ˆ~*¤®§][§][( قصــة غرامي )][§][§®¤*~ - الصفحة 2

**زايـ بنوووتة ــد** · 18-09-2005, 02:10

سـ العين ـواد & شمعة الجلاس

أشكركم على تواجدكم الراقي ..
وتسلمون والله يعطيكم ألف عافيه ..
ويشرفني مرورك الرائع بصفحتي المتواضعه ..

تقبلوا تحياتي
زايـ بنوووتة ـد

**زايـ بنوووتة ــد** · 18-09-2005, 02:14

بسم الله الرحمن الرحيم
السلام عليكم ورحمة الله وبركاته

وبعد الصلاة رجعوا كل الشباب والشياب البيت أما راشد كان واقف عند باب البيت يكلم واحد من ربعه واللي هو عبيد

عبيد : وينك أنت الحينه
راشد : والله بيت العم ليش شو تبغي
عبيد : ما شيء بس الشباب متصلين فيني يقولون مابتيي وياهم البر
راشد : متى بيروحون ؟
عبيد : باجر بعد صلاة الفير
راشد : خلاص قولهم أني بيي بس وين بيتلاقون
عبيد : أنا بمر عليك وبنروح ويا بعض
راشد : خلاص تم
عبيد : خلاص عيل الحينه أخليك .. تآمرني بشيء
راشد : سلامتك الغالي .. مع السلامه
عبيد : مع السلامه

بند راشد عن اربيعه ودخل بيت عمه وهو داخل بيت عمه شاف ظبية بالمطبخ اللي
برع .. لانه شيء مطبخين ببيت عمه واحد داخل البيت وواحد برع البيت .. وراح عندها
ووقف عند باب المطبخ وهي مب حاسه فيه و كانت يالسه تغني (( مرحبابك يا بعد عيني .. يا هلا بسيد حبايبها ..
يا هناي وبسمة اسنيني .. عد ما هبت هبيايبها .. ))
واهنيه كمل راشد وهو يقول (( شوفتك وارضاك يكفيني .. نحسب الخطوة ونرقبها .. تاه وردي في بساتيني ..
ينتظر روياك وأطيبها .. )) استحت ظبية و ما عرفت شو تسوي احمرت أخدودها وراشد يضحك عليها
ظبية : ليش تضحك
راشد : ما شيء والله بس جيه
ظبية : ليش الحبيب شارب شيء
راشد : شو قلتي ؟؟ ما سمعت عيدي رمستج
ظبية : شارب شيء
راشد : لالا أول كلمتين عيديهم
ظبية : ما بعيدهم
راشد : ابرايج أنا مروح الصاله
ظبية : خلاص بعيدها بس اصبر لا تروح أخاف اتم بالمطبخ ابروحي
راشد : أتخافين ولا ما تبغيني أروح
ظبية : انته اشرايك
راشد : رايي انه صوتج يخبل .. و ما يهون عليه اخليج ابروحج ..

احمر ويه ظبية وما عرفت شو اتقول لراشد .. راشد تم يطالعها وهي ساكته تحاول تلف ويهها عنه بس ما تقدر لانها
تحبه ولو بيدها كل دقيقه اتكون وياه .. وتم يسولف وياها بالمطبخ .. لين ما خلصت اللي بيدها وراحوا مع بعض
الصاله .. أما اللي بالصالة كان كل واحد يرمس ويا الثاني أما حارب واليازيه كانوا ساكتين حارب يفكر باليازيه
واليازيه تفكر بحارب وكل واحدمنهم يبغي يكلم الثاني بس ما يعرفون كيف يرمسون ويا بعض وكيف كل واحد منهم
يبدا بطريقه علشان يرمس ويا الثاني .. والريم كانت تشوفهم كيف ساكتين هم الاثنينه وراحت يلست عند اليازيه تكلمها

الريم : اشفيج ما ترمسين ويا حارب
اليازيه : ينييتي أنتي .. اتعرفين اني استحي منه .. وما اقدر ارمس وياه
الريم : خيبه خيبه الحينه بترمسين ويا ولد عمج سويتها سالفة اكبر منج اقولج تعالي ويايه المطبخ ابغي
أسوى عصير لوليد
اليازيه : اوكيه يالله نشي

