بطني...ما اقدر..ههههههههههههههههههههههههههه..
سيف: (سكر بويهه)..ما عليه يالخايس انا اراويك....
سمع صوت دق عند الباب..وقام يفتحه....وكان الى عند الباب حميد..
حميد: هااااااا..اشوفك قافل الباب ..اشعندك...ليكون مهرب لك وحده...
سيف: ها ها ها ها ها...هذاك حميد ..الى يسوي هالسوايا مب انا..
حميد: ( ضربه على راسه)...ما عليه يا مسود الويه.....الحين انته متى شفتني ..اقرب صوبهن..اسميني ما اداني اسمع سيرتهن..
سيف: ابداا.. محشووم....انته خليت لنا غرشوبه ...نتسامر معاها...حشا ..كل البنات الى بالبلاد طايف عليهم...
حميد: جب ..يالله جب....انته ما تنعطى ويه ..(سحبه من قميصه)...يالله طوف قدامي...خلنا انروح نتغدا...
سيف: هههههههههههه..مب جي زيين...بهدلتني....روح وانا بلحقك بعد اشوي...
حميد: سواااف يالهرم..ليكون صدق مهرب لك وحده في الغرفه واحنا ما ندري...
سيف: احلف انته بس.....تعااال فتش الغرفه جان تبي......
حميد: عيل طوف قدامي الحين....ريلي على ريلك....
سيف: هههههههههههههههههه..انزين يا ابوك...يالله طوف..(مسك ايد حميد وطلع معاه)...
في غرفة الطعام ....عبدالله وهند كانوا قاعدين بروحهم ياكلون...دخلوا عليهم حميد وسيف..
حميد: (ضرب عبدالله على راسه)..يالله ياللله كيييييييف مندمجين بالاكل..ما يقولون في ناااااااس في البيت غيرهم..
عبدالله: (مسك راسه)..خيييييييييييبه اتخيب عدوينك...
حميد: (قعد واشر على سيف يقعد يمه)...وعدوييييييينك بعد..
سيف: ( طالع هند الى كانت سرحانه )...شخبااارج هند؟؟؟
هند: (منزله راسها)....
عبدالله: (دزها على كتفها)..هند قومي شوفي ريان وينها ...وغديها بعد؟؟
هند: ان شاء الله ..(قامت من مكانها وطلعت)...
الكل اطالعها ....مستغربين..الا عبدالله ..كان عارف شو فيها وفي شو اتفكر....
حميد: ليش ما خليتها تاكل ؟؟ وبعدين شوفيها؟؟
سيف: انتوا زعلااانيين مع بعض؟؟؟
عبدالله: متضايقه علشان خواتها..خايفه عليهم ....؟؟
حميد: ليش شو صار؟؟
عبدالله: يا ابوووك ...هذا ابوهم ملعوزنهم...ما ادري متى الله بيهديه وبيبطل هالسم الى يشربه....يقولك امس حصلوا فجر نايمه في المجلس ..واتعرف المجلس دوم اهو يقعد فيه والسم ماله مخليه اهنااك...وغير هذا ..سعود الله يهديه...من كثر ما يضربه..صار ..ما يرجع البيت الى الفجر ..ماا ادري وين يروح...ملعوزنهم واايد ..شكله بيطلع مثل ابوه..
حميد: (معصب)...سعود انا هذاك اليوم مرمسنه...ووعدني انه يعتدل...لكن خله...عبدالله ..اليوم اتروح وتيبه اهني البيت ..انا برااويه...
عبدالله: ان شاءالله ..بسير لهم البيت العصر ..لانه هالوقت يكون راقد...بسحبه من شعره....وبيبه..لك....وانته وياه والرحمن ...
سيف: (قام من مكانه)....الحمدلله..
حميد: (طالعه)..وين قايم ..ما كلت شي...
سيف: مالي نفس ...
عبدالله: ليش مالك نفس؟؟
سيف: بس جي...المهم ..اقول ...وين خلود..ليش مانزلت تاكل..
حميد: والله ما اعرف شو فيها ....انا حاس انه السالفه فيها امي وراشد...
