بقولكم سالفة قدييييييييمة هي تضحك و تصيح بالنسبة لي . هالسالفة استوت لي يوم كنت صف ثالث ههههه يعني ياهل . المهم كانوا جيراننا سوريين و واحد قدي تقريبا اسمه مالك أونه كان معجب فيني و يحبني خخخخخخخ لا و بعد كان كل يوم يجي عند أمي و يقولها انا يوم بكبر بخطب بنتج خخخخخخ و أمي تضحك المهم هو كل يوم ايي بيتنا و نتم نلعب و ندق سوالف و مرة في واحد عندنا في حينا الله يبحص بليسه انشالله قال لمالك ربيعي و الله تعال بندخل بيت ( كان هذاك البيت بيت يدتي الله يرحمها و محد فيه و اليدة موصية انوا يكون البيت لولد عمي و و لد عمي خلا البلدية تحطي قرار انوا ممنوع يدخل هالبيت أي حد و الله ما ادري ليش ) المهم حليله مالك دخل و يا ذاك المشكلجي و حد اشتكى عليهم و و دوهم الشرطة و طبعا ذاك المشكلجي طلع بالواسطة و حليلوا ربيعي سوري ما عنده واسطة تخيلوا كانوا بيعاقبوا بشي شايد بس آخر شي وقعولوه تعهد أنوا مرة ثانية ما يدش البيت و إذا دش البيت بينسجن . أمه عصبت و قرروا يسافروا لأن استوت مشاكل و إشاعات و يا مالك ربيعي يصيح و يقول لي انوا خلاص بيروحوا و انا صحت وياه و الله دقو فلم هندي هههههه و امه زقرته و نازعته و قالت ليه مرة ثانية لا ترمسها و أنا عصبت و تميت أصيح و الحين كل ما أنزل من الباص يوم أرد من المدرسة أحصل ذاك المشكلجي و شوي وبظربه ... تدروا كيف تذكرت هالسالفة لأن الحين قدام بيتنا سوريين يداد و اتذكرت السالفة و تميت أضحك و الين يومكم هذا كل الي في البيت يتمسخروا علي و يقولولي خطيبة مالك السوري هههههههه . شو رايكم بالقصة ؟؟؟