نشت الريم واليازيه روحوا المطبخ .. ونش حارب وراح المطبخ هو الثاني .. كان يبغي يكلم اليازيه بأي طريقة ..
الريم حست بوجوده أما اليازيه ما كانت تدري كانت يالسه تسولف ويا الريم وما تعرف بوجود حارب

اليازيه : بتخبرج متى بيعرسون راشد وظبية
الريم : والله ظبيوي خبرتني قالت شهر 7
اليازيه ( وهي تصارخ ) : لا تتخبل ما بيمدينا نسوي شيء .. الحينه نحن بشهر 4 وأنتي اتعرفين شهر 5 و 6 عندي
امتحانات وتحظيرات للجامعه يعني ما بقدر أسوى شيء ..
الريم : أنا بعد رمستها وقالت بتشوف راشد شو بيقول وبعدين بيخبرون الكل
اليازيه : هين أنا براويها هالدبه بقول لراشد يقولها شهر 9 بنعرس
الريم : حرام عليج بتذبحين البنت
اليازيه : تستاهل .. مثل ما غيرها محروم خليها تنحرم اشويه
الريم : هههههههههههههههه تقصدين حارب برمستج صح

اليازيه ما ردت على الريم وخلتها ترمس ابروحها وظهرت الريم البرتقال و يلست تسوي العصير لوليد .. ودخل حارب
المطبخ .. وانقلب حال اليازيه فوق وتحت ما عرفت شو تسوي وكيف تتصرف ..
حارب : ريماني سويلي عصير
الريم : أن شاء الله
حارب : اشحالج اليازيه .. عساج ابخير
اليازيه ( ترمس وويها صاير احمر ) : الحمدلله ابخير انته اشحالك
حارب : والله الحمدلله ابخير

الريم شلت ابعمرها و راحت المطبخ اللي برع علشان اتييب أكواب للعصير .. واليازيه تمت ويا حارب ابروحها
وهي تدعي بخاطرها على الريم لانها خلتها ويا حارب ابروحها كانت تبغي تظهر بس حارب كلمها

حارب : اشفيج وين بتروحين
اليازيه : ما شيء بس بشوف الريم وين راحت وبرجع
حارب : بتشوفين الريم ولا ما تحبين اتمين وياي بمكان واحد
اليازيه : ليش تفكر بهالطريقة .. تراك ولد عمي ومثل ماارمس ويا اخوانك عادي
وايلس وياهم تراك مثلهم
حارب : صح إني مثلهم بس ما أشوف هالكلام صج بس رمسه
اليازيه : شو تقصد برمستك
حارب : اللي اقصده أنتي اتعرفينه .. وما في داعي افهمج اياه
اليازيه : والله مب فاهمه شو تقصد برمستك .. بس احب أقولك لو انت تفكر انك مب مثل اخوانك فأنت غلطان ..
لان غلاتك من غلاتهم
حارب : والله اتمنى هالشيء يكون صح .. المهم ما بطول عليج برمستي بس قولي للريم اني ما أبغي العصير خلاص

ظهر حارب عن اليازيه وهي مب عارفه ليش كان معصب ويرمس وياها بهالطريقة
حتى هو ما كان عارف ليش كان معصب على اليازيه .. يمكن لأنها كانت تتجاهله باليلسه بالصالة وما رمست وياه ..
ويمكن لأنها كانت ترمس ويا كل أخوانه ووياه اهو ما رمست .. ورجعت الريم عند اليازيه و مسكتها اليازيه

