خلود المشاعر

مممممممممم احس انها هالرحله بتكون حلوه .. دامها ع البحر ^_^

نتريا التكمله حبوبه ..^______^

ويعطيج الف عافيه ..

خلود المشاعر

__________________

كحلية العيون

يسلمو على المرور خلود
الجزء الثاني
من مشوار طويل في السياره والضحك والسوالف اللي غمرتهم بالفرح اكثر وصلو البحر...

عبير: ياي الهوا عجييييب
فهد وهو يطالع ريهام: اي والله رومنسي بعد وايد
ابتسمت ريهام ونزلت راسها خجلا وحمرت خدودها
راحوا وقعدوا شوي وهم يسولفون وكان البحر امواجه هادئه وايد...

شجون: رهومه قومي نتمشى شوي
ريهام: قومي وبسنا قعده اخاف عليج من المتون خلج رشيقه
فهد: انتبهوا لحالكم ولا تضحكون بصوت مرتفع
مشعل: اي سمعتوا شقال لكم وانت>>يقصد فهد..يالله قوم ترى المدام ماتبي دوب قوم نتمشى
عبير: يؤ يؤ وانا اتمشى مع من؟؟
ابو مشعل: انتي روحي قعدي جدام البحر وطالعي النجوم وخليني مع امج
عبير بغمزه: ويلي ويلي ماقدر
وراحت عبير عنهم وشجون وريهام لحالهم ومن جهه ثانيه مشعل وفهد...

فهد: شرايك برهومه؟؟
مشعل وكأنه مو فاهم: رهومه؟
فهد: اي رهومه
مشعل: رهومه دلوعه وموب حلوه ويبي لها طق على دلعها
فهد معصب: الزم احدودك فاهم
مشعل: خلاص فهودي لاتعصب امزح معاك تراها حلوه وطيوبه وتستاهل كل خير
رفع فهد راسه فوق وقام يناظر السما بحالميه ويتمنى لو اللي يبيه يصير .. وكملو طريجهم
ريهام ويا شجون اللي كانو فرحانين من قلب ويسولفون على البحر كأنهم عاشقين...
عبور اللي كانت ترسم على النجوم مخطاطتها وكل شي تفكر فيه الحين
يوم يات الساعه 11 تيمعوا من يديد علشان يتعشون..
ابو مشعل اللي تعب اكثر لانه مريض بالقلب

مشعل: يبه خلاص نرجع البيت؟ لان شكلك وايد تعبان
ابو مشعل اللي قدر يتكلم بصعوبه: لايبه خلنا قاعدين البنات فرحانين
فهد: ابو مشعل اهم شي صحتك والبنات نقدر نييبهم مره ثانيه
ولكن ابو مشعل رفض انه يخرب على البنات فرحتهم وقعدوا لي مايات الساعه ثنتين الصبح وراحوا البيت لان البنات ماقدورا يوصلون الا عبير اللي كانت بكامل حيويتها وابو مشعل اللي كان حاله ابد مايسر وطلعوا للبيت...ورهومه نامت في بيت ام مشعل مع رفيجتها شجون

يات الساعه ست الصبح وكلهم نايمين وحتى ابو مشعل لان اليوم الخميس وماعنده شغل لكنهم قعدوا الساعه ثمان الصبح وتفطروا الا عبير لانها من بعد مايات من البحر راحت وقعدت على النت....

ابو مشعل: ام مشعل انا طالع سوق اللحم تآمرين على شي؟
ام مشعل: لا سلامتك
مشعل: بس انت يبا تعبان خلك مرتاح وانا بروح سوق اللحم عنك
ابو مشعل: لا نا بخير ومافيني شي
وطلع ابو مشعل متوجه الى السوق يشتري اللحم....
والا اكو احد متصل بيت ابو مشعل راح فهد يرد على التلفون.....

فهد: الووو
ام ريهام: سلام عليكم
فهد: وعليكم السلام
ام ريهام: ابي ريهام لو سمحت
فهد: ان شاء الله خالتي بس لحظه اناديها لج
فهد ينادي ريهام: رهومه امج على التلفون تبيج
ريهام: يايه الحين
-----------------------------------------------

ابو مشعل وهو بالسياره حس بخنقه وانه مو قادر يتنفس وبطل الزر الاول مال الثوب وبعد دقايق غاب عن الانظار....

ولد العم سامي مع اخته ندى يايين من السوق والا يشوفون الناس متيمعه واسعاف واقف.....

سامي: انا بروح اشوف شنو صاير
ندى: اوكي بس لاتتأخر
سامي: اوكي
ونزل سامي من السياره بسرعه وراح يشوف شنو صاير وهو يقول اللهم خير
وقف سامي يسأل شاب عن اللي صاير

سامي: لو سمحت يالشيخ شنو صاير هني؟
الشاب: في واحد اصطدم بالحديده اللي هني وشكله كان فيه شي من قبل
سامي: ايه وان شاء الله انه عايش
الشاب: اي للحين اكاهم مركبين عليه جهاز التنفس
سامي: الله يشافيه بس ماعرفوا من هذا؟
الشاب: امبلا ...عبدالله محمد المسفر
سامي بخوف: عبدالله المسفر؟
الشاب: اي
سامي والدمعه غمرة عينه: عمــــــــــــــــــــــــــــــــــــي
وراح يركض الى عمه وهو يبجي...

