أشتكي لك يا زماني من قسا وقتي وحالي=من سبب ريمن رماني للمآسي والمضره
الحزن ضيفي وهمي دايمن ساكن خيالي=والشقى لي زايرن مابين فتره وبين فتره
وحظي اللي جيت أبشكي له تبداني وشكالي=والفرح عن دنيتي قد كف خيره وكف شره
والسهر يغزي عيوني ممتطي سود الليالي=آسرني بين هــــم وبيــن آه وبــين حــره
يوم ضاع العمر مني للأسف بيدين غالي=يوم مات القلب مني بين جمره وبين جمره
يا زماني واحدن حبه سكن فكري وبالي=وكان قلبي بالمحبة طايع لشوره وأمره
ذاك لا منه تضايق أوحصل يوم وشكالي=قمت أهل الدمع مني عبرتن من فوق عبره
وذاك لامنه تبسم أشهد إن وقتي صفا لي=وسجد لربي شكر وتحمده مليون مره
وشهد إن لو هو سقاني من خمر عذب الزلالي=والله إني قد ملكت الكون من قطرات ثغره
ويدري انه في وجوده عشت حلوات الليالي=وفي غيابه يدري ان كني وبين الموت شعره
كنت أحسب انه يبادلني ويتمنى وصالي=والله اني ماخبرت الضيق من بعد المسره
لين جتني ليلتن قد خيبت ظني وفالي=ليلتن قد شاف فيها القلب شي ن ما يسره
ياخساره من بعد ماحطله شخصن بدالي=هان حبن فالحشا عليت من شانه وقدره
للأسف قال الموده أي موده يامثالي=أي محبه ,, أي معزه والخيانة مستمره
قد كتمت الضيق في صدري ولو زاد انفعالي=ابتسمت وقلت عادي كن أموري مستقره
و الصراحه يازماني الله العالم بحالي=عالمن بسرار كونه من على بحره وبره
عالمن بهموم قلبن كان متهني وسالي=في هوى منهو غدر من بعد أيامن وعشره
يازماني مع حبيبن بالرديه قد سعالي=استلم هالقلب مني عاشقن جرحه وكسره
للأسف ياصاحبي بعد الخيانه وش بقالي=من غلا ذيك الموده مابقى مقدار ذره
واللذي هو قد جرالي يازماني قد جرالي=وعتبرها تجربه ولا ثمن درسن وعبره
الشاعر : فقيرالحظ
الرد
ياقلم اكتب حروفي مثل ذرات الرمالي =ومثل اعداد النجوم اللي تكسّتها المجرّه
للذي عدّا المراجل من سوابقها وتالي =وللذي يطلع هلاله قبل لايبدا بشهره
شفت في الابيات شكوى والشكا ذل وذلالي =بس مالوم القلوب ليا اتّعلق بالمسره
شفتها والقلب فز ,رموش عيني كالنبالي =م الذهول من البراءه من تفاصيل المضره
ولا لقيت الا شعور يقول من قولن يقالي =صرخة اللبيه منّي تفتديك بلا مفرّه
الاسد يعرف مراده وانت ليث بلامجالي =والاسد سابع محال ينزّل عيونه لهرّه
خلك بشامخ عمادك مثل شمخات الجبالي =ولو قريت مرسول منه طلبتي لك ان تطرّه
والفتى ما تلدغه من جحر دابه ابتتالي =ينلدغ في طول عمره بالخيانه بس مره
ولا يهزّه مكر غادر تنجبه بطن الثعالي =ما يهزّه في كيانه ولا تحرّك طرف شعره
عشت في وهم ٍ تولّد بين ماي وبين لالـــــي =وعشت تمشي بين شوكٍ شاهقه في الدوم وعره
ولايهمّك مظهره ساحر و تبهر به ذهالي =ما دريت من عهد موسى الله ابطل كيد سحره
يجمعون من العصي ويهيؤون لها حبالي =ويوهمون الناس شوفوا هالافاعي بكل كثره
عقب ما ابطل سحرهم خرّوا سجّد وابتهالي =للذي يخلق عباده والوعد في يوم حشره
السموحه جان ضعنا او تعدّانا المثالي=قلتها وهي في خفوقي من كثر مافيّ حسره
الرجل في قو باسه ما تعاتبه الرجالي =كيف واذا معنى الرجوله في فقير الحظ عشره
ما قصدت اني اغثك ولا قصدت الاحتيالي =ولا قصدت اني اهيج حزنك الباقي وكدره
غير ابسقي ورد بعده يوشك انه في ذبالي =طار لونه بين خضره وبين صفره وبين حمره
والخيال يجيك هايم بيننا دوم ارتسالي =ياعسا شافي ووافي من يشاكي بضيق صدره
والعمر زايل ووجه الرب بعده ما يزالي =وفي ختامي بالصلاه لخير مبعوثه وطهره
الشاعر : الخيال الشارد
08-07-2005, 01:10
العرض العادي
المواضيع المتشابهه 
