ماذا تفعل لو خانك من تحب ؟؟؟؟؟؟؟؟؟

**EL3Yo0oz** · 15-09-2004, 01:06

السلام عليكم ورحمة الله وبركاته

ماذا ستفعل اذا خانك من تحب؟؟؟

هل تشعل شموع ندمك وترثي حالك ببسمات

ام تقف في قارعة الطريق تبكي مثل الاطفال تنثر الدموع

وتتوسل الى الشخص الذي خانك بان يعود اليك ؟؟

هل ستبادله الخيانه بالخيانه

ام ستنظر الى السماء وتسال الرب

تناجيه سرا بينك وبينه بالدعاء

تطلبه الرحمة

تطلبه ان يمدك بالصبر

تطلبه ان يعطيك القوة

تطلبه ان يمدك بحبيب لا يخونك

لا يستغل ضعفك ليسدد سهم غدره الى قلبك

لايقول لك احبك لكي يشعل بداخلك حربك

ربما سوف تنتقم؟؟

نعم تنتقم

ولكن من من؟

من انسان اقسمت له بحبك

راهنت بحياتك من اجله

ما سافعله انا برايي
اني ساقف وانظر الى نفسي بكل فخر واعتزاز على وفائي
نعم فكم جميل ان تفتخر بنفسك لانك وفيت .......

ابا راي الجميع؟؟

**زينه** · 15-09-2004, 05:43

خخخخخخخخخخخخخخخخخ عيوووزنا ،، هالموضووع ناقشته من قبل

وكلامي واااحد ما بيتغير

فعشاان جيييه بسوي كوبي بست خخخخخخخخخخخ

هممممممممم .. انا بتكلم عني شخصياا لانه كل واحد يختلف في تفكيره

(اذا ) انا تعرضت للخياااااانه ... صدقيني والله والله والله ما بساااامحه

يروح بطرييق وانا بطريق .. وهوه الله يوفقه برايه ... بوكل ربي علييه

مثل ما حرقلي قلبي .. بيي يوم وبيحترق قلبه .. لو طال الزمن ولا قصر

حتى لو اتوسل انه يرجعلي .. ما احييد نفسي رخيصه عشان ارجعه ... دام انه فضل علي وحده .. يروح عندهاا ولا ايي صوبي خخخخخخخخخ مثأتره احليلي

صدق ساعتها اتعز علي نفسي .. اني اعيش ويا وااااحد خوان .. وعلى قولت خواتي اللي يخون مره .. يخون مية مره .. وما في خل وفي في هالزمن

وما بندم على شي انا عطيته او قلته .... لانه لو ما كان يستاهل في ذاك الوقت جان ماعطيته ولا قلته .. بس من طبعه الانساان ينسى ويتغير ويغيره الزمن..

وعلى فكره ... بذله وبحقره .. وبسررعه بنساااه ...

وبرد الصااااااااع صاعيييييييين ... بس مب بخيااانه .. بخليييه يندم طوول حيااته .. ولا يعرف طريق الخياانه

سمحوووووووووووولي طولت عليييكم وااايد بس هذا رايي

وعلى قولت رويشد ...

والله والله وحياة جرحي وعمري اللي عطيت .. مثل ما قلت احبك .. راح اقولك نسيت ..خخخخخخخخخخخخ والله اني رااايق

ويسلمووووووووو عيووووزنااااا في الاعاده استفاده لأعضائنا الجدد

هاااه شراااايج فيني ؟؟!!

**ريانة العود** · 16-09-2004, 03:12

أول شي احب اشكرج الغاليه على الموضوع

انا بالنسبه لي شيئين اكرههم الجذب والخيانه

وطبعا اذا كنت احب شخص وأخلصت في حبي له من كل خاطري

وفي يوم أعرف انه يخوني اكيد بتألم من كل قلبي لاني ما قصرت بشي في حقه

وطبعا هالانسان مستحيل اكرهه لانه اللي يحب عمره ما يكره مثل ما يقولون

لاكن اكيد بنساه وما بيعنيلي شي لاني رخصة عنده بسهوله وباعني

وبتأكد انه ما يحبني لانه مستحيل الانسان اذا حب شخص يحب غيره شو ما كانت الاسباب

وهالايام نادر نلقى شخص يحب بمعنى الكلمه لازم في خيانات وطبعا هاذيلا اللي ما يعرفون الحب وما عندهم قلب

طبعا كل واحد وطريقة تفكيره وأسلوبه

يعطيج العافيه مره ثانيه

**الخـــــــان** · 16-09-2004, 02:11

مشكوره اختي العيوز

انا برايي

يعني لو الناس الي خانوني ونا بعدني احبهم فا مستحييل اسبب لهم مشاكل
لاني بعدني احبهم فكييف اقدر ااذييييهم صعبـــــــه

واذا الناس بعد الخيانه كرهتيهم خلاص القلب ما يتحمل يشوفه لانه شخص غير مقبول استوى في نظر قلبج .. وفي هذيج اللحظه بتحاوليين تأذيينه باي طرييقه

والسمووووحه

**الإمبراطور** · 16-09-2004, 02:33

السلاااااااااام عليكم ...

جدتي .. ستضلي مبدعة ومبدعة ... بموواااضيعك ....