سامي: عمي عمي انا سامي
ابو مشعل فتح عينه يوم سمع صوت ولد اخوه
سامي وهو يبجي بحرقه: عمي لاتروح الله يخليك ابوي راح وانت بتروح بعد؟ وعيالك من لهم لاتروح الله يخليك بعدين يصيرون يتامه مثلنا
ابو مشعل: سلم عليهم كامل وانتبه لحالك ولاختك وقول الى ام مشعل تنتبه للعيال زين
سامي: عمي لاتقول جذي بتقوم لنا ان شاء الله
في ذاك الوقت الله اخذ امانته واعلنوا وفاة ابو مشعل....
على طول سامي اتصل في بيت ابو مشعل
سامي: الووو
فهد: هلا سامي شفيه صوتك؟
سامي: الحق علي عمي يافهد عمي
فهد بخوف: شفيه؟؟؟
سامي: راح الى ربه توفى ماات راح عنا وخلانا وابوي اللي كان موصيه علينا
فهد: الحين وينه اهو؟
سامي: كاهو اخذوه الى المستشفى
فهد على طول سكر التلفون وهو يبجي على ابوه الثاني اللي راح

ام مشعل: من هذا يايمه اللي متصل؟
فهد: يمه يمه راح ابوي راح
ام مشعل: شتقول اهو راح سوق اللحم!!
ومشعل اللي قال الى امه انا بروح اليه المستشفى وامه راحت معاه ويا فهد وكانت شجون تبي تروح لكن ماخلوها تروح وضلت قاعده ومعاها ريهام تهدأ فيها

ريهام: خلاص ياشوشو لاتبجين
شجون: ريهام ابوي راح راح يعني ماعندي ابو الحين راح صرت يتيمه
ريهام: لاتقولين جذي هذا يومه
عبير من بعد ماسمعت الفوضى قعدت من النوم

عبير: شنو صاير؟؟
شجون: مات ابوي ياعبور مات راح عنا وخلانا بروحنا
عبير اللي جت لها الصدمه قويه: ابوي عبدالله المسفر مات؟ مات؟
وراحت عبير لمت اختها واهي تبجي: ابوي راح ياشجون من لنا من بعده من؟
وريهام من زود مااهم يبجون قامت تبجي اهي الثانيه بحسبة ابوها اهو لان كل مع شجون واهو يدلعها مثل مايدلع شجون...
--------------------------------------------

مشعل اللي وصل المستشفى بسرعه لانه كان يمشي بسرعه جنونيه... راح الى الممرضه يسألها فقالو له يروح يكلم الدكتور.. راح مشعل الى الدكتور

مشعل وهو يبجي: لو سمحت دكتور نبي نشوف ابوي
الدكتور: تفضل معاي
وراحوا علشان يشوفون بو مشعل وفي ذاك الوقت ام مشعل اللي ماقدرت تحبس الدمع اكثر لانها طول الطريج تصيح بصمت ماينسمع غير نحيبها

ام مشعل: وين رحت عني يابو مشعل مااقدر اتحمل المسؤليه بروحي شلون تروح وتخليني بروحي
فهد ومشعل اللي يوم سمعوا ام مشعل تقول هالكلام زادوا باللبجي لكن الدكتور ماسمح لهم يقعدون اكثر
رجعوا بيتهم ومن وصلوا راحت شجون تلم اخوها مشعل وعبير اللي راحت الى امها تلمها

عبير: يمه ليش مااخذتوني معاكم؟؟ ابي اشوف ابوي
ام مشعل ماتكلمت واكتفت بالبجي ومو قادره ترد على بنتها اللي صارت يتيمة الاب من اليوم ورايح...
يات ام ريهام من بعدها ولمت ام مشعل

ام ريهام: البقى براسج يالغاليه
ام مشعل: البقيه في حياتج
وام ريهام حاولت مع ام مشعل علشان تهدأها لكن ماكو فايده كانت ترد عليها: هذا الغالي هذا ابو العيال
بس ام ريهام اللي ماستسلمت وقالت لها هالآيه قالى تعالى: (لَهُ مُلْكُ السَّمَاوَاتِ وَالْأَرْضِ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ) سورة الحديد
من بعد ماقالت ام ريهام لها هالسوره هدأت شوي لانها فاهمه هالشي بس ماكن بيدها شي تسويه ولكن الله يعطيها الصبر....
يات ام سامي بيت ام مشعل ومعاها ولدها سامي وبنتها ندى اللي كانت حامله معاها الغدى لانها تدري انهم ماسوو لهم غدى وقالت يمكن ياكلون اذا حاولت معاهم

راحت ندى الى بنت عمها شجون وسلمت عليها: لاتبجين يالغاليه ترى مايفيد البجي عليه قومي قري له القرآن هذا افضل من البجي
وقامت شجون وكأنها حامله معاها شي ثقيل بموت ابوها مااتدري شبصير بالهدنيا

من بعد موت ابو مشعل شنو بيصير بعياله هل انهم بيضيعون او بيكملون حياتهم مثل قبل؟؟؟

كحلية العيون

الجزء الثالث
مر اسبوع من موت ابو مشعل وهذا الاسبوع كان مرير بالنسبه لبيت ابو مشعل اللي كانوا ماياكلون عدل وكل واحد يتذكر الايام اللي كان بو مشعل موجود...
راحت عبير الى اختها شجون تكلمها لانها محتاجه الى من تكلمه قبل لاتطق الباب سمعت صوت شجون تصيح ودخلت الغرفه بهدوء وبدون ماتطق الباب....شافت اختها شجون حامله صورت ابوها وهي تصيح لما انتبهت شجون الى عبير حطت الصوره ورى ضهرها

عبير: ليش حطيتها ورى ضهرج؟؟؟
شجون: لا ولاشي
عبير وهي تخبي ويهها بايدها: ياشجون هذا ابوي مثل مااهو ابوج حتى آنا مشتاقه له مو بس انتوا....
راحت شجون تمسح على راس اختها تخفف عنها الالم والحزن اللي بداخلها لانها حاسه بالم اختها وتشاركها فيه والبيت كله وحتى الجيران حاملين معاهم جرعه من الحزن لان ابو مشعل انسان طيب ومحب للخير والكل يحبه
نزلت شجون وعبير الى الصاله يقعدون مع امهم ويا فهد من بره وطلب انه يكلم خالته...

