بنت عيناوي

ملة قصة مغامرة اريام 3



صارت الساعه 10الاربع اتصلت حق غايه مره ثانيه وما ردت علي!!
وصلني مسج من سعود(اجمع احزانك وهمك والعذاب وهلها في وسط صدري هلها لا تخاف من الملامه والعتاب دام انا راضي سيوفك سلها..فدوتك روح تحبك ماتهاب تتجه للموت لو تشرلها..تمشي بشورك ولو شورك خراب لعنبو روح تعاند خلها)...
ارتحت واااايد يوم قريت المسج احس ان سعود فاهمني..
انا بلاي جي؟! شو فيني ؟ معقووووووووله اكون حبيت سعود؟لأ مب معقوله انا خلاص ماصرت اثق في حد بس سعود غير؟!! لألأ!! كلهم نفس الشي ماادري بعتبر سعود شرات اخوي بس لا اكثر!! كنت ادور مسج عشان اطرشه حق سعود ولقيت مسج حلووو...
(هني من عاشر من الناس شرواك في ذمتي يعيش والراس مرفوع،،تبقى عزيز وتعجبني مزاياك يااللي بيمناك اجزل الطيب مطبوع،،عسى البلاوي والمصايب تعداك،،تصيب ناسن عنهم الطيب مقطوع)...وطرشتله المسج...
عقب دقايق وصلني مسج من سعود(شو هالمسج الحلو بصدق عمري ترا..!!)..
طرشتله(من حقك بس مب وااايد عقب تتخقق علينااا)...ورد طرش(هاهاها كيفي من حقي والله ارتاح يوم اشوفج مستانسه..) تميت اقرا المسج تقريباً 5مرات ليييش ماادري؟؟!!
ابا اعرف انا شو بالنسباله؟!! معقوووله يعتبرني شرات اخته او حتى ربيعته!!
عقب دقايق طرشتله(اذا كنت مستانسه فهذا كله بسببك انت وانا ادينلك بهالشي..)
طرش مسج سعود(افا عليج ياالغاليه هذا من واجبنا وما يهون علي اشوفج بهالحاله وما اسوي شي!!!)
رديت طرشتله(تسلم والصراحه انت كفيت ووفيت)..تم سعود يطرش مسجات وانا ماكنت مضايجه من مسجاته بالعكس كنت وااااايد مستانسه لانه كان مخفف عني همي حتى اني ماكنت افكر في حمد واايد كان تفكيري اكثر شي في سعود..!! اتصلت غايه فيني رديت عليها..
غايه:مرحباااااااا الساع شحالهم؟؟
أريام:هلا والله بخير وسهاله انتي شحالج؟؟
غايه:الحمدلله شو بوظبي وياج؟؟
أريام:ماشي الحال..وينج ماتردين علي؟!
غايه:ماشفت التلفون كان على السايلنت!!لييييش في شي؟؟
أريام:لا بس كنت ابا اخبرج اني برد دبي باجر!!
غايه:صدق والله!متى نمر عليج؟؟
أريام:بلاج مستعيله جي خلاص غيرت رايي..
غايه:شو؟؟تتمصخرين حضرتج بسج مصختيها ردي؟؟
أريام:تصدقين اني تولهت عليج وفخااااااطري اقعد وياج!!
غايه:وانا اكثر عنج والله اريااامووووووووووو عن المصاخه بمر عليج باجر اوكي..؟؟
أريام:لأ ماابا عقب باجر برد..
غايه:ما احبج كيفج وياويهج...
أريام:هاهاها اوكي خلاص تامريني بشي؟؟
غايه:سلامتج حطي بالج على عمرج اوكي؟؟
أريام:اوكي باااي..
غايه:باااي..
مسرع ما تغيرت قبل شوي كنت مضايجه وكارها عمري والحين انا عاديه ولامفتكره بشي؟؟!
اول مره ما افتكر فشي مضايقني؟!يمكن عشان سعود؟؟مادري مادري؟!مب عارفه شو هو شعوري تجاه سعود وليييش افكر فيه وااايد ومهتمه؟!
احس اني محتاجه ارمسه شليت التلفون بغيت اتصل فيه..
شو الي قاعده اسويه؟! فريت التلفون وانسدحت عالشبريه وانا افكر في سعود...
كانت الساعه 10ونص وانا احاول ارقد بس ماكنت قادره من التفكير..تميت اتقلب ليين مارقدت...
