{ عُدنــا مــن جديــد } ^.^

**خلود المشاعر** · 23-09-2008, 04:21

السلام عليكم ورحمة الله وبركاته ..

شحالكم ؟ عساكم بخير .؟؟

من زماااااان مانزلت موضوع ومن زمان مانزلت لكم صور ..

رحمتكم وقلت بنزل اليوم

:::::::

1- لابتوب بنت خالي . ماخلت شي فالسوق وماحطته فيه ولا بعد من كم يوم اشترت من هالاستكرات وزداته . حتى لونه مايبين

2- سوالف نص الليل ..

3- فضاوه

4- اخوي نادر لو نزل من الدري عادي . لازم هالحركه

5- اول ليله او 2 ليله من رمضان .. سحورنا

6- خخخخخخخخخخخخخخخ كان يوم عالمي والله ..

لا تخافون مب كله لي . تيمعنا انا وبنات خالي وكل وحده يابت قشها وسوينا بسطه .. يت يدتي ومسكت راسها من اللي شافته .. قلتلها سوري مانبيع

7- كنا في دبي( الامارتس مول ) .. وفطرنا هناك . في مطعم ماعرف شسمه نسيت بس هو شكله مثل الكوفي . اكله وايد يعيبني وحلو

^
اللي تاكل بنت خالي

^
شوربة الدياي بالكريمه بس بدون مشروم

^
بيتزا الببروني خباااااااااااااال ..

تااااااااااابع>>>

**خلود المشاعر** · 23-09-2008, 04:25

8-ايام الكليه كنت اتدرب في الجوازات وفاضيه ماعندي شغله قعدت اصور

9- هالسويت قالت لي عنه عزووووووووه .. خخخ عيبهم كلهم وسويته لهم مره ثانيه يسلمووو عزونه انا قبل كنت اسوي جيه تقريبا بس شوي غير

10- كان يومها نازل مطر

^
امي كانت عالكرسي تقرا قرآن

12- هدايا .. (الماينا - فرنسا - النمسا - سويسرا)؟؟

هذي بعد هديه .. صورت قبل لا افجها .. كنت اتحرقص خخخخخخ

:::::::

سوري شي من الصور مب وايد واضحه اكثرهن من الفون

وسلامتكم .. اووه تعبت

**تميمي** · 23-09-2008, 06:11

وعليكم السلام ورحمة الله وبركاته

الحمدلله بخير جعلك بخير يارب

انتي شخبارك ان شاءالله بخير يارب

ماشاءالله تبارك الله
لو نزلتي الصور على دفعتين كان احسن

اما بنت خالك هذي ذكرتني بدانه بنت اختي اذا شافتني جالس على الاب توب اجت ومعاها ستكرات قطاوه ولا نجوم واجت ولصقتهم بالجهاز على لوحة المفاتيح او على الشاشه اهم شي تلصقهم وبس مايهمها وين واذا شلتهم عصبت علي ا والمشكله انها سارقتهم من حقت شنطة اختها والحين اذا شافتني جالس وشافتهم جت تسالني صح هذول حقاتي انا حطيتهم اقول ايه حقاتك اهم شي بعدي عني هههه

اما اخوك حليله ذكرتيني باياااااااااااااااام زمان كنت اسويها بس الحين لا خلاص ههههههههههه

ماشاءالله عليك خوووووووخه وانا اقول ليه دبااااااااا هذا سحورك كله وبعدين اللي تحته شكله كله لك ومالاحد غيرك شي بس تصرفين ماتبين تقولين انه لك تخافين نقول دبااااااااا لكن خلاص تبين كل شي وانفضحتي يالدبااااااااااااااااااا فضحتي عمرك ههههههههههه
لا وحاطه سهم تقول بنت اختي اللي تاكل قولي انا اللي اكل ولاحقه على الشوربه والبيتزا كل هذا طلب لك انتي بس ماشاءالله تبارك الله عليك بالعافيه يارب بس سوي رجيم احسن لك
ماشااءالله اما الجوال والشنطه حلووووووو اللون
اجل نقول يسلموووووووووو عزوووووووووونه مو انتي هههههههههه
ماشاءالله تبارك الله صور الجو رووووووووعه الله يجيب الوسم والسيل يارب
حليلها امك ماشاءالله عليها ربي يحفظها ويطول بعمرها ويخليها لكم ويخليكم لها يارب والله يعينها عليك يالدبااااااااااااااااا
اتوقع انهم 11000 او 12000 درهم والله اعلم
ماشاءالله تبارك الله
تتهنين فيهم ان شاءالله وتستاهلين الهدايا خوووووووخه

وتسلمين على الصور ربي يعطيك الصحه والعافيه يارب

**رجه بس ثقل** · 23-09-2008, 06:36

1- لابتوب بنت خالي . ماخلت شي فالسوق وماحطته فيه ولا بعد من كم يوم اشترت من هالاستكرات وزداته . حتى لونه مايبين

انا افكر اسويه بمحل شفته في بن بطوطه
متخصص للجوالات والكام واللاب

2- سوالف نص الليل ..