فهد: خالتي ابي اقولج شي
ام مشعل: تفضل ياوليدي لك عيوني
فهد: تسلم عيونج ..انا اليوم طالع من البيت لاني استأجرت شقه وان شاء الله اذا حصلت لي بيت ب.....
قاطعته ام مشعل: مستأجر شقه؟؟ ليش في احد ضايقك من البيت
فهد: لايمه بس قلت خلاص انا اكبرت وصار عمري 22 سنه ولازم اتعب على نفسي وانا حصلت لي شغل وكل يوم بييكم هني البيت
ام مشعل: لا مااخليك تطلع من البيت الا على موتي
فهد: الله يطول بعمرج بس انا.....
ام مشعل: لابس ولا شي اقعد مكانك ومافي طلعه من البيت الا اذا تبي تعصيني
فهد: كل شي ولا عصيانج يالغاليه
شجون: فهودي اذا كنت ماتبي تعصيها اقعد معانا ترى مانقدر نستغني عنك صح عبيور؟؟؟
عبير: اكيد وبدون شك
فهد: تسلمون
من بعد هالكلام يا مشعل وهو يبتسم وباس راس امه

مشعل: ابشركم حصلت لي شغل
شجون: صج؟ شنو هو؟
مشعل: كاتب بما اني مااخذ ادبي ومكمل جامعه اخذت محل ابوي بالشغل
عبير: الله يرحمك يايبه لو انك قايل لي شنو كانت قصتك علشان اقولها الى مشعل يكتبها
الجميع: الله يرحمه ويغمد روحه الينه
مشعل: لامايحتاج تراه قال لي بس ماكان يبني اقول لج لين ما تنكتب
ام مشعل: حتى فهد حصل له شغل
مشعل: بشر في وين تشتغل؟
فهد: في بنك البحرين الكويت
عبير اللي دخلت روحها: وااااو نايس
شجون: مبروك لكم ثنينكم تستاهلون كل خير لكن....
قاطعها مشعل: لكن شنو؟
شجون: انتظرني اكمل كلامي ولاتقاعني علشان تعرف
مشعل: خلاص تكلمي مابقاطعج بس انا ادري ان السالفه فيها شي فيها فلوس
شجون: عليك نور ياخوي اليوم العشا عليكم انت وفهودي بمناسبة توضيفكم
فهد: بل بل هذا واحنا تونا منبتدي الشغل عشا لو رقونا شنو بتطلبون؟؟!!
عبير: سفره على حسابكم الى سويسرا
وضحك الجميع على كلام عبير......
مشعل: انتي سكتي ولاتتكلمين اليهال اللي مثلج مايتكلمون ومالهم كلمه روحي دارج وقعدي على النت
عبير اتجهت الى امها بدلع: يمه شوفي ولدج شنو يقول لي
ام مشعل: مشعل يمه ليش تقول جذي الى اختك
مشعل: اسف عبور تعالي ابوس راسج
راحت عبير الى اخوها مشعل واهي رافعه خشمها فوق وتتمشى بهدوء وخفه اللي يشوفها يقول هذي رايحه عرض ازياء
مشعل اخذ خدها بدل لايبوسها قام وعضها

عبير: اخخخخخخخخخخخ ويع يألم
مشعل: وعععععععع مو حلو خدج توقعته حلو مثل شجون طلع مالح وهو يطلع السانه (يبلحس عليها)
عبير: اني مااكلمك يالكريه
من بعدها اخذ مشعل عبير ولمها لصدره وباسها فوق راسها بحنان وكأنه يعوضها عن حنان ابوها الله يرحمه

فهد: يالله عاد تبيون اليوم عشا والا اقوم اهرب
شجون: اكيد نبي وبعزم رهومه بعد
فهد: اي اي خليها تيي يالله قومي اتصلي لها الحين
شجون: خلاص الحين راح اكلمها
-------------------------------------------

في بيت ابو سامي الله يرحمه يعمر الهدوء المكان كالعاده مافي الا صوت التلفزيون يشتغل ولان ماعندهم يهال مافي الا سامي وامه واخته اللي كانوا يطالعون التلفزيون ماعدا ندى اللي كانت في بيت رفيجتها علياء

سامي: يمه
ام سامي: هلا يمه
سامي: شرايج نسافر؟؟
ام سامي: وين نروح بهالحر؟؟؟؟
سامي مثلا لبنان الجو حلو ونغير جو شوي هني بالبحرين وايد حر
ام سامي: ماادري ياوليدي اللي يريحك
سامي: اي خلاص انتي كلمي ندى علشان نحجز تذاكر
ام سامي: خير اذا ردت اختك اخبرها
-----------------------------

بالليل تيمعو علشان العشا ورهومه اللي توها واصله بيت او مشعل...
ريهام: سلام عليكم جميعا
الجميع: وعليكم السلام
ريهام: مبروك فهودي
فهد: الله يبارك في حياتج
ريهام: مبروك مشعل
مشعل: الله يبارك لج ان شاء الله
ام مشعل: يالله يابنات تعالو معاي المطبخ نجهز الاكل
وراحت ريهام وشجون وعبير المطبخ يجهزون الاكل مع ام مشعل......

