الحين أخبركم عن إستاذنا الأمريكي في التقنية بس قبل لا أبدأ خلوني أخبركم عن حياته
حضر إلى الخليج في حرب الخليج الأولى مع الجيش الأمريكي و كان يعمل معهم بعد إنتهاء الحرب عمل في الكويت ثم إنتقل إلى السعودية و الآن هو
في الإمارات من أربع سنوات يعني بالعربي عشرين سنة قضاها في الخليج يعني الحين يكتب عربي و بالتشكيل بعد
و يعرف الكثير من الأشياء عن الإسلام و لكن مازال ( ملحد ) أمه يهودية و أبوه نصراني أما هو لا يعترف بالأشياء الباطنية و لكن يعترف بالماده
يعني اللي يشوفه جدامة يصدقه أما أشياء ربانية و روحيه هذا ما يعترف فيه المهم الحبيب أول أيام الدراسة دخل علينا الكلاس و الطلاب على
بالهم أنه مثل بقية الأساتذه ما يعرف عربي و قاموا الحبايب يحشون فيه لا و بعد بصوت عالي
و كان الكلاس تقول حفله مسيقية بس يوم رد عليهم
و بالعربي في ذاك الوقت لو رميت إبره بتسمعها و هي تسقط و كل الحبايب ( صخوا ) و لا واحد تنفس
ولكن ظهر الحبيب لعين من أفاعله , طبعا البعض ما يلومه لأنه ملحد من بين أفعاله عنده قاعدة طبعا تعرفون قانون التقنية أو الجامعات
التأخير محسوب بالدقيقة بس عند إستاذنا الأمريكي لا عادي تتأخر و حتى عادي تغيب بس بشرط و يقولها بصوت عالي عطوني ( رشوه ) و بمسح الغياب
أو التأخير
...!! بس الرشوه تكون عبارة عن ( كوفي لاتيه ) و اللي ما يعرفه يروح إستار بوكس و بيعرفه و اللي ما يعرف إستار بوكس يحرق عمره
المهم الشباب ما يقصروا كل يوم متأخرين و كل واحد يدخل و معاه كوفي و الله بعض الأيام يوصل عدد الأكواب 6 و هو بطنه خزان يشرب و لا يحاتي
لا و بعد الكلاس مخلينه مثل العزبة الله يعزكم يعني كل واحد جدامة ( بيبسي أو أي مشروب , أو حب , شبس , سندوشات ...إلخ )
و الحين تتسألوا وين المسؤولين الرد المسؤولين يداومون الصبح و نحن دوامنا المساء يعني لا من دري و لا من عرف .
و بعدين علقوا لوحة و قوانين جديدة في الكلية ممنوع منع باتاً الأكل و الشرب في الكلاس الحبيب قال خلاص ما شيء رشوه المتأخر بيتسجل تأخير
بس نحن عادي عندنا يوم يكون برع أو ( بريك ) نأخذ ورقة الغياب من شنطته و نمسح كل الغياب
و سالفة الأكل إسبوعين بعد القرار و بعدها ( ردت حليمة لعادتها الجديمة ) و الحين ناكل و نشرب على كيفنا
و الحين الحبيب قال ما شيء رشوه راح يدور طرق ثانية و من بينها كان يتكلم في السياسة و قالم يتفلسف في الدين و يعصب ولـــ عامر ــد
وقام يرد عليه أول شيء تكلم عن أكراك العراق و يقول ليش ماتقسموا العراق و تعطوهم أرض و إستقلال كان ردي سهل و بسيط
قلت له شلوا اليهود من فلسطين و عطوهم أرض في أمريكا و نحن بنعطي الأكراد أرض ( ذكي ) يعني حل سهل و بسيط و أنا أعرف أنه بيرفض لأنه أمه يهودية
و أي واحد أمه يهودية فهو يهودي و يلس يلف يمين و شمال و دخلنا في سوالف السلاح النووي و ليش إيران تحاول تصنع أسلحة المهم كنت أحاول أقنعه بأي طريقة
بس هو الله يعزكم مثل الحمار ( الحين سبيت الحمار ) يعرف أن الكلام صح بس يماطل و يتجنب و بعدين دخل في سوالف الدين و هذا اللي
أنا كنت أنتظره و قام يتفلسف بس أنا كنت مجهز له رد و لا ألف رد يعني بحطمه بحطمه ما شيء مفر و قلت له ليش الواحد يوم يكبر اللحية قلتوا إرهابي أما اليهودي
إذا أطال اللحية قلتوا هذا متدين ....؟؟؟
و قلت له ليش المسلة إذا لبست الحجاب قلتوا متخلفة
أما المسيحية ( العاملات في الكنيسة ) إذا لبست الحجاب قلتوا متدينه ...!!!
