"الجزء الثامن عشر"

..يوم الاحد ..في بيت ابوراشد ..الساعه 12:00الظهر ....

سيف كان توه راجع من الإمتحان ...دخل البيت واهو يركض ....دخل الصاله وقعد يصرخ ويناقز ..وامه تطالعه مستغربه....
ام راشد: الحمدلله والشكر..اشفييييك ؟؟؟؟؟
سيف: (نقز على امه وباس راسها )...اماااااااااااايه اليوم اخر يوم في الإمتحانات ..الحمدلله افتكيييييت من الشقى ....(لوى على امه)...اماااااااااااااااااايه وناااااااااااااااسه ..الحين الواحد ينام وياكل واهو مرتاح..
ام راشد: لا تستانس واايد...اول شي خل انشوف النسبه..بعدين ارتاح على كيفك...
سيف: (دق بإيده على صدره)..افاااااا علييج...انا سواف والاجر على الله..ان شاءالله برفع الراس...ان شاء الله...
اشوي ودخلوا حميد وعبدالله..
عبدالله +حميد: الســـلام عليكم
ام راشد+سيف: وعليكم السلام...
عبدالله: (قعد عدال سيف)...هااا شو سويت في امتحان اليوم. ؟؟؟سبع ولا ضبع؟؟
سيف: سبع وحياتك...خخخخخخخ
حميد: قوول ان شاءالله يالدب..(خذا الجريده وقعدت تحت يقراها)...
سيف: ان شاءالله يا ابوووك...(طالع امه )..امايه طلبتج طلبه قولي تم...
ام راشد: آآآآمر يا ولدي قوول..
سيف: لا اول شي قولي تم...
ام راشد: ما اقدر اقول تم ..اول شي اعرف شو تبا ..عسب اشوف اذا اقدر على طلبك ولا لا ..
سيف: ااماايه ان شاءالله بتقدرين بس انتي قولي تم..(يحطي ايده على كتفها )..يالله امايه علشان خاطري قولي تم ...
ام راشد: انزيين يا ابووك حشرتني...تم ..يالله قول ..
سيف: (باسها على راسها ..واهو بعده حاط ايده على كتفها)...اماايه ابي اسافر...
حميد: .(نزل الجريده)...تبي اتسافر!!!!! ..ووين ان شاء الله ناوي اتسافر
عبدالله: هههههه ..على وين العزم ان شاءالله ...اكييد الهند...اشوفك هاليومين وايد تشوف افلام هنديه....
سيف: كها كها كها ..بااااااايخه...( طالع امه)...هاا امايه شو قلتي ؟؟
ام راشد: ياا ابوي ..وين اتسافر..انته ناسي انه عرس اخوك قريب ...مب ناوي تحضره شو؟؟وغير هذا عرس ولد عمك ...خلك اهني وساعدهم احسن ..حق شو السفر بعد...
سيف: اماااااااااااااااااايه ..والله مليييت ..خلاص ما ابي اقعد بالبلاد ..المذاكره هدت حيلي .خليني اروح ارفه عن نفسي اشوي...
حميد: امايه زين شوفيها خليه يسير..( طالع سيف)..ووين ناوي اتسافر ان شاءالله؟؟
سيف: (بضيق)...لندن..
ام راشد : وليش لندن بالذات؟؟؟؟
عبدالله: يبي يروح عند القلب ..توله عليه ...(ويضحك)..
حميد: هههههههههههههههههه ..اووووه صح والله ...حمدان من شهر رايح عنك هاا ..خلاك في البلاد بروحك ..هههههههههههههههههههههه حليلك يا سيف...
ام راشد: الحين انته بتهد عرس اخوك وعرس ولد عمك ..عسب تسير عند حمدان .؟؟
سيف: امااااااااااااايه ...مب مهم ليش برووح المهم تقولي حقي الحين ..شوو قلتي ؟؟؟
ام راشد : زين وعرس اخوك؟؟
حميد: امايه خليه يسير ..انا بأجل العرس لين بداية شهر ثمانيه...
ام راشد: اشعنه اتأخر العرس ؟؟؟ماا يرزاا ..(طالعة سيف)..خلاص سيف مب لازم اتسافر ...وصك السالفه هذي سمعتني...
سيف: (قام من مكانه).. امااااااااااااااااااااااااااااااااااايه ...حراااااام...
حميد: هههههههههههههههه..امايه فديتج خليه يسافر لا ينط له عرج الحين حشى يسوى عليك(طالع امه).. امايه انا باجل العرس عسب افنان تقدر اتخلص ازهاب ..لانه ما مداها تشتري شي ...
ام راشد: انزيين اشعنه ما شاورتني ..؟؟..تخطط انته وياها ولا اتخبرونا ...
حميد: امايه ..امس بس تكلمنا في هالموضوع ...ما مداني اخبرج..كنت ناوي اخبرج اليوم...بس هذا السبال خرب علي...
عبدالله: (يطالع سيف ويضحك )..ياااااا ابووكم ..خلوووه يساافر...اماااايه دخيلج شوفي شكله كيف صار ..هههههههههههههههههههههههه
سيف: (واقف وحاط ايده على صدره)....امااااااااااايه
ام راشد: انزييييين يا ابوك حشرتنا ..
سيف: (قام ينقزفي مكانه)...الللللللللللللللللللللللللله ...تسلمي لي يا احلى ام في هالدنيا ...
ام راشد: عااد منو بيسافر معااك ..ليكون بتسافر بروحك.....ترا من الحين اقولك ..سفر بروحك ماشي
سيف: لا لا لا لا امااايه ..بسير مع علوه ارفيجي ..وسعيد و كم واحد من ربعنا .....
حميد: سعيد ولد خالة محمد ولد عمي ؟؟
سيف: هيه اهوو..
عبدالله: ومتى عااد ناوين تسافرون؟؟؟
سيف: الإسبوع الياي ان شاءالله....
ام راشد: عين من الله خير واقعد ...مااشي سيره.....ميمع لي اليهالو..واتقول بتسافر معاهم ..مينونه انا اخليك اتسافر جي ..لا حسيب ولا رقيب ....
سيف: اوهوووووو امااايه انتي كل اشوي اتطلعي لي حجه....
عبدالله + حميد : هههههههههههههههههههههههههههههههههههههههههههههههههه هههه....
عبدالله: حرام عليييييييييج اماااااايه خلي يروووح...
ام راشد: (معصبه)... لا ماااااااا يرووح...دامه بيروح بروحه ...ويا هذولي ...مااااااابيسير خلاص يالله صكوا السالفه.....(قامت عنهم وراحت غرفتها)....
سيف : ( قعد عدال حميد)...حمييييييييد اخويه.....الله يخليك اقنع اماايه ...والله والله علشان خااطري ...
حميد: ياااااااا ابوي تراك سندرت راسنا ...امك راسها يابس ...روح دور حد اكبير يسافر معاكم ...وبعدين بقنعها لك ..غير الحل هذا انا ما عندي....
سيف: (قام وقعد عدال عبدالله)..عبااااااااااااااااادي حبيبي ....(باسه على خده)....فدييييييييتك انا ...
عبدالله: (حاول يدز عنه بس سيف لازق فيه )..هههههههه ..شتسوي انته ..فج اشوي بتذبحني ...
سيف: عبدالله ...فديتك ...انته املي الأخير ...
عبدالله: يعني اذا انته حبيب امك ما قدرت تقنعها ....ياي لي انا تبيني اقنعهااااا ...(يحاول يبعد عنه)..سوااااف دخيييييلك هدني هههههههههههههه...حشى من تلزق مااا تفج ...هههههههههههههه(سيف يقترب منه ازياده ويبوسه )...هههههههههههههههه شتسوي ...سوااااااف ..والله بسوي لك اي شي ..بس فج عني ...
حميد: سوااااااف قوم عن الريال ...وراا عيال يربيهم ...هههههههههههههههههههههه...حشى حشى ..انته صج مصلحجي....
سيف: عبوووووود ..عباااااادي ...فديتك قول والله انك بتساعدني....
عبدالله: ههههههههههههههههه والله بساعدك بس فج عني ....دخيييييييييلك
سيف: (قام عنه )....يالله ترا ماشي وقت ...روح كلمها الحين ...
عبدالله: صبر صبر خلني افكر ...
سيف: ..................
حميد: (قام من مكانه )...ابوي انته ويااه قومو ماشي وقت عن اذان الظهر ..يالله قوموا ...
سيف: انزين انزيين ..انته روح واحناا بنلحقك بعد اشوي...
عبدالله: لا والله احلف انته بس ...(قام وسحب سيف معاه)..قووم ...خل انروح انصلي وبعد الصلاه بنتغدا وبعدين بنشوف لك صرفه ...يالله امشي...
سيف: اوووووف بعدني بنتظر ....
حميد: سوااف ...امشي احسن لك لا انكنسل عنك السفره ...
سيف: انزيييييييييييييييييييين...
طلعوا كلهم وراحوا يصلوا ...