ام مشعل: عبيور تعالي غسلي الصحون ذي
عبير: ان شاء الله
وراحت تغسلهم وفي اخر صحن طاح من يدها وانكسر وارتجف جسم عبير اللي راحت على طول بحضن امها...

ام مشعل: اسم الله عليج يبنيتي شفيج؟؟
والا صوت مشعل وفهد يايين شصاير؟؟؟؟؟
ام مشعل: لا ولاشي بس طاح الصحن من عبير
مشعل: عاد ذي اللي ماتشوف عاطينها تغسل ذي عطيها النت مو صحون تغسلهم
عبير: اسكت يالله وروح مناك
فهد: تعال مني مشعل لاتاكلنا السحليه
وقاموا يضحكون الاثنين وراحو عنهم الصاله.....

وبعد فتروه وجيزه من الوقت دخلت شجون الصاله حامله اطباق بيدها...

شجون: وصل الاكل وريحته ياي روعه بصراحه يسلمو فهودي يسلمو مشعل
مشعل وفهد: يسلمج ربي
شجون: ابي اكل شوي امي مارضت قالت لي لازم كلنا
مشعل: اي صح عجل تبين تسبقينا
شجون: هههههههههههههههههههههههههههههههههه سباق واني ماادري؟؟
فهد بهمس لكنه يبي يسمع شجون: اشش انت ماتسكت لازم تعليمها يعني
شجون: شنو هذا علمني مشعل
مشعل: مابعلج روحي ييبي الاكل
فهد: تعالي وانتي كل شي تصدقينه روحي بس ييبي الاكل تراني يوعان اذا شفتج قدامي باكلج والحين بتيي رهومه اخاف اكلها
شجون: احسن علشان نتخلص منها
فهد: يالله روحي يالله شنو قالت نتخلص منها نتخلص منج ولا منها
شجون: لكن اوريك
وراحت شجون تييب الاكل ويوم جهزوا الطاوله بالاكل قعدوا علشان ياكلون...
يوم ابتدوا العشى رفع مشعل ايد القميص اللي كان لابسه

عبير: داخل الحرب واحنى ماندري
مشعل اللي ماعطاها ويه وقام ياكل...
عبير: صج يوم قالوا عند البطون تعمى العيون وتصمخ الادون
فهد: يعني انتين ماتخلين الواحد ياكل اهدأي شوي عاد حتى الاكل مانحس بطعمه منج اخذي شوي من رهومه لو شوي.... علميها رهومه
ريهام: من عيني ذي قبل ذي
عبير: يالله روح انت معاها مشكورين مابي احد يعلمني
ام مشعل اللي تطالع عيالها بقخر وهي تبتسم وتشوفهم شلون كبروا
شجون: يمه كلي خلنا نخلص الاكل يقول فهودي انه سباق اكلي ولا عليج
ام مشعل: سباق؟؟ عجل باكل علشان افوزج
الجميع: ههههههههههههههههههههههههههههههههههههههههههه
---------------------------------

في بيت ام سامي كانوا قاعدين يتعشون ويتكلمون عن السفر مع ندى علشان يطلعون من البحرين ويغيرون جو شوي عن هالجو الحار

ندى: يعني انتو تبون تسافرون هالمره؟
سامي: اي ونبي نروح البنان
ندى: وااااو البنان حلو والله الجو هناك نايس مو حار مثل البحرين
سامي: الحين بتيين معانا مثل ماافهم منج
ندى: بكل تأكيد

شبصير من بعد ماتوضف كل من مشعل وفهد؟؟

وشنو راح يصير بالسفر ويا بيت ام سامي؟؟

ترقبوا الجزء القادم

كحلية العيون

الجزء الرابع
في صباح مشرق ويديد صحى مشعل وفهد وام مشعل وشجون وعبير اللي للحين مانامت سهرانه لي الصبح على النت....

مشعل: يمه انا ابي فطور بسرعه تراه اول يوم دوام لي لازم ابيض الويه
ام مشعل: ان شاء الله بس لاتكون عيول وايد انت شوف فهودي يحليليه هادئ حاله من حالك بس ينتظر الفطور صير مثله شوي
فهد: احم صير مثلي مو من الصبح كانك ماكل راديو
ام مشعل اشبه بالهمس: تونا نقول شحليله
مشعل: لا يمه لاتغترين بمضهره
وجهز الفطور وفطروا وتوجه كل منهم الى شغليه اليديد.....
شجون: بالتوفيق ان شاء الله
فهد ومشعل: يوفق الجميع
من بعد هالشي راحت شجون تنظف البيت مع امها وعبير اللي يا وقت نومها وراحت على السرير ونامت على طول...
-------------------------------------------

في بيت ام سامي كانوا جاهزين علشان اليوم الطياره بس ينتظرون ندى تخلص لانها للحين مايهزت..
سامي: يالله ياندى بالسرعه
ندى: اكاني يهزت
وطلعوا الثلاثه من البيت متجهين الى مطار البحرين...
-----------------------------------------

مشعل كان يكتب بالمسلسل الجديد اللي ابوه رحمة الله عليه ابتدى فيه جاه اتصال من فهد.....