اليوم الرابع:
نشيت الصبح وبطلت الستاره ومنت مرتاحه ومستانسه لا تسألوني ليييش؟؟
سرت اسبح عقب اتلبست كانت الساعه 9وربع،طالعت تلفوني غايه مطرشه مسج (اذا غيرتي رايج وبتردين دبي خبريني قبل العصر اوكي؟)..
رديت طرشتلها(لا فديتج مابغير رايي واذا بغيت ارد بخبرج)...
طرشت مسج حق سعود(صباح الخير)..وحطيت التلفون،،بطلت التلفزيون ويلست افرفر ادور شي..وصلني مسج طلع من سعود(صباح النور صباح الورد صباح الخير ياالغاليه)..حسيت باليوع لاني امس ما تعشيت ،لبست عباتي ونزلت تحت كان فخاطري اني اشوف سعود..رحت ويلست في الكوفي وخذت الجريده ويلست اقراها..مره وحده طلع سعود جدامي وقال:
سعود:صباح الخير يا ويه الخير..
أريام:روعتني!!صباح النور..
سعود:ماعاش الي يروعج!! الله على المثقفات الي يالسات يقرن الجريده!!
أريام:شو قصدك؟تتمصخر علي حضرتك؟ انا مثقفه غصبن عنك!!
سعود:آسفين! ونطلب السموحه ولاتزعلين ممكن ايلس؟؟
أريام:لأ مب ممكن!! هههههه طبعاً ممكن تفضل..
سعود:اتحريت بعد!! وياويهج..!
أريام:بلاه ويهي؟!احلى عن ويهك..
سعود(وهو يطالعني):الصراحه مافيج حيله ماخذه الحلا كله!!
أريام(ويهي احمر):لا تجامل ترا مااحب الي يجاملون..!
سعود:انتو يالبنات حركات..تقولون جي عشان نمدحكم اكثر بس انا مابمدحج..كيف عرفتي اني اجاملج انتي شفتي ويهج في المنظره!! عفاني الله؟؟وهو يضحك...
أريام:الحمدلله واثقه من عمري!!
سعود:مشكله الخقاقات بعد..اوووووووه نسيت اقولج شي مهم؟؟
أريام:خير شو في؟؟
سعود:شحالج؟؟
أريام:لا والله!! هذا هو الشي المهم وياخشمك..بخير ونعمه انت شحالك؟؟
سعود:بخير دام هالويه مستانس وبخير..
أريام:مب جنك مصختها؟؟
سعود:الصراااحه! تتضايقين مني اذا قلتلج هالرمسه؟؟
أريام:اتمصخر وياك عااادي..
سعود:صدق عاادي والا مستحيه تقولين هيه؟؟
أريام:والله عاااادي شحال لطيفه وحليلها ماتصلت فيها؟!
سعود:الحمدلله بخير..امس قالتلي سلم عليها زين انج ذكرتيني..
أريام:الله يسلمها..ولو ان المفروض هيه الي تسلم مب اخوها؟؟
سعود:شو قصدج؟ ماتبين سلام من عندي؟؟
أريام:هههه
سعود:انتي مب جنج ناسيه شي؟؟
أريام:نسيت شي؟؟ شو هو؟!
سعود:انج حاجزه حق 3ايام بس وهذا اليوم الرابع؟!
أريام:اووه تصدق ناسيه السالفه!! زين انك ذكرتني بسير اجدد الحجز..
سعود:يلسي وين سايره بعدين سيري..انتي متى ناويه تردين دبي؟؟
أريام:قبل شوي ذكرتني اني حاجزه حق 3ايام والحين تقولي متى بتردين دبي شكلك تبا تروغني من بوظبي اكيييييييييييد ثقلت عليك؟؟
سعود:افااا عليج شو ثقلتي علي ليييش يالسه فبيتنا وانا ماادري والا يالسه على حسابي؟! الصراحه مااباج تردين وفي نفس الوقت اباج تردين دبي؟؟!!
أريام:كيف يعني ما فهمت؟؟
سعود:اباج تردين لاني خايف عليج ومااباج تردين لأني بعدني ماشبعت منج؟؟
أريام:ما شبعت مني؟؟!!(وانا اطالعه بإستغراب)
سعود:لا ماشي ماقلت شي..وعلى فكره انا جددت الحجز حق يوم واحد..
أريام:على كيفك؟ ومن غير ماتشاورني يمكن انا ماابا اقعد؟!