" في غرفة خوات هند"
نور كانت قاعده...على سريرها ....سرحانه ...ودانه كانت قاعده تلاعب فجر ...اشوي ..قامت نور من مكانها ..وقعدت اتصرخ ...واتصيح ...دانه حضنت فجر ...وشلتهاا على جتفها لانها قعدت اتصيح خاافت لما شافت نور بهالحاله ....نور صارت مثل المينونه ...تصرخ وتضرب نفسهاا ..دانه من كثر الخوف ..طلعت برا الغرفه ...وراحت لعند اختهاا هند...دقت عليها باب الغرفه ...اشوي وطلعت هند مخترعه....خبرتها دانه بالي صار حق نور ... هند قالت حق دانه تنزل تحت تشوف اذا عبدالله رجع عسب اتناديه..وعلى طول ركضت حق الغرفه الى فيها نور ...اول ما دخلت ..تفاجات من الى شافته ...اول مره تشوف اختها على هالحاله ...راحت حقها ..وحاولت اتهديهاا ..لكن نور ...مب راضيه تهدا ..قعدت تذز هند وتضربهاا ...هند ما استحملت ...قامت وعطت نور كف ....خلا نور ..تسكت مره وحده واتطيح على الارض ...
هند: (تصيح)..بسسسسسسسسسسسس خلااااااااص ....حرااااااااام علييييييييج ...الى اتسوي في نفسج وفيناا ...خاااافي الله ....ابويا خلاص ماات ورااااااح ...ليش اتصيحيين علييه (مسكتها من كتفها وقعدت تهزها حيل) ..نووور ..الله يخلييج ...انسي الى صار ..وخلينا نعيش حياتنا ...
نور: (دزتها)...انتييييييي اكييد ما يهمج الى صار حق ابويا واسعود ..لانج اصلااااا ماا كنتي موجوده...ولا عشتي الى صار .....انتي قاعده ومتهنيه مع ريلج ولا تحسين فيناااااااا...انا مب قادره اشيل هالشي من بالي ...كل ماا اذكر شكل ابويا واهو طايح على الارض وراسه كله دم.....(قعدت تكفخ نفسها)..ليييييش يااااا ربي ليييييييييييييييييييييييش....
هند: ......................
عبدالله في هاللحظه كان واقف على الباب ..وبيدخل بس لما شاف انه نور هدت..تم واقف عند الباب ...يراقب الي يصير بينهم..وبعدين راح ...ما حب يتدخل بينهم .....
نور: (قامت من على الأرض وقعدت على السرير)....انتوا والله ما اتحسوون .....والله انه ابويا طيب ويحبناا ...صح انه يشرب خمر ...بس اهوو يحبنااا واااايد .....والله والله هند...انا هذاك اليوم..كنت ماره يم المجلس...وسمعت صوته واهو يصيح ...ويتكلم مع نفس ....تدرين شو كان يقول ...(هند كانت تصيح وفي نفس الوقت تطالع نور باستغراب)....كان يتحسر على حاله وحالنا ...متندم انه معيشنا بهالعيشه...كان يصيح بطريقه فضيعه ..والله اني ليلتها ما قدرت انام...هذي اول مره كنت اشوفه فيها على هالحاله....
هند: (معصبه واتصيح) ولماااااا اهوووووو منتدم ومتحسر لييش ما حااول يصلح غلطه...ليش زاد المشاكل ....لو اهوو صدق متحسف على الي صار جاان ماا ضرب اسعود وربطه على العمود...وقعد يضربه مثل الجلب...منو يسوي جي في ولده الوحيد...؟؟؟ ..وبعدين دام انج هالكثر متاثره..وتلوميني ... شوووووو الى خلاج ...تفجين اسعود....لو ماا سويتي هالشي جان ماا صار الي صار...
نور: (قامت من مكانها وراحت لعند هند)...تبين تقولين اني انا السبب ؟!!!....انتي كنتي ويانا؟؟ شفتي كيف كانت حالة سعود؟؟ شفتي شكله كيف صار من كثر الضرب ؟؟؟شوووووووووووو انا ما عندي قلب ....انا مااااا احس .....كيف اشوف اخوي على هالحاله وماا افج الحبل عنه
هند: خلاااااااااص عيل لا تحطين اللووم على احد ..الى صار صار ...خلاااااااااااااااااص الله يخليج انسي ...
نور: (طالعة هند بعصبيه)...طلعي براااااااااااا ...
هند: (قامت وطلعت برا من دوم ما ترد عليها بكلمه)...
سكرت نور الباب وقفلته ...وطاحت على السرير وقعدت اتصيح...شريط الذكريات ليوم الحادث ما يفارق خيالها...
سعود: (شاف نور واقفه عند باب الصاله واتطالعه )...ابـــ ..ــي ماااي ...
ركضت المطبخ ويابت له مااي وقعدت اتشربه...وبعد ما خلصت لفت عنه تبي اتروح
سعود: نور الله يخـــ ليج افتحي الحبل ...الله يخلييج..
نور: سعود ما اقدر ..ابويا بيعصب بعدين ...
سعود: (يصيح) نـــ ـــ ـــور ..حرام عليج انتي ما تحبيني ....نوور انا تعبان بمووت ..الله يخليج افتحيه ...
نور: (رجعت لعنده)..انزيين خلاص لا اتصيح بفتحه ..بس لا اتم في البيت اشرد روح اي مكان ...
سعود: انزيين بروح بس انتي افتحي الحبل عني الحين...
نور : انزيين
قعدت تفتح الحبل ..واول ما خلصت على طول سعود طاح في حضنها وقعد يصيح...
سعود: (يصيح من الخاطر)..والله حراااااام احنا ليش جي عايشين...ليش ابونا جي ....حراام انا الحين وين بسير ...عند منو اقعد ...
نور: (مسكته من ايده وسحبته لعند الباب)..رووح عند هند ..اكييد بيساعدونك ..المهم ما تقعد اهني ..يالله روح قبل لا ايي ويشوفك....
سعود: (يمسح دموعه )..انزين وانتي؟؟؟اخاف ابويا يضربج...ااكيد بيعرف انج انتي الي فتحتيه...
نور: انته روح الحين وماا عليك مني ..انا بتصرف ....يالله حبيبي روح قبل لا ايي ...
سعود: انزييين...
اول ما فتح الباب شاف ابوه جدامه ....ونور ما قدرت تتحرك من مكانها ..حطت ايدها على حلجها وشهقت...
ابوسعود: نورووووووووه يالخااااااايسه...انا مب قايلج قبل لا اطلع محد يقرب صوبه...
نور: .............
ابو سعود: (مسك سعود من ارقبته)...وانته على وييييين العزم ان شاء الله ....
سعود سكت وما قدر يتكلم
ابو سعود: (ضربه على راسه)..ماااااااتتكلم لييييييش ساكت....
اسعود من كثر الخوف قام ودز ابوه حيييل ...ولانه ابوه كان مب بوعيه ...فلت وما قدر يتوازن ..وهالشي خلاه يطيح...على الحد مال الباب الى ضربه على راسه..وعلى طول ما استحمل الضربه ..ومات ...البنات ما كانوا مصدقين الى يشوفونه ...شكل ابوهم واهو طايح على الأرض والدم يصب من راسه كان منظر فضيع ..اما سعود ما قدر يستحمل هالموقف ..على طول شرد من البيت ...نور على طول راحت بيت ايرانهم واتصلت حق اختهاا من اهناك ويا عبدالله وحميد وسيف ..والشرطه درت وقعدوا يحققو مع الكل ولما عرفوا بالسالفه تمو يدورون على سعود الى كان خايف انهم يسجنونه عسب انه اهو الى دز ابوه ..بس للأسف اهما ما حصلوه ...بعد شهرين مسكوه اهو وربعه بتهمة السرقه وحطوه بالأحداث..


"في غرفة سيف"
بعد الغدا ..سيف بدا اتصالاته بربعه ..يخطط وياهم حق السفره ..كان متأكد انه بيسافر الكل اعتذر ما عدا سعيد وعلي .....الى صاروا.. ما يتفارقون ابد....اتفقوا على انهم يحجزون تذاكر باجر ..والسفره تكون يوم الخميس...خلص اتصالاته ...أشوي ويا على باله انه يروح بيت عمه ماا يدري ليش ..بس في خاطره انه يروح اهنااك..مع انه الوقت ظهر ومحد يزور احد في هالوقت ..المهم طلع سيف من الغرفه وقبل لا يطلع من البيت مر الصاله دخل وشاف امه قاعده بروحها تتطالع تلفزيون..راح لعندهاا وباس راسهاا وقعد عدالها..
سيف: هاا امايه زعلانه مني؟؟
ام راشد: وليش ازعل منك ؟؟
سيف: ادريبج ما تبيني اسافر وهالشي مضايقج... خلاص اماايه انا بسكر هالموضوع ولا بفتحه لج مره ثانيه ودامج ما تبيني اسافر خلاص ما بسافر المهم رضاج عندي بالدنيا كلها يا اغلا ام في هالدنيا(لوى عليها وباسها على راسها ).. ..
ام راشد: (حز في خاطرها من كلام ولدها وحست انها ظلمته )...لااا يا ولدي لا اتقول هالكلام ..خلاص اذا في خاطرك اتسافر..خلاص روح ..انا ما بخليها بخاطرك...المهم عندي انك تكون مستانس..
سيف: لااا والله يا اماايه انا عادي عندي اني ما روح..المهم رضاج علي ...
ام راشد: لا يا ولدي لا يالغالي ..روح استانس ..انا بس خايفه عليك ..ما ابيك تروح ابروحك انته وهذولي كلهم يهال لا حسيب ولا رقيب ...

سيف: اماايه انا الحين عمري 17 سنه وانتي اتقولين ياهل ...
ام راشد: مهما كبرت من العمر ..انته بعيني بتظل ياهل وبتم اخاف عليك واداريك لين اموت ..
سيف: بسم الله عليج امايه عسى عمرج طويل ..ان شاءالله الله يطول بعمرج واتربين اعيالي واعيال اعيالي بعد...
ام راشد: لا يا ولدي انا كافي علي اشوف اعيالك ..وهذا عندي بالدنيا كلهاا ...
اشوي ويدخل حميد الصاله ..
حميد: الله الله على الكلام الحلو ...بس تبين تشوفين اعيال سيف..وااناا ما يعجبونج اعيالي ....ولا طايح من عينكم..
سيف: ههههههههههههههههه بس عااااااااد يا هادم اللذات ومفرق الجماعات ...مررره من اتشوفني عند امايه و انسولف تطب عليناااا ..
حميد: جب انته جب ..لااا اكنسل عنك السفره الحيين ..
سيف: ماا اتروووم..خلاص ابويه ..اماااااايه رخصتني وقالت لي رووح الله معااك ...
حميد: جذاااااااب ماا اصدق (طالع امه) ..اماايه انتي رخصتيه يسافر..
ام راشد: هيه يا ولدي رخصته ..خله يروح يستانس مع ربعه ..
سيف: (يغايض حميد)..حررررره ..حررررره ههههههههههه
حميد: اماايه من صجج انتي ..كيف بتخليه يسافر برووحه ..مااتخاافين على ولدج يذبحونه الاجانب ...كيفج والله ..بعدين لا تقعدين اتصيحي لما بتشوفينهم امطرشينه لج بكيس زباله ...
ام راشد: بسم الله على ولدي ..الله لا قااااااال ان شاالله ..بس يالله صخ عن هالرمسه ...ان شاء الله ما عليه شر (طالعت سيف)...سيف صدق الكلام الى يقوله اخوك ..الحين هالبلادين الى بتروحها يسون جي..
سيف: لاااااااا ماااااااااايه يقص عليج هذا يبي يخرعج بس ...اماااااايه لا اتخافين علي..تراني بكون مع حمدان اهنااك ..وابوه ما يقطعه دووم عنده..لا اتحااتين اماايه ..
حميد: هيه تراني قلت لج ..بعدين تراا لا فات الفوت ماا ينفع الصوت وانتي كيفج...
سيف: حمييييييييييد شووووووووهاااااا ليش انته جي حاااااقد ....(طالع امه ) امااايه والله يسوي عليج سوالف ..ما عليج منه ...
ام راشد: (معصبه).. ادريبه انا ...يالله صخ واقطع هالرمسه عنك ...اخوك ماا بيه شر ان شاء الله بيروح وبيرجع بالسلااامه..
سيف: (قام من مكانه )...اماايه تراني بوصل بيت عمي وراااجع انزيين ماا بتاخر ...
ام راشد: الحييييين ؟؟
حميد: وين ترووح بيت عمك الحين ...الناس ظهر محد يزور احد الحين ...
سيف: انته اكل العافيه وسكت ...انا الا راح بيت عمي مافيها شي ...وبعدين انا ما بسير من الحين ...الحين وقت صلاه ...بصلي العصر وبعدين بسير لهم..
ام راشد: خلاص يا ولدي روح ربي يحفضك ان شاءالله ...
سيف: (باس راسها) ..الله يخليج لي ان شاءالله ولا يحرمني منج..بس قبل لا اروح خلني اغني لج ..فدييتج انا ..احم احم احم ..
يــا امــي يــا غـــلا الـــدنيا ................. واصـــدق عـــاطفه في الكون
وادفــــــــــأ حضن يحــــضني.. ............واكــــــــبر قـــــــلب يحويني
انـــا ابيـــــــج دنــتيتي جـــنه...................وبســــماتك مــــطر ومـــزون
وضــــــحكاتج ربـــيع اخضر................... زهــــور فـــــــــتحت فيــــــني
اذا شفـــــــــــتج ارى الــــدنيا ................صــــــباح بالــــــفرح مسكون
واذا غبتـــــي عن اعــــــيوني ..................يغيــــب الـــــنور عن عـــيني ..
عشـــــقتج والـــهوى طفل .. ...............ربــــــى في خـــافقي المـــــفتون
كــــبر هذا الــــطفل واصــبح................غرامــــــه يســـــــــبق اسنــينه
انا يــــا امــــــي ترى ما اوفيـــــــــــــــــــــــــــــج مهمــــــــا يكــــــــون........
ام راشد: (دمعت عيونهاا..وقعدت تمسح عيونها بشيلتها)..فديييت هالصوت انا ..لا خلاني الرب منه ..فديتك والله بعد عمري ..(قامت وحضنته)...بعد عمري
سيف: (انصدم من الى سوته امه ...وما قدر يقول شي ..عيونه دمعت ..)....
حميد: (تاثر حميد من الموقف )...خلااص دخييلكم والله ماا اقدر ...سوااف يالله رووح بس..
سيف ما رد عليه وطلع ...وحميد تم قاعد مع امه وبعدين لما اذن راح المسيد يصلي..