مشعل: هلا
فهد: هلابيك بشر شسويت بالشغل؟؟
مشعل: كل شي ماشي حسب الاصول
فهد: تمام تمام بس بقول لك شي
مشعل: قول
فهد: مدام المدارس قربت يعني لازم تفتح الموضوع ويا شجون
مشعل: اي موضوع ياخوي؟؟؟
فهد: موضوع شجووون شفيك
مشعل: ايه..(يفكر بذي اللحظه) ماادري والله شقول بس ان شاء الله نقعد معاها ونفتح الموضوع
فهد: اوكي انا الحين بروح بس حبيت انك تفكر في الموضوع ولازم انقول لها
مشعل: صح كلامك
فهد: فمان الله
مشعل: فمان الكريم
مشعل اللي توتر من ذكر هالموضوع وقام يفكر به ولكن لازم يشوف شغله بعد لانه اول يوم المفروض يكون حيوي ونشيط علشان يثبت وجوده...

يات الضهر وخلص وقت الدوام وطلع مشعل من المكتب وفهد الثاني من مكتبه رايحين البيت وبعد مشوار اللي بالطريق وصل مشعل ومفهد البيت...

مشعل: يمه وصلنا نبي غدى
فهد: يمه يوعااااااان
شجون: بل بل هذا اول يوم جذي يسوي فيكم الله يستر من الايام اليايه
ام مشعل: الغدى ياهز يااولاد
عبير: واااي صدق اليوم يوعانه وايد
شجون: انتي عاد ام النوم خلج مع نومج والنت اللي عندج
عبير: اوكي شكرا على النصيحه
شجون: عفوا كل يوم تعالي
عبير: مو فاضيه لج خخخخخخخخخخخخخخ
مشعل: تعالوا نتغدى يالله
عبير: هيا بنا.... انطلاق
وقعد الجميع على طاولة الطعام علشان يعبون بطونهم ويغطون على اليوع اللي يايهم اليوم ماادري من وين....

مشعل يطالع شجون: شوشو عندي سالفه معاج بعد الغدى
شجون: اوكي..
عبير: وآنا مافي سالفه معاي بس اهي!!؟
فهد: انتي ليش جذي؟؟ بعد الغدى لحقي الكمبيروتر تراه ينتظرج
عبير اسمع من يتكلم اللي يقول اهو يعرف السالفه الحين
مشعل: اكيد يعرف وامي بعد بتعرف مع شجون اما انتين بعدين نقول لج
شجون: خير مشعل؟؟
مشعل: خير ان شاء الله
عبير بدلع: يمه قولي له يقول لي اني بعد
ام مشعل: آنا اللي بقولج مايحتاج اهم
عبير بابتسامتها شاقه الحلج: صج يمه؟؟؟
ام مشعل: اي صج
عبير: الله يخليج لي يارب ولا يحرمني منج
الجميع: ياااارب
ام مشعل: ويخليج لي
وقامت عبير من الغدى تغسل يدها لكنها شافت ان اكو احد يديد في الطرج اكيد ييرانهم الجدد

عبير: يمه تعالي شوفي بالسرعه
ام مشعل: ان شاء الله يايه
-----------------------------------

هذي عائلة ابو بسام اليوم وصلت من السفر الطويل الى موطنها الاصلي من بعد خمس سنوات عاشوها بامريكا لكن مشعل اللي برد يسافر من يديد علشان يكمل دراسته هناك....
واهم جيران بيت ابو مشعل الله يرحمه.....

ام مشعل: يمه قوم شوفهم يمكن يبون مساعده
مشعل: ان شاء الله يمه يالله فهد نروح نشوفهم
طلعوا من البيت يشوفونهم اذا يبون شي محتاجين مساعده.....
مشعل: السلام عليكم
ابو بسام: وعليكم السلام
مشعل: احنا ييرانكم بيت عبدالله محمد المسفر ابو مشعل يينا نشوف اذا تبون مساعده او اي شي احنا حاضرين
ابو بسام: الله يخليك مشكور ياولدي
مشعل اللي سكت شوي يتلذذ باسم ياولدي من فتره ماسمعها وجت في وقتها الصراحه: ويخليك ياعمي...انا مشعل وهذا فهد
ابو بسام:والنعم انا ابو بسام وهذا ولدي بسام
مشعل: النعم فيكم
وأخذ مشعل وفهد الاغراض واخذوا يدخلونهم داخل البيت
---------------------------------

نيي نشوف حال اللي في الطائره ام سامي واولادها اللي جريب ان شاء الله بيوصلون...

ندى تتكلم مع الموضفه:I want water please
الموضفه: ok. One minute
سامي: يمه تبين شي اي شي تبينه قولي
ام سامي: سلامتك ياوليدي مابي شي
سامي: الله يسلمج

وبعد فتره قليله اعلن الطيار وصولهم الى مطار البنان نزل جميع من كان على متن الطائره....

ندى: وااااااااااااااو الهوا حلو نايس
سامي: اي تفكرين هوا البحرين
-------------------------------------------------
بسام: هلا مشعل
مشعل: هلا بيك تعال اعرفك على البيت
بسام: يالله مشينا
مشعل: يمه طريج بعرفكم على رفيجي اليديد
ام مشعل: حياه الله
مشعل: جياك البيت بيتك (يأشر على امه) هذي امي والكتكوته ذي عبير
فهد: والحلوه ذي اللي جدامك شجون
بسام: تشرفنا
شجون: الشرف لنا
مشعل: يمه هذا يارنا اليديد بسام الا واهو رفيجي اليديد
ام مشعل: هلا والله بوليدي
بسام: تسلمين خاله
وراحت شجون المطبخ تيب عصير لبسام ويات الصاله واهي حالملته....

