~ْ| ضي القمر |~ْ من اشعار الخيال الشارد

**الخيـال الشارد** · 04-07-2008, 03:09

بعد غياب طويل اعود اليكم بهالقصيدة المتواضعه .. لعل وعسى تنال اعجابكم

واقول فيها

جيت اقول للي في بالي انت غيـر ومختلـف
خـلـك بطـبـعـك حبـيـبـي والـمـلامـه خـفّـهـا

جاك خيالي شـارد ٍ صوبـك غناتـي معتـرف
يحمـل الاشـواق وورد الـحـب لجـلـك زفّـهـا

يـا حلاهـا لحظـة ٍ لـو اشتـبـك كــف ٍّ بـكـف
لا ياربي كيف اغـار مـن كفّـي لامـس كفّهـا

لو ابكتـب بالقلـم مـن وصفهـا لاشـك يجـف
وصوفـهـا ياكـثـرهـا كـثــر الـغـمـام ونـفّـهـا

الـدراسـه عفـتـهـا والـمـدرسـه كـلـهـا أرف
لكن اتمنيت ف صغري لو اكـون ف صفّهـا

مـا اذاكـر بــس اناظـرهـا بتـأمـل واكتـشـف
انـي انجـح لــو تبـسّـم مــن حـلاهـا شفّـهـا

ناجـح بممتـاز فـي حـبـك بمرتـبـة الـشـرف
بـلا كتـب اللـي الغبـار امسـى يعانـق رفّـهـا

لجـل ممشـوق القـوام وسيـد اسيـاد التـرف
وعيـن اعيـان الجمـال الـلـي بحسـنـه لفّـهـا

لو تجاور اسمهـا واسمـي ويفصلنـا العطـف
عاطـف المعطـوف بعطـفـه وبحنـانـه حفّـهـا

اكتب ابياتي لاجلها صرف وممنوع الصرف
واتّـزيـن بـصـوت شـاعـرهـا اذا اصطـفّـهـا

بـس امـتّـع سمعـهـا حـتـى اذا لان الـطّـرف
داعب الرمـش الظليـل بهمـس نسمـه هفّهـا

اكتـمـل ضــيّ القـمـر بالوجنتـيـن وانـعـزف
لحـن شاجـي يبهـر الـكـون الفسـيـح بدفّـهـا

في محيّاها الفجر .. قطر النـدى منهـا ذرف
كاسـيـات المـبـسـم الـنـاعـم لهـيـبـه طـفّـهـا

عذبـة المنطـوق معسـول الكـلام اللـي يـزف
لقلبـي احسـاس الغـلا هـو كفّهـا هــو وفّـهـا

مـع رضــاء الوالـديـن وثالثتـهـم ع الكـتـف
اخشـى انـي اجرحـج مـن غيـر قصـد بأفّهـا

يـا خيـال ٍ عـاش فينـي التـوا بـي وانكسـف
ظـهّـر المكـنـون باسـلـوب ٍ حـيـاءه عـفّـهـا

الشاعر : الخيال الشارد

**,,اريج الليل,,** · 05-07-2008, 01:40

قصيده جدا راااائعه .....كلام جداااا جميل ...

بـــاانتظــار جديدك ...

**الخيـال الشارد** · 05-07-2008, 03:32

تسلمين اختي

واله يعطيج الف عافيه على ردج ^__^

**عزه** · 05-07-2008, 12:16

اول شي مابقولك عوده حميدة لانك دايما تدخل فجاه وتختفي شهوووور فانا متاكده انك بتختفي بعد هالقصيدة الجميله فحياك الله في المنتدى الحين وبعد..

ثاني شي صح لسانك كلمات حلوة وقويه

تصدق 4 مرات قريت القصيدة

لا وقريت القصايد اللي تحت في الصفحة خخخخ
كلمه روعه شوي عليها

اتمنى شوف كلمه اتمنى تحتها خط
كل فترة بسيطة تنور المنتدى بقصيدة يالشاعر ولا تحرمنا

الله يحفظك

**الخيـال الشارد** · 19-07-2008, 07:48

هههههههههه عاد شو نسوي ا عزه مشاغل الدنيا

صح بدنج والله يعطيج العافيه على هالرد الرائع

حبيت اسلم عليكم بهالقصيده المتواضعه والسموحع على القصور

تحياتي للجميع

الخيال الشارد

**emey** · 19-07-2008, 11:31

^
يجنن، ومن تأليفك..تبارك الرحمن..
دووم الشعراء ضايعه مواهبهم للي مشتركين بمنتديات، لأنها تنشر بالنت ومحد يدري عنها #.# << خساره

go ahead man

.
.
.

**دلوعه فزاع** · 20-07-2008, 07:17

تسلمين أختي على القصيده

والسموحه..

**الخيـال الشارد** · 22-07-2008, 01:51

اقتباس:

المشاركة الأصلية كتبت بواسطة emey

^
يجنن، ومن تأليفك..تبارك الرحمن..

دووم الشعراء ضايعه مواهبهم للي مشتركين بمنتديات، لأنها تنشر بالنت ومحد يدري عنها #.# << خساره

go ahead man

.
.
.

هههههه ومنوو قالج اني ابا انشهر بالقصايد ؟؟؟

لو ابا انشهر جان انشهرت من زمان << مشاركة وحده في شاعر المليون .. تخلص الموضوع كامل

لكن ابا انشهر بشي ثاني غير مجال القصيد لو ابا انشهر

صح بدنج وتسلمين اختي على ردج ومتابعتج

**الخيـال الشارد** · 22-07-2008, 01:52

اقتباس:

المشاركة الأصلية كتبت بواسطة دلوعه فزاع

تسلمين أختي على القصيده

والسموحه..

الله يسلمج من الشر

انا واااحد مب وحده

وتسلمين على الرد

**بنت الجود** · 23-07-2008, 01:24

مستحييييييييييييييييييييييييييييييييييل

شاعرنا واخونا الخيال الشارد هنيه

حيااااااااااااااااك اخويه

وصح السانك

ابدعت بصراحه

من زمان ما شفنا قصايدك اتولهنا عليهن

واتولهنا على قصايد اخونا الغفلي الله يذكره بالخير

يعطيك الف عاااااافيه اخويه عالابداع

السمووووووحه

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع:

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
(~[الــــروايـــــة]~) من اشعار الخيال الشارد	الخيـال الشارد	منتدى الشعر والأدب	23	23-01-2008 11:29
الخيال الشارد	ahbak5	منتدى الشعر والأدب	5	18-03-2006 03:10
صدفة الخيال الشارد مع الخيال الشارد	الخيـال الشارد	منتدى الشعر والأدب	22	21-12-2005 08:08
~رسالة حب~ من الخيال الشارد	الخيـال الشارد	منتدى الشعر والأدب	21	30-11-2005 05:25
©~®§][©][ الخيال الشارد ][©][§®~©	بنت الجود	منتدى الترحيب والتهاني	8	23-09-2004 08:20