"في بيت ابو محمد"
غاليه كانت قاعده في غرفتهاا ..طايحه على السرير بس مب راقده...كانت تدور في راسها كل الى الأحداث الى صارت لها والي كانت بتضيع حياتها لو ما الله ستر وسيف وحمدان رفيجه تلاحقوا وحلو الموضوع...
فهد: والله يا غاليه اذا ماا يتي والله لا افضحج عند اهلج ...
غاليه: ( تبجي)..حرااااااااام علييك انته شووو ...ما عندك خوات ..ليش جي اتسوي فيني ..
فهد : الحمدلله خواتي مب خايسات مثلج...(مسكها من ايدها )..سمعيني انا باجر بترياج في (...........) ..الساعه 8:00 اذا ما يتي اتعرفين شو بيج اوكي..
دخلت عليهم منال..رفيجة غاليه واخت فهد..
منال: (وفي اعيونها الشك)..فهوود شتسوي اهني؟؟؟
فهد: (ضربها على راسها)..فهوود بعيينج ..احترميني انا اكبر منج..(طلع عنهم)..
منال: شيبي فهوود؟؟ سوا فيج شي؟؟
غاليه:.......... لا
منال: عيل ليش اتصيحين؟؟؟ شو قال لج؟؟؟ ارمسي..
غاليه: (قامت عنها وطلعت )...
منال لحقت غاليه وحاولت اعترف منها شي بس ما قدرت لانها على طول ركبت سيارتهم وراحت..
منال ما عيبها الوضع وحست انه بينهم شي بس ما عرفت شو اتسوي ..ف قالت انها بتتصل في غاليه وبتخليها اتقول حقها غصب ..لانها مب متطمنه ..عارفه انه اخوها راعي سوالف ..
في اليوم الثاني غاليه ما عرفت شو اتسوي ؟؟هل انها اتروح له واتقابله ولا انها اتخبر سيف ..بس ما اعرفت شتسوي اذا خبرت سيف ..اكيد بيعصب لانه كان مهددها انها تقطع علاقتها منه بعد ما حكت له السالفه ..وكانت خايفه اذا راحت حق فهد انه احد من اهلها يشوفها واتصير مشكله اكبيره..تمت اتفكر ...واخر شي قررت انها اتروح له وتنهي الي بينهم ..
في العين مول فهد كان قاعد في الكوفي ينتظرها ..واهي طبعا قدرت تطلع من البيت بحجة انها نست اغراض في بيت ارفيجتها لما كانت عندها امس ..والحين راحت تييبهم ..والحبيبه كانت مستاذنه من ابوها عسب اهو الى يوديها بس اهي كانت عارفه انه ابوها الحين بيطلع واكيد بيقولها ما بيقدر...المهم انه قال حقها تروح مع السايق وما تتأخر ...
وصلت غاليه المول ...وراحت على طول الكوفي وطبعا كانت متغشيه ...شافت فهد قاعد في طاوله ابعيده وما كان حواليها وايدين ...راحت اهنااك ووقفت...انتبه لها ووقف واهو شاق الحلج..
فهد : مرحباااا الساع يا ايا ابو عيون سود ووساع ...
غاليه: (بعدها واقفه)....الله يخليك يا فهد قول الى عندك وخلني ارووح ..الله يخلييك...
فهد: (مسك ايدها)..اوكي بس اقعدي اول شي..
غاليه: (سحبت ايدها بسرعه )...لااا تلمسني....
فهد: انزيين ما بيودج بس ممكن تقعدين....؟؟
غاليه: ( قعدت ) يالله قول ...
فهد: غاليه انتي ليش جي..والله انا احبج....
غاليه: تحبني واتسوي فيني جي..انته شو من البشر ...ما عندك خوات اتخاف عليهم ...
فهد: غاليه انا مب ناوي اضرج .....
غاليه: عيل هذا الى اتسويه شتسميه؟؟ اتهددني واتخليني اقابلك غصب عني ..هذا شتسميه...
فهد: غاليه..انتي لوما تبين هالشي جان ما بتسوينه ..بس انتي ..تبينه هالشي وعاجبج...
غاليه: اتخسي الا انت يالحقير...
فهد: احترمي نفسج ..وثمني كلامج ...ممكن تقولي حقي شو الى خلاج اترمسيني بالتلفون ..انتي ماا صدقتي عطيتج الرقم وعلى طول اتصلتي..
غاليه: (بدت تصيح)..كنت غبيه ..انغشيت بكلامك ...انته وااحد ماا تسوي حتى نعااالي والله انك حقير
قام فهد من مكانه وسحبها من ايدهاا ...
غاليه: (تحاول تفج نفسها منه)..ايه انته ابعد عني..
فهد: شووفي انا انسان ما اخاف من كلام الناس اوكي ..اذا بتمين اتصارخين جي ما بتفضحين غير نفسج...امشي معاي وانتي ساكته..
مشت غاليه معاه لانه حست انه الى يقوله صح ...اهو لو يخاف من ربه ولا من كلام الناس جان ما سوا فيها جي ...
مشت غاليه معاه لين وصلوا سيارته...
غاليه: ايييييه انته شتسوي ويييييييييين بتوديني..
فهد: جب ولا كلمه يالخاااااايسه ....انتوا ما ينفع معااكم غير جي ...يالله ركبي ...
غاليه: (تحاول تبعد عنه بس ما تقدر)....الله يخلييييييييييييك ...خلني اروووووح..حراااااااااام عليييك..
فهد: حرمة عليج عييشتج...يالله اشوف ركبي ..
وقبل لاااا يركبها السياره ياااا واحد من ورااه ووسحبه وعطاااه بكس على وييه ..لين طاح على الأرض وحلجه ينزف دم ...وغاليه لما اطالعة وشافت الى وااقف ...وقف قلبهاا وانعقد اللسانهاااا .....

قطع على غاليه حبل ذكرياتهاا ...صوت دق على الباب ...قامت من على السرير ومسحت ادموعها وبطلت الباب .....
افنان: مرررررررررحباااااا اختااه ...(انتبهت انه عيونها حمر واايد)....شووفيها عينج؟؟ انتي كنتي اتصيحين؟؟
غاليه: ماا فيني شي ..بس كنت راقده...
افنان: ( ما صدقت كلامها بس حاولت اتعدي الموضوع)....انزيين اقول تعالي تحت ترا سيف ..قاعد اهنااك ...
غاليه: والله ؟!!! متى يا؟؟
افنان: توه قبل اشوي ..والحين اهو قاعد مع عاليه..قومي اقعدي معاهم ..انا بسير غرفتي...(طلعت عنها )..
راحت غاليه تغسل ويها وتبدل ملابسها عسب تسلم على ولد عمهاا ...

"في الصاله"
عاليه وسيف كانوا قاعدين في الصاله ...اثنينهم ساكتين ...وكل اشوي يطالعون بعض...سيف حب يكسر حاجز الصمت الى بينهم وتكلم...
سيف: عاليه...
عاليه: لبيه يا ولد عمي..
سيف: اتعرفين اني بسافر؟؟
عاليه: بتساااااااافر !! متى وليش؟؟
سيف: (استانس لانه حس انها مهتمه)...مممم بسافر يوم الخميس ...تسليه ..واهنااك بعد حمدان رفيجي ماا شفته من متى ...بسوي له مفاجأه ...
عاليه: ........................
سيف: شووفيج ليش ساكته ؟؟!!..
عاليه: شوو تبي اقوولك.....(قامت من مكانها )...الله ويااك تروح وترجع بالسلامه...(طلعت بسرعه )...
سيف: (نزل راسه ..وبين عليه انه متضايق)...
دخلت غاليه الصاله...
غاليه: سوااااااف شووفيك؟
سيف: (رفع راسه)...ماافيني شي..
غاليه: علي انا هالكلااام ...انزيين اوكي انته ما فيك شي..لكن عاليه شوفييهاا ..اانا اول مره اشوفها جي
سيف: (مب يغير الموضوع)....شووفيها اعيوونج حمر ...
غاليه: (برتباك)..اه مممم ..ما فيهن شي....
سيف: غاليه ..انتي للحين اتفكرين بالي صار...
غاليه: ..............
سيف: غاليه خلاص الى صار صار ..واللي كان السبب خذا جزاه ...
غاليه: احاول اني انساا بس والله صعب ....لما افكر اني كنت بضيع ومستقبلي بيضيع .....ماا ادري شو يصير فيني ...
سيف: غاليه...الحمدلله ...انه انا وحمدان وصلنا في الوقت المناسب ...وحلينا المشكله....وكل هذا لانه اخته ..ألى اهي رفيجتج...اتصلت فيني وخبرتني ....
غاليه: الحمدلله انه ورقة الى كنت كاتب عليها رقمك ..نسيتها عندهاا ...ولا ...كنت رحت فيهاا...
سيف: كنتي بتروحي فيها لانج ماا قلتي لي كل شي ..ولا كنتي صريحه معاي بالي يصير اول بأول..بس الحمدلله ربج ستر ...والله ما ينسا عباده الصالحين....
غاليه: الحمدلله....
سيف: (قام من مكانه)....يالله عيل انا برووح...اشوفج على خير...
غاليه: (قامت اهي بعد)...وييين ..تو الناس اقعد....
سيف: لااا بسير ..من متى طالع من البيت ....(مشى عنها وبعدين وقف)...اقوول ...
عاليه: سلمي على عاليه واايد اوكي( وطلع ابسرعه عنها)...
غاليه استغربت ..اول مره تشوف سيف على هالحاله ...؟؟العاده لما ايهم يكون مستانس ومتشقق من الواناسه ..بس اكيد عاليه قالت له شي ضايقه ...ولا هذا مب اسلوب سيف..