عبدالله: ليش؟؟؟؟ شو امسوين لها...
حميد: هذاك اليوم .. كنت نازل من فوق...ولا بطلعة خلود...كانت تركض.. واتصيح ...ما ادري شوفيها....نزلت تحت ما حصلت احد...استغربت..دخلت غرفة امايه..حصلت..راشد عندها..ولما دخلت عليهم سكتوا وغيروا السالفه...
سيف: بروح اشوفها ...وبراضيهاا ..ادري زعلانه علي ..
حميد: روح راضي امك اولى ...بعدين فكر بخلود..
سيف: .......................
عبدالله: سيف ..شوفيك على امك ..خلاص الى صار صار...انسى ...وبعدين سيف..ترا امايه..صار لها مده ما كلت عدل ..اصلا ما تاكل ...الا بالغصب ...وكل هذا علشانك وانته عارف هالشي....مب زين والله...هذي امك
سيف: انتوا على بالكم اني مرتاح جي ..وامايه ما اتكلمني ....انتوا ما اتعرفون امايه شو بالنسبه لي ...امااايه اهي كل شي بحياتي ..اهي دنيتي...انا من غيرها ولا شي .....انا من وعيت على الدنيا ..ماشفت غيرهاا..ولا احد حبني كثرهاا ..انحرمت من ابويه ..وصارت لي اهي الأبو....انا ما الومها على الى سوته فيني..(قعد عند الباب)..عبدالله حميد وراشد....وخلود..وعمي ومرت عمي ..كلكم..قعدتو تشتكون .وتلومونها على الطريقه الى ربتني فيها والى قاعده اتعاملني فيها من وانا اصغير ...
حميد: (نزل راسه ما عرف شو يقول لانه كلام سيف صح)...
عبدالله : ( قام وقعد عدال سيف)...سيف ...كلامك صح...احنا لو ما تدخلنا كان ما صار الي صار ...بس اوعدك..من اليوم ورايح..محد بيتدخل بينك وبين امايه...(قعد يمسح له راسه)..يالله قوم علشان خاطري..روح راضي امايه ...وبعدين روح حق خلود...يالله قوم..
حميد: ( قام من مكانه)....الله لا يحرمنا من بعض ان شاءالله..
سيف عبدالله: آآآمين..
طلع سيف من غرفة الطعام ...وراح لعند غرفة امه...تردد انه يدخل..بس ما قدر ما يدخل...هذي الفرصه الوحيد ..ولازم يستغلها..لازم يراضي ..امه لانه اشتاق حقها وحق حنانها ....استجمع قوته ...ودق الباب بعدين فتحه بكل هدوء ..وقعد يطل ..منه يدور بعينه على امه..ركز عينه عليها ..في نفس المكان الى دوم تكون قاعده فيه كل ما يدخل لها الغرفه...كانت نايمه على الأرض ..دخل ...وقعد عند راسها....قعد يطالعها ..واهي راقده....نزل راسه...وباسها على راسهااا ...تم قاعد عدالها ...وياطلعهاا...تذكر لما كان اصغير ..كان دوم لما يشوفها راقده جي ..اييب افراشه ..ويرقد عدالها ...قام وراح لعند سريرها ..ياب مخده..حطاها عدالها ..ونام عليهاا....واهي مب حاسه فيه...بعد ساعه تقريبا او اكثر ....دخل حميد حس انه سيف تاخر وايد..قام وفتح باب غرفة امه ..شاف سيف نايم على الارض وامه قاعده اتغطيه...ام راشد شافت حميد..سوت له بإيدها ..انه يروح ..طلع من الغرفه..واهي على طول لحقته..برا ...شافت حميد واقف عند الباب ينتظرها ...
ام راشد: هااا حميد..بغيت شي؟؟
حميد: لاا بس ييت اتطمن على سيف ..دخل غرفتج وماا طلع...(ابتسم ابتسامه شيطانيه)...قلت يمكن ذبحتيه من حرتج..