شجون: تفضل
بسام: يسلمو بس يامشعل وين الوالد؟؟؟
مشعل نزل راسه: عطاك عمره ياخوي
بسام: اسف ماكان قصدي ارجع الذكريات
فهد يتدارك الامر بابتسامته: لا عادي الله يرحمه ترحموا ليه بس
راحت عبير بسرعه فائقه لكن الكل استغرب من تصرفها لان ماستأذنت ولاشي معقوله راحت الغرفه بدون استأذان؟؟...شوي والا عبير يايه وكان بيدها صوره

عبير: بسام هذا اهو ابوي لو كان هني فرح لانك صرت يارنا
بسام اخذ الصوره من يد عبير وقام يطالعها: الله يرحمك ياعمي
الجميع: آمين يارب

كحلية العيون

الجزء الخامس

وصلت ام سامي وأولادها الفندق وراح كل واحد يرتاح بغرفته اللي اختارها....

ندى اللي تكلم روحها بالغرفة: تعبانه وايد احس اني مابواصل هاليوم... ومن بعد هالجمله راحت في بداية نوم عميق
نروح لسامي اللي اتصل وسوا اوردر لانه يوعان ومايقدر يواصل بدون ماياكل...

---------------------------------

مشعل ياي من برع وقفه صوت اخته شجون تناديه من الصاله....

شجون: مشعل
مشعل: آمري
شجون: مايآمر عليك عدو بس بغيت اسألك عن اللي كنت بتقوله اليوم الضهر لي ولا قلته
مشعل: اي زين ذكرتيني تعالي نروح غرفتج
شجون عرفت انه مو شي عادي: اوكي تعال الغرفه
وراحو الاثنين غرفة شجون واهي بأشد خوفها تحس ان السافه مو هينه طول مااهي بالطريق للغرفه واهي تفكر بالشي اللي بقول لها مشعل....

مشعل: قعدي
شجون اتجهت الى السرير لانه يواجه الكرسي اللي قاعد اخوها عليه: اكاني قعدت وبعدين؟؟؟
مشعل: والله ياشجون(سكت مشعل)....
شجون: قول يامشعل انت جذي تخوفني تكلم لاتسوي فيني جذي
مشعل وقف بالواقف وعطى شجون ظهره: شجون بما انج متفوقه في الدراسه بتروحين تدرسين بجامعة سويسرا
شجون: سويسرا!!!
مشعل: اي سويسرا
شجون اللي للحين ماستوعبت الامر: اوكي
مشعل: انا الحين بروح انام لانه بكره وراي دوام
شجون: تصبح على خير
مشعل: وانتي من هله
وطلع مشعل من الغرفه متوجه الى غرفته علشان ينام من بعد يوم شاق...
شجون من بعد ماطلع مشعل من الغرفه قامت تفكر.. بروح سويسرا ادرس هذا شي حلو لكن مابكون احد معاي اعرفه وحبيبة روحي رهومه بالبحرين وآنا بسويسرا اممممممم ماادري يمكن اشوف احد اعرفه او اصادق احد لكن رهومه مااقدر مااشوفها اووووه والله ماادري شسوي بنام احسن لي.. هذا اللي دار بفكر شجون

-----------------------------

في بيت ابو بسام كانوا قاعدين مع بعض ابو بسام مواجه ام بسام ودانه بحضن امها وبسام بجنب ابوه.....

بسام انا الحين استأذن منكم بروح غرفتي
ابو بسام: اذنك معك
بسام: تصبحون على خير
الجميع: وانت من اهل الخير
راح بسام الغرفه وطالع من الدريشه شاف انها تطل على دريشه من بيت ابو مشعل وقام يفكر باللي فكر فيه اول مادخل بيت ابو مشعل...
مشعل اشبه بالهمس: انا اول مره اشوف عائله مثل هالعائله بس لو كان ابو مشعل موجد شلون كان بيستقبلنا؟؟ اذا عائلته استقبلتنا جذي اهو اكيد تاج كرمهم وطيبتهم الله يرحمه
----------------------------------------

في الصباح الباكر قعدوا بيت ابو مشعل كل واحد بروح شغله..

ام مشعل: يالله الفطور ياهز
شجون: صباح الخير
ام مشعل صباح النور
فهد تلاقى مع مشعل: صباح الخير
الجميع: صباح النور
وقعدوا يفطرون بسندويش جبن وشاي الا شجون كانت تشرب بس شاي....

فهد يكلم مشعل: الا شنو اخبار الشغل معاك
مشعل: تمام والقصه اكاهي تنكتب قريب بخلصها
فهد: لو تسمعك عبير كانت طارت من الفرحه
مشعل: اي والله
فهد: شوشو
شجون اللي كانت بعالم ثاني واهي اصلا اذا توها قاعده من النوم ماتتكلم وهي تفكر فما سمعت فهودي

فهد: شجوون
شجون انتبهت: همممممم
فهد: وينج فيه؟؟؟
شجون: معاكم
فهد: اي مبين
مشعل: شفيج؟؟
شجون: ولا شي بس افكر في موضوع الجامعه
مشعل: اها (يبي يشيل الهم عن اخته شوي) ترا الجامعه هناك حلوه والهوا الله عليه بارد مو مثل البحرين يعني خدودج بدل ماتصير حمرا من الحر بتصير حمرا من البرد(يطلع لسانه الى اخته) يعني تتحول من طماط خايس الى حلو
فهد:هههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههه
شجون شوي وتفضح روحها بالضحك: انت ليش جذي
مشعل: شاسوي يعني اذا انا ربي خالقني جذي اوكي قولي لي شسوي واللي تقولينه بنفذه خطوه بخطوه
شجون: متأكد؟؟
شجون: مو انتي اختي اللي خدودج طماط
شجون: اركب السطح وطيح روحك من فوق
مشعل: بس اكمل القصه ان شاء الله
فهد وشجون: هههههههههههههههههههههههههههههههههههههههههههههه
شجون: انتو مابتروحون الشغل اليوم الظاهر
فهد: الظهار الحين بنقوم
مشعل: الظاهر قمت
وصار الضحك حتى ام مشعل اللي كانت تشرب الشاي نكب عليها من الضحك....ومن بعد الضحك طلع مشعل وفهودي متوجهين الشغل

