ــــ @...: أعـــــز النــــاس :...@ ـــــــــ

**نور المجد** · 02-07-2005, 01:39

عنواان القصه
][®][^][®][" اعـــــــز الـــــــــناس"][®][^][®][
اولا شى راح اعرفكم بالشخصيات الرئيسيه الى في القصه ...وبعدين راح ابتدى الاحداث ......

"عائلة ابو راشد"

ام راشد: حرمه مب اكبيره في السن واايد ..طلعاتها مقتصره على زيارة الاهل بس ...ما اتحب طلعات السوق والزحمه ...وحده دوم في حالها ...عايشه علشان اتربي عيالها احسن تربيه بعد ما مات ابوهم ...
راشد: 25 سنة متزوج من بنت عمه ميرة و عندهم بنت وحده عمرها 4سنوات وواحد في الطريج هي في الشهر التاسع يعني موصل.
حميد: 23سنه مغازلجي درجه اولى كله مبسط هو وربعه في المولات لكنه حشيم والحمدلله يشتغل في الاتصالات
عبدالله:22سنه في الجامعه وتخصصه تقنية معلومات وهو اربع وعشرين ساعة على الكمبيوتر
خلود:19 سنه سنه اولى جامعة وهي وحيده ماعندها خوات
سيف:16 سنه دلووع امه وايد يحب امه ودايما متفيزر عندها و طلعاته نادره وايد بسبب قعدته ويا امه

"عائلة ابو محمد"
ابو محمد : اخو ابو راشد الاصغر طبعه هادي وايد ويحب بناته وايد ويعتبر الوصي على عيال اخوه ومايقطعهم ابد
ام محمد: طيبه وايد اهي دايما عند ام راشد
محمد: 23سنه ربيع حميد الروح بالروح مايتفارقون وحتى انهم يشتغلون في المكان نفسه وهو الوحيد ولد والباقي بنات
افنان: 19 سنه واهي مع خلود بنت عمها في الجامعة واهي حبوبة وايد
عاليه وغاليه : توأم 15سنه دوم يتناقرون على اي شي

" الجزء الاول"
في بيت بو راشد قامت ام راشد الفجر كالعادة اتصلي وتوعي اعيالها للصلاة فمرت اول شي على حجرة حميد اتوعيه واهو مايقوم بسرعة ودايما يلعويزها
ام راشد: حميييد .. حميييدوه وصمخ قوووووم صل الفجرقوووم.. يا ربي من هالولد حمييييد قوم ذبحتني
حميد: اممم... هاااا اماااا يه شوتيبن خليني ارقد تعبااان
ام راشد: قوم اتوضا بسرعه اخوانك يتريونك برا
حميد: ان شالله امايه الحين بقوم
وطلعت ام راشد من عند حميد واراحت عند خلود شافتها اتصلي ..و كانت بتمر على حجرة سيف لكن شافته واقف مع عبدالله و راشد ينتظرون حمييييد علشان يروحون رباعه للمسيد ...حمييد طلع من الغرفه واهو يتثاوب ...مشى اشوى لين وصل عند باب غرفة سيف ...وتسند عليه ورقد واهو واقف ...راشد من شافه على هالحاله قعد يضحك عليه وراح لعنده يسحبه اما سيف و عبدالله ف قعدو على الأرض ميتين من الضحك على شكل حميد واهو راقد ...مشوا للمسيد واهما ساحبين حميد من كندورته مثل التيس ...راحوا المسيد ولما خلصوا صلاة على طول حميد رجع لغرفته يكمل ارقاده وراشد وسيف بعد .....

"الساعة : السابعة و النصف صباحا"

كانوا كلهم متيمعين عالريوق إلا سيف إلي كان توه نازل من الدري و شايل الكتب بيده و لما شاف امه راح على طول وطاح في حضنها وبعدين باس راسها ...وتم قاعد يمها واهي اتاكله بإيدها ...
حميد: حليييييييله الحلوو ...اقوول بابا كخ ..كخ مب زييين ..ههههههههههههههه.....عنلااتك من ولد ..ريال كبرك كبر جنك ناقه ..اتخلي امك اتاكلك ..يااهل انت ....
ضحكوا الكل على كلام حميد لانه يابها بطريقه اتضحك ...اما سيف ف اطالع حميد بنضره قويه وكان بيرد على كلامه بس رد نضره لامه ...الى قعدت اتمسح له براسه جنه اتقوله ما عليه من كلامهم ...ابتسم حقها سيف ...وسكت ...
ام راشد : راشد ...عمك امس اتصل وكان يبيك اترووح له ...يقول يبيك في سالفه مهم في الشغل ..روحله يمه بعد ما اتخلص ريوق مب حلوه تتأخر عليه واذا ما قدرت على الاقل تتصل فيه زيين يمه..
راشد: انشاءالله امايه ..ولا يصير خاطرج الا طيب ..انا بس عندي جم اشغيله بخلصهم وعلى طول بروح له ...يالله انا راح الحين تامروني على شى ..
ام راشد : لااا مشكور يا ولدي ابي سلامتك ..
راشد: الله يسلمج يمه ...وانتي ميره تبغين شى اييبه لليهال وانا يااي الظهر؟؟..
ميره: لاا تسلم اذا احتجت شى بتصل فيك انشاءالله ...
راشد: انشاءالله ..يالله عيل مع السلامه..
الكل : مع السلامه ....
ام راشد: يالله سيف قوم خل الدريول يوصلك المدرسه لا تتاخر ..يالله فديتك قوم..
سيف : انشاءالله يمه ...مع السلامه(يبوسها على راسها)...

"في المدرسه"

