60 ألف درهم غرامة والسجن عاماً عند تكرار المعاكسات،وضبط المعاكسين >> حليلهم

**روح الدلع** · 27-04-2006, 10:43

60 ألف درهم غرامة والسجن عاماً عند تكرار المعاكسات ..وضبط المعاكسين في السيارات

تبدأ شرطة أبوظبي بناء على توجيهات الفريق سمو الشيخ سيف بن زايد آل نهيان وزير الداخلية تنفيذ المرحلة الثانية من مراقبة المعاكسين وضبطهم وذلك من خلال مراقبة سلوك السائقين في السيارات بالشوارع والمواقف العامة في أبوظبي.

إضافة إلى الاستمرار في مراقبة المعاكسين في المراكز التجارية والعامة والتي يرافقها حملة توعية مستمرة في عدد من الجهات لتوعية أفراد المجتمع والشباب بخطورة هذه الظاهرة ونتائجها وآثارها السلبية على المجتمع.

وكشف مصدر مسؤول في أبوظبي عن أن التوجيهات تنص على انه يتم توقيع المعاكسين المواطنين في المرة الأولى على تعهد بعدم تكرار المخالفة والسجن مدة شهر وفي تكرار المخالفة فانه يتم فرض عقوبة السجن لمدة عام وغرامة قيمتها 60 ألف درهم.
(( حليله اللي بينزخ بيكون قيس بن الملوح خلف القضبان ))

وقال انه بناء على دراسات واقعية قامت بها الأجهزة المعنية تم التوصل إلى أكثر الطرق التي يستخدمها المعاكسون للقيام بهذه الممارسات والأماكن التي تكثر فيها ومنها المراكز التجارية
(( الله يستر على المراكز التجاريه بتعلن الافلاس )) .

ومن داخل السيارات في الشوارع والمواقف العامة وبناء عليه تم توجيه عدد من رجال ونساء التحريات للقيام بمراقبة هذه المراكز إضافة إلى سلوك السائقين لضبط المعاكسين الذين يقومون بهذا العمل في الطرق ومواقف السيارات
(( ماخلولهم شي

)).

وأكد المصدر انه بعد القيام بدراسة للأساليب المتبعة في المعاكسات
(( بس زين مايبتكرون اساليب يديده ترا الحاجه ام الاختراع

))
وضعت شرطة أبوظبي خطة للتصدي لهذه المشكلة والعمل على الحد منها خاصة وانه خلال الحملة الأخيرة التي نفذتها الأجهزة الأمنية تم ضبط 45 شخصا خلال شهر واحد

مشيرا إلى أن الإجراءات والعقوبات الجديدة التي فرضتها الشرطة مؤخرا ساهمت إلى حد كبير في خفض عدد المعاكسين حاليا. (( الله يقويهم ))

وتقضي توجيهات سمو وزير الداخلية بسجن المعاكسين من المواطنين والمقيمين طوال شهر كامل، بالإضافة إلى تطبيق عقوبة الإبعاد على الوافدين وفرض غرامة 60 ألف درهم على المواطنين والسجن عاما في حال تكرار المعاكسة بعد التوقيع على تعهد بعدم التكرار في المرة الأولى
(( الله يحفظه ويديمه

))

اقول اذا على 60 الف السلفيات ماتقصر

<< اسولف طبعا

الله يهديم هالشباب صدق مصخوها بس بعد ماننسى دور بعض البنات في هالشي

منقول بتصرف

**عزه** · 27-04-2006, 11:01

السلام عليكم
والله لو البنت مالبست هالعبايه ام المناكر
ولبست كله اسود في اسود وغطت ويهها وتمشي حشيمه ولا تتلفت يمين ولا يسار وكانت مع محرم او اهلها او خواتها وامها
صدقوني ولا مخلوق يتجرا يسوي لها شي
انا امشي مرات بروحي في كارفور وجدام الف واحد ولو اخطف جدامهم ينزلون راسهم ومايطالعون
ولا عمري شفت المعاكسات هاي اللي يتكلمون عنها .

الريال لو ماشاف شي من البنت حركه او ضحكه او مشيه مب طبيعيه او تصدد او ابتسامه
او عبايه مرصصه او شيله ملونه بخمسين لون وعطر فواح

مابيتجرا ومابيتقدم ..

لو هالقانون يطبقونه على الجنسين ومب الشباب وبس

دوم ظالمين الشباب ليش ابغي اعرف ؟؟
يعني يزخون المعاكس والبنت يخلونها ؟

ليش ؟؟

والله المفروض الحكم يكون نفس الشي والبنت بعد يجلدونها ويفرضون عليها دفع الغرامه والسجن حالها حال الريال ..
عسب تتادب وتحترم نفسها .

بعيني انا شفت شباب قاعدين على الكوفي والبنات يحاولون يرقمونهم

في هالحال لو قام الولد وعطاها كف على ويهها وقال لها سيري بيتكم وتادبي وايد اوكي

والله الريال انسان الله خلقه انه احيانا شهواته تحكمه والمراه هي مصدر الفتنه له
يعني لو ماشاف شي منها مابيسوي لها شي .

