هل حدثت لك قصه واقعيه(تفضل بكتابتها)ارجو التفاعل - الصفحة 53

**عنونه** · 29-11-2006, 12:41

الله يسلمك

**دمعة الحب** · 03-12-2006, 02:38

عندي ليكم قصة تهلك من الضحك استوت لي في آخر رمضان كنت رايحة مع الوالدة و حرمة اخوي المسجد كنت ناهية قيام الليل أبغي أصلي متعودة كل قيام أروح أصلي و بالمرة أحصل ربعي هني يصلوا المهم صليت و خلصت و لما كنت أبى أطلع دورت نعالي ما حصلتها

اتفاجأت لان وااايد يقولولي انوا في حد يسرق النعلان و في مرة ربيعتي سرقوا نعالتها و اتمسخرت عليها و يا الدور هالمرة علي تخيلوا تموا البنات كلهم يضحكوا علي و ما كان عندي حل غير اني اروح البيت حافية ( أنا أصلا أنهي المسجد مشي ) تخيلوا ارد مشي و حصا و يعور و بنات يضحكوا علي يعني كان شكلي مايتطوف

حتى كانت هني أبلتي تصلي ويانا و ضحكت علي ...

بصراحة كان موقف تحفة ...

**وردة عشق** · 03-12-2006, 03:18

ما أتخيل شكلج ..

يسلموو ع القصة

دمتي بود

**سـ العين ـواد** · 09-12-2006, 01:22

**وردة عشق** · 14-12-2006, 08:56

عندي لكم قصة طاازجة اليوم صاارت ..

اليوم أول حصة كانت علينا أحياء .. وأبلة الأحياء من النوع العصبي بسررعة .. المهم .. كانت تدربنا ع العملي عشان الإسبوع الياي إمتحانا العملي .. المهم .. ، قسمتنا لمجموعتين .. مجموعة تسوي تجربة المجهر ومجموعة تسوي تجربة ثانية مال المحاليل .. المهم .. نحن كنا نسوي مال المحاليل .. وخلصنا ورحنا نسوي التجربة مال المجهر .. وأنا كنت واقفة صوب طاولت المعلمة .. وشوي شي يطيح صوبي وينكسر ..
يوم إلتفت أنبوبة زجاج إنكسرت .. والأبلة قعدت تتنازع وأنا أقولها ما أنا .. أنا مالي خص .. وقعدت تنغزني في الكلام .. أنا عصبت منها وطلعت وكنت شوي وبصيح بس إستحملت .. وبعدين رحت وخبرت وحدها أعرفها وراحت للأبلة وقالت لها إني ما كسرت .. قالت لاا عاادي أنا ما قلتي إنها كسرتها << يدو قالت .. وبعدين قالت حتى لو كسرتها فدااها

.. وبعدين خبرتني ربيعتي بشو صاار .. وهذي هي القصة ..