دخل سيف الصف ...حطى كتبه على الطاوله وقعد .يطلع الكتب والاغراض الى بيحتاجها في الحصه الاولى ....يا ربيعه ووقف عداله عند الطاوله...
على: هاااااااااااي
سيف: وعليكم السلام والرحمه ...
على : ههههههههههههه صدتني ..ما ادري ليش مب قادره انسى هالكلمه ..ابي اتعود اسلم بس لاا ايرادي اقول هالكلمه....شخبااارك سوااف..؟؟...
سيف : تمام والله يسرك الحال..شخبارك انت ربك الا ابخير؟؟..
على : والله نشقح وننطح ههههههههههههههههه..
سيف : ههههههههههههههه عاد صدق انك بتنطح ويااا شعرك هذاا ..هههههههههههه
على : يالله عااااد شوفيه شعري ...والله هذي الموضه لكن انت اشدرااك ..
سيف : ههههههههههه جيي بنت انته علشان تتبع المووضه
على : اقووول سواف اسكت زييين لاا ادوس في بطنك الحين....(يضربه بخفيف على راسه)..
سيف : ههههههههههه...زين يالله قولي شتبي تراك سندرتني ..يالله تكلم ابسرعه...
على : اشدرااك اني ابي شى ؟؟....بسم الله سااحر..
سيف : ههههههههههههههه يالله عااد قول ...ادريبك ترى ما توقف هالوقفه الا اذا تبي شى...
على : مممممممم ...يوم الخميس الربع امسوين جلسة عود ...وابيك اتروح معاي ...
سيف : جلسة عود ...! لاااااا مشكوور انا ماا احب هالسوالف ...ما تعجبني ..وبعدين انا عندي شغل يوم الخميس مب فاضي حق هالخرابيط ..وانت بدال ما اتذاكر لك كلمتين حق الإمتحان ..تبي اتروح تطرب عند هذولي المصبنه ...يعني ناقص انت ...ابروحك تنجح على الحافه.....
على : اقووول .. ترى مب منك ....مني انا الى فكرت اني اخذك معاي ..ولا انت مب ويه جلسات ...(يمسك الكتااب ويمسح في ويه سيف) ...اكل ..اكل هالكتاااب .....مالت عليك.. .انت وهالكتب والمدرسه فوقكم ..( مشى عنه وراح يوقف برى الصف ...سيف من كثر الضحك ماا قدر يقوم من مكاانه ...كان شكل على واهو معصب على سيف يضحك ...وكان يبي يقوم يروح له يراضيه ...لكن المدرس دخل فقال بيخليها في وقت ثاني...طول الحصه وسيف يطرش رسايل حق على ويحاول انه يرمسه ...لكن على ما يعطيه ويه ....فماا لقى غير انه يقعد يمه ..طرش رساله حق الى قاعد يم على وقاله انه يبي يبدل مكانه ....وافق الولد ...وعلى طول وبدون ما ينتبه المدرس بدلوا الاماكن ....قعد سيف يرمس على بهمس علشان المدرس ما يحس عليهم
سيف : على ....علووووه يالله عاااد ...
على : نعم شتبي ..يا ويه العنز ...
سيف : هههههههههههههه الحين انا ويه العنز ...؟ ما عليه مقبوله منك ...
على : سواااف اسكت عني وخلني انتبه حق الشرح ..
سيف : سبحااان الله ..انا في حلم ولا في علم ..علووووه ..الى عمره ما فتح الكتااب ...وعمره ما اهتم حق الدراسه يبيي ينتبه حق الشرح ....لااا وفي اي حصه ..؟.. حصة الأنجليزي ..الى الكراسي تفهم واهوو عمره ماا بيفهمها..ههههههههههههه سبحان الله ...
على : سوااف عن الغلط وخلناااا ربع وحبايب ولا اتخليني اسوي شى اندم عليه ....والحين قووم من يمي وروح ارجع مكاانك ....لااااا اشيلك من كندورتك وافرك من الدريشه الحين ...يالله قوم ( وصد عنه الصوب الثاني) ..
سيف : هههههههههههههههههههههههههههه ...حراام عليك والله اني اتغشمر معااك .. والله ما اتهون على اخليك زعلااان مني ولا دقيقه ....فديت الزعلاااانين انا ...تبي ابوسك على راسك ....علشان ترضى ..
على : لا اتبوسني على الراس ولا شى ....قلت لك بتقوم من عدالى يعني بتقوم ..واليوم اا ابيك اترمسني حتى السلام عليكم يااا كلب مااا ابيك اتقولي فهمت .....والحين يالله قوم عني ..
سيف : ههههههههههههه افاااااااااااا ..كل هذا زعل حشى ..يسوى على الكلام الى قلته ..وشوو رايك مب قاايم من اهني ...
على : سوااف قووم احسن لك ..
سيف : ( بدلع بناات ) مااااااا ابي ...
على : ماا تبي هااااااااا .. انا اوريك زيين ...
سيف : ههههههههههه خوفتني ...شوبتسوى يعني ؟..
على : استااااااااااااذ .........استااااذ ....
الإستااذ : نعم على عااوز حاقه ؟؟..
على: استاااذ ..سيف غير مكانه ويا قعد عدالي .ويكلمني مب قادر انتبه حق الشرح ..قوله يرجع مكانه ..
سيف : كذااااااب استاذ انا ساكت حليلي ماا قلت شى ....اهوو الى قاعد يكلمني ...
الإستاذ: وغيرت مكاانك ليه .. مين الى سمح لك ..؟؟ عاملي دورة تنقلات وانا بشرح ...يالله ارجع مكانك وخليني اكمل الشرح ..ياا ولد ...
سيف : استااذ خلااااااص...انا بسكت بس خلني قااعد اهنيي ...(حط ايده على حلجه)....
الإستاذ: لكن ان سمعت حرف واحد منك حتطلع برا الفصل سااااامع؟؟؟
سيف: ان شالله استاذ... (علي عطى سيف نظره يبين انه بعده معصب) ..وكملوا اثنينهم الشرح....

هذا الجزء الاول ....عطوني راايكم فيه ...بس انشاءالله تعجبكم ..بس لاا تنسوا التعليقات على القصه ..اترياااااااكم ..

**مهـرة قطـر** · 02-07-2005, 02:34

..

روعة القصة .. بدايتها تجنن ..
وأنا بطبعي احب القصص الإماراتية ..

بانتظار البقية .. وبانتظار
اللي راح يصير بين سيف وعلي ..

..

كسر الخواطر .. الله يعطيك العافية ..

أطيب تمنياتي .. وأصدق شكري ..
مهرة قطــر ..

..

**سـ العين ـواد** · 02-07-2005, 02:47

ماشالله ماشالله عليج الصرااحة

قصة بدايتها رائعه

يعطيج الف عافية اختي

ونتريا لاتكملة بفارغ الصبر

ســ ـ ــواد

**نور المجد** · 02-07-2005, 07:32

مهرة قطر
تسلمين والله على هالطله الحلو ...
وعيونج الاحلى ..وان شاءالله باقي التكلمه تعجبج اكثر وتستانسين معانا بالقصه :d

سواد العين
تسلم اخوي على مرورك وحضورك ..
وان شاءالله تكون القصه عند حسن ظنكم

**نور المجد** · 02-07-2005, 07:35

الجزء الثاني"

"في بيت ابو راشد"

حميد كان توه راد من الدوام ...هلكان وتعبان ..واول شى يفكر فيه اهو السرير ...كان بيصعد الدرى بيروح غرفته ...بس سمع صوت امه وجنها اتصرخ ....راح يدور على صوتها من وين ياي .. مشى لين وصل الصاله وشافها قاعده اهناك وماسكه التلفون وامعصبه ...قعد يمها يسمع شو اتقول ويترياها لين اتخلص علشان يعرف شو السالفه..
حميد: امايه ..شوو فيج؟؟ ...ليش جي امعصبه؟؟ .. ومنو كنتي اتكلمين .؟؟؟
ام راشد: .......................
حميد : اماااايه تكلمي قوولي حقي صاير شى خرعتيني ؟؟...
ام راشد : ماااا صاير شى ...لا تخترع ولا شى .....(وقامت عنه وطلعت من الصاله )
حميد تم مستغرب ..حاس انه في شى صاير ..بس امه ماا تبي اتقوله ....قام وراح عند التلفون وقعد يشوف الكاشف ...شو اخر رقم .....لقى انه اخوه راشد اهوو كان متصل اخر شى ..اتصل على الرقم ...لكنه راشد ماايشيله ....قرر انه ينتظر لين اخوه يرجع البيت ويسله عن السالفه بالضبط....قام حميد وراح غرفته يريح لين يجي وقت الغدا ....
رجع سيف من المدرسه ...لكن ما شاف احد في البيت ..البيت كان هادئ ...تعوده انه اول ما يرجع من المدرسه يشوف امه في المطبخ ...يسلم عليها وبعدين يروح غرفته .....فقال اكييد اهي اهنااك وراح عندها ...دخل المطبخ وحصل الخدامه اتسوى سلطه ...
سيف : اماايه .... امااااااااااااااايه ..ويينج ؟؟..
الخدامه : نعم بابا ؟؟..
سيف : ( طالع سيف الخدامه بإستغراب وبنضرات شريره ومصخره )....انتي اماااااايه ؟؟....
الخدامه : لا بابا ....
سيف : واتقول لا بعد ....ههههههههههه ولما انتي مب امايه يايه وهازه طولج حقي ليش ..انا ناديتج ...؟..
الخدامه: لا باابا ...انا قول يمكن انته يبي شى من مطبخ .....
سيف : لو ابي اشى ادله ..ماا ابي منج انتي تييبي حقي ...اماااايه وييين؟؟
الخدامه : انا ما يعرف ...مااما سوى غدا ...بعدين ماا يجي مطبخ مره ثانيه ..
سيف : زييييين ..اقوول قومي من جدامي عيل ..لاااااا اسويج كره واشووتج ..ياللله رووحي من ويهي ...
سيف طلع عن الخدامه واهوو يضحك على شكلها ..الى كانت خايفه من سيف ...سيف دووم لما ما يحصل شغله يسويها يحط حرته بالخدامه ...يسوي حقها مقالب ...مسكيينه واللله ....المهم سيف انشغل باله على امه ....مب بالعاده ما يلقاها بالمطبخ ..مشى لين عند غرفتهااا ودق الباب ....وقالت له انه الباب مفتوح ودخل ...دخل وبااس راسهااا ....اهي كانت قاعده وفارده ريلها ...قام وحطا راسه على ريلها واهي قعدت اتمسح له بشعره ...
سيف : امااااايه شووو فيج ...احد مزعلج؟؟؟؟؟
ام راشد : لاااااا فديتك محد مزعلني ..لا فيني شى ....ليش اتقول جي با ولدي ؟؟..
سيف : امايه انتي مب بالعاده تقعدين في غرفتج هالحزه ....انا تخرعت عليج لما ما شفتج لا بالصاله ولا بالمطبخ ....
ام راشد : ماااا فيني شى تطمن بسم الله عليك ...انا بس اشوى تعبانه قلت اقعد في غرفتي اشوى على ما ترجعون كلكم ونتغدا يمييع ...
سيف : امااااايه تبي انادي حميد علشان يوديج المستشفى ؟؟؟..اماااايه انا خايف عليج واايد ....
ام راشد : لا اتخاف ياا ولدي مااا فيني شى ...يالله قووم حبيبي بدل اثيابك ...وناد اختك واخوك علشان يتغدون وخل اختك بعد اتنادي مرة اخوك ....يالله قوم يااولدي وتعوذ من الشيطان ..انا ما فيني الا العافيه ...
سيف : انشاءالله اماايه ..الحين برووح ...
قام سيف من ريل امه ...وباسها على راسها مره ثانيه وطلع عنها ...واهو صاعد الدرى شاف مرة اخوه راشد نازله اهي وبنتها ...تم يلاعب بنتها بعدين مشى وكمل طريجه لين غرفة اخته خلود.... دق الباب بس ما سمع احد يرد عليه ...وييين بتسمع واهي مشغله هالأغاني اربع وعشرين ساعه ...شوو سوى الشرير سيف ...قام يدق الباب بريله حيل ..لين سمع صوت االأغااني اتخف ..
سيف : ( واهوو يدق الباب ) خلوووووووود ......... خلوووووووووووده وصمخ بعاارين ...
خلود : خيييييييييييييييييييبه اتخييب عدوينك والله خرعتني (تضربه على كتفه)...اشعدك ادق الباب جي؟؟ ...اشصاير ؟؟؟
سيف : ههههههههههههه... مااااااااا عندي شى ......من زينج انتي يعني... ..علشان ايي اخاذ منج شى .....مالت على هالويه.... ..( يأشر على ويه خلوود ويضحك من الخاطر) طالع منوو امشخبط في ويهج جيييي ههههههههههههههه ..
خلود : سخيييييييييييييف ....يالله قوول اشتبي ....صارلك ساعه تدق الباب بس علشان اسمع هالنكت البايخه صدق ما عندك سالفه .....بتقول شو تبي ولا اصك الباب في ويهك ..؟؟..
سيف: زييييين زييييين بس ريحة علجج الله يخلييج (ويحط ايده على خشمه) هههههههههههههههههه...
خلود : كها كها كها كها كها ... يااااااااارب اللهم طولك يااروحي ...المشكله انه نكتك كلها بايخه محد يضحك عليها غيرك يالسخيف ...
سيف : ههههههههههههههه اتصديق والله مليت ....اقووول امي اتقولج انزلي تغدي ...يالله اقلبي ويهج ..(ويروح عنها ) .....
سكرت خلود باب الغرفه واهي خلاااص اعصابه احترقة من بياخة سيف ....غسلت ويها ونزلت تتغدا ...