نهـــــاية الجـــــــــــــــــــــــــــــــــزء

الجزء التاسع عشر

"في بيت ابو راشد"
ام راشد كانت اترتب حق سيف اغراضه ...واعيونهاا كلها ادموع ..مب هين عليها افراق سيف ما تعودت انه ينام في مكان ابعيد عنها ..وسيف مب هاين عليه افراق امه تعود عليها واهي اتاكله بإيدها تعود على النوم في حضنها ...تعود يقعد معاها طول الوقت يضحكون ويسولفون ..
سيف: (تقرب من امه وباس راسها)...اماايه والله كلهم شهر وراجع ان شاءالله ..ليش كل هالدموع ؟؟
ام راشد: (تمسع ادموعها بشيلتها)..والله ما يهون علي فراقك يا ولدي ..محد مهيل علي ومالي علي البيت غيرك ...ليش يا ولدي اتروح ترااه اربيعك قالك ما بيطول كلها كم يوم وبيرجع البلاد ..خلك عندي والله مالي غناة عنك
سيف:اماايه فديييتج ..فدييييت رووحج انا ..(طاح في حضنها )...والله لا اتقولين جي ...الأيام بتمر وكلها شهر وراجع ..والله اماايه علشان خاطري لا تبجين (ابتعد عنها وقعد يمسح لها ادموعها)..امااايه لا تبجيين ..والله ادموعج غاليه على ...اماااايه اذا تميتي جي خلاص بكنسل ومابروح ..
ام راشد: لاا يا ولدي لا اتقول جي ..خلاص روح الله وياك بس عااد اتصل فيني كل يوم لا اتخليني احاتيك
سيف: ان شاءالله اماايه اساسا بدون ما اتقولي انا ما بهون علي ما اسمع صوتج ..كل يوم بتصل فيج وبكلمج ان شاءالله..(قام من مكانه)..ياالله الحين خلنا ننزل ...ماباقي شي ..بعد اشوي بطلع ...
طلع سيف مع امه ونزل يسلم على اخوانه ..

في الصاله
الكل كانوا قاعدين ويسولفون..مع بعض...راشد..حميد..عبدالله..هند...ميره...خلود...... دخل سيف..الصاله واهو ماسك ايد امه..
سيف: اوووه العيله الكريمه كلها موجوده....(وقف مكانه واهو حاط ايده على كتف امه و الإيد الثانيه ماسك فيها ايدها)....احم احم ادري انكم مب مستحملين افرااقي ..بس سشوي مضطر اني اسافر اسمحولي..
حميد: عنلااتك من ولد..ههههههههه اكيد راح نشتاق لك ...اساسا احنا مب متخيلين كيف البيت بيكون بدونك...
عبدالله: (قام من مكانه)...سواااف ...متى بترووحون؟؟
سيف: الحين بعد اشوي...توه علووه متصل حشرني يقوول ويينك...تأخرت عليهم واايد..(باس امه على راسها)..يالله اماايه انا بسير الحين...(طالع اخوانه)..ديروبالكم على اماايه...حطوها في اعيونكم.....
حميد: لااااا والله ..ليش انته شو شايفنا انسوي فيها...نعذبها ونضربها ...اونه ديرو بالكم عليها (قام لعنده وباسه)..دير بالك على نفسك ..وخلك عند حمدان مب اتروح مني ومني...
سيف: هههههههههههه ان شاءالله (بعد عن امه وحضن حميد)...بتوله على الضرابه وياااك ههههههههههههه
حميد: ههههههههه والله عسل على قلبي ...
عبدالله: (قرب منه وحضنه)...يالله مع السلامه وهالله هالله بنفسك ...
سيف: مع السلامه(طالع هند)..هندو لا اتولدين لين ارجع..
هند: هههههههههه ..حرام عليك توالناس ههههههه
خلود: (قامت بسرعه وتمت حاضنه سيف واتصيح).....................
سيف: ههههههههههههه ..فدييييييتج اشوي اشوي ..على الى في بطنج..هههههههه...(دمعت عينه)..يالله بس خلووده صيحتيني تراااج..
خلود: والله البيت من دونك ماا يسوا.....
سيف: (مسح ادموعه قبل لا يشوفه احد).....انزيين انا مب رايح احارب ....كله شهر ورااج ان شاءالله ...
رن تلفون سيف ..وطلع المتصل فيه ..علي ..وهزبه علشان اهو اتأخر عليهم...
سيف: يالله بسير هذاااااااااا حشرني .....(شاف امه قاعده ومنزله راسها وحاطه شيلتها على عينهاا.. راح لعندها وقعد عدالها)..امااااااايه فدييييييييييتج بسج عاااااااااد....لا اتخليني اروح وانا احاتيج....
ام راشد: (مسحت ادموعها )...خلاص يا ولدي رووح..ودير بالك على نفسك ....الله حافظنك ان شاءالله..
سيف: (قام وباس راسها)...يالله ياالغاليه....مع السلامه....
وطلع على طول قبل لا يسمع ردهاا ...وما رضى يخلي احد يوصله ..ركب السياره ..وراح لعند علي ..وبعدين راح بيت عمه سلم عليهم..واخذ سعيد ...وراحوا المطار....

"في لندن"..
ابو حمدان منتظر سيف وربعه...كانوا متفقين معاه بدون مايعرف حمدان...سلم عليهم ورحب فيهم ...وخذهم معاه بسيارته ..وقعد يراويهم المناطق..والشوارع واهما مستانسين ....ابو حمدان كان يتكلم طول الواقت بالإنجليزي والربع يهزون راسهم واهما ولا فاهمين شي ...علي ميت من الضحك على سيف الى مندمج بسوالف ابو حمدان ويهز راسه كل اشوي ..وكل ما سأل شي ..يقول yes..ofcourse.. ... واهوو ولا فاهم شسالفه ...اما سعيد ف كان هلكان من التعب كل شوي يطيح على كتف علي ...وعلي يقعد يسويله حركات تخليه يقوم ....وقضوا طول الطريق ضحك وسوالف .......
وصلوا الشقه ..وسبقهم ابوحمدان ..دخل وشاف حمدان قاعد على الكنبه وبإيده اوراق..
ابوحمدان: hiii
حمدان: (بدون مايرفع راسه)..hi dad
ابوحمدان: (قعد على الكنبه الى مقابلته)...are u basy ??
حمدان: no just I am finishing some paper for tomorrow meeting
ابوحمدان: when it will be ??
حمدان: mmm I don’t know maby at 8:30 I think
ابوحمدان: (واهوو يأشر على سيف وربعه يدخلون )..ahaa I see
ابوحمدان كان يلهي حمدان بالكلام ..عسب ما ينتبه حق سيف وربعه...
وقف سيف ورا حمدان وحطا ايدينه على عين حمدان ..
حمدان: who is it ??
سيف: .................
حمدان: dad….who is it ??
ابوحمدان: (يحاول يكتم ضحكته)..I don’t know??
حمدان:(حط ايده على الإيد الى كانت على عينه وحاول يشيلها بس ما قد) haay come on ..I have work to do ..take your hand
سيف: شتقول انته ..صفيت لي هذيك الجمله هههههههههههه
على والكل قعدوا يضحكون ...وحمدان فز من مكانه بسرعه..
حمدان: (واقف مكانه ويطالع سيف).............
سيف: اشفييييييييك ما اتسلم ولا ماا تبينا ...اذا ما تبينا عندك ,,عادي الطياره الى يابتنا بعدها واقف بنرجع ..(ومشى بيروح)...
حمدان : (ركض وحضن سيف حييل)...فديييييييييييييييييييتك والله ...يالخاااااااااااااام جي ما اتقولي انك بتيي ..
سيف: هههههههههههههههههه ايييه خنقتني بمووت..هههههههه ..فج عني اشوي ...
حمدان: (واهو يبعد عنه)..والله تولهت علييك
علي: واحنااا مالنا رب اتسلم علينا ....
حمدان: (راح لعنده وحضنه)..هلااااااااا والله ..هلا فييك ....شخبارك ؟؟
علي : الحمدلله بخير يسرك حالي...
حمدان: (راح يسلم على سعيد)...هلا ب
سيعد راعي الفجيره ...شخبارك ....اعلومك؟؟؟
سعيد: الحمدلله تمام ..بس فيني ارقااد الغالي ..دخيلك الحقني ب سرير ...
حمدان: هههههههههههههههههه ..حشى متلاحق الرقاد..
سعيد: والله تعباااااااااااان من الخاطر ....
حمدان: انزيين شفت هذيك الغرفه ..الى على اليمين...ادخل وارقد...
سعيد: يالله تصبحون على خير ...(ومشى عنهم)...
ابو حمدان استاذن منهم وطلع عند ربعه ...اماا حمدان وسيف وعلي ...قعدوا يسولفون ..
حمدان : اتصدق والله اني ما توقعت انكم تيون ...الصراحه تفاجأت ..
علي: شنسوي هذا حشرنا ..بروح عند حمدان وبروح عند حمداان ...
سيف: هيه الحين حطها علي ...مب انته الى بغيت اتموت لما قلت الفكره مره ماا صدقت ..على طول قلت هييه هييه برووح ههههههههه
علي:انزيين يا ابوك فكنا من حشرتم خلاص انا الى قلت بروح واستانست ..يالله انتو ماا ناويين ترقدو اليوم..انا الصراحه ميت من التعب ..
سيف: هيه والله صدقت حتى انا تعبااان حدي...
حمدان: خلاص عيل قوموا ارتاحوا وباجر بعد ما ايي من الدوام وديكم مكان على كيف كيفكم ...عجييييب
سيف: الللللله ..وناااسه ..خلاص عيل اتفقنا ..
علي: اوكييك شوركم وهداية الله ...انروح وشو وراناا ..
سيف: يالله عيل تصبح على خير ..
حمدان: وانتوا من اهل الخير..
مشى سيف بيروح غرفتهم اهو وعلي سمعوا صوت شي انفجر ..صوت قوي..وقفوا كلهم منصدمين وحمدان رمى كل الى بايده وركض برا الشقه..وسيف ما قدر يخليه بروحه ..ركض وراه اهو وعلي ...
يا ترا شو هالصوت؟؟..ومن وين ياي؟؟
نهـــاية الجزء

الجزء العشرين

لندن…9:00 بليل
مشى سيف بيروح غرفتهم اهو وعلي سمعوا صوت شي انفجر ..صوت قوي..وقفوا كلهم منصدمين وحمدان رمى كل الى بايده وركض برا الشقه..وسيف ما قدر يخليه بروحه ..ركض وراه اهو وعلي ...
وصلوا لعند باب الشقه بس ما حصلوا احد اهناك ..تموا يطالعون ويدورون من وين يا هالصوت ...
حمدان: شسالفه ؟؟؟من وين يا هالصوت؟؟ ما اشوف احد اهني...
سيف: ما ادري والله ...
علي: والله قلبي طااح بريلي ...بسم الله من وين يا هالصوت ؟؟؟
اشوي ..ويسمعون صوت احد يصرخ ...والصوت كان ياي من داخل شقتهم...
سيف: (مخترع)..والخيييييييييييييبه ...
دخلوا الشقه كلهم وحصلوا سعيد يراكض بكبر الشقه ويصرخ ....
ركض سيف ومسكه حيل
سيف: اشفييييييييييييك خرعتناااااااااااااااااااااا
سعيد: (يحاول يبعد عن سيف)...دخل شي بثيابي ...دخيييييييلك طلعه...
حمدان: وين دخل لك ..؟؟؟؟ لف اشوووووووف ...
سعيد: (شال القميص)...هذوووووووووووو .... والله حسيت فيه داخل القميص والله
سيف: اسكت انزيييين خلنا انشوف شو هذا
مشى سيف وقعد يحرك القميص بريله... شاف صرصور يمشي ابسرعه ويتخبى تحت الكبت ... اول ما شافه سعيد صرخ ابصوت عاااااااااااااالي و مسك سيف من قميصه واتخبى ورى ظهره ....
سيف (واهو امعصب ): اسكت فضحتنا من بين الجيران ... الله ياخذ ابليسك..

