واااااو..إنتي واااااايد حلوة

***حلم**** · 19-04-2006, 06:41

إنتي جميلة و فاتنة و جذابة و روعة
و كل شي فيج حلو

أكيد تسمعون ها الكلام وايد
إن كان موجه لكم يا بنات ولا لغيركم بس تسمعونه
هنيه سؤالي مب حق البنات بس لكن حق الشباب بعد
هل جمال البنت (الخارجي) شي مهم جدا

أنه يكون جواز مرور مثل ما يقولون؟؟
وليش الرجل يوم بيسأل عن وحده يسأل أول شي عن جمالها؟
مجرد سؤال.. أبغي أعرف رايكم في موضوع الجمال...

و السموحة..........................................

**wald-3amer** · 19-04-2006, 07:10

لا تعليق على السؤال.......!!

حدثنا مسدد، ثنا يحيى يعني ابن سعيد، قال: حدثني عبيد اللّه، حدثني سعيد بن أبي سعيد، عن أبيه، عن أبي هريرة،
عن النبي صلى اللّه عليه وسلم قال: "تنكح النساء لأربعٍ: لمالها، ولحسبها، ولجمالها، ولدينها، فاظفَر بذات الدِّين تربت يداك".

**علـ مبارك ـوه** · 19-04-2006, 08:36

ههههههههههههههههههههههههههههههههههههههههه

ههههههههههههههههههههههههههههههههههههههههه

اخوي حلم والله اذا تاخذ رااي انا ما يهمني

جمال الداخلي مب جمال الخارجي

لانه جمال الخارجي ما يدووم

وجمال جمال الرووم مب جمال الشكل

اخوك عـلـ مبارك ـوه

**روووح العين** · 19-04-2006, 09:38

هههههه بعيد عن المثاياااااااااااااات

انا بنت واظن هالسؤال لازم ينطرح عالشباب بس حبيت اعقب على كلام اخوي عـلـ مبارك ـوه وبصراحة وبدون زعل ماظن هالايام في ريال يهمه الجمال الداخلي وبس ..بدلييييييييييل انه اي واحد يفكر يخطب فلانه ماشالله عالشروط اللي يحطهن 1 , 2 , 3, ..... هههه مادري و ين بيلقى هالمواصفات كلهن وعفكرة (1) الجماااااااااااااااااااااااال

حياج اختي حلم

احساس طفله · 19-04-2006, 10:09

اويه جــــــــــــــان استحي منكم

يعني السؤال للشباب

يالله

شاو شاو بتغشاا وبرد

ااااا

**ملاك الأرض** · 19-04-2006, 10:25

اويه جني داشة غلط

ع العموم الموضوع وااااايد حلو للنقاش وان شالله الشباب يكتبون رايهم

بصراحة

وتسلم يمناك اخوي ع الفكرة ال

والى الأمام

**عزه** · 19-04-2006, 11:30

يحق للشاب ينطرح عليه هالسؤال وينسال عن جمال البنت
ومايحق لنا نرد ؟ وننسال عن راينا في جمال الشاب !!

هاي انانيه لوول

انا بسال نفسي بنفسي مايخصني ..

مايهمني شكل الريال ومااهتم في جماله ..
لان الجمال جمال الروح ..

والله سبحانه خلق جميع البشر باحسن تقويم ..

وتبون الصدق في عمري ماحسيت ان في انسان خسف او قبيح..

سبحان الله انظر للكل بنظره عادية ..

وشكرا على الموضوع والسموحه على المداخله ..

**خلود المشاعر** · 20-04-2006, 01:37

احم احم انا بدش عرض شوي .. هههههههههههه ..

ااااا

طبعا مثل ماقلتوا الجمال جمال الروح

.. لانه يتم .. بس الجمال الخارجي مايتم مثل ماهو.. وانا معاكم في هالشي ..

لكن في هالزمن لازم اي واحد يخطب اكيد واكيد ايي على باله هالسؤال هي حلوه ولا لا

.. صح يمكن مايهم بس يكون في فضوول ..

وبصراحه لو سأل اذا حلوه ولا لا من حقه على الاقل يعرف هو بيعش مع وحده يقدر يجابلها كل يوم صبح وليل ...

مب شرط تكون ملكة جمال بس مقبوله على الاقل

شكليا .. ولااا انها تكون قبيييحه ما تتشاهد ..

حتى البنت لو ياها واحد يكون فيها فضول تعرف هو وسيم ولا لا..

هذا رايي والسموحه لو طولت عليكم ..

خلود المشاعر

**دار الزين** · 20-04-2006, 04:01

حلم

شكراً على طرح هذا الموضوع المهم

أنا بالنسبه لي الجمال شي مهم جداً جداً جداً

فيه حديث عن الرسول صلى الله عليه وسلم بما معناه

تنكح المرأه لاربع لمالها وجمالها وحسبها ودينها

ما أعتقد فيه شخص ما ينظر للجمال مستحيل شخص ما يفكر في الجمال

فالمستقبل إذا تزوج والزواج عشره عمر يقضي باقي حياته مع زوجته

إذا ما كانت جميله أو مقبوله الشكل بينفر منها

وهذا شي أكيد وطبعاً الجمال مب كل شي

فيه اشياء ثانيه المفروض تكون مع الجمال الاخلاق والدين

**اليـــازية** · 20-04-2006, 12:39

أنا اشوف انه موضوع الجمال يعتمد على الريال نفسه

هل انه يهتم للجمال الخارجي أو لا ،

شي منهم ينجذبون للبنت عن طريق اسلوبها و شي منهم ينظرون لجسمها و شي منهم لجمالها

بس الجمال نقدر انحطه المعيار الأول بس قبله طبعا الدين و الأخلاق

إذا البنت افتقدت الأخلاق ، لو شو ما كانت حلاتها و جمالها الخارجي ما يغلب على جمال الروح .

و هالزمن إذا البنات ارواحهن يسألن عن الريال حلو و لا مب حلو

فما بالكم بالريال أكيد بيسأل عنها حلوه و لاّ مب حلوه .

السموحه على المداخله

و شكرا على الموضوع