"في بيت ابومحمد"

عاليه وغاليه ...كانوا في الصاله وكل وحده شاده شعر الثانيه ....وافنان ..الى اعصابها حيييل بارده قاعده تتطالع التلفزيون ولاااا هامنها الى يصير جدامها..ياات امهم واهي تركض يايه من المطبخ ...
ام محمد : عليوووووووووو ..غاااليوووووووووو ...شووفيكم بعد هالمره اشصاير ؟؟...
افنان : اماااايه حق شووو تحرقين اعصابج ...خليهم اشوى وبيتعبون وبيقعدون ....
ام محمد : سكتي انتي سكتي ...بس اربعه وعشرين ساعه على هالتلفزيون ...خواتج يتذابحون وانتي اتقولي عاادي.....قومي ابسرعه يبي لي العصا مالت ابوج بتحصلينها اهنااك في الغرفه يالله ابسرعه قومي...
افنان : انزيييين......( قامت افنان تركض لغرفة ابوها ويابت العصى ابسرعه وعطتها حق امهاا )
ام محمد : بتقعديييييين انتي وياها ولا اخرطكم بهالعصى .....( لااا حيات لمن تناادي ) ..سمعوووا ...ولا كني قاعده اتكلم ....ايييييييييييييييييييي انتي وياهاااااااااا ..غلوووووي ..عليووو ..الله يااخذ ابليييسج انتي وياهاا ....( وتتضربهم بالعصى ...وقامواا يتراكضون كل وحده في غرفتها ).....يااارب شووهااا البلوتييين ..متى بيعقلن وبيصيرن حريييييم ....رفعولي الضغط الله يسامحهم....(وتعطي نضره حق افنان الى من يابت العصا على طول رجعت تطالع التلفزيون) ..وانتي يالخييييبه متى ايي المعرس واتعرسين وافتك من الصدعه يننتوووووني .....(قااامت عنهااا وراحت اتحط الغذا ....)....

افنان تذكرت انهاا نست اتقوول حق خلوود بنت عمها انهاا ما بترووح باجر قاالت بترووح تتصل فيها الحين قبل ما تتغدااا....قامت وراحت لعند التلفون واتصلت حق بيت عمها ...
افنان : الووووووو
سيف : الووووووووووووووو
افنان : الوووووو....منو معاااي ؟؟
سيف : معااج سوبر ماركت حيدر ....انتي منو ؟؟
افنان : سيفووووووو عن السخاافه ..الزايده عطني خلوود
سيف : ههههههههههههههههه والله دام انج عارفه اني سيف حق شو اتقولين منو معاااي..؟؟..
افنان : ومنو قال اني عرفتك من زييينك يعني ..انا ماعرفتك الا من سخاافتك
سيف: كركركركركركر ما اتظحك .....عااد كلش انتي الحين مايحتاي ..انتي السخافه اتقطر منج مثل المااي يالباخه ...
افنان : سواااف عن الهبل الزااااايد زييييين ..والله مااالي بارض اتكلم معااك ..روح شوف لي خلود ويين ...يالله ابسرعه ..
سيف : تبيييييين خلووود ...اوكيييييي ماا طلبتي شى( ويسكر السماعه في ويها واهوو ميت من الضحك ..ما يتخيل كيف شكل افنان الحين صاير .)..
افنان : سكر السماعه في ويهي هالخاااايس ماا عليه انا اراوييه ...