علي (هو ميت من الضحك على سعيد ) : ههههههههههه ..هذا صرصو يا اهبل احد ايخاف من صرصور ...هههههه.
سيف (وهومتفشل من حمدان ...ويطالع سعيد وهو امعصب منه حيييييييييل ):
زين جي كسرت شقتهم عسب صرصور ... (ويطالع حمدان ) السموحه يا حمدان كسرنا لك شقتك ..
حمدان (واهو يضحك ) : هههههههه ... لا عادي حصل خير .
سعيد(ويهه محمر من القفطه) : انا اسف ..ماكنت قاصد اني اكسر اغراضكم
حمدان: مب مشكله حصل خير..بس شسالفة الصوت ..ومن وين ياا؟؟
سعيد: انتوا بعد سمعتوا الصوت…؟؟؟
سيف: ليش انته سمعته..؟؟
سعيد: هيه سمعته…وطلعت من البلكونه…جنه حادث صاير ..
حمدان: والله…
سعيد: هيه والله بس جنه بسيط مب جايد..
سيف: الحمدلله…(تثاوب)..المهم …انتوا مب ناوين ترقدون اليوم…؟؟
علي: هيه صدقت انا ميت من التعب ..
سعيد: يالله عيل سريناااا ….
حمدان: اوكي عيل ..يالله تصبحون على خير..
سيف: وانته من اهل الخير..
دخلو كلهم يرقدون ..وحمدان تم في الصاله يخلص شغله …وبعد ساعتين كلم ابوه وتطمن عليه ..وراح يرقد

((بيت ابو راشد ))
الساعه 12:10
ام راشد كانت قاعده ابروحها في الغرفه اتصيح دخل عليها حميد ...
حميد:(وهو يحضن امه ) : بسج عاد امايه من الصياح ... تراج عورتي قلبي .
ام راشد:(مسحت دموعها ) : شو تبيني اسوي و ولدي مب اهني ... مب نايم في البيت
حميد:بس هو مب اول مره اينام فيها برا البيت ..
ام راشد : ادري انه مب اول مره اينام فيها برا البيت ...بس هذيك المره غير..
هذيك المره كنت منطمنه عليه لأنه كان عند عمه.
حميد: انزين امايه اهو الحين صار ريال عمره 17 سنه يعني
يقدر يعتمد على نفسه ...بعدين اهو رايح مع ربعه مب ابروحه ..
ام راشد : الله وربع عاد .. كل واحد اصغر من الثاني ..انا ابي افهم اهو ليش ما اتصل للحين هذا وانا موصتنه كم مره…
حميد: ان شاءالله بيتصل باجر لا اتمين جي اتحاتين ..مب زين لج امايه..انتي بس استغفري ربج ولا تحاتين انشالله ما بيصير فيه الا كل خير ... يالله انا الحين بخليج اوكي ..وارتاحي ولا اتحاتين شي
ام سيف :انشالله …
طلع احميد من غرفة امه وراح الصاله ما حصل احد اهناك ... شغل التلفزيون و قعد يدور بين القنوات..بعد خمس دقايق.. حس بالملل قام ..بند التلفزيون وصعد غرفته..شال تلفونه شاف 5 مس كول…فتحهم وطلع كلهم من افنان..ابتسم ابتسامه شيطانيه..وعق التلفون عداله…اشوي ورن شاله بايده وقعد يطالع الشاشه..((عــذابي يتصل بك))…تم يبتسم وما رد عليه..
سكت
ورجع يرن مره ثانيه..لكن هالمره رد عليه وتم ساكت..
افنان: الووو
حميد:……………
افنان: حميييييييييييييييييييييييييد
حميد: …………………
افنان: حميد عن المصاخه ورد علي والله مب حاله هذي…
حميد: ……………….
افنان: حميد تبيني ابوس ريلك يعني..والله ما يسوى علي كلمه قلتها ..حمييد يالله عااد.. والله حراام عليك…
حميد: (شاااق الحلق)...........
افنان: انزين قولي شو الي يرضيك وانا بسويه بس لا اتم جي ..
حميد: مااابا منج شي
افنان: حشااااا ما بغيت تتكلم ..هههههههه وليش عااد ما تبي
حميد: بس جي كيفي مابااا
افنان: ههههههههههه حلاتها المابا واهي طالعه منك..هههههههههههه
حميد: لا والله اتنكتين...
افنان: ههههههههههههههه صج والله قول مره ثانيه
حميد: ماابااااا
افنان: هههههههههههههههههههههههه فديييييتهم انا هههههههههههه
حميد: افنانوووووو جب لا تسمعين رمسه ما تعجبج
افنان: لا لا لا لا خلااص بسكت ..بس عااد انته لا اتم جي زعلان
حميد: وانتي شو يهمج..
افنان: اكيد يهمني مب انته ريلي ..لازم يهمني ..يالله عاااد بسك زعل ..يااااا شين زعلك خلاااص التوبه اخر مره ازعلك..
حميد: ........................
افنان: حميييييييد
حميد: نعم
افنان: ليش ساكت...؟؟
حميد: شو تبيني اقول؟؟
افنان: ماا ابيك اتقول شي يالله باي...(سكرت التلفون)..
حميد: والخيييبه جني زودتها اشوي ...هههههههههههههه خلها تستاهل ..عيل تطلع السوق بدون شوري ..بااجر بتشوف دواها
بند اليت و غلق تلفونه لانه يعرف انها بترجع تتصل ..طفا اليت ورقد

" وفي مدرسة عاليه وغاليه وبتحديد في صف غاليه "
ـــــــــــــــ..ذكريات...ــــــــــــ
في حصة اللغه العربيه كانت غاليه وربيعتها نور منتبهين حق شرح المدرسه لكن في وحده في صفهم اسمها ساره شيطانه اتحب اتسوي مقالب في المدرسات خصوصا" في مدرسة العربي ما اتدانيها
لانها كله اطلعها برى الصف فحصة العربي ..
هذه كانت الحصه الرابعه يعني بعد الفصحه
كانت امجمعه البفك و الككاو داخل الدرج على اساس تاكلهم في الحصه
المدرسه كانت تشرح الدرس وساره تاكل لما اتشوف المدرسه لفت على السبوره ..ولما ترجع تطالع البنات على طول تخشه في الدرج
اول مره عدت على خير.. ثاني مره لما يت اتسويها ااول ما حطت اللقمه في حلجها صدت عليها الابله ابسرعه ..
غاليه: (دزت ساره)..سارووه الابله تطالعج...
راحت ابسرعه طلعت اللقمه من حلجها و خشتها في الدرج قامت الابله و سحبت عنها الدرج و طالعت داخله (عاد انتو اتخيلوا شو شافت ) جان اتلوع جبد المدرسه..
المدرسه : اخرجي برى مش عاوزه اشوف وشك تاني هنا عندي في الصف
ساره: ليش ابله انا ما سويت شي..
غاليه: ابله حرام خليها ما سوت شي...
المدرسه: اسكتي انتي ملكيش دعوه.. وانتي اومي اوأفي وانا بكلمك يا بت..
ساره: (وقفت في مكانها)..هاا ابله وقفت
المدرسه: براااا اوومي اوأفي براااا عند االباب
ساره: انزيين ليش ابله ...؟؟حراام انا ما سويت شي
المدرسه: بتستهبلي ..والى في الدرج داا تسميه اييييه ...؟؟
ساره: ابله هذا من الفصحه ماكلتنه...
المدرسه: (وشكلها متقزز)..ودااا الي في الدرج ايييه ...؟؟
ساره: (حركة نذاله..مسكت الى بلعته في الدرج وحطته بايدها)..هذا ابله؟؟
المدرسه: (حطت ايدها على حلجها)...اخرجيييييييييييي براااا دتك نييييييييييله ...
ضحكوا كل البنات ...وساره عقت الى في ايدها وطلعت من الصف
بعد ما خلصت الحصه وطلعت المدرسه رجعت ساره الصف..
ساره: هااي بناااات...
قامت غاليه من مكانها..
غاليه: (ضربت ساره على كتفها)...الله يلوع جبدج مثل ما لوعتي جبدي ..
ساره: هههههههههههههههههههههههههههههههه..وانتي منو قالج تطالعيني انا قاصده اسوي هالحركه علشان هالهبله ..والله اكرهاا من الخاطر..
نور: الله ياخذ بليسج..ههههههههههه من طلعتي والابله تمت مطنجره وامعصبه من الخاطر...حراام عليييج..زين ما رجعت وطلعت كل الى في بطنها بسبتج..
ساره: هههههههههههههههههه والله وانا اكلمها فيني ضحكه من الخاطر بس ماسكه عمري بالغصب...
غاليه: هههههههههههههههه حشا مب بنت صبي انتي..
ساره: بس عاااااااااد خلونا من هالسالفه ....المهم ..بنااااااات منو بيتتبناني اليوم....منو عنده استعداد يفهمني ماث ..دخيييلكم مب فاهمه شي ما فيني ارسب...
نور: انا بروحي يالله بديني ..جان بتحصلين حد قولي لي بروح معاج...
غاليه: يا حليلكم والله كسرتوا خاطري ...خلاص تعالوا بيتنا وانا بفهمكم...
ساره: صج والله ...اللللللللله ونااااااااسه ....
نور: (باست غاليه على خدها)..فدييييييييتج خلاص من العصر بتحصليني عند باب بيتكم....
ساره: وانا بعد ...
غاليه: خلاااص اتفقناا ...والحين يالله كل وحده مكانها ..مافينا على حشرت الابله..
قعدت كل وحده فيهم مكانها بعد ما اتفقوا انهم يلتقون في بيت غاليه العصر ..

