سوادوووه واخيرا اتقيعست ع الكرسي !!!!!!!!! - الصفحة 4

**الونيــ2002ـــس** · 01-04-2005, 11:23

اعيــــــــــــــــــــــون نودانه

سوادوه

**سـ العين ـواد** · 02-04-2005, 03:09

1) منو الشخص اللي ما تتخيل حياتك بدونه ؟

ابوي وأمي ...

×××××××××××××××××××××

2) شو الشي اللي ما تتخيل حياتك بدونه ؟

مافي شي محدد طبعا

×××××××××××××××××××××

3) تسوق والا لا ؟؟ واذا كنت تسوق (( بـ ليسن والا بدون )) ... وكم مرة دعمت " بسم الله عليك طبعا انشالله ولا مره " ؟
واذا في دعمة محترمه .. ممكن نعرف القصه ؟

هيه اسوق

عندي ليسن

دعمت وانا ما عندي ليسن مرتين .. مرة شقحت ثلاث مواتر ومرة دشيت انا وربيعي في الدكان وتنومت فالمستشفى

والدعمه المحترمة قبل ساعه تقريبا كنت طالع ويا ربيعي ابي اجرب موتر يبي يشتريه والموتر مزود ,,, قلت بخليه هو يسوق الحبيب ضغط فالموتر وشاح عنه ودشينا فالعمود الحمدلله هو ماصار له شي وانا انكسر صبعي وسرت المستشفى لفوه لي وقالوا راجعنا باجر

رديت البيت قلت انا انسان متفيج خل اكتب الرد هههههههه

×××××××××××××××××××××

4) منو الشخص اللي يوم تشوف ويهه تحس براحه ؟

ربيعي حسن

×××××××××××××××××××××

5) شو رايك في الجات " بكل صراحه "

مضيعة وقت بصرااحة وشغل يهال وكلام مامنه فايده

×××××××××××××××××××××

6) شو رايك في المستريلات ؟

قلت رايي في موضوع الفراشه .. ( ميلس حلم دبي )

بصراحة يبالهن دراسة من اطباء نفسانيين ولازم يفحصون عليهن عشان يعرفون المشكلة وين ويحلوونها بسهولة

×××××××××××××××××××××

7) تحب تحوط في السناتر ؟ انزين .. وين تحب تسير ؟ " أماكن للترفيه "

ما أحب السناتر في عيشة الله ... احب احوط فالصناعية واخر الليل نيلس فالفريج بس

×××××××××××××××××××××

8) جد سقت دراجه ؟ انزين سيكل ؟ ما استوا موقف طريف طحت مثلا وضحكوا عليك ؟

سقت دراجات مب دراجة وحده ههههههههه

من ال 250 سي سي

إلى 1300 سي سي

والحمدلله ما انخرطت ولا مرة ومحد ضحك عليه

×××××××××××××××××××××

9) لو كنت بنت .. احم .. سوري سوري لا تعصب .. بس تخيل شوي ..
شو بتسوي ؟؟؟؟؟؟ اذكر لي 3 اشياء

1- بتحجب

2- ما بحط مكياج وبمشي بدرب مستقيم ابرك لي عن تحرشات الشباب

3- ما بطلع من البيت وايد عشان البنت اللي تبي سمعتها تتم فالبيت لانه سبحان الله ما نعلم هالدنيا الرمسات من وين تطلع وكيف تنتشر بسرعه

×××××××××××××××××××××

10) شو اكثر شي تحبه في رمضان ؟

اجتماع الأهالي فيما بينهم .. صلاة التراويح

×××××××××××××××××××××

11) تلفونك نوكيا ملون ؟ لو هيه .. شو الصورة اللي حاطنها خلفيه ؟

هيه

والصورة اللي حاطنها (( خلفيه سماوية ساده وفيها صورة بنت ياهله ))