راحت افنان تتغدا وقررت انها تتصل حق خلود في وقت ثاني ....اما في الغدا ....الكل كان ساكت وياكل ...ألاا عاليه وغاليه ...يطالعن بعض ويتناقرن .....وامهم خلاااص طفح الكيل فيهاا ...
ام محمد : عااااااااليه ..غااااااااااااليه ...بس عااااااااااد ...حشى مب حاله اربع وعشرين ساعه تتناقروون بس ...ابومحمد شووف لك صرفه معاهم ولااااا اذبحم ...
ابو محمد : خليييهم شووتبي فيهم ...حليييلهم بنااااتي ....خليهم على راحتهم ..
عاليه : ابوووويه والله شوو هالحاله ....غااليوو ..دوم تاخذ عني اغراضى ودوم تبدا اهي بالمضارب وبعدين تطيح في راسي انا ....ابويه قول حقها لا اتكلمني ....(واتطالع غاليه وبعدين اترد نضرها لابوها )...
غاليه : لااااااااا والله حليلج سوى نفسج مسكينه ...الحين انا الى ابدا بالمضارب ولا انتي ..انتي الى دوم حاطه دوبج في دوبي ...
عاليه : لو سمحتي انتي محد رمسج انا ارمس ابوياااا ...ممكن تنجبي وتسكتي ؟؟...
غاليه : محد ينجب ويسكت غيرج ...الحين انتي قاعده ترمسين عني وتبيني اسكت لج ....
ام محمد حطت ايدها على راسهااااا ....وقامت من الغدا ....اما ابو محمد ..ف ما قال شى تم ساكت...اما افنان ف هي عااادي كالعاده تاكل ولا عليها من احد ..لكن في شخص ما عجبه الحاااال ...
محمد قاااام من مكانه راح غسل ايده وعلى طول رجع لغرفة الطعام ...مسك غاليه وعاليه من شعرهم ...وسحبهم لين عند الصاله ...
محمد : قوومي ..قوووووومي انتي وياهااا ....ترا محد بيأدبكم غيري ....(عاليه قامت لكن غاليه ما رضت اتقوم ) ...قوومي ..قوميي اقولج مااا تسمعين انتي..؟؟..
غاليه : اييييييييييي بطل شعريييي .......ابووياااا شوفه ....والله يعور...
ابو محمد ما سوى حقها سالفه ..ٌقام من الغدا ..وراح يغسل ايده وبعدين دخل غرفته ...وغاليه رضت بالامر الواقع وقامت معاه..راحوا الصاله وقعدهم اهناااك يم بعض واهوو قعد على الطاوله مقابلهم..
محمد : انتوا ما تستحون على ويهكم ...انتو شو من البشر هااااا ...اربعه وعشرين ساعه هالضرابه .... حتى على الغداا ..مااا تحشمون لا ام ولا ابو .......ممكن اعرف لين متى ناوين اتضلون على هالحاله؟؟..
ولا وحده فيهم ردت ...كل وحده حاطه راسها على الارض ....وساكته ....اشوى ويرن موبايل محمد ..قام عنهم وخلاهم وراح غرفته يرمس بالتلفون ....منو المتصل فيه ؟؟....
بعد ما خلصت افنان غداا ...قررت انها ترجع تتصل بخلود مره الثانيه ...وقعدت تدعي ربها انه سيف ماا يرد عليهاااا ....اتصلت وكان يرن ومحد يشيله ...قعدت تتريا بعديين قررت انها اتسكر بس اخير في احد رد عليه ...
افنان : الوووووو
حميد : الوييييييييييييييين
افنان : ( يااا هي حاله ....يااااا هذاك السخيف ...ولاااا هذا المغازلجي ....) ...احم احم ..السلاااام عليكم...
حميد : وعليييييييييكم السلااااااااام والرحمه ....هلاااااا بنااااعم الصوت هلاااا... هلااا بفنوووووون ....شخبارج؟
افنان : (فنوون اونه ....هههههههههه ..كيف عرفني هذا ) ..تمااام والله ....ممكن اكلم خلود ...
حمييد : (يبي يطفر فيهاا ) ..لأااااا مب ممكن ...ليش انا ما انفع يعني ؟؟..
افنان : لاااااااا والله مااا تنفع ...بتعطيني خلود ولا اسكر السماعه في ويهك؟؟؟...
حميد : افااااااااااااااااا ...حق شوو كل هذااا ...ليييش امعصبه؟؟
افنان : شوووف انا مب متفيجه حقك ...كل ما اتصل ..تقعدون اتغلسون على ...عطني خلود خلني اكلمها ...
حميد : اووكي .اوكيي ,,بعطيج خلوود ...هدي اعصابج انتي بس ....مممممممم بس قبل لا اعطيج خلود ..ابي اقولج شى ممكن ؟؟ .. والله بقوله بعدين بعطيج خلود على طول...اووكيي؟؟..
افنان : اوكي قووول خلصني
حميد : (ابتسم حميد ابتسامه شيطانيه ) افنان ...انا احــــــــــــــــــــبج ..... ( نادا خلوود وسوى نفس انه حطى السماعه تحت.. وسكت وخلى السماعه في اذنه علشان يشوف ردة فعلها..بس ما سمع صوت ..كانت ساكته حس ان فيها شى ) ..افناااااان
افنااان :.................( افنان كانت اتصيييييح )
حميد : افناااان ...ليش اتصيحين .....شووفيج ...والله مب قصدي اضايقج ...افنان دخييلج والله انا آآسف ..شوفيج....(افنان ماا اردت عليه وسكرت التلفون في ويهه) ...شوو الى خلا ا افناان اتصيح ..لما قال حقها حميد انه يحبهاا ....وحميد صدق يحبهااا ..ولاااا لا......
افناان راحت غرفتهااا .على طول ....وطاحت على اسريرهاااا ..حضنت المخده وقعدت اتصيييح .....قررت انهاااا تنسى الى الصار واتحااول ترقد ...

....يالله رايكم في الجزء..

**سـ العين ـواد** · 03-07-2005, 08:09

يسلموووووووووووووووووووووووووووو

ماشالله عليج الصرااحة كتابات ولا اروع

يعطيج العافية اختي ونتريا الجزء اللي بعده

ســ ـ ــواد

**نور المجد** · 03-07-2005, 08:19

تسلم اخوي سواد العين على هالكلام التشجيعي
وان شاءالله تكون القصه كلها عند حسن ظنكم

**نور المجد** · 03-07-2005, 08:20

الجزء الثالث"

"في بيت ابو راشد"

سيف كان قاعد في الغرفه يسمع اغاااني ...تذكر على ارفيجه ..الى صار له يومين الحين ما يرمسه ...كل هذا علشان تطنزعليه وماارضى يروح معااه جلسة العود ..كم مره في المدرسه حاول يرمسه لكن على ما يرد عليه ولا عطاه ويه حتى ...قرر انه يتصل فيه ...ويحاول يمكن يرضى ...اتصل المره الاولى لكنه ماا رد عليه ...حاااول المره الثانيه وبعد ما رد علييه ...قرر انه يطرش له مسج ....كتب المسج" على شوف انا بتصل فيك الحين وللمره الاخيره اذا ما رديت على والله العظيم مااا اكلمك ولاااانت تعرفني ولا انا اعرفك اوووكي " ..وعلى طوول طرشه حقه ....بعد ما مرت خمس دقايق رجع واتصل فيه ...لكن هالمره رد شكله المسج قوي...