ام راشد: (ضربته على كتفه)...عنلااااااااااااااتك من ولد...جي اذبح ولدي..مينوون انا ..فديته ..الله يخلي لي ان شاءالله...
حميد: هههههههههههههههههه..(حطا ايده على كتفها)..هههههههه الا اسولف معاج اماايه....
ام راشد: (خوزت ايده)..قوم عنيييي انته ..ماا عندك ساااااالفه..
حميد: ههههههههههه..والله انج اما يه...ههههههههههه...الا اقول .شو صار؟؟؟شو قالج؟؟رضيتي عليه ولا لا؟؟
ام راشد: والعثررررررره ..حشى مب السان عليك....اشو تبا باالهرمسه..مااااااالك شغل انته راضاني ولا لا ..يالله ..صخ عني اشوف( مشت عنه)...
حميد: امايه من صجج انتي انا صار لي ساعه ..قاعد اتريا ..سواف يطلع..عسب اعرف الى صار ...حرام عليج...
ام راشد: حموود...قووم من جدامي لا افرك بهالجهاز الحين...
حميد: ههههههههههههههههههه..جي تفريني مب ولدج انا ...بعدين بتفلعيني...بتسويلي عاهه مستديمه....شبسوي انا ...محد بيطالعني من الغراشيب ..بتقطعين رزقي ...منو بيتزوجني بعدين
ام راشد: هب هباااااك الله من ولد...ولا بارك الله فيهم هذولي الى بيطالعونك..مسوداات الويه....ما صفيت على خير يوم انك بتضوي على قاطعات المذهب ..الى ما يستحن ولا يخيلن...(مسكت له اذنه)..شووووووف يا مسود الويه انته...محد بياخذك..غير ..افنان بنت عمك...وهذي عيونك بجلعهمن ان شفتك تتكلم مره ثانيه عن هالفاصخات الحيا...
حميد: (مسك اذنه ..الى احمرت من كثر ما كانت شاده عليها..).. اااااااااااااااااي ...حراااااااام عليج اماايه ههههههههههههههه..انا لا اسوووولف معاج....حشى محد يقولج رمسه انتي...وبعدين..منو الى ياخذ الثاني انا ولا افنان ...ههههههههههههههههه... والله انج..سوالف...
دخل راشد البيت ...ومعاه ميره ..وولدهم مايد...
حميد اول ما شافهم قاام من مكانه وركض لهم ...
حميد : اووووووووب اووووووب ...عطوني ولي العهد ..فدييييييييييييييييييته انا (شله عن راشد)..
راشد: حشى زييييييييييين سلم اول ....
حميد: (طالع ميره)..السموووووحه ميره...الحمدلله على السلامه...مبرووكيين والله..يتربا بعزكم ان شاءالله..
ام راشد ..يات اتسلم على ميره..
ام راشد: اسمحيلي بنتي والله اني قصرت وياج..المفروض اقعد عندج..واساعدج...لكن انتي عارفه الى صار... بالي كله انشغل في البيت
ميره: مسموووووحه ..عمتي ..لا اتقولين هالرمسه....انتي الخير والبركه..وانا تراني مب غريبه ..وبعدين هذي مب اول مره ..اولد..
ام راشد: مبرووووك يا راشد يترباا في عزك ان شاء الله....
راشد: الله يبارك فيج ويخليج له يا امايه.....(طالع حميد)..يااااا ابوي شتسوي في ولدي انته لعوزته..
حميد: (قعد على الكنبه)..مااااااااا يخصك انته...هذا شبيهي ...فدييييييته ..خلاااص خلوه حقي انا بربيه..
ميره: الا وين ..بقية الشعب ما اشوف احد ؟؟
حميد: الشعب ارقوووود...محد قال لكم تيو الحينه(عطا البيبي حق امه) ..الظهر الناس ..ترقد..جان طلعتهاا العصر ولا بليل ...
راشد: هههههههههههههههههه...عااد يكون يايين بيتك ويا ويهك .....
ميره: عموووو ..بنتي وين ..والله انها وحشتني ...