×××××××××××××××××××××

12) لو حكمت العالم الحين .. شو اول شي بتسويه ؟

انا قلت قبل اني مب قد هالمسؤولية وبعطي هالحكم لحد غيري يستاهله

×××××××××××××××××××××

13) جد سويت شي وندمت عليه ؟ مثل ؟

وايد اشياء ومنها ... اني وثقت مرة بانسان خان الثقة

وبعد .. اعتبرت انسانة شرات اختي وهي ما قدرت هالشي وقامت ترمس عني

×××××××××××××××××××××

14) لو ماكنت في هالزمن " في هالعصر قصدي " في اي عصر تبا تكون؟

فعصر الجاهلية .. وبعده عصر الرسول " عليه الصلاة والسلام " عشان اشوف التغيرات اللي حصلت بالكامل

×××××××××××××××××××××

15) شو حكمتك في الحياه ؟

أعرض عن الجاهل السفيه فكل ما قال فهو فيه ÷÷÷ ما ضر بحر الفرات يوما أن خاضت بعض الخراف فيه

×××××××××××××××××××××

16) شو من الرياضات تمارس ؟ وشو تحب ؟

كنت امارس رياضة العاب القوى واحبها .. وأتمنى أرجع لها الحين

×××××××××××××××××××××

17) سمّعنا بيت شعر تحبه ؟

تذكرتك وأنا جالس مع الذكرى ومع قلبي..
×××××××××
جلست أحكي له الذكرى جلس يبكي على ذكراك..

×××××××××××××××××××××

18) تحب تقرا ؟ اقصد الكتب

هيه احب اقرى الكتب وخاصة القصص الطويلة

×××××××××××××××××××××

19) شو الشي اللي مستحيل تغفره اذا حد سواه في حقك ؟
يعني مثلا في ناس ممكن تسامح في اي شي الا الخيانه " هذا مثال للتوضيح "

الأغلاط الكبيره .. والخيانة ممكن أسامح عليها لكن بعد ما أتأكد انه هالشخص ما بيعاود يسويها

×××××××××××××××××××××

20) شو الاسامي اللي تحبها ؟ اذكر : 3 للبنات و3 للاولاد

أولاد = مايد - محمد - خالد

بنات = مي - ميثه - نورة

×××××××××××××××××××××

21) تعرف تطبخ ؟

الحمدلله هيه هههههههه

×××××××××××××××××××××

22) شو تعرف تطبخ ؟

بيض .. عيش .. صالونة .. معكروونة .. دياي ( مشوي ومقلي وعلى الفحم )
وكيك وكم نوع من الحلويات

×××××××××××××××××××××

23) تحب تلبس ساعه لونها رسمي .. يعني اسود مثلا .. أو أحمر

أو لوون قوي؟ اصفر فسفوري مثلا

ما ألبس ساعات اصلا هههههه

×××××××××××××××××××××

24) تحب العطور الجديمه .. ولا اليديده ؟؟ أو تحب دهن العوود؟ مب العضوة طبعا عن تصدق عمرها وعقب يقولون عيون مشتاقه طلعت علينا إشاعة لووول

بصراحة احب الجديم واليديد وأحب دهن العود بعد ومب مشكلة بعد نحب اختنا الصغيرونة دهونه ههههههه

×××××××××××××××××××××

25) تقرا اي جريده أو أي مجله ؟

أقرا جريدة الخليج دوم ... والمجلات مب دوم مرات كل الأسرة ومرات زهرة الخليج

×××××××××××××××××××××

26) منو شاعرك المفضل ؟

حامد زيد بلا منازع

×××××××××××××××××××××

27) تحب الصراحة في كل شي ؟
والا تشوف ان في اشياء لازم الواحد ما يكون صريح فيها ؟
اذا كان جوابك ان في اشياء لازم الواحد ما يصارح فيها ..
اذكر لنا امثلة ..

لا طبعا أحب الصراحة بكل شي ومافي داعي للمجاملة .. اذا الانسان يبي يقول ويسوي الشي ما يهمه زعل الناس لانه بيكون صريح والصرااحة احيانا تزعل بس نتقبلها برحابة صدر

×××××××××××××××××××××

28) تحب اليلسة ع البحر والا تفضل العراقيب ؟

الاثنين سواء عندي احب ايلس عالبحر واحب ايلس عالعرقوب

×××××××××××××××××××××

29) تحب الصغارية ؟
تحب تلعب وياهم بس والا عادي تسبحهم وتأكلهم وترقدهم ؟
ممكن تقول لنا موقف حلو استوالك ويا الصغارية .