سيف : الووووو
على : ........................
سيف : الوووووووووو ليش ما اترد؟؟
على: .......................نعم شو تبا؟؟
سيف: مابا شى .. اذا بتم تتكلم جي ..بسكر احسن.....
على : شووفيها رمستي مب عاجبتك ....
سيف : علي والله مايسوى على كلمه قلتها ....هذا وانته ارفيجي مب قادر تستحمل مني كلمه عيل منو بيستحملني ....والله قاعد اترجاك واراضيك من متى ..وانت مب ماعطني ويه ...كل هذا على سبة جلسة عود ما تسوى..
على : انته عارف انه انا لو شو ماا ازعل منك ...احنااا ربع من متى ...ودوم مع بعض ...بس انت ما اتحشمني جدام احد دوم تقط على كلام مثل السم وكل ما اقولك نطلع مكان تقول ما تقدر( سكت اشوى )...سيف اانا لاا ابي اعرفك ولااااا ابيك اتكلمني مره ثانيه ....ورقمي ابيك تنساه ...فهمت
سيف: على انته شواتقول ....من صجك انته ....شو ما اكلمك ...حق شو كل هذا شووصار ؟؟...
على : سيف اعتقد انك سمعتني عدل شو قلت ولا تبيني اعيد مره ثانيه .....يالله انا بسكر الحين ..
سيف : ( من صدمته سكت ولا قال شى ) ...........
على : شوووفيك سكت ..على العموم فرصه سعييده ....بس قبل لا اسكر ..ابي اقولك شى .....ممكن ؟؟؟؟
سيف : ................... قول ...
على : ابي اقولك انك ..كنت معانا ضيف في برنااااااااااامج صادوووووووووووووووه ......ههههههههههههههههههههههههههه ( ميييت من الضحك).......
سيف : علووووووووووووووووووووووووه يالدب ..ماااااااااااااعليه انا اراااوييك ...صااادووووووووه هاااااااااا ...والله انك سخيييييييف .....الحين من بعد ما خليتني اراكض وراك مثل التيس بس علشان اراضيك تقوولي صادوه...
على : هههههههههههههههههههههههههههههههههههههههههههههه ....تستااهل وحده بوحده ...الحين صرنااا متعادلييين...ههههههههههههههههههههههه ...تعييش وتاااخذ غيرهااا ....
سيف : اوووووووكي ..مااااعليييه ....تعاااادل هالمره .....بس ماا عليه مردووده .....الحين ما بقولك شى دوااك بعديين....
على : لاااااا ابو ...شوف وحده بوحده ..انت الى بدييت ....هههههههههههههههههه ..بس الصراحه الحين بس عرفت اني غالي عندك ...
سيف : انزيييييييييين بس اسكت ...اشوفك صدقت عمرك واايد .....يالله ..انا بسكر عنك الحين ..
على : شووفيك ليكون زعلت ....؟؟؟براايك والله ماا اراضيك .....المهم مااا غيرت راايك ؟؟ ما بترووح معاي الجلسه؟؟؟...
سيف : يااا ابوى قلنا لك مااااا برووح .....عندي شغل ..مب فاضي ...
على: الى يسمعك يعني يقوول مره .....شووو عندك يعني مشغوول ؟؟
سيف : عندي شى المهم ....يالله علووه واااايد عطيتك ويه ...بسكر الحييييين ..اوكيييك
على : اووكيييك على راحتك ..يالله بباي..
سيف: باي ...
بعد ما سكر سيف عن على ..قاااام وطلع من غرفته ....راااح يشوف امه ويقعد معااهاا ...كان الحيين بينزل للصاله ..بس سمع صوت وكانه فيه احد يصيح ..الصوت ما كان عاالي بس طريقة التنفس كانت غريبه واتبين انه الشخص يبجي...مشى لين مصدر الصوت .....كان الصوت ياي من غرفته اخوه عبدالله ....استغرب ...وخااف ...قعد يدق الباب ...وويزقره لكنه ما يرد عليه....خااف اكثر .....حاول يفتح الباب لكن الباب كان مقفول .....قعد يحاول يزقره مره ثانيه ...
سيف: عبدالله ............عبداللللللللللللللللله .....شوووفيك رد على
عبدالله: ............... مافيني شى
سيف : عبدالله لااااا اتقص على ..دخييييلك ..افتح لي الباب ....
عبدالله : سيف قلت لك ماااااااافيني شى خلني برووحي الحيييين ..الله يخليييك..
سيف : شوو اخلييك ابرووحك وانت على هالحاله .....اذا ما فتحت لي الباب برووح ازقر اماايه ..احسن..
عبدالله : سيييف دخييييييييلك والله الى فيني كافيني لااااا اتزييد على
سيف : اووكي عيل افتح الباااااب ...بس خلني اتطمن علييييك ....
عبدالله مااارد عليه ......وسيف الشياطيين الى في راسه كلهااا طلعت حااااس انه اخووه فيه شى ....فجاه ماا قام يسمع صوووت .....حاول انه يدز الباب ويفتحه ...بس ما قدر تذكر انه امه حاطه في غرفته نسخه عن كل مفتاح غرفه في البيت ...ركض على طول وراح يدور في غرفة امه ......حصل واايد مفاتييح خذاهم كلهم معاه ...وراح على غرفة اخوووه عبدالله ..كل هذا صار ومحد في البيت انتبه ...قعد سيف يجرب كل مفتاااح ...لين اخيراااا ..حصل المفتاح ...وفتح الباب ودخل بسرعه ....اول مااا دخل ....شهق ...شهقه ..قويه .....
سيف : عبوود ..قووم دخيييييييييلك ..شوو سويت جي بنفسك .....(يضربه خفيف على خده علشان يقوم)...عبدالله دخيييييييلك ....كلمني ..قوول شى ....
عبدالله : ........(يتنفس بصعوبه ) ...ممممم ..اااااااااه ...ســـــ ... ســــيييـــ ــف ......بمووووت ...ااااااااه ..
سيف : بسم الله عليييك ....عبدالله ...خلك وياي تكلم ...تكـــلم لا تسكت .....دخيييلك ......لا اتمووووووووووت ...(ويزاعق بأعلى صووته ) .....حمييييييييييييييييد ...........راااااااااااااشد .......دخيييييييييييييلكم تعااالوااا ...امااااااااااااااااااااايه .....ويييييييييينكم (ودمووعه تنزل ..يبجي ..مب عارف شو يسوى ) ....حميييييييييييد ...ويييييييييييينكم حرام عليكم تعاالواا ..عباااااادي بيروح عناا ........عبداللله.. قووم ..دخييييلك تكلم لاا تسكت .....ليييش سويت في نفسك جيي ..ليييييش؟؟...
عبدالله : مااااااااا ابي اعييييش خلاااص .....خلني امووت (ويحاول يبعد عن حضن سيف الى ضامه حيييل..لكن سيف ما خلاه )
دخل رااشد وحميد وامه الغرفه ... وشافوا سيف حااط ...عبدالله في حضن ...واثيابه كلها دم .....قرروا انهم ياخذونه ابروحهم للمستشفى لأنهم خافوا الإسعاف يطول على ما اييي ....شوو السالفه ؟؟شوالى صار ؟.شوو الى خلا ..عبدالله يسوى في نفسه جي ...محد يدري ..غير عبدالله ....

"في بيت ابو محمد"

افنان كانت قاعده في غرفتهاااا ....لما ياها تلفون من عند خلود بنت عمها ..تحكي حقها الي صار ....واول ما سكرت عنها على طول ..نزلت اتدورامها وابوها علشان اتخبرهم بالي صار.....دخلت الصاله حصلتهم قاعدين كلهم امهاا وابوها محمد وعاليه وغاليه....
افنان: ابويه ....
ابومحمد : هاابنتي خير شوو فيج ؟؟
افنان : عبدالله ولد عمي ودوه المستشفى ....(الكل انصدم وقعدوا يطالعون بعض)...
ابو محمد : شووو(قام من مكانه وراح لعند افنان) ..ليش شووفيه ..منو قالج ..تكلمي ...
محمد: تكلمي قوولي شووصار ؟؟؟وفي اى مستشفى اهماا ؟؟...
افنان : مااا ادري بالى صار ...خلود قالت لي انهم حصلوه في غرفته ومتخرس من الدم ...وخذوه مستشفى (............)....
ام محمد : لااا حول ولا قوة الا بالله الله يعينج يا ام راشد ....
ابو محمد: يالله يا محمد ياا ولدي قووم خلنا انروح المستشفى ..يالله ابسرعه ...
محمد: انشاءالله ...
ام محمد: اصبروا اشوى بييب عبااتي وبرووح معااااكم ...خلود ديري بالج على خواتج وعلى البيت ...
وراحوا المستشفى ..اما البناااات فقعدوا ينتظرون اي خبر يطمنهم على ولد عمهم ....

"في المستشفى"

الكل كان قاعد ...ينتظر الدكتور يطلع ويطمنهم عن حال عبدالله ...ام راشد ميته من البجي على حال ولدهاا ..وام محمد كانت اتحاول اتهديها ....طلع الدكتور من عنده واهماا على طول من شافوه راحوا لعنده يتطمنون على حال عبدالله ....
ام راشد: ولدي وييييييييينه ..شخباره..(تبجي)......شو سويتوا فيه؟؟....
الدكتور: لاااا اتخاافي مدام ...انتي امه لعبدالله ....
ام راشد: ....هيه انا ام عبدالله ...ولدي ويينه فيه شى؟؟..دخيييلك دكتور اتكلم
ام محمد : دكتوور نبا انشوف عبدالله ..بنطمن عليه ...
الدكتور: عبدالله حالته كويسه ديلوأتي ...بس احناا عوزين شخص نسأله عدة اسأله عن عبدلله ...فين بباه او اخوه ...
ام راشد : اخوانه كلهم اهني بس الحين ما اعرف ويين راحوا ....(واتشوف حميد وراشد وسيف ومحمد ياين من ابعيد) .....هاااا من ويين ياايين ...واحناا من مساع اندور عليهم .....وتقد اتنادي عليهم ...رااااااااااشد ...راااااااااشد ...وينك انت الدكتور يبا يكلمك ...
مشا راشد لعند امه اهوو وسيف ومحمد وحميد ..
راشد : زيييييين ...امايه هدي نفسج انتي الحين ...انا بتكلم معاه وبساله عن حالة عبدالله ...
الدكتور : انته بتارب للمريض ايه؟؟؟
راشد : انا اخوه ..ليش شووفيه عبدالله؟؟
الدكتور : ماا فيهوش حاقه ...ممكن تيجي معايا .؟؟عاوز اكلمك ....
راشد : اووكي يالله انرووح ..
مشى راشد مع الدكتور وقفوا ابعيد عنهم ....وقعد يتكلم معاه ...ويساله اسأله ...عن عبدالله .....اما الباقيين ف اهماا مركزين اعيونهم على راشد والدكتور ....ينتظرونه يخلص علشان يطمانوا على عبدالله ...خلص راشد كلامه مع الدكتور ورجع حقهم ....
ام راشد: هااااااا ولدي شووو قاالك الدكتور ؟؟؟ ...دخيييلك تكلم ....
راشد : امايه لاا اتخافين ...عبدالله ابخير.. وانا تفاهمت مع الدكتور على كل شى وخلصت الموضوع ..واهوو الحين راقد ..وقال الدكتور انه من الأحسن انكم اتروحون البيت ..وباجر الصبح تيون وبيكون عبدالله قايم ...ألحين مااا تقدرون اتشوفونه ....يالله امايه نرجع البيت الحين والصبح انشالله بيبج اهني لعنده ...
ام راشد : ...ويين ارووح وولدي مريض ..امرقد في المستشفى .....انا ماا بروح من اهني بقعد عنده ..انتوا كان تبون اتروحوا روحوا ...
حميد : اماااايه تقعدين شوو بتسوين ...عبدالله راقد ولا يمكن انه يقوم الحين ....قومي امااايه خلنا انرووح البيت ..انتي تعبانه ...مب زيين عليج جيي ....
راشد : يالله امااايه ....قومي ...ووالله اول مااا تطلع الشمس بنكون انا وانتي عند باب المستشفى ....
ام راشد : قلت لكم انا مااا بتحرك من اهنيي بتم عند ولدي ..روحوا انتوا .....
سيف : امااااااااااايه دخيييييلج ...علشان خااااااطري ...والله علشاااااااااااااان خاطري قومي خلنا انرووح البيت (طاح في حضن امه ..) ..امااااااايه حرام علييج ..انتي تعبانه ....يالله علشااان خااطري قومي معانا ....
ام راشد سكتت وما قدرت تقول شى .....رضت بالأمر الواقع ..خذت اعيالها ....وراحوا البيت ...وام محمد وللدها محمد بعد طلعوا وراحوا بيتهم ...واتفقوا انهم كلهم باجر الصبح ايون المستشفى....