سعود:هيه على كيفي..هذا يزاي خير تفعل شرٍ تلقى...
أريام(وانا ابتسم):خلاص كيفك لا تمد البوز شوي وبيطيح!!هاهاها
سعود:احلى عن شفايفج تقول بط!!
أريام:بط ها بط..اوكي ياسعود مقبوووله منك(سويت عمري زعلاااانه)..
سعود:فديييييييت الي زعلوا اصلاً شفايفج مافي منها عسل..
(مادري بلاه سعود ماخذ راحته وااايد واسلوبه متغير؟!!)
أريام:انا برد دبي باجر ان شاالله..
سعود:والله! ومنو بيردج؟؟
أريام:الي يابني بيردني..
سعود:تستهبلين! ومنو الي يابج؟؟
أريام:واااحد...
سعود:ومنو هالواحد؟؟(وهو معصب)
أريام:واحد من هالدنيا..
سعود:لا تلعبين باعصابي وقولي منو هذا؟؟
أريام:ربيع ربيعتي..
سعود:شووووو؟؟؟ وان شاالله ناويه تردين وياه..؟؟!!
أريام:انزين انا مب روحي ربيعتي وياي..!!
سعود:تهبين ماشي سيره وياهم انتي فاهمه؟؟
أريام:لا والله!! وليييييييييش ؟؟
سعود:من غير ليش انا قلت مابتسيرين يعني مابتسيرين..!!
أريام:وارد ويا منو؟ ريلي؟؟
سعود:انا بردج دبي مع لطوف..
أريام:على كيفك؟؟ انا ماابا ارد وياك..!!
سعود:لييش باكلج والا بخطفج؟؟!!
أريام:بتذبحني وياهالويه؟!
سعود:انا ما اتمصخر وياج انا بردج دبي..!!
أريام:واذا قلتلك ما ابا؟؟ ياخي ما ابا اثقل عليكم..!!
سعود:ما يخصج انا محد جبرني وغصبن عنج بترضين؟؟
أريام:بفكر في الموضوع!!
سعود:تفكرين فخشمج ليش خاطبنج وانا ماادري؟؟
أريام:هاها سخييييييييييفه..!!
سعود:وان شالله وين ناويه تسيرين اليوم؟؟
أريام:ماادري لين الحين ماقررت؟؟
سعود:بوديج عند لطوف..
أريام:لأ ماابا استحي..
سعود:شو تستحين اشوف يوم تسيرين السناتر ما تقولين استحي؟؟
أريام:السناتر غير..
سعود:لعوزتني لطيفه من كثر ماتحن علي وتقول هاتها ..!!
أريام:بلاها لطيفه السلام وطرشته وياك والحين تقولك هاتها ليش هيه ماعندها رقمي هذا معناته انها تعرف اني اشوفك وايلس وياك؟!
سعود:تقدرين تقولين هيه..!!
أريام:وااااااااافضييييحتااااااااا..
سعود:بلااااج؟؟
أريام:وتقولي بلاج؟ الحين البنت بتاخذ عني فكره خاايسه..!!
سعود:ويييين راح تفكيرج انتي..وبعدين محد يروم يرمس عنج وانا موجود..
أريام:الي يقول انت موول ماترمس عني..!!
سعود:ارمس بس بكل خير..
أريام:انزين انت هات لطيفه عندي؟؟
سعود:ما عندنا بنات يدخلن فنادق..!!
أريام:لا والله! وبعدين شو قصدك؟؟جنك تلمح على شي؟؟
سعود:ماشي امزح..
أريام:حسبالي بعد؟؟كنت بكفخك..
سعود:ياحلو التكفيخ اذا كان منج؟!!
أريام:فيك شي اليوم اخاف ميهود..!!
سعود:كنت ميهود ويوم شفتج طبت..
أريام:الحمدلله والشكر ماادري بلاك اليوم قاعد تخورها..؟؟
رن تلفون سعود ويوم بند قالي
سعود:المهم انا يبوني في المكتب ويوم بفضى بدقلج اوكي والا انا ماابا اخرب هاليلسه الحلوه معاج ..
أريام:برايك انت سير وانا بترياك..!!
سعود:اوكي انتي قومي الحين وسيري الغرفه لا تيلسين روحج هني..
أريام:ان شاالله عمي..
سعود(وهو معصب): لا تقولين عمي..