-----------------------------------

في لبنان ام سامي واعيالها ميهزين اغراضهم لانهم بيروحون البحر لان الفندق اللي ساكنينه بعيد عن البحر شوي

ندى: يالله يمه بسرعه
ام سامي: انتي شفيج انتظري شوي
ندى: يعني لازم نتاخر
ام سامي: انتي يوم اللي ياهزه ماتقدرين تنتظرين ويوم اللي انتي مو ياهزه تقولين انتظروا مابياكلكم قطو
سامي: بنات هالايام كلهم جذي يمه
ندى: وشباب هالايام اكثر منا خخخخخخخخخ
قاطعتهم ام سامي: يالله آنا يهزت
ندى: كلكلوووووووووووووووووش يهزت العروس كلكلوووووووووووووووش
سامي: امشي جدامي بدون هالحكرات
ندى: اكيد بمشي جدامك لاني الملكه عجل وراك احم احم
وطلعو يشوفون لهم تكسي لكن المشكله كانت ماكو تكاسي توقف لسامي...
ندى: آنا الحين بوقف التكسي
سامي: ماعندنا بنات يوقفون تكاسي
لكن ندى اللي ماكأنها سمعت شي من اللي قاله اخوها وراحت توقف تكسي وبس رفعت يدها جاها تكسيين بمره على طول....
ندى طالعت سامي وغمزة له وابتسمت ابتسامه مااعرف شنو كانت تقصد بها.....

سامي: يالله يمه نركب التكسي اهو بيحمل الاغراض
وركبوا التكسي متوجهين الى البحر

-----------------------------------------

بسام اللي كان يفكر بشجون والا بطرقات خفيفه على الباب......

بسام: تفضلي
دانه: بسام ابي اروح بيت خاله ام مشعل قوم وصلني
بسام: الحين؟؟؟
دانه: اي الحين
بسام: اوكي يالله امشي
وطلع بسام مع اخته من البيت رايحين بيت ابو مشعل...

رن الجرس وراحت شجون تشوف من اللي ياهم: نعم؟؟
بسام عرف صوت شجون على طول: انا بسام ياركم
شجون: حياك
وراحت تقول الى امها.......
دخل بسام مع اخته البيت وعلى طول دانه حضنت شجون لانه دانه وايد حبت شجون وهالبيت

شجون:شلونك بسام؟
بسام كان يبتسم: بخير وانتي؟
شجون: الحمد لله

بسام وشجون كل واحد بدى يحس بشعور غريب اتجاه الثاني...

شنو هالشعور اللي بين بسام وشجون هل انه شعور كره والا شنو؟؟؟

كحلية العيون

لكم الجزء احبتي واتمنى انه ينال اعجابكم


الجزء السادس
مع نسمات بارده وامواج هادئه والمكان حلو وروعه والناس اللي فيه مزينينه وام ام سامي واولادها مرتاحين بهالمكان....

ندى: سامي ابي شي بارد
سامي: عندج ماي البحر بارد
ندى: لاصج
سامي: تبين عصير؟؟
ندى: امممم لا ابي ايسكريم على فراوله
سامي: وانتي ماما؟
ام سامي: اي شي ياولدي
وراح سامي يشتري لهم شي بارد مثل ماقالت ندى وندى راحت صوب البحر شوي والا بصوت غريب من وراها
.......: انتي يالحلوه
ندى ماعطته اي انتباه لان عرفت انه واحد سخيف وتافه يوم حسته انه يقترب مشت بكل هدوء وشافت سامي ياي
......: يعني مصره تسكتين
ندى: شوف هذا اللي ياي اذا شافك هني بيدفنك
لكنه يوم شاف سامي راح على طول بدون اي كلمه متروكه وراحت ندى مكانهم علشان تاكل الايسكريم وتستمتع بطعمه.....
-------------------------------

دانه اللي بالغرفه مع شجون قاعده دانه تسولف وشجون تسمعها وتشاركها باشياء...

دانه: اني احبكم وايد
شجون: واحنا نحبج بعد
راحت دامه بحضن شجون وقامت شجون تمسح على راسها
دانه: شوشو
شجون: هممم
دانه: ليش ماتخذين بسام اخوي علشان تكونين معانا بالبيت على طول ترا بسام طيوب وحنون
شجون ماتكلمت اكتفت بالابتسامه لكن قلبها كان يطق بطريقه غريبه وضرباته متسارعه واستغربت من كلامها ليش انها بنت صغيره وتوها في السادسه من عمرها...

شجون: نروح الى عبير؟؟
دانه: اي تراني ماشفتها
مسكت دانه يد شجون متجهين لغرفة عبير....

شجون: عبير توقعي من عندنا اليوم
عبير بمزح: فهودي خخخخخخخخ
شجون: لا جد
دانه: ترااااااااااااا اني اليوم عندكم
عبير بابتسامه: هلا والله بالاموره دانه
ودخلت دانه الغرفه وقعدت ويا عبير تسولف معاها وراحت شجون بخفيه تساعد امها والا باليرس يضرب....