أحبهم وأحب اسويلهم كل شي
وموقف استوى ويا بنت عمتي الكتكوته نواري .. كنت قايم من النوم وفجأة أشوف حد بويهي الا اشوف نواري واقفه وتطالع ويهي هههههه
المهم نازعتها وطلعتها برع الغرفة .. البنت ما عيبها الوضع .. رديت رقدت .. الا اشوف لج قوطي مال الفستق كامل بخشمي هههههه فلعتني وشردت تميت اضحك على عمري اقول خيبه الا تقومني غصب .. وقمت سرت العبها ههههه

×××××××××××××××××××××

30) شو أحلى هدية وصلتك ؟ ومن منو ؟ وشو كانت مناسبتها ؟

عطر من باريس غاليري ما ادري شو اسمه نسيت ... من ربيعي ... بعيد ميلادي اللي طاف

×××××××××××××××××××××

31) لو ماكنت " سواد العين " شو تتمنى تكون ؟ بيض عيون لووووول

ســ ـ ــواد

×××××××××××××××××××××

وصلنا للسؤال الارهاابي ..

32) لو كنت في طراد يعني باللنج .. انت وكم واحد ... رادين من صووب طهران تهريب يعني لوووول (قوية)

.. و وياك " الونيس " و " الباشق " و " النيجيري " و " الساحر " و" الفن "

والطرااد يبا يغررق

وقالولك لازم تتخلص منهم كلهم وتختار امبينهم واحد بس يكون وياك والا بتغرقون كلكم بالطراد .. (( ما شاءالله كلكم دببة ومن الوزن الثقيل .. يعني تغرقون الطراد وابو الطراد لوووول ))

عاد في هذيك الحزه امنو بتختاره يكون معاك ؟؟ ما نبي افلام هنديه وتضحيات بليز

بفر الونيس اولهم طبعا خخخخخخخخ وبخلي الوحيد وياي الباشق

×××××××××××××××××××××

33) تحب الكاكاو ؟

منو ما يحبه هههههههه

×××××××××××××××××××××

34) اذكر موقف استوالك .. ومستحييييييييييييل تنساه . ؟؟

الحادث اللي سويته وسالفته طويلة كاتب عنها قبل في كرسي الاعتراف اللي يبي يعرفها يدور في موضوع الكرسي الأول

×××××××××××××××××××××

35) منو يعيبك من الممثلين الكوميديين ؟

جيم كاري

×××××××××××××××××××××

36) سرت العمره ؟
اذا جوابك هيه .. شو كان شعورك أول ماشفت الكعبة ؟
واذكر موقف حلو استوالك في الحرم ..

للأسف ما سرت بس أتمنى اسير قريب

×××××××××××××××××××××

37) يوم تتضايق .. وين تسير ؟ ان قلت البحر بفرك بزنووووبه لوووول عطني مكان ثاني

ايلس صوب البيت واتم اطالع يمين يسار ولا احوط بالسيارة برووحي لانه يوم متضايج وحد يزيدني الله لا يراويكم شو يصير فيه عشان جي اتم بعيد عن الكل

×××××××××××××××××××××

38) بقولك مجموعة عبارات .. وقول لمنو تهديها :

* طحت من عيني : وحده الله يستر عليها

* تولهت عليك : مفتون العين

* خاطري أزغدك : عاشق العين + الونيس

* سامحني : الساحر

* انته نااااااااااادر : عيون مشتاقه

* غبي : أريجوه هههههه

* مثلك وايدين : ----

* لو لفيت على الدوار ألف مرة ما بلقى مثيلك: ولد المرموم ههههه

* بطبعك مسامح : الباشق

* الله لا يحرمنا منك : زينة

* انشالله تعود بالسلامة : مفتون العين

×××××××××××××××××××××

39) شو هواياتك ؟؟

كتابة الشعر والحواطه بالسيارة والتلفليف فالصناعية

×××××××××××××××××××××

40) تحب الافلام الرومنسيه والا الاكشن ؟؟ شكلك مال ضرابه لوووول

الأكشن طبعا وخاصه افلام الخيال العلمي (( الخرط ههه ))

