السلام عليكم ورحمة الله وبركاته

يمكن يكون العنوان غريب شوي للبعض...

ويمكن يكون القرار اللي اتخذته متسرع... بس للأسف ما بقدر أتراجع...


كان الشهر الذي قضيته معاكم.. من أحلى الشهور لي على النت...

صحيح اني ما طولت القعدة... بس فعلا تعرفت على ناس حبايب وقلوبهم طيبة..

وحساسين.. وكانوا لي مثل اخواني وأكثر..

والله أنكم عزيزين وغاليين على قلبي.. والكلام اللي بقوله صعب وااايد بالنسبة لي..

بس لازم أقوله..

بس قبل ما أقوله.. عندي كم كلمة أبي أقولها لأعضاء احتكيت في عدد من المواضيع.. وصارت لي معاهم مواقف حلوة ما بنساها...



أول شخص أبي أتكلم عنه.... سواد العين

أنا ما عرفته إلا من كم يوم... و بصراحة شهادتي في هالإنسان مجروحة..

خاصة في المنتدى التسلية.. كنا نلعب .. وكنت دايما مستانسة باللعب..

كنت أعصب أوقات.. وأوقات أزعل.. وأوقات أستانس.. وأتحدى .. وكل شي..

وفي قصة حلم دبي.. سماني (صبحوووه).. وما أنكر أن الاسم عجبني..

وفي رادار التنقيعات.. سماني (أم التنقيعات) و (قطرات تنقيعة) أسامي طريفة وحلوة..

وكان يمسك علي أغلاط ما أعرف من وين يجيبها.. بس والله حلوة منك يا سواد..

مع كل اللي قلته فأنا أدين لهالإنسان باعتذار..

لأني غلطت غلطة.. وندمت عليها..

وأقول لها الإنسان... أنا آسفة..

ما أقول لأ.. من حقك تزعل.. بس يا ريت تسامحني.. لأني ما أحب يكون في حد زعلان مني...

أخوي سواد العين... السمووووحة أرجوها منك.. وكان بودي أصير شاعرة على ايدك



الشخص الثاني هو.. زعيم المقام

يمكن ما أكون عرفته وااايد... بس تواجده في كل مكان في المنتدى.. كان له أثر كبير..

لعبت معاه كم لعبة.. وكنت أستانس.. وأعصب.. وأزعل... كالعادة... بس كله مال سوالف...

أخوي زعيم المقام.. كنت فعلا نِعم الأخ لنا كلنا.. وقفتك مع الجميع كانت لها أثر كبير..

وتسامحك هي أكثر صفة شدتني فيك.. ان شاء الله دوم تبقى مثل ما أنت..

والسموووحة منك..



الشخص الثالث... الخيال

التواصل الدائم في منتدى الشعر والأدب.. وردوده اللي كنت دايما أشوفها في خواطري..

وأجوبته على الأسئلة لما كان على كرسي الاعتراف.. هذي الأشياء وأكثر خلتني أحترم هالإنسان

وأقدره.. أخ عزيز وكان سبب في تواصلي بالكتابة بعد ما قطعتها فترة.. وكانت ردوده دايما مصدر إلهام..

اسمح لي أخوي الخيال..



الساحر

عرفته على قد ما كان يعلقني على المروحة.. وكان يسميني (قطرات آآآيل)

وكنت دايما أضحك لماأشوف هالاسم..

انقطع من زمان.. وما شفته يدخل المنتدى..

بس إذا شفت هالكلمات.. تذكر (قطرات آآآيل) بالخير.. واسمح لها إذا غلطت يوم في حقك..



مرافئ صمت.. رجة بس ثقل... بقايا جروح... خفايا روح... غرشوبة... الباشق.. الخيال الشارد.. دلوع العين... بنت عيم... قناصةالبلوش... وغيرهم وغيرهم


كلكم كنتوا خواني.. وأكثر من خواني... تسلمون لي... والسموحة..

وندى الإمارات

ما بقول لج شي.. غير.. مشكوووووووورة وجزاك الله ألف خير أنك عرفتيني على هالمنتدى




يمكن تكونون عرفتوا اللي أبي أقوله من كلامي اللي كتبته... وأنا أقول لكم.. فهمكم صح...



v


v


v


v


v


v


v


v


v


v




قطرات المطر... تودعكم...



الأيام اللي قضيتها معاكم.. كانت من أحلى أيامي..

ما بقدر أنساها حتى لو مرت 100 سنة..

بس قبل ما أروح... أبي أتأكد أن ما في أحد زعلان مني..

أنا غلطت واايد... وأحس أن في ناس زعلانين مني.. السموحة منكم..

قطرات المطر ذاهبة.. بلا عودة... وإن عادت... فلن تعود سوى (ضيف)..

أتمنى أن تذكروا قطرات.. بخواطرها... بكلماتها لكم في منتدى الشعر والأدب... بحبها لكم..

وانسوا قطرات المطر الشقية.. المتمادية.. اللي تزعلكم...

سترافقكم قطرات بطلتها الدائمة... ولكن دون مشاركات...


قطرات المطر... تودعكم....

السمووووووووووووووووووووووووووحة... واذكروني بالخير..

دعواتكم

والسلام عليكم ورحمة الله وبركاته...