Cotton Candy

لازم تعرفون وش السالفة أول

أنا تخرجت هالسنة من الثانوية وانتوا عارفين آخر سنة لازم نشد حيلنا و أنا كنت هبله ما أدرس إلا ليلة الامتحان !! لا و بعد أبدأ متأخر كذا الساعة 8 بالليل والمناهج طويلة و أروح مواصلة يعني ما أنام وما يمديني أخلص المنهج (أكيد) تخيلوا و أنا ثانوية عامة !! فكنت أروح المدرسة بدري و أكمل دراسة في المدرسة قبل ما يرن الجرس و أروح بعيد عن مبنى الثانوية أقعد أدرس في الحوش علشان أخاف أدخل المبنى أقابل صديقاتي و أقعد أسولف و ألتهي ! المهم شوفوا

الصورة الأولى:



هذي لما كنت أجي بدري ما أفك عبايتي (مافيه وقت أبي أستغل كل لحظة هههه) و كنت أمشي على هالعشب الأخضر و أدرس و يكون هو فيه قطرات ماء شايفين (اللي) الظاهر يسقون الزرع كل صباح بدري قبل لا نيجي المدرسة فكانت عبايتي تصير مأساة من تحت بالأطراف هههههههه كلها تراب مع موية !! بس أنا ما كنت أهتم لهالشيء وقتها مو فاضية الا اني ادرس ! و أدخل المبنى و انا حالتي حاله أفك عبايتي على طول قبل لا تشوفها اي بنت هههههههاي


الصورة الثانية :



مستغربين صح ؟ هذا حمام ايه حمام ههههههه
وش سالفته ؟ في يوم اختبار الكيمياء قلت لكم انا هبلة رحت المدرسة و فصلين ما فتحتها ما أمدااااني و رن الجرس و أنا ما ودي أدخل القاعة أبي لو أمر على الصفحات كذا بسرعه يمكن أي معلومة تعلق في ذهني و المدرسات قاعدين يطلعون البنات فوق على قاعاتهم قمت أنا وش سويت ؟؟ قلت ما فيه إلا الحمام(وقتها ما رحت أدرس بالحوش كنت داخل المبنى) و دخلت الحمام أكرمكم الله وشايفين المكان اللي مأشره عليه بالسهم هناك حطيت كتاب الكيمياء و قعدت أقرأ وأنا واقفة و أمر على الرسمات بسرعه و أسمع صوت المدرسات برى بالساحه ينادون نداء أخير و أنا (لااااااااااء) ههههههههههه (حرام) بعدين تركته و رحت أختبر عاد يوم رحت البيت حكيت لأمي وقامت تقول : وع حمام ما لقيتي تدرسين إلا بحمام ؟؟ هههه وانا ايش اسوي ابي مكان أضمن ما يوصلون لي فيه قمت صورته علشان أوريها أقول شوفي حمام مدرستي نظيق مو اي حمام وفعلا شوفوه حلو نظيف



يا حبي لكم مليتوا ؟؟ اتس اوكي باقي وحده بس ههههه خلوني أفضفض

الصورة الثالثة :



في هاليوم كان عندي اختبار أحياء و 3 فصول ما فتحتها

<--- !!

و رن الجرس و كان فيه رسمات لازم أعدي عليها لأنها لو جت بالإختبار بيكون عليها علامات كثيرة (خطوات ) فقلت لنفسي مستحيل أدخل القاعة وأنا ما درستها ورحت لهالمكان اللي بالصورة هذا ورى مبنى الثانوي و محد يروح هناك ههههه(أعرف وين أستخبا) و قعدت هناك و درست رسمة رسمة هذا والجرس خلاص رن بس أنا مطنشة قلت في نفسي ايش الفايدة أدخل القاعه وما اعرف وش أحل اقعد كذا و بيزيد معي وقت ؟ أزين لي أتأخر عن القاة لكن على الأقل أصير عارفة شلون أحل و خذيت وجه ههههه خلصت الرسمات و قمت أدرس فصل ثاني طبعا مقتطفات مو دراسة صدق قراية واللي احسه طويل ولا صعب اطنشة الين مرت علي استاذة قالت : ( ما بلش امتحانكم ؟) هي ما تدرسني فمالها شغل فيني قلت : إلا بس أنا ما ابي أدخل ابتسمت لي و مشت بعدين حسيت اني طولت ما يصير بعدين ما يدخلوني فقررت أدخل المبنى يوم أدخل طبعا ما فيه أحد بالساحة كلهم بالقاعات و استقبلتني عند الباب وحده من الإدارايات وصاحت لما شافتني وقامت تدفني ههه و هي تضحك و تقول يالله يالله بسرعه كلمنا أهلك و ندور عليك وانتي برى تدرسين ؟ و أنا ما فيه أحلى تطنيش أمشي و عيني على الأوراق اللي قدامي و الا الإدارة كلها تنتظرني فوق يالله يا شذا , شذا ممكن تركضين ؟ و أنا أقول طيب و أرجع اناظر في الورقة هههه طلعت متأخره ربع ساعه بس و هم مسوينها سالفة و أمي في البيت قالت لي انهم يوم قالوا وين شذا عرفت اني مستخبية أدرس ههههه فكانت عادي ريلاكس بس ابوي خاف و قال لا يكون البنت داخت علشان ما خلصت دراسه هههههههههه لالا تخيلوا ادوخ
بس الحمدلله حليت كويس في الأحياء فادوني هالربع ساعه كثير سبحان الله جتني الأشياء اللي عيني طاحت عليها (ربي كريم)

فيه صور حلوة عندي بس أنا فيها ما يصير أعرضها هع هع

و آسف على الإطالة بس تعرفون إجازة وفاضية أبي أسولف

__________________
سبحان الله و بحمده, سبحان الله العظيم
سامحوني