×××××××××××××××××××××

41) شو امنيتك في الحياه ؟؟

أشتغل وأكون نفسي وأتزوج

×××××××××××××××××××××

42) تحب المجلات والا الجرايد ؟؟ انت ويه جرايد بالله عليك ههههههه

مب جنه مكرر خخخخخ

أحب الجرايد أكثر

×××××××××××××××××××××

43) منو تحب من المغنين ؟؟ أكيد جورج وسووف لوووول

ما احب حد معين اللي ينزل شي وعيبني اسمع له

×××××××××××××××××××××

44) تحب صور الطبيعه اكثر والا الورود الطبيعه ؟؟

الورود الطبيعيه

×××××××××××××××××××××

45) شو المثل المفضل عندك ؟؟

ما كل ما يشتهيه البط يدركه ××× تجري الفئران بما لا تشتهي القطط ههههه

×××××××××××××××××××××

46) تحب تتمشى عالبحر والا في البر ؟؟

كله واحد عندي

×××××××××××××××××××××

47) شو اهدأ مكان تحبه ؟؟

الفريج الصرااحة مكان هادي ما تنقع الحشرة الا حزة رقادي خخخخخ

×××××××××××××××××××××

48) مريت بتجربة حب في حياااااتك ؟؟ واذا هيه ؟؟ خبرنا كيف صارت ؟؟ لا تجذب

خلينا من هالسوالف

×××××××××××××××××××××

49) منو اكثر شي من الاعضاااء والعضوات لفت نظرك في المنتدى في الآونة الأخيرة؟

بصراحة اشوف الكل بعد النشاط رقدوا ومافي حد معين غير الوردة الحمراء اشوفها نشيطه هاليومين

×××××××××××××××××××××

50) شو هي الاكلة المفضلة عندك ^_^

معكرونة البشميل

×××××××××××××××××××××

51) شو احلى شي في دنياك؟

راحة البال ... والتفاهم ويا الناس

×××××××××××××××××××××

52) شخص ماتقدر تنساه (بنت او ولد)

ربيعي حسن

×××××××××××××××××××××

53) شو اكثر شي تحبه الدقوس ولا التونة؟؟

اخ بطني بيغرغر هههههه

التونه طبعا

×××××××××××××××××××××

السؤال القبل الأخير

54) تتمرن حديد؟؟

تمرنت قبل اربع سنين لمدة ثلاث شهور وودرت ههههههه

×××××××××××××××××××××

والسؤال الأخير والمحطم

بيض عيوووووووون ...

55) انت كيف تتنفس من خشمك ولا من براطمك والا عندك خياشيم لوووول؟؟ ههههههههههههههههه

سبحان الله كأنج حاسه انه عندي خياشيم هههههههههه

×××××××××××××××××××××

ولي عودة انشالله

**القنيصــه** · 02-04-2005, 12:19

هعهعهعهع

ويي

قطعوووه

هعهع

يستااهل..والله

هع

**النيجيري** · 02-04-2005, 01:33

الله يعينك اخوي الغالي على انهم الاسئلة ..

والله اني رحمتك وماني سائلك ,,

بس بسال اريج وعيون مشتاقه ,,

انا امووووت ودري من وين لكم كل الاسئلة ,,,
او الهام من الله عند كتابة الاسئلة ,,

الله يجبرك في مصيبتك اخوي الغالي ,,

هع هع هع هع هع هع هع هع هع هع

@النيجيري@

**الباشـــــــــق** · 02-04-2005, 08:34

أخـــــــ الغالي ـــــــــي ســــــــــــ العين ـــــــــــــواد

ترى أنبقى أصدقاء
أم أننا سنفترق
هل نظل أوفياء
أم سنذبل .. نحترق
هل يظل الحب فينا
فقط وسيلة للرياء
أم سنرجع ساجدين
سائلين رب السماء
أن يعود الصدق صدقاً
و ما عداه للفناء

هذا هو سؤالي الوحيد لك ..

والباقي ...

أقصـــــــــد ما يجول في خاطر الباشق ويريد معرفته عنك ..

ســــــــــــبق وأن وجده فيك ..

رجلا ولا كل الرجال ... تواضعا وإخلاصا وخلقا ...

أدام الله عليك هذه النعم النادره والغاليه ...

حافظ عليها وعلى قلبك نظيفا صافيا كوجهك الجمـــــيل ..