أنا جربت الخيااانة على الرغم من صغر سني .. تألمت يا جدتي تألمت .. أول مرة تنزل دموووعي من القهر .. حسيت نفسي مكتوووف اليدين .. تلعب علي وتضحك علي .. آه آه يا جدتي .. مستحيل أنساااها .....

تعرفي شوو سوويت ؟؟؟ أول ما عرفت خيانتها وإنها معي مصلحة وتكذب علي وتفضح أسراااري للي يسوى وما يسووى

رحت غرفتي وبكيت وبكيت وبكيت وبكيت إلى أن حسيت نفسي ارتحت ... .. ناادت أخووي الكبير .. وقلت له الساالفة وصرت أتكلم وأتكلم مشاان أرتاااح .. أخوي هدااني وطلب مني نسياانيها ...

أنا كل اللي سويته طنشتها وخليهتها في حالها وهي كانت تحسبني إني مستحيل أتركها ..اللي خلصني من هاي المشاااكل .. هي خطيبتي ... ربي يحفظها لي ... سااعدتني في محنتي ... ربي يرعااها ...

والان البنت اللي كنت أحبها الله منتقم منها وأبوووها صار يضربها لانه فضحها بعدة تعرفاااات للشبااب من أجل المصلحة

على العمووووم يعطيكي العاافية وأسف إني خرجت شووي من الموضووع بس كنت متفااعل شوووي

بارك الله فيك

**ذيــ العيـن ــب** · 16-09-2004, 07:08

خخخخخخخخخخخخخخخخخخخخخخخخخخخخخخخخخخخخخخخخخخخخخخخ

كلكم حبيتو وخانوكم ههههههههههههههههههههههههههه

مساكين . .

انزين . .

يمكن العيوز ما كانت تقصد خيانة الحب . . والأفلام خخخخخخخخخخخخخخ

تقصد مثلاً الصديق او الأهل و و و

مب شرط حبيب او حبيبة

انا تعرضت للخيانة وما سويت أي شيء . . قلتله . / قلتها

الله يسامحج . ويسامحك . . وسوووري إذا غطلت عليكم

خسرت في نفس اللحظة : : أغلى ناس & و أغلى وحدة : :

والسموووووووووووووووحه

لكم تحياتي

**أريج** · 16-09-2004, 11:34

يعتمد على وقت الخيانه وطريقتها

انا تعرضت لخيانه من ربيعتيه

انصدمت من خاطر ،، بصراحه عافتها نفسي ،،

حتى السلام كنت اسلم عليها من ورى خاطريه

والله لا اييب هاليوووووم

تسلمين العيوز لطرحج الموضوع

**EL3Yo0oz** · 16-09-2004, 11:36

تسلمون ع الردود

وتسلم يا ذيب العين ع توضيح ها الشي

**كـانـو** · 17-09-2004, 07:46

اقتباس

المشاركة الأصلية كتبت بواسطة EL3Yo0oz


	ما سافعله انا برايي اني ساقف وانظر الى نفسي بكل فخر واعتزاز على وفائي نعم فكم جميل ان تفتخر بنفسك لانك وفيت .......

لم ولن تقتصر الدنيا على فتاتك أو فتاك ، سر أو سيري فقد ترى أو تري من يخفق لها أو له قلبك منذ النظرة الأولى

طبتِ وطاب مـوضوُعك
أخوك / كـانـو

**شوقي الحاير** · 18-09-2004, 02:41

تقليـــــــــــــــــــــــــــــــب مواجع يا العيوز ....

ما بقول أني ما بصيح ,,بصيح و بصيح لأني أحس أني غلطت في الشي وعشان ما أكرره
و أندم لأني أستاهل ,,,, و عندي مثل دايم أقوله اللي يابه ييب عشرة غيره ,,,
هههههههه مصخرة صح ((( كل يوم هو العيد عشان ييون غيرهم نحبهم )))

مستحيل أنسى ,,, (( الصافع ينسى لكن المصفوع ما ينسى ))
و ما بسامح إلا بمزاجي و لشي أنا أريده يصير ,,, بسامح عشان أذل و أحقره
أخلي يعرف معنى الخيانة يحس بطعمها ,,, بتلذذ و أنا أعذب .. (( شريرة الأخت ))
بس ما أقدر أدعي لأني قلبي طيب ,, و جايز أطوف السالفة بس مثل ما قلت بمزاجي

و مثل ما قالت أختي ريانة العود اللي يحب ما يكره ,,و أنا وياج في هالنقطة ما يكره ..

و بمناسبة فتح المواجع حبيت أهدي هالأغنية ,,, لـ ((( *** ))
عسى في يوم توصل له http://song3.6rb.com/ksa/abdelmajeed/abdelmajeed.htm

أختكم شوقي الحاير

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ماذا تفعل لو قال لك شخص انه يكرهك ......؟؟؟؟؟؟؟؟	الحصنـــاوية	المنتدى العام	18	07-02-2008 09:00
ماذا تفعل لو عاد حبك الراحل!!!!	انجود	المنتدى العام	13	22-02-2006 04:10
ماذا ستفعل اذا خانك من تحب؟؟؟	الونيــ2002ـــس	منتدى المواضيع المكررة والمحذوفة	7	30-03-2005 09:37
ماذا تفعل اذا فوجئت	اسير الحزن	منتدى استراحة حلم دبي	14	22-08-2003 07:47
ماذا تفعل	خالد الخاطري	منتدى الأسرة	1	04-03-2003 03:02