من روائع الأمير ( عبدالرحمن بن مساعد )

**,,اريج الليل,,** · 28-01-2008, 12:59

المشهد الاول..

ملتزم .......

يصلي كل الفروض........

و اذا تعب..... فوت صلاة الفجر

واذا شبع راحت صلاة العصر......

و عنده دش....... و يكذب كثير

و اذا صحى الصبح ..... مشط اللحية

عادي........طاح الحطب.......... و حلوة الحياة

المشهد الثـــاني ..

غني و ظالم ..........

يطرد المساكين......و يستغل الضعوف

مغرور و فاسق......

و مجلسه عامر.......

كلن يبهر له........

و مع ذلك يجمع حسنات.......من كثر اللي يسبونه

عادي........طاح الحطب.......... و حلوة الحياة

المشهد الثــالث ..

تغازل و تاخذ ارقام...........

و تطلع مع هذا.....و تواعد هذاك........

و يوم طاح الفاس في الراس.......

بكت........

و راحت تشكي لامها غدر الزمان.......

طبطبت عليها امها وقالت:

ولا يهمك ........سفرة لمصر.... وشوية سيولة

و ترجعين بنت......

عادي........طاح الحطب.......... و حلوة الحياة

المشهد الــرابــع

مرفوع الكفن أبيض ......

وصاحبه وسط البياض.........

بعضهم يبكي.......و بعضهم عادي

دفنوه.....و تبكبكوا شوي

و اخر الليل سكارى.........

عادي........طاح الحطب.......... و حلوة الحياة

المشهد الخــامس ..

سيارة مسرعة........

و تدعس لها واحد........

مسكين هندي..........

و العسكري صديق الطايش.......

والخطا نصه على الهندي......

والباقي على أبو الطايش..........

و في الليل.....الطايش يلعب بلوت

عادي........طاح الحطب.......... و حلوة الحياة

المشهد الســادس ..

اهم شي الثوب نظيف.......و الشماغ مكوي......

و القلم ماركة......والساعة تضوي......

و الجزمة جلد.......والسيارة عجب......

و تلفونه ما يسكت......

و البنوك تبي فلوسها.......

عادي........طاح الحطب.......... و حلوة الحياة

المشهد الســــابع ..

سطحية ........و مغرورة

غبية......و متكبرة......و يا ريتها حلوة

تبي زوج مواصفات......

ما يقول لا.......ويكره الاستراحات

لازم وسيم.....و انيق.....و متعلم.....و دخله ممتاز

و يحب السفر.........

و بعد سنين......تلاقي نفسها في الانترنت

تدور واحد يقبل بها.......

عادي........طاح الحطب.......... و حلوة الحياة

المشهد الثـــامن .

فتح الكمبيوتر......

و دخل للمنتدى......و كلامه ما يتعدى ان الموضوع روعة و رهيب

و هو ما قراه و لا يعرف كاتبه........

بس يبي يزيد المواضيع موضوع ........

ويزيد همومنا هم.........

علشان يصير صاحب الألف موضوع......

و يتميز........

والمشكلة انه تميز...........
عادي........طاح الحطب.......... و حلوة الحياة

المشهد الأخير

الكذب اثم.........ومع ذلك نستخدمه

و ندري ان هذا حرام........و مع ذلك نجربه

نتذكر السهرة و الفرح و السفر.......

و ننسى الجالسين على كتوفنا.........

و نتناسى ان معهم كتاب يسجل افعالنا و نياتنا.......

كل شي محسوب.......

حتى النظر......

نسينا ان ورانا يوم......علاماته قربت

ومع ذلك كلنا ناسين.......

أن بقيت على حالك تتناسى ..........لازم تعرف
إن ذاك اليوم مهوب عادي وانت الحطب و ما به حياة

..

تحيـــاتي ..

**,,اريج الليل,,** · 02-02-2008, 03:24

**Cotton Candy** · 02-02-2008, 11:27

يعجبني أسلوب سمو الأمير عبدالرحمن
أسلوب بسيط بس لذيذ
و الإلقاء, أحلى و أحلى
في هذي الرائعة بالذات أستانس يوم أشوفها في التلفزيون, و كيف الجمهور مبسووووط.

سؤال : المشهد الثامن من ضمن كتابته؟
ولاّ أحد كتبه على نمط المشاهد الثانية؟

اقتباس


	المشهد الســادس .. اهم شي الثوب نظيف.......و الشماغ مكوي...... و القلم ماركة......والساعة تضوي...... و الجزمة جلد.......والسيارة عجب...... و تلفونه ما يسكت...... و البنوك تبي فلوسها....... عادي........طاح الحطب.......... و حلوة الحياة

الناس من هذي الفئة, أدركت "قواعد اللعبة" و شافت أثر المال على النفوس في "مجتمعنـا".
عشان كذا أصرّت تظهر بمظهر "المقتدر".
دخلها محدود؟ ايه. آخر الشهر الحساب مصفر؟ ممكن.
طيب إيش تسوي في هالحالة؟ تلجأ لـ الدّيْن.

يعني طاوعوا أصحاب المظاهر.

أريج
مشكورة

**,,اريج الليل,,** · 02-02-2008, 02:51

تســلمين اخــتــي عــالمــرور والتعــليق الجميــل ,,

وهــالشي حــاصل بمجتمعنــا ومنتشــر,,

اللــه يعين كل وااحــد ..

**ريري الحلوه** · 02-02-2008, 03:34

المشهد الــرابــع

مرفوع الكفن أبيض ......

وصاحبه وسط البياض.........

بعضهم يبكي.......و بعضهم عادي

دفنوه.....و تبكبكوا شوي

و اخر الليل سكارى.........

عادي........طاح الحطب.......... و حلوة الحياة

مبدع اميرنا عبدالرحمن بن مساعد

بارك الله فيك اختي اريج...

ولاتحرمينا جديدك يالغلا....

ريري

**,,اريج الليل,,** · 02-02-2008, 03:45

ريــري الحــلوه ,,

مــرورك اسعدني كثيــر ,,

**طآغي النظـرهـ** · 03-02-2008, 05:20

خـآطرهـ الحكمـه فيهـآ كبيـرهـ جداً .. !!

طـآح الحطب .. حلـوهـ الحيـآهـ .. حتى أصبح ضمن الحطب .. وانتهت به الحيـآهـ .. !!

مبدعـه بالنقل الرآئـع وبالاختيـآر الأروع ..

دمتي بخيـر ..

**رجه بس ثقل** · 03-02-2008, 05:23

شاعر الانسانيه
شاعر الجيل
مبدع الحرف
وسيد الموقف
اميرنا الرائع
عبدالرحمن بن مساعد
في حضوره تتجلى الشفافيه
وفي القاء عذوبة الماء

اختيار رائع وموفق

**,,اريج الليل,,** · 03-02-2008, 06:14

طــاغي النــظره ,, رجــه بس ثقــل ..

مــرور رائع وكــلام جميــل لايفي بحق شــاعر مبــدع ..