اليازيه : يالدبه أنتي ما تستحين على ويهج تخليني ويا أخوج
الريم : ليش اشصار بينكم
اليازيه : اونه بعد تسال اشصار .. ما أدري اشفيه معصب و حط الحره كلها فيني
الريم : شو قالج انزين
اليازيه : ماشي بس من رمسته كلها يفكر أنى ما أغليه ولاني مب معتبرتنه مثل اخوانج واني لو أقوله اني أغليك
بس هاي رمسه مني
الريم : خيبه خيبه ليش كل هالكلام كله
اليازيه : ليش تساليني أنا روحي اسالي أخوج
الريم : انزين خلينا نظهر الحينه وانروح عندهم وبعدين بتفاهم ويا حارب
اليازيه : لا تقولين له شيء ولا تيبين له طاري اوكيه
الريم : اوكيه ابرايج يالله امشي

تقبلوا تحياتي
زايـ بنوووتة ـد

**فارس دبي** · 18-09-2005, 05:37

مشكوره اختي على القصه الرائعه

والله يعطيج الف عافيه

فـارس دبــي · 18-09-2005, 02:52

وايد طويله القصه بس مشكور وتسلم ايدك عليها

**سـ العين ـواد** · 18-09-2005, 03:37

الله الله شو هالأجزاء الحلوة

يسلموووووووووووو بنوته

ونتريااا التكملة بفارغ الصبر

ســ ـ ــواد

**زايـ بنوووتة ــد** · 17-10-2005, 12:23

بسم الله الرحمن الرحيم
السلام عليكم ورحمة الله وبركاته

رجعوا اليازيه والريم للصاله .. وراحت الريم تبغي تعطي وليد العصير .. طارق كان يبغي يبهدل بالريم هو وخالد

خالد : بنات آخر زمن يسوون عصير لريايلهم اللي يقول الباقين مالهم رب
طارق : بصراحه ونعم الكلام يلي قلته .. وبعدين حتى لو ما فكرت فينا نحن على الأقل تفكر بأمها بابوها وعمها
وعمتها ويدتها الحلوه اللي تخبل
خالد : صج والله تراني اقولك بنات آخر زمن
وليد : والله انتو ليش زعلانين الحينه .. خالد لو تبغي حرمه قول ترى بندورلك وحده علشان تدلعك جذيه .. وانت طروق
آخر مره ترمس عن حرمتيه فاهم
طارق : اونه اونه يدافع عنها بعد .. لا تصدقين عمرج بس يقول هالكلام علشان مايخليج ترمسين لانه يعرف السانج
أطول منج ..
الريم : أبويــــــــــــــــه شوف طروق
خالد : يالله أنتي اونها ابويه شوف طروق .. ما تقدرين تدافعين عن عمرج .. صج انج مصخره
خليفة : بس عاد مصختوها انتو الأثنينه اسكتوا عن البنت
بو خليفة : والله آن ماسكتوا اليوم لارقدكم بالعزبه
الريم : ههههههههههههههههههههههههه قالولهم مساكين
شوق : هيه يستاهلون خاصة هالطروق السانه صاير أطول منه .. حشى مب ولد
طارق : محد طلب رايج آنسه منشن
حارب : هههههههههههههههههههههههه حلوه آنسه منشن هاي
راشد : ما تعرفون تسكتون عنهم أول شيء الريم والحينه شوق وبعدين على منوو ناوين
خليفة : بصراحه يا ولد العم يقدرون على هالثنتين بس اما وحده الله يستر عليها لو شو ما يسوون ما يقدرون عليها
ذيبه ما شاء الله عليها
ظبية : تقصد من أخ خليفة ؟
خليفة : آنا حشى عليه ما أقصد أحد
علياء : ههههههههههههههه افهميها تراج أنتي الوحيده اللي باقية
خليفة : افا يا أم عبد الله المفروض توقفين ويايه صج لين يقولون بغيتك عون صرتلي فرعون
يدة حارب : بس عاد تراكم حشرتونا .. يزوي .. يا بنت عبد الله
اليازيه : هلا يدوه آمري
يدة حارب : تعالي اقعدي عندهم ليش يالسه ابعيد .. لا تخافين تراهم ما ياكلون مب وحوش
أحمد : يدوه اليازيه دومها جذيه ما تحب تقعد ويانا ما ادري بلاها
يدة حارب : بو وليد لازم تودي بنتك المستشفى علشان تشوف شو فيها
أحمد : يدوه ما فيها شيء .. بس هي طبعها جذيه ما أدري طالعه على منووو