حميد: ريانوووووو الدبه..عند هند وعبدالله...تراهاا ما اتطيع ترقد عند امايه ..كله امطيحه عندهم ....
ام راشد: (قعدت تمسح راس البيي )..مااااااشاء الله تبارك الرحمن....اللهم صلي وسلم على الرسول..عمرييي عليه ..يشبه سيف ..حليله..
حميد: نععععععععععععععم...منو قال يشبه سيف ....هذا يشبهني.....(باسه على راسه)..فدييييييته ..باجر بخذه معاي ..بعطيه اشوية درووس بتفيده..
راشد: لاااااااااااااااااا مشكوووووووووور ما اتقصر اخ ..حميد .خلك بعيد عن ولدي...خلينا الغراشيب ..لك ..ما نبيهم....
ميره: يالله رااااااشد ..انا بسير فوق اريح..(مشت لعند ام راشد)..هاتي عنج عمووه ببدله ..وبرقده..
ام راشد: سمي بالرحمن..(عطته حقهاا )...
راحت ميره فوق
راشد: (شل اغراض ميره ).. واانا بعد ..بسير بودي هالاغراض وبعدين بحط راسي ..في غرفه حميد..مافيني الصراحه على صدعة الياهل...
حميد: احلف انته بس ..وحمييد وين ارووح..
ام راشد: حميد انته لو تبي ترقد ..كان رقد ت من مساع ...لاا قاعد تلف واتدور في البيت..لا شغله ولا مشغله ...خل اخوك يرقد ..
حميد: ههههههههههههههه..حشى ..كلتني بثابي..(طالع راشد) ..خلاااص يا ابوك. (يأشر على امه)...علشان خاطر هالغرشووبه بس ..بخليك اتنام بغرفتي ..وانا لا حول لي ولا قوه ..بقعد اطالع التلفزيون...
راشد : فيك الخير والله...انته وغرشووبه هههههههههههههههه..يالله امسيكم على خير..
راح راشد يرقد ..وحميد ..قعد يطالع التلفزيون..وام راشد..راحت المطبخ.....

في نفس الوقف..وبالتحديد في بيت ابو محمد..الساعه 12:00..يوم الأثنين....

على الغدا ..الكل كانوا قاعدين ...وساكتين ..الا عاليه ..كانت داقه سوالف مع ابوها ..عن المدرسه....وامها كل اشوي تزاعق عليهاا ..بس ما شي فايده ترجع ..وتتكلم مره ثانيه...اما غاليه ..ف كانت تاكل ..وساكته...وافنان نفس الشي ...
ابو محمد: اقوول ...الا محمد متى قال بيرجع؟؟
ام محمد: قال بيبات ..وباجر ان شاءالله بيرجع
افنان: ليش اهو وين راح؟؟؟
ابومحمد: راح بيت خالتج في الفجيره يوديلها اغراض ...
عاليه: الللللللللللللللللللللللللللله ..زين كان قلتوا حقنا بنسير معاااااااااااه ..والله اني مشتاقه حق مريومه...من زماااااااان ما شفتهاا ....(طالعة ابوها )...ابوووووووووويه ..خلونا انسير عندهم في الإجازه..والله خاااااااطري اسير ...
ام محمد: (طالعت عاليه بعصبيه)..عاليه ..صخي .....
عاليه : انزييييييييين انا ما قلت شي ...الا قلت بسير بيت خالتي ..شوفيهااا..
افنان: انتي اشفيييييييج ما تفهمي ...امايه قالت لج ..سكتي ...حشا من قعدنا ناكل وانتي ..اتهذربين..ما يعورج حلجج..
عاليه: اوووووووووف ...ابويه شوفهم كلهم علي ....شووهاااااااا...
ابو محمد: عاليه...قومي ..روح غرفتج
عاليه: (طالعة ابوهاا ..بوزت وقامت)...............
ابو محمد: افنان ..مره ثانيه ..لا تاكلمين اختج جي وانا قاعد..فاهمه..
افنان: (نزلت راسها)..ان شاء الله ..
قامت غاليه ..
ابو محمد: غاااااااليه..
غاليه: هاا ابويه..