تمنياتي لك ولزوجتك ... أن تقضيا أحلى وأجمل سني العمر ...

التمس العذر لكلماتي المتواضعه فلست أهلا للكتابة فيك ..فشهادتي فيك مجروحه ..

يالشـــــــــــــاعر الحســــــــــــاس

تحياتي المعطره بالعود والمسك والبخور لك أيها الغالي دووووووووما

أخووووو * الباشـــــــــ

ــــــــــق * وووووووووك

**الإمبراطور** · 02-04-2005, 09:19

احم احم احم ...

نحن هنا .. بس حبيت أسلم عليك وأقووول حرام عليكم بحيب قلبي سووواد ..

ما أقوول إلا الله يعيينك

أخووك

**الورده الحمره** · 02-04-2005, 11:00

سلامات ما تشوف شر سواد

بس عندي سؤالين اذا ممكن اسالهن ولا لا

**سـ العين ـواد** · 07-04-2005, 03:33

البـــــــاشق

سؤالك مردود عليه من قبل

بصراااحة انا بظل الصديق والمثال للصديق ولو تبي بعد اوفى صديق وانته بتشوف هالشي بنفسك

ولا تخاف اذا كان في قطاعه ترى مب بمعنى اني خلاص نسيتك لا بالعكس

هذا معناه اني رحت وانشغلت لكن برد لك مهما طال الزمن

واسمحولي عالتأخير

ســ ـ ــواد

**سـ العين ـواد** · 07-04-2005, 03:35

الامبراطور

تسلم حبيب البي على المرووور

وكلك ذوق انك تسأل عن احوالي

وتسلم عالاتصالات اللي ما تنقطع والله لا يحرمني منك والله

---------------

الوردة الحمراء

تفضلي اسألي اختي ولا تخافين عادي ههههههههههه انا ما آكل

والسموحة عالتأخير اخواني

ســ ـ ــواد

**سـ العين ـواد** · 07-04-2005, 04:38

عيون مشتاقه

سوري عالتأخير والله ظرووفي منعتني اني ادش بس يالله ما عليه

ونبدا بسم الله

56) ما هي شخصية سواد العين على أرض الواقع ((في سطور)) ؟

الله يسلمج باختصار

انسان حبوب طيوب .. خلوق .. حنون .. متفاهم .. زعول مرات بس يرضى بسرعه .. يحب مصلحة الآخرين .. يحاول يوفر كل شي لغيره ويفضل غيره على نفسه دوم .. يساعد الكل .. الحمدلله مافي حد يتذمر منه ولو فيه خل يخبره والله ما بيزعل .. ما يحب يعادي حد الا في حال توصل المسائل لأكثر من حدها .. بطبعه مسامح ولو كانت اشنع الغلطات .. الا جرح القلب ما يسامح عليه .. كثير التفكير .. يحب الشعر .. ما يتخذ هوايات محدده .. ياكل .. يشرب .. ينام .. يتكلم .. يتحرك .. يستنشق الهواء هههههههه شو تبين بعد

××××××××××××××××××××××××××××××××

57) كيف يبدأ سواد العين يومه وكيف ينهيه ؟

أبدأه مثل ما يبدا اي انسان يومه .. اقوم اصلي الفجر وايلس اطالع التلفزيون واتريا لين يي الظهر عشان الغدى واقوم اصلي واتغدى وارد ارقد شويه واقوم العصر واسير اصلي وارد اتلبس واطلع احوط بالسيارة فالصناعية انا وربيعي نتم تقريبا لين الساعه عشر طبعا نصلي المغرب والعشى في مسيد في الصناعية دوم وأرد البيت ايلس على المنتدى شويه وانام .. بس الحين بيتغير هالروتين لانه بداوم خلاص

××××××××××××××××××××××××××××××××

58) ماذا يعني كل مما يلي في نظر سواد العين :

