بسم الله الرحمن الرحيم
السلام عليكم ورحمة الله وبركاته
بعد ما راح منصور يسال أهله اذا يبغون يدخلون ولا لا .. وافقوا خواته يدخلون علشان يتعرفون على خوات حارب ..
وحارب راح وخبر اهله آن اربيعه موجود وخواته بيدخلون يسلمون على البنات .. البنات ما عرفوا شو يسون كل وحده
راحت بصوب اما اليازيه كانت ساكته تفكر بحارب ليش عصب عليها وهي شو سوتله علشان يعاملها بهالطريقه .. دخلوا
البنات والصدفه الحلوه آن ميثه اخت منصور هي اربيعة اليازيه .. اول ماشافتها اليازيه بغت تطير من الفرحه .. سلمت ميثه
وباسمه خوات منصور على البنات ولين يت ميثه بتسلم على اليازيه كل وحده منهم فرحانه
مثيه : يالدبه أنتي اهنيه
اليازيه : أنتي شو يايبنج بيت عمي ها اعترفي ابسرعه
ميثه : اونه شو يايبنج .. بلاج نسيتي ما قلتلج اخوي بيمر على اربيعه علشان يعطيه شريط العرس .. وآخر شيء طلع
ولد عمج هو اربيع اخويه منصور
اليازيه : يعني حارب ولد عمي اربيع اخوج منصور .. وناسه والله يعني بشوف الشريط
ميثه : الحين خلينا من سالفة الشريط .. انا للحين ما نسيت البطاقه وينها يالله ابسرعه ظهريها
اليازيه : هههههههههههههههههههههههه مسكينه مصدقه عمرها اونها تبغي بطاقه
ميثه : بسالج أي وحده امج ؟
اليازيه : اميه اللي يالسه عند ظبية بنت عمي
ميثه : زين والله عيل اخليج بسير بخبر عليج بقول اليازيه وعدتني ببطاقة والحينه تقولي ما بوفي بوعدي
اليازيه : ينيتي أنتي تبغين تفضحينا علشان بطاقه
ميثه : ههههههههههههههه اثاريج تخافين وانا ما ادري
اليازيه : اوكيه خلاص الحينه بطرش طارق ولد عمي يروح يشتريلج بطاقه
ميثه : يالله انزين قبل ما أروح
اليازيه : صج لي قالوا طرار ويتشرط
ميثه : هههههههههههههههه يالله يالله بلا كلام فاضي
اليازيه : مابرد عليج لانج بيت عمي بس بعدين بتصرف وياج
ميثه : ههههههههههههه اوكيه خلصينا روحي ارمسي ويا ولد عمج
اليازيه : انزين اصبري اشويه .. ارمسي ويا بنات عمي لين ما ايي ما بطول عليج
ميثه واختها باسمه كانوا يرمسون ويا بنات عم اليازيه .. اما الشباب بالميلس
كانوا بجو ثاني سوالف وضحك ووناسه
منصور : اشحالك راشد
راشد : والله الحمدلله ابخير انته اشحالك
منصور : والله الحمدلله ابخير .. ما قلتلي شخبار البر وياكم
راشد : والله ما ادريبه .. بس آن شاء الله باجر بنروح البر وبنشوف حاله
منصور : زين والله يالله آن شاء الله تستانسوون
حارب : راشد باجر اليمعه و عمي ما بيخليك تروح البر
وليد : لا ما عليك هذا القلب يعني كل اللي يقوله يمشي
راشد : يالله بدينا بالحسد
خليفة : انته وين يحسدونك والله لو عشر سحار يتيمعون عليك ما بيقدرون عليك
خالد : بلاكم قلبتوا على الريال .. اشوي اشوي عليه عن يصير فيه شيء
راشد : شفت يا ولد العم كلهم عليه .. زين والله لقيت احد يكون وياي
منصور : ما شاء الله مسوين حزب بس ما يصير ثلاثه عـ واحد
خليفة : حارب شوف اربيعك تراه ضدك
حارب : لا لا ماعليك منه بس رمسه جيه يدامك .. الحينه بيظهر بيقول راشد يستاهل الرمسه اللي قالوها له
منصور : هههههههههههههههههههه خيبه تخيبك يا حروب الحينه انا بقول هالرمسه .. مشكله اللي يحبون يسون
فتن بين الحبايب
راشد : اصلا انا ما أقدر أصدقهم .. لان بصراحه حارب وخليفة و وليد غالبين مسيلمة الجذاب بالفتن والجذب مالهم
كملوا الشباب رمستهم اما أحمد كان بعالم ثاني .. ماكان يرمس وياهم ولا كان يضحك
الشاب اللي كان عمره 20 سنه .. ويشتغل بالشرطه اللي كان يحب بنت خالته وهو عمره 17 سنه بس لغلطة غلطها
بحياته دمرت حياته كلها غلطه خلت بنت خالته تخليه للاسف انها ما كانت تقدر حب أحمد لها ودرته لانه اشتغل
وما رضى يكمل دراسته مثل ما تبغي بنت خالته نور ونور هي بنت عمرها بعمر أحمد .. حبوبه بس متكبره وشايفه
نفسها وايد تدرس بنفس الجامعه اللي تدرس فيها اليازيه .. وهي بنت مخطوبة لواحد من بوظبي وكان يعاملها مثل
معاملتها لأحمد قبل ما تنخطب كانت تلعب بمشاعره وأحمد اللي كان يصدق كل كلمه تقولها له .. واللي كان يعرف
بحب أحمد لنور أخوه راشد .. وكان دوم يحاول يفهمه آن نور ما تصلحه بس ماكان يرضى بهالكلام ..