أريام:ان شاالله يا سعود تامرني بشي بعد؟؟
سعود:سلامتج يالغاليه بس قومي جدامي وسيري فوق..
أريام:اوكي سي يو
وسرت الغرفه وانا قاعده افكر في كلام سعود اليوم واسلوبه معاي وانا بلاي مسايره معاه معقوووووله اكون حبيت سعود؟؟لا مااظن بهالسرعه يمكن حبيت اخلاقه وشخصيته او لأني محتاجه حد يكون معاي
تكملة قصة مغامرة اريام 4


كان فخاطري اطلع بس المشكله مااروم وسعود موجود في الفندق..تميت يالسه اطالع تلفزيون لين ما وصلني مسج طلع من حمد(قبل لا تروح وتتركني،،قبل لا ينوح بي حزني،،بغيت ابوح بشعوري احبك موووووووت صدقني..)..
والله وضحكتني ياحمد اي حب واي خرابيط!!طرشلي مسج ثاني(ياصاح دمعي من البعد همال،،شوف الليالي كيف هزت زماني؟ ماجيت ابا منك ملايين واموال،،ربي وهبني للنعيم وعطاني،،جيتك حبيب سابقه حلم وآمال راجي وصالك ولا ابي شي ثاني)
والله انه متفيج!! وتم يطرش مسجات طرشتله مسج(لا تحسب اني عقبكم في ندامه ماني على حب المقفين ندمان من باعنا بالرخص نرخص مقامه نشطب عليه ونتركه دون عنوان)..
وطرشتله مسج ثاني(صاحبي قررت انا منك انسحب لا ولا بين واطلع في سماك من بعد ماصار حبك لي لعب في الخطا تمشي وانا امشي وراك..صرت معدن من بعد منت ذهب صرت خالي من الهوى وش هو بلاك؟بعتني برخيص بياع النهب كيف ترخصني بعد ماانا غلاك)
واخر مسجين طرشتله:
(دام الهوى لعبه حب الي بتحبه بس المهم بعيد عن قلبي وعيني)
(لا تقول احبك وانت كذاب)..
وطنشته..اتصل فيني سعود رديت عليه:
سعود:يامرحبا يامرحبا الساع يابوعيون مب سود بنيات ووساع...
أريام:هلا سعود خلصت شغلك؟؟
سعود:هيه خلصت..
أريام:بقولك شي بس لا تعصب!!
سعود:قولي آااامري..
أريام:ابا اطلع..(وانا خايفه)..
سعود:اطلعي ومنو زاخنج؟!
أريام:صدق والله يعني عااادي اطلع..؟!
سعود:هيه بس خليني اتصل حق لطيفه واخبرها..
أريام:شوووو؟! وانا اتحرا انك رضيت تخليني اطلع روحي؟!
سعود:تحلمين!!لعلمج بس انا اذا قلت كلمه مااتراجع عنها فهمتي؟؟
أريام:امري لله اتصل حق لطيفه وانت تتحمل المسؤليه؟!
سعود:مسؤولية شو؟؟
أريام:يمكن لطيفه ماتبا تتطلع..
سعود:انا بتصل فيها الحين وبرد اتصل بج اوكي؟؟
أريام:اوكي بااي..
عقب 5دقايق رد اتصل سعود:
سعود:لطوف ماتقدر تي ربيعتها يايه عندها..خليها حق باجر..!
أريام:شو باجر؟! انا باجر ان شاالله بكون في دبي! يعني مافي غير اني اطلع روحي صح؟؟
سعود:عيدي فديتج الي قلتيه ما سمعت؟؟
أريام:لا ماشي سلامتك؟؟
سعود:تهيألي سمعت شي..!! بس قري في الغرفه ولا تظهرين..!
أريام:ياربي اشكثر اعاااني؟! انا مب يايه اقعد في الفندق ...بس اليوم اخر يوم لي فبوظبي خلني اطلع..!!
سعود:شوفي طلعه روحج ماشي ولو شو تسوين...!!
أريام:انزين تعال معاي؟؟
سعود:شوو؟! ايي معاج وين؟؟
أريام:اي مكان المهم اطلع؟؟
سعود:من صدقج والا تتمصخرين انا وانتي رواحنا..؟!!
أريام:شو اسويبك؟ لا هذا يعيبك ولا هذاك؟ّ احترت معاك؟!!
سعود:يعني انتي عاادي عندج؟؟!!