- البحر : الغموض
- المرأة : الزواج والمسؤولية
- القلم : كتابة الشعر
- الكتاب : القراءة والتثقيف
- الوردة : التعبير عن المشاعر
- الدموع : الحزن والألم
- الام : الحنان والتربية والرعاية
- الحزن : يسبب آلام في البطن خخخخ
- الابتسامه : وجوه الأطفال فهم جنة الحياة الدنيا
- الزواج : المسؤولية الكبرى اللتي تلقى على عاتق الشخص وحياة جديدة مختلفه بالكامل
- الصداقه : أجمل شي بالدنيا
- الانترنت : اليلسة عالمنتدى
- الوحده : هذي غنية عن التعريف .. سـ ـ ـواد
- الجمال : المرأة
- الموسيقى : الترفيه

××××××××××××××××××××××××××××××××

59) من يتصف من أعضاء المنتدى بالصفات التالية في نظر سواد العين :

- الحنون :

عاشق العين

- الذكي :

الونيس

- المثقف :

كانو

- المغرور :

اريج

- المرِح :

زينة

- جميل الروح :

الباشق

- الجدّي :

الفراشة

- الطيب :

مفتون العين

- المحبوب :

زعيم المقام

- الأناني :

مذهله

- الفيلسوف :

الامبراطور ههههه

- المنافق :

بقايا جروح

- الموهوب :

الوردة الحمراء

- الكاذب :

..........

- الرومانسي :

الساحر

- صاحب الأسلوب الراقي في التعامل :

شريف

××××××××××××××××××××××××××××××××

60) كم شخص عندك على المسنجر .. وكم شخص مسوله بلوك ؟ وقبل كل هذا كم إيميل عندك ؟

عندي تقريبا 23 شخص ومسوي بلوك حق فوق ال 100 شخص وعندي ايميل واحد لا غير

××××××××××××××××××××××××××××××××

61) هل يوجد شخص ترك في نفس سواد العين أثر كبير أو غيـّر مجرى حياته ؟ إذا كان الجواب نعم .. من هو أو هي ؟ (( الجواب بالاسم طبعاً))

هذا السؤال جاوبت عليه قبل وقلت انه ربيعي حسن هو الانسان الوحيد اللي ترك فيني بصمة جميلة ما بنساها ابدا

××××××××××××××××××××××××××××××××

62) عند سواد العين 3 ورود (( حمرا + بيضا + صفرا )) لمنوه تهديهن ؟؟

** الحمرا (( الحب )) = عيون شلقى هههههه

** البيضا (( الوفاء )) = الباشق

** الصفرا (( غيره )) = غيثووه خخخخخ

××××××××××××××××××××××××××××××××

63) شخص سعدت بمعرفته ؟

بصرااحة ما ينعدون والله الحمدلله وايدين

××××××××××××××××××××××××××××××××

64) الحياة مليئة بالمفاجآت ... ما هي أجمل مفاجأة مرت على سواد العين ؟

جاوبت على هالسؤال قبل .. السيارة يوم وصلتني من عمتي

××××××××××××××××××××××××××××××××

65) من هو الشخص الذي لايستطيع سواد العين رفض طلباته ؟

بصراحة ما اروم ارفض طلب اي حد من الناس الا اذا كان الطلب ما يقنعني

××××××××××××××××××××××××××××××××

66) لنتخيل أنك وجدت المصباح السحري .. وخرج لك المارد .. وقال لك تمنى 3 أمنيات .. فماذا ستتمنى ؟

بتمنى انه المارد يطلع لغيري .. لا يحوشك اطلب امنيات ويطلع المارد لحد غيري يتمنى انه تنسحب عني الامنيات هههههه شو خساس هو خخخخخخخ

××××××××××××××××××××××××××××××××

67) لو عرض عليك أحدهم رحلة إلى جزيرة جميلة لا يوجد بها أحد .. ولا تستطيع أن تأخذ معك إلا شخص واحد .. فمن تأخذ معك ؟

ناس بقلبي مكانهم

××××××××××××××××××××××××××××××××

68) لدى سواد العين حمامـــه ورسالة غرامية .. إلــى شباك من سترسل الرسالة ؟

إلى شباك أهل الغرام ... الناس اللي بقلبي

××××××××××××××××××××××××××××××××

69) ما رأيك بالحب عبر الانترنت ؟ والزواج عن طريق الانترنت ؟

بصراحة الحب مو عيب سواء كان بالنت ولا برع النت .. لكن بشرط انه يكون حب عذري لا يتعدى حدود الله ويكون حب عفيف والزواج قسمة ونصيب سواء كان من النت ولا من برع النت

