ذيب العين


أحييك من كل قلبي على هالسؤال وأتمنى صدق البنات يجابون بكل صراحة


سواء كان على الدريول أو الطباخ أو راعي المحل وإلا أي شخص ثاني

أتمنى صدق لو بنت وحده بس تكتب الجواب بكل بصراحة وجرأة


وبرد عقب البنات ما يردون برد مرة ثانية



مفتـ العين ـون ...

انا من ناحيتي ما أبطل النقاب ما ادري عن الباقيات عاد وفعلا في منهم يتعلجون البان جدام الهنود عادي

بس شو السبب ما اعرف


يسلموووووووووووووووووووو ذيب على الموضوع

السلام عليكم ورحمة الله وبركاته ..




انا بعلمك بس لا احد يزعل ...


يحسبون البنات بس السعودي او الاماراتي هو اللى عنده شوة والهنود بدون شهوة هذا من الاسباب ..

وكذالك الهنود ما يقدر يسوى اي شي في البنت لكن البنت لو تبا تطلع مع واحد من اهل الديره كان يفضح فيها ويجرها من شقه الى شقة ومن شاليه الى شاليه ..

اعذروني على الكلام لكن طالع من القلب ولا احد يزعل ..





والف شكر اخوي الغالي وارجوا اننا نرا ارى البنات بكل صراحه ..



@النيجيري@

بصراحه سؤال في الصميم وما اعرف جوابه


انا ما اتغشى جدام الدريول ولا جدام الاستاذ حتى في الكليه

اصلا ما اتغشى في الكليه الا يوم اشوف الشباب (مواطنين يعني) في ويهي


يوم اروح محل ارفع الغشوة عشان اشوف الغرض وعقب انزله



بصـــراحه خليتني افكرر ليش



يمكن لانه ما بينظر لي بالنظرة اللي يستخدمها ولد البلاد


في بنات يقولون ان ولد البلاد ريال خخخخخخخخخخخخ

<<< ما يعيبني هالجواب


يمكن لان ولد البلاد له سلطه عليها بس الغريب لا

الغريب ما يقدر يتجرأ يسوي شي الا نادرا اما ولد البلاد النذاله والجرأة في دمه

الا الزلمات (مب كلهم) اللي نشوفهم في المحلات من ترفع الغشوة كل انواع الغزل والمددح والخرابيط توجه لك



ما ادري هذا الي خطر في بالي وانا اقرى الموضوع

بس ما عندي سبب معقول او مقنع


يمكن تكون لي عوده بعد ما اناقش اللي حولي


::ســــــــــلامي عليك ذيبووووووه::

الاجنبي ماينقد عليها شرات ولد الدار

حتى انا مرة اذكر دخلت محل وفيه هنتين

ويوم دخلت جان اتقول وحده منهن اووه ريال اتغشي

والله ماستحيت منهن ورديت عليهن والي امبينكم هب ريال

جان يتلومن ولا حتى فجن احلوجهن ابكلمه

عاد من الحرجه جان آخذ عمري وظهر عنهن

حسيت ان تميت ثانيه بنفجر عليهن



والسبب في اعتقادي هو
الاجنبي مابيهتم لامرها هب شرات ولد الدار يمكن يعرفها او يشبه عليها وعاد هييه اتخاف على عمرها من الفضايح


يتمقل فيها الاجنبي هب منقود اما ولد الدار عيب ويهبي إلا هوووووووووه

فأنا اقول للبنت الاجنبي ولا ولد الدار كلهم يهبون يتمقلون فيج وهالله هالله ابعمرج

والبنت عوره من أخمص ريلها إلين قمة راسها . فمايجوز تظهرين مفاتنج للرجل اين كان حتى فالمحل تبين تتطالعين الغرض انزوي وتمقليبه إلين بسج ولا اجلبي ويهج ونفدي البيت