"في بيت ابوا راشد"

لما وصلوا البيت .....راشد استاذن منهم وراح غرفته عند مرته وبنته ...امااا ام راشد ...خذها سيف وحطاها في غرفتهااا ..وقعد عندهاا لين نامت .....وبعديين طلع الصاله ..شاف حمييد قاعد اهناااك ....راح عنده ..
حميد: (كان شايل الريموت وقاعد يقلب بهالقنوات ) ..هاااا نامت الواالده ...؟؟.
سيف : هيه نااااااامت الحمدلله ..(قعد في الكرسي الى مقابل حميد)...والله اني كنت خايف عليها واايد ...شكلها كانت تعبان ...
حميد : الحمدلله على كل حااال ...المهم ...والله اني للحين مب امصدق الى صار ....ليش عبدالله سوا جي ؟؟ ..
سيف : اسكت دخييلك لا اتذكرني ..والله اني بغيت امووت لما شفته طايح والغرفه كلهاا دم واثيابه ...ما كنت عارف شسوي ...
حميد: انته كيف عرفت انه فيه شى ..شو الى خلاك تروح غرفته مب بالعااده يعني .؟؟..
سيف : انا ما كنت عنده اصلااا ....انا كنت طالع من الغرفه ..كنت نازل بروح الصاله اتطمن على اماايه ....وانا امشى ...سمعت صوت وكانه فيه احد يبجي ....خفت ...وقلبي طاح في ريلي ....قعدت امشى لين وصلت لمكان الصوت ..وكان غرفة عبدالله ..استغربت ..دقيت الباب ما رد على ....حاولت اني افتحه بعد مااا قدرت الباب كان مقفول ....رحت غرفة امي وخذت المفاتيح من اهناااك وفتحت الباب ...واول ماا دخلت شفته..طـــــ ...(سكت جنه تذكر شى )..
حميد: سييييف .......سييييييييييف ...شوفيك ليش سكت ....؟؟؟.
سيف : هااااااا ... لا ولا شى ...يالله انا برووح غرفتي تعباان حييل ..وانت ؟؟
حميد : لااا نا بقعد اشوى ...مااا فيني ارقاد ..طار عني الرقاد .....
سيف : اوكي على راحتك ...يالله تصبح على خير ....
حميد : وانت من اهل الخير ...
سيف طلع من عند حميد ..وعلى طول ركض ...لفوق .....ابسرعه ...لين وصل لغرفة عبدالله ...فتح الباب ....وقعد يطالع ...جنه يدور شى ...سيف تذكر انه لما دخل على اخوه ...كان عبدالله شايل في ايده موبايل ..قعد ايدور عليه وشافه طايح في نفس المكان الى كان طايح فيه عبدالله ...شله وقعد يطالع الارقام ..يشوف اخر رقم ....منو كان .....شاف الرقم ....وكان مكتوب عليه اسم "ملاكي" ...اتصل عليه ...وكان يرن ...اشوى و ردوا عليه ...
..........: الوووووووو .
سيف : .............(سيف سكت ولا تكلم ) ...
.........: الووووووووووو ..عبدالله ..دخيييلك رد ..على .....والله انا آآآسفه ......
سيف: ...................
..........: عباااادي حبيبي ..رد على ...الله يخلييك ...شووسويت في نفسك ...دخيييلك والله خلااااص انا ما بزعلك مره ثانيه ..بس رد على الله يخلييك عباادي ...
سيف ..انصدم من الى سمعه ..وعلى طول سكر التلفون ......قعد يفكر ....منو هذي ...وشو الى بينها وبين عبدالله ....وليش ؟؟ ...وكيف ..؟؟. اساله وايد كانت في بال سيف ..لكن ماا يعرف جوابها غير عبدالله ...

**نور المجد** · 03-07-2005, 08:23

"الجزء الرابع"

"في المستشفى"