ابومحمد: انا ملاحظ عليج هالايام انج ما تاكلين عدل ..وباجر بوديج المستشفى ...بشوف انا شوسالفتج ويا الاكل ...
غاليه: ان شاءالله ...(طلعت من الغرفه)...
كملوا..الباقين الغدا ...وعاليه ..راحت غرفتها وقعدت اتصيح اما غاليه وبعد ما خلصوا الكل غدا وراحوا يرقدون...راحت غرفتها يابت ورقه ..ورجعت الصاله...ودقت رقم..


في اماره الفجيره..وبالتحديد في بيت ابو علي..الساعه 4:30 العصر..يوم الأثنين....

محمد كان قاعد في الحوش ...لانه الجو كان مغيم وحلو....سعيد ..طلع من الصاله وكان لابس لبس رياضه...وشايل الجوتي بإيده..ومستعيل ...شافه محمد وزقره..
محمد: ايييييي سعييييييييييييييييييد....
سيعد : (راح لعند محمد)...هااااااااااااااااه..
محمد: وين رااايح؟؟
سعيد: رايح العرس ...
محمد: اتنكت وياااااا ويهك هههههههههههههههههه
سعيد : ما ادري عنك...يعني تشوفني لا بس رياضه ..الله يهديك يعني هذا سؤال..يااا ابوي ..انا رايح اللعب كره.بتي معاي..؟؟
محمد: تبي الصدق ..اما ملان ..صبر اشوي ببدل ثيابي وبسير معاك ..بطالع اللعب..
سعيد: اوكي يالله اتريااك...
دخل محمد الصاله مستعيل ..كان يركض ..وبدون قصد...دز مريم..الى كانت واقفه عند باب الصاله ..كانت بتطلع...
محمد: ..السمووووووووحه..والله ما شفتج....
مريم: (منزله راسها) ..مب مشكله حصل خير ....
طلعت من الصاله واهو راح الغرفه...
سعيد واقف في نص الحوش ...يترياا محمد..يات مريم ..وضربته بريله بالعكاز...
سعيد: اييييييييييي...ويااااااا هالراس ...اشفيييييج..
مريم: ايييييييه تكلم عدل ..انا اكبر عنك...
سعيد.. بس عيل ..يوم الااا اكبر عني....لكن شووفي العقل الى ليش ..اتقول عقل عنز...
مريم: (ضربته مره ثانيه بالعكاز).....جب يالقووووووطي ...
سعيد: اوووووووووف ...انتي اشيابج الحوش..حشى اذييييييه...
طلع محمد من الصاله ..وكان ماسك عمر بإيده ...
سعيد: نعم نعم ..اخ عمر ..اشووفك متكشخ ..على وين ان شاءالله...
عمر: بسييير معاااااكم ..
سعيد: (طالع محمد)...ليش يايبنه معاك؟؟
محمد: حراام كسر خاطري...شافني طالع ...سالني وين بتروح..قلت له بسير اشوف سعيد يوم يلعب ..قالي بسير معاك...قلت له اوكي تعاال ...حرااااام ..خله يسر ..
سيعيد: اووووووووف ..انزيين يالله خلنا انسير ...
عمر: ها ها ها ها ها ...
محمد: هههههههههههههههه والله انك شري..(طالع مريم)..ما بتسيرين معانا ؟؟
مريم: (نزلت راسها وقعدت تضحك)...ههههههههههههه...
عمر: ايييييييييه انتي هبله ..ليش تضحكي ؟؟ (طالع محمد)...انته خبييييييييل ..هذي بنت ما تلعب كره ...كره بس لين اولا د....
محمد: ههههههههههههه انزيين يالفيلسوف خلناا انسير لا ايي سعييد ..ويعصب عليناا...
طلع محمد ..وعمر وسعيد..ومريم تمت قاعده في الحوش تتذكر لما كانو صغار ..كانوا دوم يروحون العين ....ايام لايمكن انها تنساها ..وخاصه انه علي اخوها الله يرحمه ..كان معاهم

..نهاية الجزء..