اليازيه أحمر ويها ما تعرف شو تقول .. بس اللي قدرت تسويه انها تقرب اشويه وتقعد قريبه منهم .. ورن تلفون اليازيه
بهالوقت والمتصله فيها اربيعتها ميثه .. اليازيه استاذنت وراحت برع تتكلم ويا اربيعتها

اليازيه : هلا ميثاني
ميثه : أهلين .. وين الرصيد يالدبة
اليازيه : ههههههههههههههههههه ما نسيتي السالفة
ميثه : لا بويه مابنسى السالفه الا لما اشوف البطاقة
اليازيه : خلاص يوم السبت بيب البطاقة الجامعه شوفيها وبدخلها بتلفوني .. شو قلتي أكيد موافقه بدون شك
ميثه : لا حبيبتي مب وافقه ليش شو شايفتني ياهل يدامج تقصين عليه
اليازيه : ههههههههههههههههههه خلاص حشرتيني بيبلج البطاقة بس قوليلي أنتي وين الحينه ؟
ميثه : الله يسلمج أنا الحينه بروح الشارجه .. بس اخوي بيمر على واحد من ربعه بيعطيه شريط العرس
اليازيه : ايه يالخسفه شو تروحين الشارجه .. وبعدين تراج قلتي بتييبين الشريط لي كيف أخوج يعطيه لواحد من ربعه
ميثه : اصبري انزين خليني افهمج شو السالفه بعدين قولي اللي تبغين تقولينه
اليازيه : انزين قولي شو السالفه

والوقت اللي اليازيه تقول لميثه انزين قولي شو السالفه ظهر حارب من الصاله لانه منصور يايبله الشريط وواقف
عند الباب .. وكلم اليازيه

حارب : ممكن تدخلين داخل وتكملين سوالفج ويا اربيعتج
اليازيه ( تكلم ميثه ) : اصبري اشويه اوكيه .. ( ورجعت تكلم حارب ) : أن شاء الله
فتح حارب الباب لاربيعه وحاول فيه انه يدخل والبنات يدخلون داخل عند خواته

حارب : انزين ادخل اشويه .. مره وحده تسلم على أبوي وتشوف عيال عمي
منصور : ما يصير يا ريال الأهل ويايه
حارب : انزين والله ما بيصير فيهم شيء بيدخلون داخل
منصور : انزين اصبر بس بسالهم اذا بيدخلون ولا لا
حارب : اوكيه اسالهم انا بروح داخل بخبرهم وبرجعلك اوكيه

يا تري شو بيصير اذا دخلوا اهل منصور ؟
هل ممكن يتغير شيء بين حارب و اليازيه ؟
وشو ممكن يصير بين راشد و ظبية ؟

كل هاي الأجوبة بتكون بالجزء الثالث
والسموحه منكم عـ التاخير .. بس دراستي هي يلي تمنعني ..

تقبلوا تحياتي
زايـ بنووووتة ـد

**سـ العين ـواد** · 17-10-2005, 01:00

يسلموووووووووووووووووووووووووووووووو

يعطيج ألف عافية اختي عالتكملة

بس وايد طولتي الصرااحة

والله يعينج بالدراسة

خذي راحتج بنتريا

اخوج

ســ ـ ــواد

**راعي الوفا** · 18-10-2005, 11:53

تسلمين اختي على القصه

نتريا التكمله ولا تبطين علينا

تقبلي تحياتي اخوووج

راعـــ الوفا ـــي

**الهم والموت** · 18-10-2005, 07:07

**زايـ بنوووتة ــد** · 28-10-2005, 07:56

سـ العين ـواد & راعي الوفا & الهم والموت

تسلمون أخواني على تواجدكم الراقي ..
والله يعطيكم ألف عافيه ..
والسموحه منكم لاني وايد طولت عليكم ..

تقبلوا تحياتي
زايـ بنوووتة ـد