شجون: من؟؟
بسام: ياي آخذ دانه
شجون: لا خلها تتغدى معانا
ام مشعل: خليه يدخل ابي اكلمه
شجون: تفضل البيت امي تبيك
دخلت شجون بسام البيت لانها دائما كان الشال على راسها: حياك
ودخل بسام الصاله: آمري خالتي
ام مشعل: تغدى اليوم معانا
بسام: مايصير خاله والغدى اللي مسويته امي!!
ام مشعل: عجل تعالوا بكره وتغدو عندنا انت وبيتكم
بسام: ان شاء الله خاله استأذنكم مع السلامه
شجون وام مشعل: الله يسلمك
ام مشعل: وصلي بسام الباب
بسام: مايحتاج والا مومحسوي من الاهل
ام مشعل: افا عليك ياولدي انت من الاهل ومن هالبيت بعد
ابتسم بسام الى ام مشعل وطلع من البيت وبطلعته من البيت شاف فهد...

فهد: هلا والله بالغالي
بسام: هلا بيك
فهد: شخبارك شلونك شعلومك؟؟
بسام يسوي بطريقة فهد: الحمدلله بخير نسأل عنك
وضحكو الاثنين على بعض....

فهد: يوم ييت انا طلعت انت
بسام: لا والله بس كنت ياي آخذ دانه من البيت قالوا لي بتتغدى اهني
فهد: اي وانت مابتتغدى
بسام: لا والله بكره ان شاء الله
فهد: اوكي بس اليوم العصر مرني نبيك انا ومشعل
بسام: ان شاء الله

فهد: سلاااااااااااااام يااهل البيت
شجون: وعليكم السلام بل بل عليك بيطيح السقف
فهد: زين لا علشان نبني البيت من جديد خخخخخخخخخخخ
شجون: للحين مايا مشعل ماخلص؟؟
فهد: امبلا اتصت فيه قال ياي بالطريج
شجون: اها
فهد: وينها دانه
شجون: بغرفة عبير
راح على الدري بسرعه ومن سرعته طاح عليه: اخخخخخخخخخخخخخ
شجون بخوف: فهودي شفيك؟؟؟
فهد: لا لا ولا شي لاتخافين
شجون:هههههههههههههههههههههههههههههههه اكيد ناوي تتعلف بدانه
فهد: ايه
شجون: من جذي طبيت على الدري ههههههههههههههههههههه
فهد: سكتي انتي وافيدينا بسكوتش لو سمحتين
وضربات قويه على باب غرفة عبير
عبير: من
فهد: الشرطه
دانه: ادخل مرور
عبير: خخخخخخخخخخخخخخخ
فهد: مرور ها؟؟ عجل الحين بعطيش مخالفه لو اصير مرور كل شوي اعطيش مخالفات تعالي انتين(يأشر على دانه) يعني ماتستحين تيين تتغدين في بيتنا مايكفينا الغدى وانتين ويانا
دانه: اوكي انت ماتتغدى اني اتغدى بدالك صح عبور
عبير: اكيد ياعمري
وراحت عبير ودانه يركضون ووراهم فهد: ان شاء الله تطيحون على الدري
سمعتهم شجون: تطلع حرتك يعني ههههههه
مشعل: اي حره هذي؟؟
شجون: الحين اعلمكم
وراحو على طاولة الطعام وفهد يترجى شجون انها ماتعلمهم شي
فهودي: لاتعلمينهم وبوديج كل مكان تبينه
شجون: هههههههههههههه عندي مشعل بيوديني اذا قلت خخخخخخخخ
شجون: اما بعض الناس
فهودي يقاطعها: لالا اوعدج كل شي تبينه البيه لج
شجون: المهم بعض من الناس كانو يركضون على الدري رايحين يتعلفون بدانه و....
فهودي: لالالالالالالا الله يخليج لاتقولين جم تبين بس لاتقولين
شجون: بعد مااكمل بقول جم تعطيني (تكمل) وطب على الدري ههههههههههههه
الكل:ههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه
مشعل: مسكين يابعد عمري اللي طاح
عبير: اكيد تألمت تبيني اوديك الطبيب؟
دانه: مرور اعطي نفسك مخالفه هههههههههههههههه
فهد: يمه اكلي وياي وخلهم بروحهم
لكن الكل بدا ياكل وخلوا الضحك عنهم وكل واحد ملتهي ببطنه..

فهد: مشعل اليوم بيي بسام
مشعل: زين زين

شجون: خلنا نطلع اليوم البحر طلعتنا البحر آخر مره يوم معانا ابوي الله يرحمه
مشعل: اوكو بس نبي معانا دانه وبسام
ام مشعل: ايه وامهم وابوهم خلنا نتونس معاهم
مشعل: اوكي اليوم لا يا بسام اخبرها نطلع
دانه بفرح: عيل اني بروح اخبر الماما علشان نيهز
ام مشعل: انتظري يمه شجون وصليها
شجون ان شاء الله
ورحت شجون توصل دانه بيتهم على حسب ماطلبت دانه....
دانه: دخلي شجووون
شجون: بروح البيت
دانه: دخلي شوي
شجون: بس بسلم على خالتي
دانه: يمه شوشو تبي تسلم عليج
طلع بسام بويهم: تفضلي توه مانور البيت
شجون: النور نوركم
وراحت تسلم على ام بسام وطلعت راحت بيتهم علشان يتيهزون ويروحون البحر....

انتقاداتكم آرائكم

تحياتي