((في سيارة حميد))
حميد ومحمد كانوا متواعدين يروحون يحجزون فرق حق العرس..ويخلصون اشوي من لوازم العرس ...مر حميد على محمد..وركب معاه..كانوا طالعين من الصبح ..والحين يت الساعه 1 وشي واهما بعدهم يحوسون..
محمد: حميد..لف اهناك اشوي ..
حميد: وين؟؟
محمد: هذاك الصوب ..(ياشر له على المحل)...اهنااك
حميد: اوكي ...
وقف حميد عند المحل ونزل محمد من السياره ودخل المحل..
اشوي ورن تلفون حميد...رقم غريب
حميد: الووووو
.................: الووو ..هلا
حميد: نعم؟؟
...............: (بدلع)..شخبارك؟؟
حميد: وانتي منو علشان تساليني عن اخباري
...............: انزين انته ليش امعصب
حميد: وانتي شيخصج فيني ..بتقولي منو انتي ولا اشوف شغلي معاج...
..................: مممممم سمعت انك بتتزوج....
حميد: وانتي شو يخصج فيني تزوجت ولا لا ...
................: اسمها افنان صح
حميد: جبببب يالخايسه لا تطرينها على اللسانج الوسخ ...
.............: اذا انا خايسه عيل مرتك شو تطلع ....روح شوفها شتسوي من وراك ...روح اطالع تلفونها..متروس كله ارقام شباب ...
حميد: (وصل حده)..افنان اشرف منج ومن الى خلفووووج يالخااايسه يالي مب متربيه ...لكن مب منج من اهلج الى ما اعرفو يربوونج هادينج على خلق اللله ...ولو انتي حرمه ابيج تقولي منو انتي ومن وين تعرفين مرتي...
.....................: هدي هدي اعصابك ...انا ما اعرفها ولا اتشرف بمعرفتها ..بس قالوا لي عنها ..
حميد: اتخسيين انتي ...بس والله وانا حلفت لا راويج ..وما اكون انا حميد..اذا ما خليتج تندمين على الكلام الى قلتيه..يالخااايسه ..يالي مالج اصل (سكر التلفون بويها)..
حط راسه على السكان وقعد يتنفس بسرعه ..ركب محمد ..وقعد يرمسه لكن حميد ما رد عليه..
محمد: حمييد...
حميد: ............
محمد: (حطا ايده على كتف حميد)..حمييد اشفيييك
حميد: (رفع راسه)..ماا فيني شي ...
حرك السياره ..وكان يسرع فيهاا وااااااايد..
محمد: حميد تبي اتنفدنا انته اليوم..خفف السرعه...
حميد ساكت وما رد عليه..
محمد: حمييييييييد..قاعد اكلمك انا ..شفييييييييك ...شو صار لك ...
حميد: بتغدا عندكم اليوم...
محمد: حياك الله...بس ممكن تخفف السرعه اشوي ..انا مب بايع عمري وراي عرس
خفف السرعه حميد..تم طول الطريج ساكت ...وصلوا بيت عمه ...نزل على طول وراح المجلس اما محمد..دخل البيت وراح غرفته يسبح...
شغل حميد التلفزيون ..بس ما كان يتطالع ..كان فكره كله بالكلام الى قالته البنت ..دخل عليه محمد ..وكانت وراه الخدامه قاعده اتجهز الغدا.. خلصت كل شي وطلعت ...
محمد:حميد
حميد: .............(يلعب بالتلفون ومب منتبه)..
محمد: يااهي حااااله .....(فره بالمخده مال الكنبه)..حمييييييييييد وصمخ
حميد: اشفييييييييييك انته..
محمد: شسالفتك انته اليوم ...في شو اتفكر ...
حميد: (قام من مكانه وقعد على السفره)..ولا شي...
محمد: والله ..انزييييييين اكل لاااااا افرك بهااي الحين ...
سكت عنه حميد وقعد ياكل ...وطول ما اهما ياكلوا كان حميد ساكت وما يتكلم...بعد ما خلصو غدا..راح محمد وبناءا على طلب حميد..راح ينادي اخته افنان الى كانت توها راجعه البيت ..
دخلت افنان المجلس وكانت طايره من الفرحه ..صار لها كم يوم وحميد زعلانه منها وما يرمسها ..علشان طلعت بدون ما اتقوله..
دخلت المجلس وسلمت على حميد ..وقعدت اشوي بعيد عنه...
افنان: شخبارك حميد..؟؟
حميد: (قعد يلعب بتلفونه ولا رد عليها)..
افنان: (كانت اشوي وبتصيح)..حميد خلاص والله مايسوى علي..قلتلك تراني ما بعيدها مره ثانيه ..والله حرام عليك..
حميد: (اطالعها بنظره عصبيه)..وين تلفونج؟؟
افنان: تلفوني !!! ليش؟
حميد: لا اتكثرين كلام وهاتي تلفونج...
افنان : ان شاءالله..(مسكت تلفونها وعطته حقه)...هااك
مسك التلفون وقعد يقلب الارقام الى فيه ..كان كل اشوي يحطي التلفون في اذونه وبعدين يرجع يدور ...ويرجع يحطي التلفون في اذونه..افنان ما عجبها الحال واستغربت من هالحركه..
افنان حميد: شقاعد اتسوي؟؟
حميد: (مارد عليها)..
افنان: حميد هات التلفون ..
حميد: (ما سوالها سالفه ..وكمل الى كان يسويه )..اشوي بعد ما حطا التلفون في اذونه..قام من مكانه فجأه..
حميد:.................(تم ساكت ومنصدم)
المتكلم : هلا فنوووووووونه هلا حياتي ..اعلووومج؟؟
حميد: ..............
المتكلم: افنان شفييج ليش ما اتردين علي ؟؟شسالفه؟
حميد: منووو يتكلم..
المتكلم: انته الى منوووو وليش ما خذ تلفون حبيبتي..
حميد: حبتك بعاااااااااااارين ان شاءالله ...يالخااااااابس يالخاااااااااام ..يالي ماا عندك مذهب ...من ويين يايب رقم مرتي ..وكيف اتعرف رقمها...
المتكلم: ايييييه انته اي مرتك..من متى صار هالشي..
حميد: جببببببببب يالهيييييس ..انته مب ريااااااال ولا لو ريال ..الحين بييييييييك وبراوييييييييك وبشوف شغلي معاااك يالخااايس
المتكلم: انا رياااااااااااااااال غصب عنك....وانته الى مب ريال...مب عارف تمسك مرتك...لو ريال جان ماهدتك ورمستني ..اكييد ما اتسوي لها سالفه..
حميد: (خلاص وصل حده)...اقووول الحيين ابيييك تييني عند(.........)..واذا ريال تعال ..انا بتفاهم معاك ..التلفون خله للحريم...
المتكلم: اوكي بييك بس لا اتييب معاك احد..
حميد: اوكي ولا انته بعد..
المتكلم: اوكي
سكر حميد التلفون ...ورفع عينه على افنان الى كانت ميته من الصياح وكانت واقفه ومنصدمه من الى سمعته...
مشى حميد لعندها ...
افنان: حميد صدقني والله ما اعرف شي ..ولا انا متفاجاه مثلي مثلك والله حمييد انا ما سويت شي ولا اعرفه والله صدقني..
حميد: (مسكها من شعرها)...جب ولا كلمه...حاطت لي اسمه في الموبايل "فاطمه"...علشان محد يشك فييج...
افنان: (ماسكه ايد حميد وتحاول تبعدعنه)..حمييد والله صدقني انا ما اسوي هالشي حميد انا مرتك كيف تبيني اسوي جي كيف تتوقع اني ممكن اكلم واحد غيرك ..انا وقبل ما اعرفك ماا سويتها بسويها الحين واحنا مالجين ...حميد انته شتقوول ..
حميد: (مسك شعرها حيل وصفعها)...الرقم مطلعنه من تلفونج..ودقيت عليه جدامج...تبيني اجذب اعيوني واذوني واصدقج لييييييش وعلى اي اساس ...(مسكها مره ثانيه وصفعها)...مااااااعليه دواج بعديين ...انا ارااويج ...(عقها على الارض وطلع من بيتهم..)...
تمت افنان طايحه واتصيح ...بس بعدين تذكرت انه متواعد مع الريال يلاقيه في (......)..قامت بسرعه وركضت غرفة اخواها...كان يرمس بالتلفون ...
افنان: (ميته من الصياح)..محمد الله يخلييك الحق على حمييد ..روح شووفه..
محمد: (سكر التلفون وقام من مكانه)..شفييييييج ..؟؟شسالفه ؟؟
افنان: اللله يخليييك روح اللحق حميد قبل لا يسوي شي
محمد: شبيسوي ..شووصااااار ارمسي...
حكت له افنان الى صار ..وعلى طول بدل اثيابه وطلع من البيت ...
وصل محمد لعند المكان الى قالته له افنان..وشاف سيارة حميد واقفه...على طول نزل بسرعه ..ودخل دااخل ..شاف حميد ..ورايال يتضاربون..كل واحد فيهم ماسك الثاني ويكفخون بعض...ركض بسرعه وحاول يبعدهم عن بعض...
محمد: (مسك حميد وبعده عن الريال)..حميييييييييد قووول لا اله الله المسائل ما تتحل بهالطريقه....
حميد: (يحاول يبعد عن محمد)..قوووووووووم عني ..هدني اقووولك خلني اكخفه هالجلب ...والله ما اخلييه اليوم ....اذا ما خليتك تبان في المستشفى اليوم ماا اكون حميد ....
محمد: (يكلم الريال)..ايييييييه انته روح من اهني ..والله يسامحك..
حميد: على كيفك انته ...والله ما يرووح لين اعلمه كيف يسوي جي في بنات الناااس
محمد: (يطالع الريال)..انته ما تفهم يالله روووووووح من اهنييييي
شل الريال غترته واغراضه وركب سيارته وراح...اما محمد قوم حميد وركب سيارته...وخلوا سيارة حميد عسب بعدين يرجون لها ..
محمد: حميد..انته حاس انه الى سويته صح؟؟جي الناس يتفاهمون زيين ما ذبحت الريال..
حميد: ياااااا ريت ذبحته كله منك لو ما مسكتني ولا كنت عرفت شغلي معاه..
محمد: حميد مهما صار مب جي تتفاهم معاه
حميد: محمد شتقوول انته هذي اختك قبل لا اتكون زوجتي المفروض انك توقف معاي وتادبه مب اتداافع عنه..
محمد: حميد كما تدين تدان
حميد: (اطالع محمد بنضره )..شتقصد؟؟
محمد: انته عارف قصدي عدل وياما حذرتك من هالشي..
حميد: انا عمري ما وصلت لهالدرجه من الدناءه انا صح اغازل بنات بس عمري ما وصلت لهالدرجه ولا كنت افكر اني افضح اي وحده فيهم ..
محمد: حميد..انته كنت اتكلمهم بالتلفون..وبعضهم كنت اتقابلهم ..صح انك ما اتسوي شي غلط معاهم بس انك تكلمهم وتطلع معاهم هالشي بحد ذاته غلط ...والله يمهل ولا يهمل...شي اكيد انه هذي لعبه من وحده من هالخايسات لاني واثق من اختي وواثق من اخلاقها ومستحيل اتسوي هالشي...لا اتحسبني ما حسيت بالي صار اليوم ..حميد انا كنت عارف انه في شي وراك لانك اول مره تقول بتي تتغدا معاي في البيت ..
حميد: ما اعرف شو صار فيني ..الكلاام الى قالته لي البنت خلاني اتخبل ...انا ما كنت مصدقها بس لما شفت الرقم بتلفون افنان طلعوا الشياطين من راسي ما قمت اشوف جدامي ..
محمد: على العموم الى صار صار ..والحين ابيك تنسى السالفه ...بوديك بيتكم ..تسبح وارقد ...
حميد: ان شاءالله..
وصل حميد البيت ..وعلى طول راح غرفته..صلى له ركعتين وقرا قرآن ورقد اشوي لين صلاة العصر
(في بيت خلود)
خلود كانت قاعده في غرفتها ..تتريا ريلها علشان يتغدوان مع بعض ..بس يات الساعه 3 اوهو للحين ما رجع البيت ..اتصلت فيه تتطمن عليه..
خلود: الوووووو ..هلاعادل انته وينك ليش تاخرت؟؟
عادل: هدي هدي اشفييج ..فديتج انا الحين واصل البيت ..ثواني وبتشوفين عندج
خلود: والله...خلاص اوكي باي
عادل : باي..
سكرت التلفون وراحت المطبخ تجهز الغدا ...مع الخدامه...اشوي ودخل عليها ريلها المطبخ...
عادل: اللللللله شو هالريحه الحلوه..
خلود: احم احم ...عمايل ايديا وحيات عينايه..
عادل: ههههههههههههههه..تسلم ايدج فدييتج...
خلود: يالله روح بدل ..وعلى ما اتخلص بيكون كل شي جاهز..
عادل: ان شاءالله انتي تامرين امر...
طلع من المطبخ ...وصعد فوق يبدل اثيابه ...وخلود قعدت تجهز السفره ولما خلصت قعدت تتريا ريلها ينزل ...بس مرت ربع ساعه واهو ما نزل استغربت ..قامت وصعدت فوق ...راحت تشوفه....
دخلت الغرفه ...وسمعت يصارخ..كان واقف في البلكونه ويتكلم بالتلفون...
تمت وافقه في مكانها ...وحاطه ايدها على حلجها ...
اشوي وسكر التلفون ..جان تركض بسرعه وتطلع برا الغرفه...
نزلت تحت..وقعدت على السفره...
بعد خمس دقايق ..نزل ريلها ويا قعد عدالها..
عادل: يم يااميييييي ...اللله ريحته تهبل ...(قعد ياكل)...اللللللللله روووعه...
اطالع خلود وشافها سرحانه وما قاعده تاكل...
عادل: خلوود
خلود:........
عادل: خلووووووود..
خلود: هاااا بغيت شي..
عادل: ليش ما تاكلين؟؟ شفيج؟؟
خلود: ماافيني شي
عادل: عيل ليش ما تاكلين....
خلود: الحين باكل...
عادل: انتي تعبانه؟؟حاسه بوجع؟؟
خلود: لا ماافيني شي لا اتحاتي ..الحين باكل...
عادل: لا لا تاكلين ..انا باكلج بايدي....(حطا لقمه في ايده)...يالله افتحي حلجج...
خلود: (احمر ويهاا)....ماابا بروحي باكل ...
عادل: وتكسرين بخاطري..
خلود: (تمت تطالعه)..لا ما بكسر بخاطرك..(كلت الى بإيده)..
عادل: فديييتج ..الله لا يحرمني منج.....
خلود: ولا منك...مممممم عادل ...
عادل: اعيوونه..
خلود: ممكن اطلب طلب ؟؟
عادل: آآمري حياتي تدللي ..اعيووني لج...
خلود: ابي ازور اهلي اليوم ممكن توديني...
عادل: افااااا علييج وهذي يبالها طلب..اكييد بوديج ..وبنزل معاج بعد جان تبيني ...انا كم خلوده عندي...
خلود: (استحت وتمت ساكته)...
عادل: فديت الى يستحون...الاا اقولج..شخبار ولدي....
خلود: بخييير يسلم عليك...
عادل: هههههههههه الله يسلمه..ومتى ناوي يطلع ..تراني مب قادر اتريا ..
خلود: بييي توالناااااس بعدني بالشهور الاولى ...
عادل: يالله شدي حييلج ...تراا اانا متوله على شووفته..
خلود: هههههههههههههه ..ان شاءالله..
قعدوا ياكلون وبعدين راحوا فوق غرفتهم يرقدون لين صلاة العصر...

