ممممم وايد مواقف صارت لي مستحييل انساهاا .. وفي موقف اللي مستحيل انساه لو فقدت الذاكره ما انسااااه .. صارلي قبل فتره بسيطه .. بس ما اقدر اقوله .. .. وفي موقف بعد بصراااحه كان يخووف واول مره اشوف جدام عيني جيه ناس ..
كنا ظاهرين من السنما انا واهلي .. وتونا بنركب الدري اللي صوبنا سايرين .. شوي ولا نشوف واحد نازل من الدري الثاني ريال سكراااااان طييينه ويترنح يمين ويسار .. بدون شي على راسه وعقمته مالت الكندوره مبطله يعني شكله مبهذل من الخاطر كان وقت العصر تقريبا .. .. وطبعا كنا ظاهرين شله ما شاء الله وايدين .. وانا طبعي اني وايد بطئيه في كل شي وكنت اخر وحده امشي فيهم وكنت اقرب له منهم .. قعد يأشر علي يقولي انتي انتي تعالي بصور وياج .. انا هني تيبست مكاني والدموع في عيوني .. مع انه كان بعيد عني شوي بس مصدومه من الحركه والشكل وكل شي .. وقعدت أأشار على اللي عندي مب قادره ارمس من الصدمه .. ولا بعد متيبسه مكاني ماقدرت اتحرك بس عقب استوعبت ومشيت بسرعه .. ههههههههه قعدت اربع والله على الدري .. كنت اول مره اشوف انسان سكران على بالي بس في الافلام خخخخخخخخخ .. وعقب ياه السكيورتي وقعد يهزأه وين يفهم لك وهو سكران طينه .. ولا بعد يقول حق السكيورتي صبر بصور وياها حمدالله والشكر .. العقل نعمه .. الله يهديه ان شاء الله ..
- مثل دائما ترددينه ..
ماعندي مثل معين بس في امثله ارددها دوم على حسب الموقف ..
اللي مايطول العنب حامض عنه يقول .. << هالمثل ينطبق على الاشخاص اللي شايفين عمارهم ويوم مايقدرون يوصلون للشي اللي يبغوونه .. والمنافقين ..
دخيلج تكفي هالاسئله .. بسني حشا الاكرسي هو وحليله خخخخخ مب تحقيق ..*__^
يالله بسم الله وتوكلنا على الله ..
1-ماهو الشيء الذي يشغلك دائما وسرق النوم من عينك ..؟؟
التفكير .. في كل شي .. وخاصه لو صار شي ظيجبي في اليوم نفسه ..وماقدر ارقد مرات واييني أرق ..
2-ماهو الشي الذي يفرحك ...؟؟؟
كل شي احبه يفرحني وكل شي يصير واستانس به اكيد بعد يفرحني ..|
3-من خلال كشف شخصيتك سابقا بانك غير متزوجه....هل عشتي الحب او وقعتي في شباكه؟؟؟
لاتعليييق ..
4-من ماذا تخافين...؟؟؟؟
الفشل ..
5-لو كنتي تملكين الموقع باكمله وليس فقط المنتدى....فكيف سوف تجعلينه...؟؟؟
بخليه مثل ماهو ما شاءالله منتدى كامل والكمال لله .. ومافيه شي ينقد عليه .. بس يمكن بعض الاضافات البسيطه
6_ماذا يعني لك الجمال..؟؟وهل هو شي اساسي للمراه..؟؟؟
الجمال نعمه وفتنه في نفس الوقت .. طبعا شي اساسي .. بس في ناس ماتعرف كيف تحافظ عليه .. ويكون همها المظهر وبس .. مع انه المفروض يكون الباطن اجمل من المظهر والجمال ..
7-اي الالوان يريحك نفسيا...؟؟؟ولماذا
الالوان الفاتحه بشكل عام .. ليش ؟ لانها تريّح النظر والنفسيه ..
8-هل تحبين القراءه...؟؟؟واي نوع منها...؟؟؟
يس يس احبها .. واحب اقرا القصص اكثر شي ..
9-ماذا تعني لك الرومانسيه....؟؟؟صفي الرومانسيه من وجهه نظرك
الرومانسيه حلووه .. والرومانسيه شي لا يتجزأ مني ..
ممممممممممممممم .. هي احساس ومشاعر اتجاه نفسي واتجاه الشخص الاخر .. هذا اللي اقدر اقوله بشكل عام ..
10_ماذا يخطر ببالك عندما ترين حوادث السيارات ؟
اذا ماكنت موجوده مع امي في نفس السياره على طول اتي هي في بالي .. الله يطولي بعمرها يارب .. وبصراحه اخاف من الحوادث ومن سيرتهن حتى .. واحس اشنع حادث بالنسبه لي .. لو حد دعم بعير .. اقول مستحيل يعيش .. الشي الوحيد من بد الحوادث كلهن اخاااف وايد منه..
من الرومانسيه الى الحوادث صدق اني دبه ..خخخخخخخخخخخ الاعتراف بالحق فضيله ..هههههههههههههه ..
11_ حبوبة لو قلت لج بغير نكي واختاري لي نك على ذوقج
شو بتختارين لي ؟؟؟
ممممممممم خريش هههههههههههههه .. ولا العيوز ولا فرفوشه .. خخخخ جيه احسج ..*__^ .. لاتزعلين .. سواالف ..
الكتاب" تربطنا به روابط عديدة, ماهي علاقتك معه حديثاً وقديماً
كل شي نتعلمه من الكتااب .. اقصد في الدراااسه .. في المدرسه من الكتب والكولج بعد من الكتب .. مممممم قبل ما ادانيه بس الحين .. اقرا كتب القصص منه ومن النت .. *_^
**********************
وكنت اخر وحده امشي فيهم وكنت اقرب له منهم .. قعد يأشر علي يقولي انتي انتي تعالي بصور وياج ..
كنت اول مره اشوف انسان سكران على بالي بس في الافلام خخخخخخخخخ .. وعقب ياه السكيورتي وقعد يهزأه 
>>>
العرض العادي