أريام:سعود لو ماكنت واثقه فيك ومرتاحتلك ماكنت بطلب منك هالشي واذا هالشي يضايقك خلاص مب لازم؟؟!!
سعود:اشكرج على هذي الثقه وان شالله تدوم..
أريام:اكييييييد بتدوم هاشو قلت؟؟
سعود:مب موافق..!!
أريام:ليييييييييش؟؟
سعود:خلاص قلتلج مب موافق..
أريام:عشان خاطري..!!
سعود:ماادري..!!
أريام:يلا وافق..عشاني!!
سعود:متى تبين تظهرين؟؟
أريام:كيفك اي وقت تكون فيه فاضي وماعندك شغل..!
سعود:عشانج مستعد اودر كل شغلي..
أريام:صدق والا بس رمسه؟!
سعود:والله اني مستعد اضحي بأي شي لو طلبتي مني ايلس وياج دقيقه..!
أريام:معقووووله لهدرجه؟!!
سعود:مب مصدقه؟؟
أريام:المهم عقب 10 دقايق بنزل اوكي؟؟
سعود:وليييش 10 دقايق تراج متلبسه وجاهزه..؟؟
أريام:كيفي..عقب 5دقايق بنزل..
سعود:اترياج لاتتأخرين..
أريام:ان شاالله..باااي
الصراحه ماكنت حاسه ان الي قاعده اسويه غلط بالعكس كنت مرتاحه لسعود والصراحه الصراحه بديت احبه..
نزلت تحت وسرت عند سعود..
سعود:جاهزه؟؟
أريام:هيه ياالله روحنا..!!
سعود:وليش مستعيله؟؟
أريام:انا؟! عشان ماابا اعطلك اذا كان عندك شغل بعدين!!
سعود:لا والله..انزين امشي جدامي..
ركبنا السياره وقالي سعود:وين تبين تسيرين؟؟
أريام:امممم!! اي مكان تباه..
سعود:تبين تسيرين مراكز.. ؟
أريام:هيه..قصدي كيفك..!!
سعود:هاهاااي انزين انتي تامرين..
شغل سعود المسجل وحط على اغنية عيضه(اهمه لو كذب اني مااهمه...)
وقالي عالاغنيه اهداء لج..!!
استغربت!! ليش هالاغنيه بالذات شو يقصد سعود؟!!
سعود:شو رايج بالاغنيه وكلماتها؟
أريام:حلوه..وانا من قبل احب هالاغنيه..
سعود:والله..زين اني عرفت ذوقج!!
أريام:ذوقي حلو صح؟؟
سعود:انتي الي حلوه...
أريام:شو هالرمسه بعد..!!
سعود:زعلتي؟؟ والله ماكان قصدي..
أريام:هيه زعلت
سعود:السموحه منج أريام ماكنت اقصد..!!
أريام:الزم حدودك مره ثانيه لو سمحت؟؟
سعود:انا آسف اريام(وتم ساكت فديته شكله زعل)
أريام:ويا خشمك زعلت؟؟
سعود:لا ليش ازعل هالشي من حقج..
أريام:هاهاها كنت امزح وياك..!!
سعود:شووو؟! كنتي تمزحين؟!!
أريام:هيه..
كانت الاشاره حمرا وقف سعود وقال:
عطيني ايديج..
أريام:ليييييييييش؟!!!!!
سعود:جني شفت جرح ماادري عطيني..!!
مديت ايدي وشوي الا يعظني عظه من الخاطر وقال:
سعود:عشان تتأدبين وما تمزحين شرات هالمزحه مره ثانيه..!!
أريام:اكررررررررررهك..عورتني العظه.!!
سعود:تستاهلييييييين...
تميت ساكته ومبوزه(اوني عاد) يكلمني وما ارد عليه..
سعود:أريام بلااااااااج؟؟ لا يكون زعلتي؟؟!!
أريام:وانا من عرفتك في لحظه مرت وما زعلنا من اول ماعرفتك كله زعل...!!!
سعود:فديييييييييييت الزعلانين...
أريام:لا تتفداني ما احبك ما احبك ما احبك...
سعود:اف اف لييييييش كل هذا الا هي عظه!!والا صدق ماتحبيني؟؟
سكت وما رديت عليه وصلنا المول،نزلنا وطول مانحن نمشي ما قلت ولا كلمه..
سعود:يعني مصره على سكوتج؟؟نطلع احسن لنا..
طلعنا وركبنا السياره..تم سعود يطالعني ..