((في بيت ام راشد))
هند كانت قاعده في الصاله اهي وريلها وخواتها ...كانوا يطالعون التلفزيون ...
عبدالله كان حاط فجر على ريله ويلاعبها ...
فجر: باباااه ..ودني الدكااان...
عبدالله: ههههههههه فدييت الى قال باباه ...حياتي الحين ظهر الدكان مسكر ...العصر بوديج..
فجر: لا مااباااااااا الحين برووح انا ...
عبدالله: فجووره حر الحين منو يطلع ..العصر بودييج بنروح الدكان وبنشتري كل الى في خاطرج زين؟؟
فجر: (بدت ادموعها تنزل)..لا ماابي ..ماابي .برووح دكان الحيين ..
هند: (تضايقت من تصرفات فجر)...فجررررررر بس عاااااااد ...قالج العصر بيوديج...اسكتي ياللله...
خافت فجر وقعدت اتصيح...تمت حاضنه عبدالله..
فجر: مااابي مااابي مااااااا احبج اناا اهيء اهيء اهيء..
عبدالله: (يطالع هند)..هند هذي ياهل شعرفها ...ليش جي اتصارخين عليها مب زين ...
هند: عبدالله انته مب شايف كيف صارت..كله منك بزيتها ..كل ما تبي شي عطيته حقها ...وكل ما قالت بروح مكان وديتها ...طالع كيف صارت الحين ما تسمع الكلام...
عبدالله: خليها اتعيش حياتها ..كم مره الواحد بيصير ياهل ..خلها اتعيش سنها ..حرام تحرمينها ..من ابسط حقوقها ...
نور: (قامت من مكانها)...هند..عبدالله عنده حق ..فجر انحرمت من حنان الابو والام...خليه يعوضها ولو بجزء بسيط....
هند: انتيييييييي اسكتي ..مالج شغل ....(قامت وشالت فجر عن عبدالله ونور طلعت برا الصاله وراحت فوق)..انتيي بتسكتيين ولا اضربج...
فجر: (تحاول تبعد عن هند)..ماابييييييييييييييييي هدييني ...مااااااااا احبج انااااااا ..
عبدالله كان ساكت وما قال شي
هند: (صفعت فجر)..بس اسكتييييييييي ...داااااانه...شيليها من جدامي وطلعيها برااااا..
دانه: (قامت من مكانها وحاولت اتشيل فجر)...مااااااا اقدر عليهاااا...مااتبي
هند: (رفعت ايدها بتضرب فجر)..بتقوومين ولا اضرب
رضت فجر بالامر الواقع وحضنت دانه واهي تصيح ...خذتها دانه ..وودتها فوق...هند رجعت قعدت مكانها ..وتمت ساكته...
عبدالله: وبعدين؟؟
هند: (تمت تطالع التلفزيون ولا ردت عليه)..
عبدالله: قاعد ارمسج اانا ..هدي الى في ايدج واطالعيني...
هند: (بندت التلفزيون..واطالعت عبدالله)..
عبدالله : ممكن اعرف ليش سويتي جي؟؟
هند: عبدالله فجر قامت ما تسمع الكلام واتعاند واايد...وانته بطريقتك هاي قاعد تبزيها ازياده واهي تعاند اكثر وما تسمع كلام احد...
عبدالله: هند فجر يااهل ...توها مكمله 6 سنوات ..ما اتعرف شتسوي ..وبعدين احنا هالسنه بندخلها المدرسه وان شاءالله بتعقل وبتخلي العناد عنها ..بس عاااد انتي لا اتعاملينا جي جنها وحده عمرها 20 سنه...كل شي بالهداوه يصير ...
هند: ان شاءالله ...
عبدالله: وخواتج بعد ..اعتقد انج تقدرين تعاملينهم احسن عن جي ..صح؟
هند: صح...انا والله ما اعرف شو فيني احس اني مب طايقه احد..والله مب قصدي اعاملهم جي ..غصب عني..
عبدالله: ادري حبيبتي ...هذا كله من الحمال..خلاص هدي نفسج انتي الحين ...حصل خير..
هند: عبدالله
عبدالله: اعيوونه..
هند: ابي ازور سعود...
عبدالله: اشتقتي له؟؟
هند: هيه اشتقت له واايد..خاااطري اشوفه...احس اني نسيت شكله ...وحشني واايد..
عبدالله: خلاص لا تحاتين ان شاءالله اسبوع او اقل وبنروح له كلنا اوكي..
اشوي ورن تلفون البيت ..قام عبدالله ورد عليه ...
عبدالله : الوووو
سيف: الووييييييييييييييين ..
عبدالله : هلااااااااا والله هلاااااااااا بخوي هلااااا بناااااااعم الصووت
سيف: هههههههههههههههههههههههههه هالكثر مشتاق لي ما اصدق...
عبدالله : جب يالله ...ما ادري على شو اشتاق لك ..صدقت انته.....
سيف: لا تستحي ادري احرجتك ...خلييييييك كول ..عاادي حصل خيير...
عبدالله: اوووه اوووه تطورناااا ....ههههههههههههه اثاريهم كل الى يروحون هالبلاد يصيرون بلابل ..حشا ما مداك امس الا رايح اهنااك ..لحقت تبلبل مثلهم ...
سيف: والخييييييييبه ...كلها كلمه وحده اعرفها ..سويتني بلبل ....المهم اييييييييه بتخسرني انته ...يالله عطني اماايه بسرعه...
عبدالله : حشاااا.. بس زين الحين بزقرهااا..
ركض بسرعه وزقر امه ..ورجع من اهناك واهو يسحبها من ايدها ..واهي مب مصدقه اشوي وبتصيح...
مسكت السماعه ..
ام راشد: الوووووووووو سيف ويين تكلم ..
سيف: هلا هلا امااايه وياااااااااج ...فدييييييتج والله وحشتيني ...
ام راشد: فدييتك انته الى وحشتني..والله البيت ما يسوى من دونك يالله بسك ارجع البيت ..والله اني ما اقدر اصبر عنك....فديتك
سيف: اماايه لا اتحاتيني كلها كم يوم وبرجع..دخيييلج ديري بالج على نفسج ولا اتحااتين..
ام راشد: (بدت ادموعها تنزل وصوتها يتغير)...ياا ريحت اهلي وبعد طوايفي ..فدييتك ارجع..والله ما اقدر على افرااقك ...فدييتك وليدي ارجع والله ما اصبر عنك...
سيف: (سيف بدت ادموعه تنزل ما استحمل)...اماايه علشان خاطري لا اتصيحين والله لا اتخليني احاتيج ....فدييتج كلها كم يوم وارجع ...لا اتسوين بنفسج جي..(ما قدر يستحمل) ..خلاص امايه انا بسكر الحين بيقطع عني ..
ام راشد: سيييف ...دخييييلك اتصل كل يوم طمني عنك...لا تقطعني ....
سيف: ان شاءالله امايه والله كل يوم بتصل بس انتي لا اتحاتين ..يالله عيل في وداعة الله..
ام راشد: حافظنك الله ...مع السلامه...
سكر سيف عن امه ...وام راشد على طول شلت عمرها ودخلت حجرتها ...
هند راحت عند خواتها تراضيهم لانها حست انها قست عليهم وايد..اماعبدالله دخل غرفته وراح يريح اشوي..
" وفي لندن "
بعد ما تطمن كل واحد منهم على اهله وكلموهم .. خذاهم حمدان ومشاهم في كل مكان ما خلو محل و لا مول في لندن الا وراحوا له و سيف كل ما يشوف عطر او اي شي يعيبه ايقول انا ابي اشتري هذا حق امي و يشتريه... اما سعيد كان يروح صوب المحلات الي اتبيع بناطلين و قمصان ويشتري منها... وعلي كان نفس سعيد يشتري بناطلين و جنط وجواتي سبورت... حمدان كان مستانس وهو يمشيهم و يوريهم اهم المناطق الحلوه في لندن
شوي سعيد قال حقهم انه يوعان يبي يتغدا وانه مايقدر يمشي من كثر اليوع..
سعيد: (وقف مكانه) اييييييييييه انتوا بس خلااص ريلي عورتني ماا اقدر امشي اكثر عن جي...
حمدان: هههههههههههه ..شو ما تقدر تمشي ..تونا في بداية الطريق ..بعدنا ورانا جم متنزه وجم ملاهي ..
علي: حراااام عليك ..تبي تذبحنا انته ...انا تعبت بعد خلاص هلكت ما اقدر امشي..
سيف: ايييييييه انتواا انا بعدني ما خلصت في اشياء وايد ابي اشتريها يالله قوموا..
سعيد: وانته شعايلنك احنا تونا واصلين ما كملنا يوم بعدنا الدرب طويل لاحقين المشترى ...يالله امشوا شوفوا لنا مكان ناكل فيه انا يوعاااان..
حمدان: هييه انته قول من قبل جي..قول انك يوعااان ...
سعيد: هييه يووعااااان ..يالله عااد بتودونا ناكل ولا شسالفه؟؟
سيف: انزييين يا ابوك بنوديك حشرتنااا ..
حمدان: يالله زين امشوا جدامي اشوف..
"وفي المطعم"
سيف وعلي و سعيد شافوا طاولة فاضيه ..ايقعدون عليها ... اما حمدان راح يطلب حقهم الغدا ...يابو حقهم الغدا و تغدو الجماعه وترسوا بطونهم و شبعوا ... اشوي حمدان شاف احد من ربعه ..وكانت بنيه اسمها جين
جين هذه ربيعة حمدان من ايام الكي جي ..و كانت وياه في المدرسه
واهي اتحب حمدان وصارحتها بحبها له ( اتعرفون الاجانب كل شي عندهم عادي ) بس اهو رفض هالشي لانه مسلم .. يت البنت عسب اتسلم عليه راح حمدان حقها تم كل واحد يطالع الثاني ...
فحبت جين تكسر حاجز الصمت ...
جين: (مدت ايدها له)hi hamdan how are you
حمدان : (مد ايده لها) oh jen Im fine Think you and you??
جين :fine>> I havn”t see you for a long time
حمدان (اوهو يطالع تحت ) :? me too>> what do you do
جين : I work in a company and you ?
حمدان : im a policeman
جين (وهي تضحك ) : nice jop ha haha >>>ok I have to go know and im very happy to see you again
حمدان: me to jen
حين: bye
حمدان: باي..
كل هذا صار والشباب يطالعون حمدان ..ولما خلص وارفيجته راحت... اطالع ربعه شافهم يطالعونه بنضرات جنهم يتمصخرون منه..رجع وقعد معاهم
سيف: (يطالع حمدان وفيه ضحكه)..هاااا حمداااااااااان ..من وراانااا..
حمدان: جب يالخاااااايس ..هذي الا ارفيجتي من ايام الدراسه ..من زمان ما شفتها ..
علي: من ايام الدراسه هاااا علينا هالكلااام ههههههههههههههه
سعيد: حراام عليكم اطالعوا كيف ويهه صار احمر ..حرام خلو الريال في حاله يمكن ما يبي يفضح حبه ههههههههههههههه..
سيف: (يغمز ل حمدان)..اقووول حمدان..الا كم عمرها...
حمدان: مااعلييه انته وياه انا اراويكم...
شردو سيف وعلي وسعيد وحمدان يركض وراهم ...وتموا على هالحاله كلهم يحطون على حمدان ويتمصخرون عليه..لين ما تعبوا ورجعوا الشقه ..يكملون السهره..