و بعدها الحبيب ( صخ ) ما عرف شو يرد و بعدين قال أنت كذاب و أنت تزور الحقائق و يلس يتهم و يحش فيني و من هذاك اليوم كل ما يشوفني تقول شايف إبليس
لا و بعد أحيانا في نص الدوام يقول لي روح البيت و بسجل لك حاضر
و أنا ما أصدق على الله مره أشل اللاب توب وركض .
بس للأسف دومه الحمار ما يتوب قام و يرد و عنده خطه يديده قام يعلم الشباب ألفاظ و حركات نفس و يهه القذر يعني لو واحد دق تلفونه و قال هذي الوالده
يرد الإستاذ يقول خلني أكلمها أو سلم عليها <<<< يعني يستهبل
و أحيانا يكلم زوجته و يقول لها الطلاب يريدون يسلمون عليج و يقول للطلاب قولوا ( ولكم ) و بعض الشباب اللي عندنا على طول ما يصدقوا على الله
يعني الحين الأمريكي يحاول ينشر أشياء كثيره و هذي الأشياء تخالف عاداتنا و تقاليدنا و تم يتمادى شو شوي لغاية ما إنفجر عليه الشباب
و نحن عندنا بعض الشباب ما يصدقون على الله يحصل أي شيء يعني يردون أتفه سبب ليجلبوا الكلاس و يخلوها حفله بدون كيك
و نرفع ضغط الإستاذ على الآخر و أحيانا أو ساعة في الدوام يقول لعدد من الطلاب روحوا البيت و أسجلكم حضور بس نحن نريد نستهبل نقول
شو ورانا يالسين و مازالت الحفله مستمرة و عندي الكثير من سوالف هذا الطمة و الحين رايح أمريكا عنده مشكلة يعلة ما يرجع ....
*********************************
قصة أخرى :-
مره كان يدرسنا إستاذ أمريكي هذا الكلام أول السنة و طبعا المفروض كل طالب يتعرف على الأساتذة و ربعه في الكلاس
و قام هذا الأمريكي الغجري و حط صورة عائلته و قام يخبرنا قصة حياته و نحن شوي و بنرقد
و بعد ما خلص قام يسأل علن أسمائنا و يعني يأخذ معلومات عامة
و في النهاية قال حد عنده صورة عائلته يخلينا نعرضها و نتعرف عليه
و كان الرد القاتل قلنا هذا عندكم ما شيء عندنا و طحنا فيه و خلينا و يهه
لوح بس ناقص نكتب عليه و أدبناه و الله ريحنا منه و نقلوه عنا .
*********************************
القصة الأخيرة :-
مرة و في الدوام الصباحي كان أحد الأساتذة مريض و خذ إجازة و الطلاب في الكلاس محد عندهم و راحوا يلعبوا لعايبهم و اللي مشغل مسرحية و اللي يسمع ميحد حمد و مطول على الصوت آخر شي
المهم فجأه و بدون مقدمات إنفتح الباب و الحبايب من المفاجأة ما عرفوا شو يسووا صدمة كبيره يعني شي غير متوقع و بدون سابق إنذار
الشيخ إنهيان يدخل عليهم الكلاس
أوف و الله قوية قام الشيخ و تكلم إنجليزي يسأل واحد من الطلاب و هذاك الطلاب يس و نو ما يعرف معناهم المهم توهق البطل و الشيخ نهيان يكلمة
و هو ما يعرف يرد و عصب الشيخ و قال ( إن شاء الله إجازتكم بتطول ) ...؟؟؟
و نحن قلنا عادي ما بيسوي شيء و بعدها
و الله عطونا بروجكتات الله لا يبليكم فيها و الله لغاية اليوم ما حليت الكمبيوتر لأنه إذا ما حليت الرياضيات ما تقدر تحل الكمبيوتر و أنا حليت الرياضيات بعد عناء
و عطيت الأستاذ الأوراق كلها يعني أنتظر حتى يرجعها الأفندي بس للأسف وقف تسليم المشاريع إنتهى و بعدين كنت متعايز لأني إنكرفت كراف
يعني بالعربي صفعونا في البروجكتات
.
***************************
و في الختام السموحة لأني طولت عليكم بس حبيت أخبركم كيف دراستنا هذي الأيام .
و إن شاء الله بعد شهر و هي مدة الإنتهاء من قراءة قصتي
أقول لكم بعض القصص الأخرى ترى الحين فاضي و ما عندي شغل يعني أفضفض .
و توته توته و إنتهت الحتوته
العرض العادي