والسموحه ع المشاده لاني والله من قهري وحرقتي عليكم

اولا مب كل البنات شرات بعض فيمنهن محترمات ومحتشمات في كل مكان جدام الهندي او ولد البلاد اما انوعيه الي انتو ترمسون عنها فهي موجوده وبكثره انا عمري ماخطر على بالي هالسؤال ولكن بما انك سالت هالسؤال انا اعتقد ان السبب نظرت الاجنبي تختلف عن نظرت ولد البلاد و بعض الشباب بيرمسون عن البنيه من ساسها لين راسها بس انا اعتقد ان الي واثقه من نفسها ومن اخلاقها اذا كانت تتغشى تتغشى بكل مكان جدام الاجنبي او ولد البلاد وبعد الي ماتتغشى لوكانت واثقه من نفسها مابتتغشى في كل مكان انا عن نفسي الحمدلله متحجبه ماطلع شعري ولاقصتيه واكون محتشمه جدام كل الناس وماتفرق عندي الاجنبي او ولد البلاد وتسلم على هالسؤال لانك عطيتنه فرصه نفكر بشي نحن ماخطر على بالنه بيوم من الايام ويمكن خليت وايد بنات يراجعون حساباتهم بهلموضوع

أتمنى المشاركة في هذا الموضوع من كافة الأخوات العضوات


مفتـ العين ـون ...

موضوع في الصميم وبصراحة يحتاج جواب صريح وجريء ..

بحاول أكتب اللي أعرفه وطبعاً كلامي يتضمن شريحة معينة مش الكل ..

~ ~ ~ ~

في البداية بالنسبة لي .. انا ما أتغشى .. لا جدام ولد البلاد ولا جدام الأجنبي .. (( في النهاية كلهم رياييل ))

بس الحالة الوحيدة اللي أتغشى فيها إذا كنت سايرة عرس .. أتغشى لين أدخل القاعه

~ ~ ~ ~

للأسف للأسف للأسف .. النقاب والغشوه صارن وسيلة لإظهار المفاتن ..

قمنا نشوف المتنقبة (( طبعاً عيونها ظاهرة )) .. عاد تتفنن في رسم العيون وتكحيلها ..

تلاقي الجحال طوله متر .. وجان زين متجحلة من داخل .. لا جحالها من فوق ومن تحت يعني بالأصح .. محددة عيونها

وفي الأغلب تكون عيونها أحلى ما فيها .. فـ تبا تبهر اللي حواليها بهن .. وياما (( تحت البراقع فواجع ))


الشي الثاني ..

واللي نشوفه وايد هالأيام ..

البنت اللي تتغشــى في السناتر أو في الأسواق .. وشيلتها خفيفة وشفافة ..

شو الغرض من العشوة والشيلة خفيفة !!!

يعني ويهها باين .. شو مستفيدة هي من الغشوه ..

بس الشي اللي يجهله الأكثرية ..

إن الشيلة الخفيفة أو الـ شبه شفافة .. تظهر الملامح الحلوة في الويه ..

يعني لو كانت خسفة بتشوفها حلوة .. ولو كانت سمرة بتشوفها بيضة ...



وفي شريحة .. اللي هن يتغشن بس عسب الشمس .. (( يخافن على البشرة ))

وإذا كانن في سوق مكشوف يتغشن .. ومن يدخلن المحل يشيلن الغشوة ..

البعض يتغشى عن الشمس بسبب مرضي .. مثلاً بشرتها تتحسس من الشمس ..

بس اللي تتغشى وما فيها حساسية .. ليش هالحركه !!

خايفة على بشرتج ؟؟ تراهم يبيعون كريمات ضد الشمس في الصيدلية ..

خذيلج واحد منهم وحطيه ..

بس اللي تتغشى جدام كل الرياييل هاي ما نقدر نقول عنها شي وما عليها كلام




السموحة منكن بنات ..

ولك كل الشكر أخويه عالموضوع

يا

واااااااااااااااااي قوية



بس هو قال ليش تتغشى يوم تشوف ولد البلاد ،، والاجنبي ما تتغشى جداه


يباله تفكيرررر الصراحه


وانا وايد سالت ،، والاجابة اللي حصلتها منهم ما اعرف


::ســـــــــــلامي::