انا بصراحة مع اللي يحبون واللي يتزوجون من النت لانه هالشي ربنا كاتبلنا اياه ممكن تتوفق مع وحده من النت وما تتوفق مع وحده من برع النت والعكس بعد صحيح

من جهتي ما اعارض هالشي

××××××××××××××××××××××××××××××××

70) من هو العضو الذي تفتقد تواجده في المنتدى ؟

بصرااحة واحشني مووت .. عزيز على قلبي ومافي مثيله .. مفتون العين الله يرده لنا بالسلامة

××××××××××××××××××××××××××××××××

71) شخص يرتاح إليه سواد العين ويفضفض له بأسراره ؟

ناس بقلبي مكانهم ... مب لازم اقول وه كم مرة تسأل أسئلة فيها غياض ههههههههه

××××××××××××××××××××××××××××××××

72) تقول لمـــن كل من هـــذه الكلمـــات :

:: أحبـــك = قلنا ناااااس

:: شكراً = أريج

:: الله لا يحرمني منك = الباشق

:: ضحكتني من الخاطر = الساحر الله يخس بليسك خخخخ

:: أكرهك = .....

:: على شو شايف نفسك = الونيس

:: لك يوم = مذهله

:: يا ليتني جنبك = عيون شلقى ههههههه

:: ودي أشوفك = الباشق

:: عذبتني = زينووه افففف

:: الله يسامحك = اريج

:: أفففففف منك = حبوووبة خخخخخ

:: قم بس قم = عشوق سوى وزن للمنتدى خخخخ

:: جب = ماشي غيرها طبعا .. انتي

:: اوووووووووص ولا كلمة = قلنا انتي هههههههه

××××××××××××××××××××××××××××××××

73) كل شخص منا يرسم مواصفات لشريك حياته .. فما هي المواصفات التي يتمناها سواد العين في شريكة حياته ؟

قلت الجواب فأسئلة سابقة

××××××××××××××××××××××××××××××××

74) شخص لا تحب رؤية دموعه ؟

انتي خخخخخخ

75) متى يحس سواد العين بالظلــم ؟

يوم ارتكب غلط واحاول اصلحه ولا اعتذر عنه وما يعطووني فرصة

××××××××××××××××××××××××××××××××

76) رسالــــــة ترسلهـــــــا لشخـــص يحبــه قلبــك ؟ (( يعني جملة أو كلمة ))

حملت الشوق بأوصالي وزيّنت البيت بورود ××× وقلت السعاده يا عسى تمتد من بيني وبينك

××××××××××××××××××××××××××××××××

77) متى تشعــر بالاحراج ؟

يوم تسأليني هالأسئلة كلها خخخخخ

××××××××××××××××××××××××××××××××

78) متى آخر مرة عصبت فيها ؟ وليش ؟

بصرااحة يوم وصلني خبر انه البنت اللي احترمتها وعزيتها رمست من وراي

××××××××××××××××××××××××××××××××

79) شي سويته وانضربت عليه لما كنت صغير ؟

فلعت ولد خالوه ههههههههههههه

××××××××××××××××××××××××××××××××

80) شي تبا تحققه الحين بس الظروف ما تسمح ؟

ادش المنتدى اربع وعشرين ساعه

××××××××××××××××××××××××××××××××

81) تعريفك لكلمــة :: الحــب :: ؟

الحب معنى لو عرفه الناس بنرتاح من ألم الدنيا ومآسيها وبنعيش في سلام بس للأسب الناس يحسبون الحب مجرد تسلية وانه الحب يكون لكم يوم وبعدين التعامل يكون اخوي ولا عفوي يعني كأنك تجافي الشخص اللي تحبه ويا حساافه صج وايد من الناس يسوونها الحين ولا يحسون لو لحظة انه الشخص الآخر متعلق فيهم ويحبهم

الحب كلمة وتعريفها شي طويل بس بختصر الكلام .. المعزة والاحترام والتقدير والاخوة والصداقة واكثر من الصداقة والتغلي والدلع والحزن والفرح والهم والسعاده والتفاهم واللطافه

كلها تنجمع تحت كلمة (( الحب ))