راشد لاحظ آن أخوه أحمد سرحان ومب وياهم .. وراح يرمس وياه علشان يعرف شو فيه
راشد : أحمدوه شو فيك ؟
أحمد : ها ما فيني شيء .. ليش تسال
راشد : كيف ما فيك شيء وانت ما ترمس ولا تضحك وطول الوقت سرحان
أحمد : مب سرحان ولا شيء
راشد : ادري فيك ما بترضى ترمس الحينه بس بتفاهم وياك بالبيت
أحمد ( ابتسم لاخوه ) : أوكيه ابرايك
وبهاللحظه اليازيه كانت يايه تدق باب الميلس بس استحت وهالشيء بيفشلها
نادت الخدامه علشان تدق الباب .. والخدامه كانت يايه تدخل الفاله للميلس
وكلمتها اليازيه علشان تنادي طارق
اليازيه : اصبري بقولج شيء
ميري : شو تبي انته .. يالس يكلم مثل هرامي
اليازيه : حرامي يشلج قولي آمين
ميري : شو يقول انته .. يالله خلص انا وايد في شغل
اليازيه : حشى اللي يقول انا اللي اشتغل عندها مب هي اللي تشتغل
ميري: انا في يسير
ويايه ميري تخلي اليازيه بس اليازيه مسكتها علشان تفهمها شو تبغي
اليازيه : اصبري يالدبه .. اسمعي قولي لطارق يطلع برع
ميري: بابا طارق في روح برع
اليازيه : وين روح هذا بعد .. انزين قولي لاي واحد من الشباب يطلع
ميري : انزين خلاص أنته سير اوقف اهناك انا في يزقر شباب
اليازيه : يالهبله بس نادي واحد منهم مب كلهم .. وبعدين مالج شغل وين بوقف انا
ميري : انزين كلاس لا يسوي جنجال واجد
اليازيه : انزين خلاص روحي .. حشى السانها اطول منها
وراحت الخدامه تنادي واحد من الشباب .. ودخلت الفاله للشباب داخل الميلس وكلمت حارب
ميري : بابا حارب في بنيه تبغي أنتي
حارب : انزين الحينه ياي بس اظهري و لا تنسين تيبين القهوة
ظهرت ميري من الميلس اتييب القهوة للشباب .. واستاذن حارب من الشباب وراح يشوف منو يبغيه .. ظهر وشاف وحده
عاطتنه ظهرها وما كان يعرف منوو هالبنت .. بس حط بباله انه وحده من خواته تبغي تقوله آن البنات يبغون يروحون
حارب : الريم شو تبغين
لفت اليازيه وكانت تتحري وليد اخوها هو اللي ظهرلها .. وعلى طول لفت ورمست
اليازيه : ولوود ابغي بطاقة بسرعه
حارب منصدم من كلام اليازيه .. واليازيه ما عرفت شو تسوي اول ما شافت حارب
حست بان احد رش عليها ماي بارد لأنها وايد كانت تستحي من حارب .. بس حارب كلمها وكانه ما صاير بينهم شيء
حارب : لمنو تبغين البطاقة
اليازيه (ترمس ويايه بتروح ) : هاا خلاص ماابغي
حارب : اصبري تراني ارمس وياج .. وعلى ما اعتقد تراني سالة سؤال
اليازيه ( وويها أحمر ) : خلاص ما أبغي البطاقة
حارب بدا يفقد اعصابه اشوي اشوي ويحس انه بينفجر بويه اليازيه .. بس حاول يمسك عمره كثر ما يقدر
حارب ( يرمس بعصبيه ) : وبعدين وياج بترمسن ولا لا
اليازيه : ابغي البطاقه لي .. وبعدين ممكن ما ترمس بعصبية
حارب : مالج شغل اذا برمس بعصبية ولالا .. و امسكي البطاقة هاي وبعدين احب اقولج شيء لين بتطلبين احد
مره ثانيه حددي تبغين منوو علشان مااتيني هالهبله وتناديني .. وقولي للبنات يظهرن برع لان اخوهم بيروح
اليازيه ( ترمس بغرور ) : اسمحلي الشيخ ما كنت ادري آن هالشيء بيزعجك .. وبطاقتك خلها لك محد يبغيها ..
و أحب أقولك ترى في أسلوب الواحد يرمس فيه ويا الناس اذا ما كنت تعرف خبرني بعلمك
ودرت اليازيه حارب وهي تحس بغصه بقلبها ما كانت تعرف ليش رمست وياه جيه
ويلست تلوم نفسها .. وتدعي على نفسها لانها ما كانت تقصد ترمس وياه جذيه
بس هو اللي خلاها ترمس بهالطريقه اما حارب كان معصب على اليازيه وعلى طريقة رمستها وياه .. وحط بباله انه
ما بيطوف لها هالشيء على خير
تقبلوا تحياتي
زايـ بنوووتة ـد
يالله عاااد
العرض العادي
المواضيع المتشابهه 
