يامسوي الفنجال لا يـا مضنـي
قلط ثلاث كلهن جن من السـوق
هدف الغوارب مـا بعـد قلطنـي
دلال ما فيهن وساع ولا ضـوق
وإلى عليّـت الثالثـة وأرتكنـي
يا زايدٍ عن كارهن بألف طاروق
مـع ذا وإلـى دنيـت وليفهنـي
على نظرك الحمس والماء بالذوق
وأن جاك كلن من محلـه مثنـي
من كل نيه والردي جاك من فوق
هذاك لا تقهويـه مـا رد عنـي
تلقا طواريقه على خاطر الشـوق
أنهب من الدنيـا وكـب المدنـي
وخلك بخطو اللازمة تقل مطفوق
لا بد ما عنـك اللحـود اكنفنـي
تلبس جديد وتنطوي لك بصندوق
ما تحصـل الا حسناتـك يجنـي
واللي فعلت لباقي الربع مفهـوق




ثم بدأ عايض الدمجاني بالرد على فالح الدبل وعندما قال البيت الأول طلبه فالح أن لا يكمل القصيدة خشية أن يتفوق عليه حيث أن عايض شاعر وهذا البيت اليتيم الذي قاله عايض يقول :



يا أبن دبل وش هالني وش محني
المقدم اللي يلحقه كـل ملحـوق




ومن شعر فالح الدبل هذه الأبيات بالقهوة يقول :



يا مسوي الطبخة عسى الله يعافيك
اجهد بحمستهـا ولا تزيـد ماهـا
في دلـة مربوبـةٍ يـوم تأتيـك
من يوم شريت والمشّرف قناهـا
ولا تلتفت للي بهرجـه يحاكيـك
ما دام تدرج في يمينـك عصاهـا
وأفطن ترى الساكت بقلبه يشانيك
ما يعلمك في حرقهـا مـن نياهـا
وسقها على اللي كلهم شبحهم فيك
وأثنه على اللي شبهـا واعتناهـا
وأن كان عندك مال كلن يواليـك
عن ساعة ما ينعرف وش وراهـا




المصدر : قطوف الأزهار