يعني لو الحرمه كانت زينه وحشيمه
الريال مابيسوي لها شي
حتى لو كانت بنت وحده حشيمه جدام الف ريال

وغير السوالف اللي تصير في الباركنات
يعني لو البنت ماركبت ويا الريال هو بيي وبيشلها من بيتها غصب ؟؟!!
مستحيل اصلا ..

اما لو كان المعاكس صدق يلعوز بنت ويركض وراها وهي مب مسوتله سالفه فهذا يستحق العقاب

لكن انا اشوف هالشي نادر حاليا
لان الحين البنات مستقويات ومحد يروم يركض وراهن غصب ..

اللهم ارحمنا واهدي بنات المسلمين

مشكورة اختي

غيض من فيض فقط لااكثر ..

والسلام عليكم

**روح الدلع** · 27-04-2006, 11:22

اقتباس:

الريال لو ماشاف شي من البنت حركه او ضحكه او مشيه مب طبيعيه او تصدد او ابتسامه
او عبايه مرصصه او شيله ملونه بخمسين لون وعطر فواح

مابيتجرا ومابيتقدم ..

صدقتي الغلا

اقتباس:

اما لو كان المعاكس صدق يلعوز بنت ويركض وراها وهي مب مسوتله سالفه فهذا يستحق العقاب

بس بعد هالنوعيه موجوده ونفس ماقلتي هم اللي يستحقون العقاب

اقتباس:

اللهم ارحمنا واهدي بنات المسلمين

اللهم اهدي بنات وشباب المسلمين

تقبلي مني فائق الاحترام على هالرد الرائع

ماقصرتي شيختي

**سـ العين ـواد** · 27-04-2006, 08:24

جي جي جي ليش

شو الشباب بس هم السبب يعني بالله عليهم

عيل والله لو يحطووني انا مراقب على هالمواضيع كلها قسما بالله في اليوم الواحد بمسك لي فوق ال 14 او 15 سيارة وكل سيارة فيها 3 او 4 بنات في دبي وهن اللي يتحرشن في الشباب

انا ما اتكلم عن بنات دبي كلهن ... بس والله لو يبون نسبة البنات اللي فارطات واللي يغازلن شباب واييبن السمعه لنفسهن

بتكون نسبة 85 % والله

وليش فارضين هالقانون يعني بالله ؟؟؟

ما تشووفون البنات والحشيمة اللي طالعه في البلد .. ما تشوفون العباية المرصصة والشيله اللي بمليون لون والويه اللي تقولين جيتي مخمس عليه صابغتنه صبغ

ومشيتها عافاني الله تقولي شوية وبتطيح من ايدها الملّه

حسبنا الله عليهم ونعم الوكيل

صدق قوانين فيها ظلم كبير وخاصه في وقتنا الحالي ... لأنه ممكن في بنات يتبلّن على شباب مالهم دخل بهالمواضيع كلها ويشربونها عاد هم

بس الشي الوحيد اللي بيكون أوكي فيهم .. إنه بيحدون من (( عزكم الله )) كلاب البنات في الشوارع

والسموحة على هالكلمة يعني بس هاللي نشوفه دوم ... 20 ولا 15 موتر ورى موتر بنت وحده

وين تبوون يابوي

تسلمين اختي عالموضوع ... مافيني اكمل واغلط على الطرفين .. الحكومة .. والشباب والبنات

ســ ـ ـــواد

**علـ مبارك ـوه** · 27-04-2006, 08:58

ههههههههههههههههههههههههههههههههههه

هههههههههههههههههههههههههههههه

اول شي يسلموو اختي رووح على الموضووع

وثااني شي ترى مب بس الشبااب هم الي يغازلون شي بنات هم الي يسوون كل شي واخر شي يتوهق الولد في نص الفلم وسبه بنت يعني والله يكون في عون الشباب والله له الكل شي ضدهم

**عزه** · 27-04-2006, 09:12

اقتباس:

المشاركة الأصلية كتبت بواسطة سـ العين ـواد

وكل سيارة فيها 3 او 4 بنات في دبي وهن اللي يتحرشن في الشباب

انا ما اتكلم عن بنات دبي كلهن
ســ ـ ـــواد

اخوي سواد كلامك على العين والراس

بس ياريت لو ماتحدد وتقول بنات دبي وبنات اي اماره ثانيه علشان محد يتحسس من كلامك

والسموحه على التدخل

**راعي الوفا** · 27-04-2006, 09:42

بالنسبه لكلام اختي عزه ع العين والراس ..

وكلامك اخوي سواد بعد ع العين والراس ..

لكن الواحـــد ليش يقول كلام ويعرف نفسه فالنهايـــه بيقول ليتني ما قلت هالكلام او ع الاقل بيحاسب نفسه ..

خلونا ناخذ الطرفين ..

الطرف الاول .. الشباب ..

