مطلع الشمس
نبذة عن الشاعرة الإماراتية مطلع الشمس
تعد الشاعرة ( مطلع الشمس ) وهذا لقبها أحد أكبر الشاعرات الظاهرات على الساحة الشعرية في دولة الإمارات العربية المتحدة وكان ظهورها على الساحة الشعرية كشاعرة متميزة متمكنة وقادرة على مجاراة الشعراء الرجال من خلال الشعر النبطي الذي تصيغ أبياته بسلاسة وعذوبة وسهولة مما خلق لها شعبية كبيرة بين متذوقي الشعر في الإمارات ومنطقة الخليج العربي ..
وهذي بعض المسجات اخترتها مما خطته مطلع الشمس في ديوانهاااا
اتمنى لكم قضاء وقت ممتع بقرائتها
أحس أني وسط ليليٍ طويــلٍ ناسـي فجـــــــــره
أعيش بظلمته واسرح بافكاري إلى المجهـــــول
أفكر وانتظر صبحي الجميـل الباســم وعطــــره
وتصــدمـنـي هــواجيسي ولا ألقـي لهمِّي حلــول
************************************************** ***
تخيَّل تزرع ورودك على الغيمه وتقطفها
وتهديني أنا ورده واخلّيها على خدِّي
وتالي تمسك الغيمه تقلِّي يا الله اوصفها
واشبِّهها على قلبي ويطلع لونها وردي
*******************************************
هذا للمريض
خطاك الشر يا عمري خطاك
عسى عمرك تفاريح وربيع
وِتِصْحَبكْ السلامه في خُطاك
وقال السعد لك دايم رِبِيْع
******************************************
ترى مالي هوى إلاَّ هواك
أنا احبك ومن غيرك أضيع
حبيبي ومطلبي دايم رضاك
صوابك ضيَّق الكون الوسيع
*********************************************
أحسبك يا عسى عمري فداك
وشانك يالغلا عندي رفيع
تأثَّرتْ بصوابك من غلاك
وعشت بحسرتي مثل الوديع
********************************************
اصبِّر قلبي وفكري معاك
أهوجس فيك يا حلمي البديع
اطرِّش لك خيالي في مساك
يطمِّني وبعلومك يذيع
*********************************************
أحبك حب لو تدري
بعد عمري بتأثيره
سلبني عقلي وروحي
واحساسي مع شعوري
أحبك تعجز حروفي
عن وصوفه وتعبيره
وانته فوق هام السحب
لك نهجي ودستوري
**************************************
حكم الزمن مبعدك يا زين عنّي
روح المشاعر تشتكي طول فرقاك
بادر بوصلك ما يفيد التمنّي
وانا مقدِّر لك ظروفك وارعاك
•**************************************
عسى من لامني بحبك
تصيبه في الهوى حيره
ويسري الحب في قلبه
ويصبح فيه مأسوري
ترى شوفتك هي عيدي
تساوي الأهل والديره
سخيِّ النفس طلعتك
البهيّه يا غلا نوري
************************************************** *********
أنا بصبر ولو صبري تعدَّى
وبتحمَّل ولو مهما جرالي
بضحِّي .. وانت تستاهل اضحِّي
على شانك لانِّك راس مالي
************************************************
أحبك وانت في قلبي
محبٍ ما ليه غيره ...
أهيم بحبك وإنته
تهيم بحب غندوري
************************************************** ****
أحبك حبٍ مخلَّد
أحبك من وانا صغيره
أحبك حب ما يوصف
ولا تستوعبه سطوري
************************************************** ******
أنا أعرفك وتعرفني وتعرف
تراني بنت ابوها ولا تبالي
لي عزومٍ على الشده قويِّه
ولي نقطةْ ضعف وحده .. جمالي
************************************************** ******
روحي تحبك والغلا ذابحنّي
ودي بشوفك يا حياتي ولاماك
حبٍ قديمٍ في الضماير سكنّي
داخل حنايا القلب رسمك وموطاك
************************************************** *******
قال الغلا وما درى إنه الغلا كلَّه
وحبه بقلبي من سنينٍ قديماتي
في خافقي له غلا غيري فلا شلَّه
يفوق حبٍ تصوِّره الخيالاتي
******************************************
صحيح انك معي غالي وتملك قلبي ووده
صحيح انك أمل عمري واحبك حب ماله حدود
وانته الحب تدري به وتعرف جزره ومدَّه
يفوق الوصف والمعنى وشعري والحروف شهود
************************************************** *****
الصوت ما يغني عن الشوف
الشوف يعني يلتقي وياك
تعرف خفاه وعينك تشوف
عينه ويبدا في تحاياك
************************************************
أنا مليت واحساسي معــك ارهف مـن الشعــره
وألوم القـــلب لكنّه يعــاند وانته المـــســــــؤول
اريــد ابكـي علـى قلبـي وتخنقنــي أنا العبـــــره
واحس بدمعتي الحرَّى على محجر عيوني تجــول
************************************************** ***
أعلنت لك حبِّي وتالي انسحابــــي
من قلبـــك القاســـي وقلبي جبرتــه
حبٍ عــفيفٍ وافــيٍ ما يعـــــابــــي
حبٍ كتمتـه وســط جوفــي وصنتــه
•·.· *************************************************
غناتي آه لو تدري عن شعوري وعن الافكار
عن اللي دار في بالي عن الدمعات لي تجري
أرى الأيام تتلاحق أنا اللي في الهوى صبَّار
على شانك أروِّضها ظروفي وابدي بعذري
************************************************** *****
صورتك في قلبي وفي ناظر العين
عيني تشاهدها على كل لوقات
حبك تملَّكني من سنين وسنين
ما غيّره صرف الزمن والمسافات
************************************************** ***
أنا يا ليل وش ذنبي تصبَّرني علــى القمـــــــره
وتجبرني على همومك اعايشها بعرض وطــــول
أهوجس واحسب نجومك وقلبي يلتهب جمـــره
واضيّع حسبتي وفكري على باب الوصل مشـغول
**********************************************
أرقب وصالك كل ساعه وكل حين
يا من ملكت الروح والقلب بِسْكاتْ
حزت الغلا والحب بالطيب والزين
واصبحت وحدك مالك القلب والذات
•·.· *****************************************
عطني غلا واعطيك عمري وحالي
حبٍ مخلّد ما حلم فيه مخلوق
يا شاغل احساسي وعمري وخيالي
يا من لقلبي بلسم الجرح والعوق
************************************************
أنا أعلم وانت لو تعلم بخافي القلب والأسرار
أنا لك بحت بسدودي وأعلن للملا سرِّي
أنا العاشق أنا المغرم لأجلك أكتب الاشعار
أترجمها بإحساسي يجول بخافي الصدري
09-03-2005, 08:25
العرض العادي
المواضيع المتشابهه 