في المستشفى... العصر... الكل كان مجتمع في غرفة عبدالله .......امه قاعده عداله وكل اشوى اتاكله شى من الى يايبته ...والباقين كانوا ...يسمعون سوالف سيف الى ما اتخلص ..حميد و راشد ميتين من الضحك على سيف ..وكيف يقلد ...اشوى ودخل محمد معاه امه واخته افنان..وعاليه وغاليه.....ما كانت بتيبهم بس سولها مناحه يبون يروحون ....
ام محمد : السلام عليكم والرحمه ..
الكل : وعليكم السلام...
ام محمد : شخبارك ولدي عبدالله الحين ..انشاالله اهون ...يبوك خرعتنا عليييك ...
عبدالله : هلاااا خالووا ام محمد انا الحمدالله بخير الحين ...مافيني شى ...لا اتحااتي
محمد : هييييييه مااافيك شى ...(ويقعد عداله بعد ما سلم على ام راشد ووايه سيف وحميد وراشد)..حراام عليك جاان جي اتزيغنااا ..
عبدالله: هههههههههههه ..يالله عليييك انته قلنا ما فيني الا العاافيه حق شو الزياغ بعد ...(كان يحاول ما يبين لهم انه متضايق وتعبان ومنقهر من داخله ..كان يضحك ويسولف علشان لا يحسون.... بس شخص واحد كان حاس فيه...سيف..)
غاليه : عبوووووود عنلااتك ...حق شو قاعد وامسوى نفسك ملك ..تقص علينا تقول مريض ...قوم اشوف قوم ...يالعياار ..
قعدوا الكل يضحكون عليهااا ..وامهااا عطتها ابعيين علشان تسكت ....
عبدالله : اانتي من وين طلعتيلي يالمفعوصه ... هيييه ياا عاليه والله كبرتي وطلع لج اللسان بعد ...
عاليه : (كانت قاعده مع خلود وافنان ولما سمعته يقول جي اطالعته )...انااااا ليش شووقلت ...؟؟...
عبدالله : اوووووه يبوج نسيناااااا ان غلوي اهي الى ام اللسان طويله ....زيييين اقولج خالوه جان حطيتوا علامه على وحده فيكم علشان نقدر نفرق بينكم ....
ام محمد : هيييه والله صدقت ...بقص اللسان غلوي ..علشان اتفرقون بينهم ...
سيف : كيف ماا اتفرق بينهم ..اصلا فرق السما عن الارض ....غلوي السانها اتشوفه قبلها ...يلعلع ... هههههههههه ..اما علايه ...حليلها اطيب عنها ما بتحصلون...(كان قاصد يقول هالكلام علشان يشوف اخدود عاليه يحمرن ..)
غاليه : لاااااا والله احلف انته بس .....ومنو قالك اصلا اني ابي اشبهاااا ...من زينهاا اهي يعني...قول بس علشان مسمينها على امك ..
سيف : اصلااا احمدي ربج يوم تشبهين علايه ...(وقعد يطالع عاليه ).. حليلهاا ام الزيييين ...مب انتي ام اللسانين مع هالويه ...
استحت عاليه واحمرن اخدودها من كلام سيف .....والكل قعد يضحك على سيف وغاليه واهمااا يتناقرون وكل واحد يحط على الثاني....لكن حميد ..طول الوقت كان يطالع افنان ...يبي يعتذر لها ..بس ماا يقدر يكلمها والكل قاعد ....بس قال ما شى فرصه الحين ..راشد طلع وخذ خواته وبنات عمه معاها ..يوديهم البيت ..اما حميد ومحمد اندمجوا بالسوالف مع بعض... بعد ما قامت ام راشد وراحت قعدت تحت على الارض مع ام محمد يسولفون ...وكان الكل ملتهي ..قام سيف وقعد يم عبدالله في السرير ملاصقنه ...
عبدالله: ..نعم ...نعم ..خير ....قوم اقعد في حضني احس بعد ....(وكان يحاول يدزه عنه لكن سيف حاط ايده على كتف عبدالله ويحضنه ) ...سواااااف ..يالطفس ههههههههههه ..قوم عني ..خنقتني شووفيك هالكثر حب ..
سيف : حبك برص من زيينك علشان احبك ....مالت علييك ..احمد ربك قااعد اعطييك حنااان ..يحصلك انته تاخذ حنان من عند سوااف ...
عبدالله : لااا ماا يحصلي ..زييييين فج عني شوى ابي هوااا ...يالله قووووم..
سيف : مممممم ..(يهمس حق عبدالله ).... عبدالله ...البارح لما رجعنا البيت ..تذكرت اني لما شفتك طايح كنت ماسك تلفون بإيدك ..قمت واتصلت باخر رقم وطلعت لي بنت ..والظاهر انها اتعرفك ..كانت اتصيح .....
عبدالله : شووو ....ليكون خبرت احد ...؟؟..
سيف : لااا تطمن ما قلت حق احد ...بس ..انا حاس انها السبب بالي سويته بنفسك ...صح؟؟..
عبدالله : ...........
سيف : دام انك سكت يعني كلامي صح ....بس والله ما كنت اتوقع منك هالشى ...المهم لا اتحااتي انا ما بخبر احد على الى صار ..بس ابيك تدير بالك على نفسك عدل ياا اخوى ..
عبدالله : لا اتخاااف على ...مشكور يا سيف ....
سيف : لااا شكر على واجب انته اخوى الكبير ..
حميد و محمد ...استغربوا انه سيف قاعد يتكلم مع عبدالله ...غريبه اهمااا ما كانوا يشوفون بعض ولا يقعدون مع بعض واايد ...شو هالشى الى بينهم ...طالع حميد سيف وعبدالله وقام يقعد عندهم اهو ومحمد ...
حميد : سوااااف ..يالخااااااااين ..الحييين صار بينك وبين عبدالله اسرار ..الله يالدنيا نسينا ماا كلينا ....لكن ما اقول غير الله كريم ( وقعد يمسح عيونه بسفرته ويسوى نفسه يصيح )...
سيف : هههههههههههههههه ...الله ياخذ ابليسك ..شو بعد اسرار ...انا الا قاعد اسولف معاه اسليه ..مب انته قاعد لي مع القلب واتسولفون جنكم حرييم ..
قام محمد وضرب سيف ...وسحبه من كندورته وقومه من السرير ..وسيف بيمووت من الضحك عليه ...
محمد : قووم ..قووم اشووف...شو بعد هالرمسه ..اشوفك اختربت انته ...صاير لي خريشه مع هالويه ....قوم مناك اشووف ..
ام محمد : حموود ..خل ولد عمك شوو اتسوي فيه جي ....مب زيين عليك بتذبحه ...
حميد : خله يذبحه يستاااهل ...رمسته صاايره مب شى هالاياام ...مب منه من الى يرابعهم ...(ويقوم ويمسك سيف ..ويعاون محمد على ضربه بهدلووه)..
عبدالله : ههههههههههههه ..حرااام عليييكم شووسويتوا فيه ...بسه بهدلتووه مب زيين جي
سيف : ههههههههههههههههه ...وااااااااااي ذبحني امااايه ....شووفيه ......بمووووووت هههههههههههههه ...فج ايدك عني خنقتني....(محمد كان ماسكه من صوب ..وحميد بعد مااسكه وشايل انعااله بإيده ويضرب سيف فيها )....هههههههههه ..دخيييلكم خلااص التووبه ..ما اقول هالرمسه مره ثانيه...(قاموا عنه وفروا تحت واهوو بيمووت من الضحك عليهم )...
ام راشد : بسم الله عليييييك ولدي تعاال ....حمييد عنلااتك انت ومحمد ..خلووا ولدي ذبحتووا .....
حميد : هيه دلوووووع ماما ...روح عندهاااا ....على شو اتدلعك ماا ادري من زييينك ...مع هاالويه ..
سيف : يالغيووووووور انته الحيييين كل هالضرب علشاان امايه تحبني اكثر منك ....هيه قول جي من زماان ..قول انك حااقد على ....
عبدالله : لييش واانا طلعت من الحسبه يعني ...انا بعد امي كانت اتدلعني وااايد ..بس من يوم ياا هالدب ماا قمناا نشووف اى حنااان ..خذاه عنااا ..خذا الله روح عدويينه انشاءالله (يمسك المخده ويفرها على سيف) ..
سيف : ههههههههههههههه والخييييييييييييييييييييييييبه هالكثر حقد ...اماااااايه دخييلج لا اتخليني بروحي اخااف يذبحوني عيالج ...
عبدالله : اقوول اماااااااايه ..طلعي اعيالج ..من اهني ..رفعوا لي الضغط ..ابي ارقد ..حشروني ...
ام محمد: يالله انته ويااااااه قوموا اطلعوا برااا ..خلصت الزيااره ....
ام راشد : حمييد ..خذ اخووك وولد عمك ورووحوا اسرحووا في اي مكان ..خلوا اخوكم يرتااح حليله ميهوود ...يالله قوموا ..وبعدين لا تنسوا ترجعون حقنا اتودونا البيت..
عبدالله : ههههههه ..اوووه اطروودهم ...يالله عطوني مقفاكم يالله ابسرعه ..
حميد : والله مب منك من الى يزورك ولا انت ويه احد ايي عندك ....يالله محمد قوم سريناااا ..
سيف : هههههههههه تستاهلوا من حشرتكم كله منكم اطردونااا ....
وقاموااا ...حميد ومحمد ..بيروحون ..وسيف يمشى وراهم ....
حميد: نعم ..نعم اخوى وين تبي ياي وراناا ...
سيف : شوو بعد وييين ...وصلوني بطريجكم .....
محمد : شوووو ..عييد مره ثانيه ماااا سمعتك ....شووف التكاسي ما اتقول شى اطلب لك تكسي وروح معااه ...يالله حميد ...خل اللسانه ينفعه ....
حميد : هههههههههههه ..باي سيف نلتقي بالبيت ...
سيف : زيييييييين ما عليه مردوده ...الله كريييييم .....
رضى سيف بالأمر الوااقع وقام وطلب له تكسي وراح عند ارفيجه علي بعد ما اتصل فيه وقاله انه يبيه في شغله ضروريه....

"في بيت ابو راشد"

بعد اسبوع من الى الصار حق عبدالله ...الكل نسا السالفه ولا كانه شى صار.. حميد كان قاعد في الغرفه وكل الى في باله افنان ..مب قادر يشيلها من باله ...شو الى خلاها اتصيح ..ما كان يدري ...اهو كان متعود يتغشمر معاها بس ليش هالمره زعلت منه ماااقدر يعرف ...اكييد اخته خلود اتعرف ...علشان جي قام وبدل اثيابه وراح يدور عليها ..راح لها غرفتها و دق الباب ودخل......

