بخبركم عن قصة صارت اليوم فرش قلت أقولها قبل لا ينزلها زعيم المقام في موضوع ويفضحنا ويزيد بهارات من عنده ... المهم اليوم الصبح نشيت من وقت وسرت المستشفى لأنه عندي موعد فحص للسكري والضغط ... سرت وي الوالد لأنه يداوم هناك وقلت يلا بالمرة بسوي فحص نظر أحيد نظري 6/9 وبشوف عقب اضطراب السكري كم صار ... المهم وأنا في المختبر قالوا لي البطاقة الصحية منتهية عندك ولازم تجددها ... قمت ورحت وين تجديد البطاقة الصحية وطبعا شال وياي أوراق الموعد وطلب الفحوصات ... يلست طبعا النظام اليديد وإنت يالس على الكاونتر شكل حرف U تصورك كاميرا ويحطون هالصورة في البطاقة الصحية اليديدة ... وأبوي كان وياي وتم يكلم الريال الموجود هناك وسمعته من ضمن الحديث إنه يقوله إني بسوي فحوصات وقاله شو هي الفحوصات ... المهم ما كملنا دقايق شلينا البطاقة اليديدة وأوراق مطبوعة وشي خمس استيكرات كل واحد عليه اسمي وبار كود (رقم الكود اللي بالكمبيوتر) رجعنا المختبر ... وعطيت الأوراق لدكتور هناك في المختبر ... حط قارئة الباركود على أول استكر ... وجان يقول 6/9 وكتب هالرقم على الورقة مالت الفحص ... هني أنا يتني صدمة ووقفت ثواني وأقول في خاطري ... ماشاء الله وين وصل العلم والتطور ... كاميرا تصورك صورة عسبة البطاقة الصحية ومنها تطلع نتيجة بعض الفحوصات مثل فحص النظر ... اشوي إلا أسمع أبوي يقولي يلا تعال بوصلك لين داخل عند الدكتور وعقب بسير عنك ... جان أرد عليه وبكل برود وعفوية ... انزين دام إنه طلع نتيجة فحص النظر بالسرعة هاي خله يشوف الاستكر الثاني يمكن يطلع شي عن الجلدية ... أبوي هني والدكتور ... حسيت فيهم جنهم يقولون باسم عليه شو ياه الريال ... ؟؟؟ !!! وإلا أبوي يسألني ويقولي شو أي فحص هذا اللي ترمس عنه ... قلت له وبصوت عالي (الحمد لله محد كان في الغرفة غيرنا الثلاث) الدكتور وأبوي وأنا ... دام إنه هالكاميرا اللي حطينها تصورنا عسبة البطاقة الصحية تعطيك نتيجة قوة النظر ... ماشي كاميرا ثانية وإلا جهاز ثانية جي تخطف عليه يعطيك نتجية الفحوصات الثانية ...أكيد لازم يكون فيه شي متطور مثل هالكاميرا (وأقولها وأنا مستانس بعد) ما أشوف إلا الدكتور وأبوي ناقعين ضحك وأبوي يقولي عن حد يسمعك ترى بتبرى منك هني الكل يعرفني مافيني على الفضايح طبعا كل هذا الحديث اللي دار بينا كان سريع وردات الفعل كانت أسرع عقب ما أبوي قالي هالكلمة إلا مب ويهي تفحم وإلا احترق ... حسيت عمري وأنا ألقطه عن الأرض طلع الدكتور يقصد في 6/9 ... مختبر رقم ستة ... وعقب مختبر رقم 9 وأنا على بالي نتيجة فحص النظر بس والله مب ذنبي ... أنا يوم كنت عند الكاونتر عسبة البطاقة ياني تلفون وتميت أرمس في التلفون دقايق ... في هالفترة أبوي طبع لي أوراق عسبة الفحوصات في المختبر وما شفتها إلا في إيده يوم عطاني إياهن وي البطاقة ... على بالي إنه هالأوراق طلعت وي البطاقة زعيم يوم دقيت له وخبرته السالفة ... في البداية يقولي هي عسبة تعرف وين وصلت الامارات في التطور عقب يوم كملت له القصة ... صخ شوي عقب فطس ضحك على عمره وعلي حدث في 7 / 5 / 2006 الساعة 8.30 صباحا ... مستشفى الجيمي - العين مفتـ العين ـون ...