الجزء الواحد والعشرين
(( ((وفي لندن
حمدان وسيف وباقي الشله.. لما اشبعوا من السهره..دخلوا يرقدون... حمدان وسيف ينامون في غرفه وحده( الي اهي غرفة حمدان ) اما سعيد و علي في غرفه ثانيه ( عرفة الضيوف )....
في غرفة حمدان ... حمدان كان يغير ملابسه عسب ينام....
اما سيف كان في باله سؤال يبي يسأله حق حمدان من يوم ما كانوا في المطعم..
بس كان مستحي يساله... سيف كان يكلم نفسه ويقول ( صحيح احنا ربع او اكثر من ربع بس هذا مايعطيني الحق اني تدخل)...
لكنه بعد تفكير.. قرر انه يساله...
سيف ( وهو قاعد ايعدل فراشه ) : حمدان
حمدان (وهو يطالع سيف ) : نعم
سيف : ممكن اسالك سؤال وتجاوبتي ابصراحه؟؟
حمدان ( مستغرب ):اوكي
سيف : شوعلاقتك بهذيك البنت؟؟ ..
حمدان (يحاول يتهرب من السؤال ) : اي بنت؟
سيف : انت عارف اي بنت
حمدان :.....................
سيف :حمدان انا ما بغصبك انك اتخبرني ... بس انا لاحظت انك كنت مرتبك وانته اتكلمها.. وكنتوا ساكيتن واتطالعون بعض طول الوقت ..
حسيت انه في شي بينكم اكبر من انكم زملاء دراسه؟؟
حمدان (منزل راسه ) :هذه سالفه جديمه وانا ماحب اتكلم فيها
سيف (واهو امعصب ) : اوكي على راحتك(غطا ويه باللحاف)..
حمدان: توك تقول ما بتغصبني اني اقول ..ليش الزعل الحين ؟؟
سيف: (قعد على الفراش)..كنت احسبك تعتبرني اعز ربعك واني الوحيد الى تقدر تشكي له اهومك...مثل ما انا اعتبرك..
على العموم انا كنت غلطان اصلا مافي واحد في هالدنيا يصادق اصغرمنه.. ويحكي له همومه..
اساسا الكبار ما يرافجون الى اصغر منهم الا عسب يلعبون عليهم ..(اطالع حمدان بنظره خلت حمدان ينصدم منه)...
حمدان: سيف شتقصد بكلامك هذا؟؟ يعني انا اللعب عليك ؟؟
سيف كان امعصب حده من حمدان ...
بدون ما يرد عليه شال فراشه وكان بيطلع برا الغرفه
لكن حمدان مسكه من ايده وما خلاه يطلع ..
حاول سيف يبعد ايده عن حمدان عنه بس ايد حمدان كانت اقوى منه...
سحب سيف وقعده على السرير....
حمدان ( وهو حاط ايده على كتف سيف ) : سيف ..كيف تظن فيني هالظن ؟؟انا عمري ضريتك بشي ؟؟ سويت لك شي؟؟
سيف:................
حمدان : (معصب)..اعتقد اني قاعد اكلمك...رد علي...شو الى خلاك تقول كل هالكلام..شو شفت فيني ؟؟
سيف: حمدان ..يمكن انا مب متاكد من الى في بالي ..
بس انا هالشي دوم افكر فيه ..واحاول الاقي اجابته بس مب قادر ..
وطريقة تعاملك معالي احيانا تخليني اصدق الي في بالي ..
مع اني احاول على قد ما اقدر اني اشيله من بالي..
حمدان: (مستغرب) ..وشو هالشي الي سويته وخلاك تفكر بهالطريقه..
سيف: (قام من عداله)...تذكر..اول مكالمه بيني وبينك ؟؟
كنت متصل فيني وانا ما اعرفك حتى ..
تذكر شو قلت كيف كنت اتكلمني ..
حمدان: ......(تم ساكت وقعد يسترجع الاحداث)..
سيف: الوووووووووووو..
حمدان: الوووووووو السلام عليكم..
سيف: وعليكم السلام والرحمه...
حمدان: شخبارك؟؟
سيف: تماام والله يسرك الحاال ... ومن صوبك
حمدان: انشاء الله دووم...انا الحمدلله ابخير دامك ابخير
سيف: تسلم والله ...اقوول منو الريال؟؟..
حمدان: ممممممم انا واحد معاك في المدرسه ...
بس ماا ادري ماا اعتقد انك اتعرفني
سيف: والله ...اوكي مب لازم اعرف انت منو ....
بس ممكن تقولي في شو اقدر اساعدك؟؟..
حمدان: مممممممم ...ما ادري شو اقوولك ....انا الصراحه دوم احب اوقف عدال صفكم احب اطالعك وانت اتسولف ....ما ادري ليش..؟؟.
سيف: لاااا والله عيل منو يدري؟؟؟... اقووووووووول والله اني مب متفيج لك ...راسي يعورني ومب ناقص استهبال من عند احد ...
ف اقلب وييهك ولا عاااد تتصل مره ثانيه....
حمدان: حراااااام علييك ليش اتعاملني جي والله اني مب ناوي اضرك ولااا شي ..بس حبيت اتعرف علييك..
سيف: ههههههههههههههههه ضحكتني والله.... شوو بعد تتعرف علي ليكون انا شخصيه مشهوره وانا ماا ادري
حمدان: سيف......
سيف: اووووه اتعرف اسمي بعد.... نعم شي في خاطرك...
حمدان: انا أحــــــــــــــبك..
سيف: (سيف تم ساكت ومنصدم من الى سمعه)...تحبني.؟؟..
انته صاحي للكلام الى تقوله ؟؟. شوويعني تحبني ...تعاال بالمره تزوجني....صدق انك ما عندك سالفه..
حمدان: والله اني احبك واموووووووت علييك....
حراام الى اتسويه فيني(وقعد يبجي)....والله حرااام ...(وسكر التلفون)...
سيف: هااااا ...تذكرت؟؟ ..
والحين ممكن تقولي شو كان قصدك من كلمة احبك؟؟
لو كنت اتعرفني كنت مررتها لك ..لكن انا ما اكنت اعرفك ولا انت كنت اتعرفني ..ممكن تقولي ليش كنت تكلمني بهالطريقه؟؟
حمدان: (تم ساكت وامنزل راسه)...
سيف: ليش ساكت ؟؟ولا مستحي تقول؟؟؟
حمدان