××××××××××××××××××××××××××××××××

82) إنسان تلجأ له لما تبا تشكي همومك ؟

ناس بقلبي معزتهم

××××××××××××××××××××××××××××××××

83) إذا قلت لك ارفس حد .. بترفس منو ؟

والله برفسج انتي ههههههههههه

××××××××××××××××××××××××××××××××

84) أحلــى فلم شفته ؟

فلم هندي اسم HUM TUM HAREHE TUMHARE SANAM

معناها على ما أذكر .. (( نحن الاثنين .. أحلى اثنين ))

××××××××××××××××××××××××××××××××

85) فلم تنصحني أشوفه ؟

GROUDGE هههههههه يمدحونه ترى

××××××××××××××××××××××××××××××××

86) كم مقاس ريولك ؟

مقاس ريولي 10 يعني أظن 40 ما ادري 41 والله ما اعرف بالضبط كم بس المهم 10

××××××××××××××××××××××××××××××××

87) أحلــى مكــــــان زاره سواد العين ؟

صلالة والله مافي مثلها الصراحة

××××××××××××××××××××××××××××××××

88) شي تفكر فيه قبل لا ترقد ؟

أفكر بكل اللي سويته ف يوومي وأفكر بأغلاطي وأتندم مرة وأفرح مرة وأحزن مرة كله في لحظة

××××××××××××××××××××××××××××××××

89) كلمــة تقولها بينك وبين نفسك ؟

جد واجتهد وبتحصل اللي تبيه

××××××××××××××××××××××××××××××××

90) شو احساسك إذا دخلت المنتدى فيوم من الأيام وشفت مكتوب تحت اسمــك :: مطـــرود :: أو :: موقــــوف :: ؟

طبعا بسأل عن السبب وشو سويت وليش صار كل ها بدون ما يخبرووني بسبب التوقيف او الطرد

××××××××××××××××××××××××××××××××

91) شخص لما تشوفه أو تسمعه غصباً عنك تبتسم ؟

زينووه ههههههههههه

××××××××××××××××××××××××××××××××

92) أكلة تبا تتعلمها ؟

العيش الصيني (( CHAINESE RICE ))

××××××××××××××××××××××××××××××××

93) كم طولك ؟

175

××××××××××××××××××××××××××××××××

94) آخر خيانة تعرضت لها ؟

من واحد من الشباب الله يستر عليه سار رمس من وراي وقال هو اللي خبرني كل شي عنكم وكذا كذا الموضوع وانا يايب الرقم من عنده هههههههههه وللأسف صدقوه وشكوا فيني انا

××××××××××××××××××××××××××××××××

95) كلمة في خاطرك ... لمنو من الأعضاء تقولها ؟ (( طبعاً تقول شو هي الكلمة ))

سحقـــاٍ .. هههههه اقولها لمفتون الدب

××××××××××××××××××××××××××××××××

96) أعز ما تملك ؟

قلبي الحنون .. اللي لو انجرح مرة مستحيل ينسى هالجرح ولو طالت السنين

××××××××××××××××××××××××××××××××

97)آخر مرة رحت فيها السوق ؟

ما تفهمين ما ارووم السوق شو غصب بتخلوني ادش هالمكان هههههههههه

××××××××××××××××××××××××××××××××

98) هل انت بطبيعتك خجول وإلا تتأقلم بسرعة مع الناس ؟

بصراحة فالبداية هيه خجول.. لكن مع الوقت اتأقلم بسرعه كأني اعرفهم من سنين لكن ما اندمج ذيك الاندماجيه وياهم .. اول لازم اتأكد من اشياء تخطر ببالي

××××××××××××××××××××××××××××××××

99) أول شي تسويه لما تدخل النت ؟

على طول ادش المنتدى ومرات افتح المسن ومرات لا

××××××××××××××××××××××××××××××××

100) متى بتوقف مشاركتك في منتدى :: حلم دبي :: ؟

والله ما افكر اوقفها ابدا .. بس بتتوقف بعد يومين عشان اخلص اجراءاتي وادعو لي بيكون اول يوم دوام لي يوم السبت

××××××××××××××××××××××××××××××××

والسموحة برد أكمل بعدين انشالله

ســ ـ ــواد