الشباب مستحيل يسيرون لوحده متنقبه وحشيمه ولا هي مبينه مفاتنها وتمشي بدون ما تطالع هذا وهذاك وتسوي حركه لهذا وهذا ..

بعدين الواحــد بيستحي والله اني ما قد ريت واحد يلحق وحده حشيمه فمظهرها ..
بالعكس والله يوم تخطف جدامه انه ينزل راسه او يغير مساره ..

اما اذا فيه واحد يلحق هاي وهاي وما خلى حد فحاله فيستاهل الحجز وغيره واكثر .. هذيلا بنات ناس حتى لو الناس اهملووهم انته شو تباهم استر غيرك يستر عليك ربك ..

الطرف الثاني البنات ..

تيي الوحده حشيمه ويا اهلها او حتى محرم لو ياهل بس محترمه نفسه وحافظه اسم ابوها واخوانها واهلها في مشيتها ورمستها ولبسها والله محد يتقرب منها بالعكس الناس والله تستانس يوم تشوف الحشمه يحسووون الخير موجود وبكثره ..

اما اذا المسكينه ركبت موترها وطولت ع المسجل وتمت تساير عدال الشباب شو نقول فيها .. ؟؟!!

او يالسه تسابق شباب .. تستوي والله تستوي ..وشي حاااااصل ..

حفت النار بالشهوات وحفت الجنة بالمكاره ..

والا اذا نزلت الوحده فسيتي او مركز وتقولون مخلصة غرشة الكلونيا كلها على عباتها وتتمشى وتظحك وترفع صوتها حتى لو الريال ما يبا بتفتنه الا اللي الله مثبت قلبه يعني هو ما دور هن يدورن ليييش ..

والله انه فيه بنات يستاهلن الحبس والغرامه اكثر عن بعض الشباب ..

والله انه شي شباب يستحووون يحطووون عينهم فعين وحده من كثر احتراهم وتربيتهم وطبعهم الطيب وبعد البنات وايد ..

وفي من الشباب اللي ما يخلي وحده تخطف جدام عينه الا وهو محللها ..

صح شباب يرقمووون بس والله انه شي بنات يرقمن ... شي حاصل وصااااار ...

اما بالنسبه للغرامات ..

يعني حتى لو الشباب مظلومين فهالشي انته بترضى ان اللي مب مظلووم انه كل ما انزخ يطلعوونه او محد يقوووله شي بتستوي الدنيا فالتوووه .. انا الي اقوووله لو بعد ما يغفلووون عن البنات بيكووون اعدل ..

الحين الواحد والله انه يخاف يسير مراكز او محلات .. انا دشيت مول من المولات والله ما قدرت اطول .. شي مب طبيعي بنااااات مزر الدنيا ولا شاااب الا اثنين او ثلااااثه وكل وحده متعدله ومادري شو تقولون سايرات صالة عرس .. والله طلعت ما سرت فوووق ..

عالعموووم موضوووع طويل ويباله اكثر من هالكلام اللي قلته لأنه مب يسد ولا يوفي ..

الله يعز حكومتنا .. والله يطول عمار شيوخنا .. والله يهدي شبابنا وبناتنا ..

تسلمين اختي ع الموضوووع ولا هنتي ..

اتمنى كلامي ما يزعل حد هذا رايي ..

والاختلاف في الرأي لا يفسد للود قضية ..

تحيــــاتي لــــكم

راعـــ الوفا ــــي

**عزه** · 27-04-2006, 09:53

يا سلاام يا سلاااااااااااااااااااااااااااااام

على كلامك وردك يا راعي الوفا
تستاهل احلى واحلى واحلى صفقه

والله الشاهد اني استمتعت وانا اقراه

كلامك كله صح ماشاء الله عليك وعلى تربيتك واخلاقك........

لي رجعه

**راعي الوفا** · 27-04-2006, 09:56

اقتباس:

المشاركة الأصلية كتبت بواسطة عزه

يا سلاام يا سلاااااااااااااااااااااااااااااام

على كلامك وردك يا راعي الوفا
تستاهل احلى واحلى واحلى صفقه

والله الشاهد اني استمتعت وانا اقراه

كلامك كله صح ماشاء الله عليك وعلى تربيتك واخلاقك........

لي رجعه

الله يسلمج اختي على كل كلمه ويعطيج العافيـــة ..

ردج صريح وعيبني وفاهمه كل شي ما شاء الله عليج ..

تسلمين ويعطيج العافيـــة ..

**عزه** · 27-04-2006, 10:09

الله يسلمك ياخوي
الصراحه الواحد يرتاح نفسيا يوم يشوف شاب من الامارات ويتكلم بهالمنطق وهاي النظره ..

عجبني فيك لما قلت

والله انه شي شباب يستحووون يحطووون عينهم فعين وحده من كثر احتراهم وتربيتهم وطبعهم الطيب وبعد البنات وايد ..

بهاي صدقت وصح السانك مليون مره

والله انه زمن العجايب الحينه ..

اللهم احفظنا

بعد برجع ترى