نقاش: تســامح؟ - الصفحة 3

**Cotton Candy** · 13-02-2008, 06:37

رجعت بخلاصتي من هذي المناقشة
و كلكم بردودكم ساعدتوني في كتابتها. فالشكر كل الشكر لكم.

التسامح: طوي صفحــة الماضي و فتح صفحــة جديدة

ليــه أطويها؟

الماضي مضى.
لكن أنــا لازم أتعلّم منــه. "الحياة مدرســــة"

أنــا اليوم مو مثل أمس. احنــا كل يوم نكبر, نتعلم, و نتغير.
تخيّلوا لو فيه شخص من زمـان ما شافك و يجي و يطلق عليك أحكـامه على أساس شخصك القديم.
ممكن يكون معه حق لو انك انت هذاك اللي زمــان.. لكن انت متغير و متعدل و هو باقي على زمـان.. تحس بإحساس "وعــه" صح؟
سمعت جملة تقول : Take me for who I am and not for who I have been.
(لا تؤاخذني إلا لـ شخصي الآن و ليس للشخص الذي كنت)
حبّيتهــا و صرت أرددهــا.
لمــا ندرك إننـا "كلنـا" نغلط, لازم نلتفت لـ التسامح.

لازم نجاهد و نصيـر أقويــاء و نخلي التسامح خُلق ملازم لنـا.
يرضيكم يغلبنــا " الشيطان" في هذي؟ كافي علينـــا.

كنت أقول " الكبرياء" .. كنت غافلة.
الله ذو الجلال و الإكرام.
يسامح, يغفر, يرحـــم...
طيب أنــا مين عشان مـا أسامح؟! << استفهام إنكاري تعجبني.

عُرف الرسول صلى الله عليه و سلم بالتسامح...
هذا صفوة الخلق.. أجي أنــا و أقول: كبرياء و مـا أسامح؟!

أستغفرالله

لو بأقسم الناس لقسمين :
1- ناس تغلط بعدين تندم و تحاول تعوض تقصيرهـا أو تحاول تصحح غلطها بأفعال طيبة...
2- ناس تغلط, و تغلط, و بعد تغلط. يعني تجدد الغلط. << هذول اللي كنت مو راضية أسامحهم.

كلهم لازم نسامحهم.

تعالوا ناخذ ناس رقم (2) شوي..
لازم أفهم إنه الحياة "صعبــة"

سورة البلد

الصعوبة هذي لهــا أشكال.. ممكن الشكل اللي يواجهني هو (الناس اللي تغلط).
يعني الحين جهادي معهم. يجددون غلط أنـا في المقابل أجدد تسامح.
أكيــد مو في لحظة الغلط, أنــا في الأخير " إنسان"
تذكرت الحديث:

حدثني ‏ ‏عن ‏ ‏مالك ‏ ‏عن ‏ ‏ابن شهاب ‏ ‏عن ‏ ‏عطاء بن يزيد الليثي ‏ ‏عن ‏ ‏أبي أيوب الأنصاري ‏
أن رسول الله ‏ ‏صلى الله عليه وسلم ‏ ‏قال: ‏ ‏"لا يحل لمسلم أن يهاجر أخاه فوق ثلاث ليال يلتقيان فيعرض هذا ويعرض هذا وخيرهما الذي يبدأ بالسلام ‏ "

محدده بـ 3 ليال.
لأنه وقت الغضب طبيعي جداً الناس تفكر بالمهاجرة .

طيب وش أبغى أوصل له؟
لمـا الشخص يجدد غلطه معي, طبيعي بأغضب (و عشان كذا صار فيه فرصة 3 ليال) لين أهدأ و أحاول تجديد التسامح.

شوفوا معي:

سورة فصلت

وش تفسيرها؟
الحسنة و السيئة --> فرق عظيم
من أساء إليك, فادفعه عنك بالإحسان إليــه.
إذا أحسنت إلى مَن أساء إليك, قادتــه تلك الحسنــة إليه إلى مصافاتك و محبتك و الحنو عليـك حتى يصيــر كأنه ولي حميم.

هذا كلام الله تعالى و هو أعلم بخلقــه.

في الآية اللي تليها قال:

يعني ما يتقبل هذي الوصيــة و يعمل بهــا إلا من صبر على ذلك فإنه يشق على النفوس.
ولا يتقبل هذه الوصيــة إلا ذو نصيب وافر من السعادة في الدارين.

إذاً, مثل ما قلت "نجاهد و نصبر"
و إن شاء الله نكون أصحاب السعادة في الدارين.

بعد ...

عمر بن الخطاب رضي الله عنــه اللي كان معروف بشخصيتــه القويــة. وش يقول؟!
( مــا عاقبت من عصى الله فيك بمثل أن تطيـــع الله فيـــه)

فيــه تصرّف أشوفه يساعدني مع هؤلاء الناس و هو إني أقلل الاحتكاك بهم مــا أمكن.
مثل ما قال عمر رضي الله عنه رح أطيع الله فيهم.
مثلاً إذا كانوا من الأرحام, إذا كانوا ضيوف.
لكن مـا بألعب على نفسي و أقول إني أحبهم بالتالي ما أبغى أقعد" كثير" مع ناس ما أحبهم.

جربت و صرت بعد قليلة الكلام. و النتيجة: صدق من قال إن قلة الضحك و الكلام تعطي هيبة.
من جد حسيتهم صاروا ينتبهون لكلامهم على الأقل.

فيه مره قلت لماما: ليش نكرم اللي يغلطون علينا؟ ما يستاهلون << كـانوا ضيوف.
قالت كلام مره أثر فيني : كلٍ يعامل الناس بأصله.

نهايةً’, أفتح الصفحــة الجديدة
كم مره بأعيش؟ هذي دنيا و على اسمها ما تسوى أعيش مكدرة خاطري.
وش باخذ لو زعلت عليهم؟ ولا شي يعني صفر
و خلونــا نشوف كل شيء ملوّن بأنفسنا الصافية
/
\
/

/
\
/

و يا ليتني أتمشى هنــا

*في رأس الموضوع قلت إني مو في صدد ذكر أدلة, لكن اللي قلتها لازم تنقال.

في أمـــان الله

**طآغي النظـرهـ** · 18-02-2008, 04:32

شكرا ولو انهـآ قليلـه ..

^_^

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
من هو الانسان الذي لا تتحمل ان ترى دموعه؟؟نقاش	الكحيلة	المنتدى العام	11	16-03-2006 05:20
نقاش؟؟مالفرق بين غربة الروح وغربة الوطن؟؟؟	روعه	المنتدى العام	3	10-08-2004 11:50
ســــؤال الى الشباب والبنات ................... نقاش ...,,,,,	ريـ الفلا ـوم	المنتدى العام	6	23-12-2003 01:14