سعود:تراج عنييييييييده وااايد ومحد يروم يقولج شي!! يلا عاد رمسي عشاني..انزين على الاقل ابتسمي...أريام بس لا تذبحيني وتخليني اندم كل هالندم..!!
أريام:يعني انت الحين ندمان؟؟!!
سعود:فديييت هالصوت..
أريام:خلاص رضيت عليك..
سعود:اكييييييييييد..!!
أريام:هيه اكيييييييييد..
سعود:الحين ارتحت..
أريام:وين بنسير الحين؟؟
سعود:بنرد الفندق..
أريام:شو؟! نرد الفندق على كيفك انا بعدني ما شبعت..
سعود:محد قالج تمين زعلااانه في المول!!
أريام:ما ابا ماابا ما ابا!! ابا اسير مارينا مول..
سعود:ليييييييش؟؟
أريام:كيفي..
سعود:انتي تامرين الحين بوديج..
أريام:جي اباك من غير ليش..
شوي ويوصلني مسج طلعت التلفون كان حمد الي مطرش..
سعود:منو مطرشلج مسج؟؟
أريام:ربيعتي..
سعود:ربيعتج وويهج جي تغير؟!!!
أريام:لا بس استغربت لأني من زمان مارمستها وشو الي ذكرها فيني؟؟
سعود:انزين شو تبين تسمعين؟؟
أريام:عندك اغنية هزاع(مايفيد)؟؟
حس سعود ليش طلبت هالاغنيه...
سعود:هيه عندي!!
وشغل سعود الاغنيه واندمجت فيها لاني اداني هالاغنيه ...
سعود:ليش ساكته؟؟
أريام:ماشي بس كنت اسمع الاغنيه واندمجت..
سعود:بعدج تفكرين فيه؟؟
أريام:انا؟!! لا ما افكر فيه...
سعود(وهو معصب):شو لأ وانتي اول ماسمعتي الاغنيه اندمجتي ويلستي تفكرين؟!!
أريام:لاني الاغنيه تعيبني فاندمجت فيها...
سعود:اذا تبينا ليش ما ترديله؟؟
أريام:اردله؟!! سعود انت تخبلت ارد حق واحد باعني؟؟
سعود:مادريبج دامج لين الحين تفكرين فيه...!!
أريام:والله اني مب مفتكره فيه ولااباه..!!
سعود:اكيييييييد؟؟
أريام:هيه اكيد انا من باعني ادوسه..بس بعد لازم في يوم بتذكرا لحظات الحلوه معاه!!
سعود:مب هينه بعد اخاف تذبحيني..!!
أريام:وانا اقدر اذبح سعود؟!!
سعود:ها؟ شو ؟! يعني مااهون عليج؟؟
أريام:طبعاً ما تهون علي..
سعود:فديييييييت روحج انا...
أريام:بس عاد سعود استحي..!!
سعود:فدييت الي يستحي..
أريام:سعوووووووووووود!!!1
سعود:خلاص خلاص لا تعصبين..
وصلنا مارينا..
أريام:سعود ممكن تهدني روحي شوي ؟؟
سعود:لأ مب ممكن...!
أريام:لييش؟؟ بس شوي,,
سعود:وين تبين تسيرين؟؟
أريام:بسير محل شوي ومابطول..!!
سعود:انزين بترياج خاري...!!
أريام:لأ ما ابا بسير روحي..
سعود:برايج سيري..
أريام:زعلت؟؟
سعود:لا سوي الي يريحج...!
أريام:انزين تعال معاي بس اتريا خاري اوكي؟؟
سعود:انا بسير اصلي وبرد اترياج اوكي؟؟
أريام:اوكي
دخلت باريس غاليري عشان اخذ حق سعود هديه..يلست ادور على شي..فكرت اني اخذله نظاره..سرت صوب النظارات اطالع عيبتني نظاره وخذتها..خليتهم يجلدون الهديه..
طلعت وكان سعود يترياني..
سعود:شو خذتي؟؟
أريام:خذتلي عطر..
سعود:وليش ما بغيتيني ادخل وياج؟؟
أريام:كييييييييفي...
سعود:الصرااااحه جواب مقنع...!!
أريام:انت تبا شي؟؟
سعود:لأ..
أريام:انزين خلنا نسير الكوفي عازمتنك على الكابشينو...
سعود:اوكي
سرنا الكوفي وكان زحمه اغلبية الي كانو قاعدين شباب..