حميد : السلام عليكم ..(كانت قاعده على السرير وتكتب ....يا وقعد عدالها)..
خلود: وعليكم السلام والرحمه ....هلااااا ب حمييد زارتنا البركه ...شو تبي شاي ..مااي غرض ...مرض ...؟؟.
حميد : خييييييييييييييييييبه اشوى اشوى على ماايسوى كل هذا علشان ييت الغرفه عندج...عاادي اختي ويااي اتطمن عليها فيها شى..(خذ ورقه من الى كانت تكتب فيهم وقعد يطالعها)..
حمييد : شووو هااا ....انتي من صجج تدرسين هالخبل ..؟؟...
خلود : ليش خبل عااادي ..بالعكس متعه ... ونااسه ....رووووووعه ..بل اكثر من رووعه ..
حميد : شوووو "بل" ....هذي البدايه ..هذا وانتي بعدج ما صرتي مدرسة عربي ..جي ..عيل ل وصرتي شو بيصير ...المهم من كم يوم اتصلت افنان فيج و...(حكى حقها السالفه كلها ) ....
خلود: والله وانت كيف تجرأت تقول حقها جي ..؟؟. حراام عليك ..
حميد : لا تقعديين اتسوين لي فلم هندي ....المهم ابيج اتكلميها وتساليها اذا تضايقة مني اوكيي..
خلود: وليش انت ما تسالها ...انت الى زعلتها اانا شو يخصني ...
حميد : عن الرمسه الزاايده سوى الى قلته لج ..بدوون اساله زااايده ..(قاام عنهاا وطلع من الغرفه)...

....عبدالله كان قاعد في غرفته على الكمبيوتر طبعا ....اشوى ويسمع دق على الباب ...قام وفتحه ...قعد يطالع ما شاف احد ...اشوى ويحس انه في احد ماسك ريله ..طالع تحت شاف ..."ريـــان " بنت اخوه راشد ...قام وشلها ودخلها معاه الغرفه ...قعد يلاعبها بعدين هدها بالغرفه تلعب والتها بالكمبوتر...
ريان: عمي ....
عبدالله : هلااا حبيبتي ..شوتبي ..
ريان: منو هذي ..؟؟؟
كاانت شايله في ايدهاا صورة وحده ...لقتها في الدرج الى يم اسريره ....
عبدالله : وينهاااا ...(قعد يطالعها بس ما لحق يا خذها من ايدها ) ..وين لقيتيها ؟؟...هاااتييهاااا ..
ريان : مااااابي ..بوديها حق بابا ..(خذتها وركضت وطلعت عنه من الغرفه)..
عبدالله : ريااااااااااااااااان ....رياااااانووووووو ..تعااالي اهنيييي ..يبي الصوره ....
عبدالله كان اثر التعب بعده باين عليه ماااكان قادر يركض وراهااا ..سبقته ونزلت من الدري ....لكن وقبل ماا يوصل حقهاا ..شاف شخص وااقف عند الدرى وشال ريان على كتفه .....وقف وقعد يطالع الشخص ....ظنكم منو الى طلع في ويه عبدالله ..

**نور المجد** · 03-07-2005, 08:27

"الجزء الخامس "

عبدالله اول ما رفع راسه شاف اخته خلود جدامه ...ما عرف شو يقول ولا شو يسوى ...كان كل تفكيره انه ياخذ الصوره من ايد ريان ...
خلود: ريااااااني حيااتي ...وين كنتي ماما اتدور عليييج....؟؟. شوو هااااذا في ايدج عطيني بشوف ....
قبل لاااا تاخذ الصوره عن رياان ..ابحركه سريعه من عبدالله خذا الصوره من ايد ريان الى كانت حاطتنها ورا ظهرها علشان خلود ما تاخذها عنهااا...
ريان: يييييييييييييييييب ماااااااااالييي ..اهى اهي اهي ..بخبر عليك باباتي ...
خلود: شوهاا الى خذته عنها ..صورت منو هذي ....؟؟؟
عبدالله : ماايخصج انتي ..
وقبل لاا يلف على ورا علشان يرووح غرفته ..... سحب شخص من وراه الصوره الى كانت في ايده وشرد ....ومنو هالشخص ...طبعا منو غير سيف المطيور....سحب الصوره وركض نزل تحت وعبدالله يركض ورااه ويصرخ عليه وسيف يضحك ....ولا هامنه ....تمو يراكضون على كبر البيت واصراخ عبدالله وضحك سيف واصل لين اخر الشارع ....طلعت لهم امهم وكانت يايه من المطبخ...تربع ....
ام راشد: عبووووووود ...سوااااااااااف ...عنلااتكم من عياااااااااال ...اشعنه تربعووون في البيت اشعندك انت وياه ....
سواف: ههههههههههههههههه ..اماايه شوفي ولدج بيذبحني ... ...(وقبل لا يكمل كلامه ..مسكه عبدالله من كندورته وسحب عنه الصوره وحطاها في مخباته .....ومسك سيف وقاااام يسحبه بكبر الحوووش ..وامه اتزاااعج علييييه ..وسيف مييت من الضحك مب قادر يفج نفسه عن اخووه ...
سيف: الله يخلييك..(حااط ايدينه في بعض ويترجا عبدالله).. خلااااااص والله ........التوووووووووبه الله يخليك هدني والله بتووب...هههههههه...اماااااااايه ..لحقي علي ....هههههههه
عبدالله: منو يتوووووب انته .....النااااس كلها بتخااف وبتووب الا انته يااااا ويه العنز ....(خذا نعال كانت طايحه جدامه وقام يضرب فيها سيف )....الله ياخذ ابليسك من ولد جاان اناا ريال بلحيتي اتخليني اراكض ورااك بكبر البيييت ....
ام راشد: عبووووود ..خله اخوووووك ذبحته ......(سحبت سيف عن عبدالله ..وسيف تم حاضن امه واهوو يضحك)....ويدييييييييييييه ....جيي اتسوى جي في اخووك الصغير .....فدييت ولدي سواااااف مب زييين علييك جي ......ذبحته .....(واتبووس سيف على يبهته)...
عبدالله : الحيييييين هذااا ولد ....امااااااااايه طالعي كيف صار طوله واتقولين له ولد .....عز الله اليهال عنه ....(مشى ورااح عنهم .. وسيف بعده يضحك)...
سيف : (يسوى نفسه جنه يصيح واهو بعده طايح في حضنها) ...امااااااااايه ذبحني ولدج من الضرب هلكني..اهىء اهىء ...
ام راشد: وانته شوو سويت له علشان يضربك ....اشعنه قااعده انت ويااه تربعوون في كبر البيت لا حيا ولا حشيمه ...

طلع حميد من الصاله ...وكان يمشي في الحوش و يتكلم بالموبايل مع محمد ولد عمه كانوا متفقين يظهرون المول ...وقبل لااايطلع انتبه على امه واهي قاعده في نص الحوش وحاطه سيف في حضنها ....قعد يطالعهم وماا استغرب لانه سيف دلوع امه ودوم لاصق فيها...
حميد: يااااااااااااا سلااااااام علييك يااااا سيف ...دووم مااخذ الحنااان كله لك .....(راح لعندهم وسحب سيف من حضن امه) ...قووووووم ...قوووووووووم ...متفيزر حضرتك ياااااااهل عمرك سنتين .....قوووم لااااا اخرطك بهالنعاااال الحييييين ...
سيف : ( مااااقدر يتكلم من كثر الضحك ) ...ههههههههههههههههه...حرااام عليكم امااايه شوووفي عيالج كله حاطين دوبهم في دوبي ....ههههههههههه ...فجني اللله ياخذ ابليييسك ذبحتني ههههههههههه..
ام راشد : ياااااابوى خلللل اخوووك توه عبوود قطع النعال في ظهره بسه حرااام عليكم ..ذبحتوو ولديي...
حميد: اشتبييين فييه امااااايه نحن نسدج وانزيييد بعد .....خليني اذبحه احسن ....(ماسك سيف من رقبته).....طالعي ويهه دخيييلج من حلاااته والله تقوول عنز ....
سيف : هههههههههههههه........واااااااااااااااي بمووووووت اماااااايه لحقيني ..ههههههههههههههه..
بعد المشاحانات والهزاااااب والتكفيخ