سعود:غيرت رايي ماابا اقعد في الكوفي خلينا نروح..!!
أريام:ليش؟ انا عازمتنك وانت تقول غيرت رايي..؟؟
سعود:ما تشوفين الكوفي مليان شباب.!!؟؟
أريام:نحن شو يخصنا فيهم؟؟
سعود:جب!! وامشي جدامي لاتيج صفعه محترمه..!!
أريام:انزييييييين..(كنت معصبه شوي)
طلعنا من مارينا وسرنا نتمشى في السياره...
أريام:شو رايك اعزمك على الغدا وانت تختار المطعم؟؟
سعود:شو رايج ناخذلنا سندويشات ونيلس في السياره نتغدا؟؟
أريام:ولييييش مانسير مطعم؟؟
سعود:مالي مزاج اسير مطاعم..!!
أريام:من وين تبا السندويشات؟؟
سعود:كيفج اي مكان خاطرج فيه؟؟
أريام:انا خاطري فكنتاكي..شو رايك؟؟
سعود:الي انتي خاطرج فيه انا ابغيه...
سرنا ووقفنا جدام كنتاكي..
أريام:شو تبا؟؟
سعود:الي انتي بتطلبينه...!!
أريام:اسمييييييييييك قلاااااااااد...!!
فتحت الباب عشان انزل..
سعود:وين وين سايره؟؟
أريام:وين سايره بعد؟ سايره المطعم..
سعود:قعدي مكانج وانا الي بنزل والله هلي ناقص بعد؟؟
أريام:انا الي عازمتنك وانا الي بسير اطلب..!!
سعود:قلتلج بالزين قعدي انا بسير اطلب..
أريام:انزين انزين...
سعود:شو تبين؟؟
أريام:اممم!! ابا تويستر..
سعود:كم وجبه؟؟
أريام:شووو؟؟ شو قصدك ؟ وجبه وحده بعد يعني كم وجبه 10..!!
سعود:هاها لا تستحين قولي..؟؟
أريام:ما ابا مابا خلاص ماابا غدا..!!
سعود:بس على طول زعلت ويا خشمج..
أريام:روح روح اطلب احسن..
سعود:زعلااااااااانه؟؟
أريام:وانا اقدر ازعل منك؟؟
سعود:انا بنزل لان اذا تميت بتخبل...!!
أريام:وجبه وحده..!!
سعود:هاها ولا يهمج نص وجبه..
نزل سعود وانا تميت ادور فأشرطت سعود لقيت حاتم العراقي شغلته وحطيت على اغنية(تبين بالكذب حبكم تبين امري ما يهمكم تبين،،تبين ماتحبوني بعد طيبي نكرتوني...)..
ويلست اسمع الاغنيه،خلصت ورديت وعدتها، يا سعود وحط الاكل وانا تذكرت حمد يوم سمعت الاغنيه فتميت ساكته..وسعود يرمسني وانا مب منتبها على الي قاعد يقوله وشكله عرف من الاغنيه الي حطيتها اني ما كنت وياه وكنت افكر فحمد ..
سعود:وين تبينا نتغدا؟؟
أريام:ها؟! اي مكان..!!
سعود:نوقف عند الكورنيش؟!!
أريام:اوكي..
وقفنا صوب الكورنيش..
سعود:شو ماتبين تاكلين؟؟
أريام:عطني وجبتي..
وسعود كان يحاول انه مايفتح موضوع حمد معاي..طلّع سعود الشريط وحط شريط ثاني على اغنية(اخ ياقلبي يالي منشغل في هواهم دامهم مايبونا ليش حنا نبيهم ليش نمشي وراهم ونتمنى رضاهم..)
حسيت ان سعود يقصدني بهالاغنيه..!!
أريام:صدق الي سمعته؟؟
سعود:وشو الي سمعتيه؟!!
أريام:انك تحب؟؟
سعود:ومنو قالج؟؟
أريام:مب مهم تعرف منو قالي المهم صدق هالكلام والا لأ؟؟
سعود:هيه صدق احب ومغرم وعاشق....
أريام:بل بل استويت قيس مب سعود؟؟
سعود:بس يلييييييييت الي احبه يحس بحبي..؟؟!

وللقصة بقية

__________________


(( اهداء))



اصبـــــــر على فرقاكم
لاكنـــــــــــي ما اقدر انساكم
انتو حبيتونا ونحن ما رفضناكم