عدنا وعندكم خير

3- فضاوه

ياعيني ع القيتار

4- اخوي نادر لو نزل من الدري عادي . لازم هالحركه

كان زمان
كنا دايم نسويها
اول ماسكنا بيتنا هههههههههههههه

7- كنا في دبي( الامارتس مول ) .. وفطرنا هناك . في مطعم ماعرف شسمه نسيت بس هو شكله مثل الكوفي . اكله وايد يعيبني وحلو

اول محل؟؟

11- الشاطر يقولي كم هاذييييييييييييل؟؟ خمنوا ..

كان خليتيهم للعيد
الله يهديك من الحين عيديه
هههههههههههههه

واخيرا" يسلمو ع الصور
وسعتي صدورنا

**الســاحر** · 23-09-2008, 09:30

خلود .. قبل كل شي ..

تعالي الرادار شوية .. ولي عودة هههههههههههههههههههههههههاي

**الســاحر** · 23-09-2008, 09:46

عدنا ..

ما شاء الله عليها بنت خالتج .. تحب الصور .. انصحيها تجلد اللاب توب .. احسلها ههههههاي

خلود نص الصور الي حاطتنهن أكل ..

ههههههههههههههههههههههاي .. يوم اقولج انتي شو يسمونه .. اللهم اني صائم .. يستوي أي فليل واقول شوه ؟؟؟ هههههههههههههاي

تتسحرون .. ماينيز وهمبرقر؟؟

انا من أفطر ما أروم آكل شي .. الين ما أرقد .. امس اليوم الوحيد الي تسحرت فيه .. هههههههاي ما ادري شو ياني يعت ..

ما شاء الله كل هالحلويات .. ؟؟؟؟ اللهم زد وبارك ..

أحلى صورة .. او صورتين .. صورة امج وهي تقرا القرآن الله يحفظها ويخليها لكم ان شاء الله ..

وصورة الغيوم .. روعه طلعت الصورة ..

مبروك على الهدايا .. تستاهلين .. ملبوس العافية ..

تدرين هالفلوس .. بسوي فيهن مسابقة .. ههههههههههاي

الي يعرف اسم الدولة الي انتي قلتيها بعطيه اياهن كلهن هههههههههههاي ..

يا جماعه .. أين تقع الماينا ؟؟؟ ههههههههههههههاي

ويسلموو خلوود على الصوور الممتعه ..

وفي انتظار جديدج .. ولا تحرمينا من هالصور عقب ارمضان عشان نعرف نعلق هههههههههاي

سحوور

**الفراشة** · 23-09-2008, 04:42

هلا هلا خلووووده

طبعا كنتي تتغلين علينا

بسم الله نبدأ

1- لابتوب بنت خالي . ماخلت شي فالسوق وماحطته فيه ولا بعد من كم يوم اشترت من هالاستكرات وزداته . حتى لونه مايبين

أنا لوحد حط شي أذبحه بس أنا حاطه صورة عيايز الفريج عليه كامل خلفيه من برع

بس شكله وااااااايد حلوووو

2- سوالف نص الليل ..

وااااااااااااو ذكرتيني يوم أنا أصغريووونه

الحين ما أستسيغ هالسوالف

4- اخوي نادر لو نزل من الدري عادي . لازم هالحركه

ههههههههههههههههههههههههههههههههه

والله أيام أنا كنت دايما أنزل بهذه الطريقه مستحييييييييل أنزل عادي

الحين ما أخلي الصغاريه ينزلون جي أعصب عليهم

5- اول ليله او 2 ليله من رمضان .. سحورنا

هالنوع من الأكل ممنوع في بيتنا

6- خخخخخخخخخخخخخخخ كان يوم عالمي والله ..

ماشاء الله

ممممممممممممممممم

تميمي وسحور تكفلوا بالرد

7- كنا في دبي( الامارتس مول ) .. وفطرنا هناك . في مطعم ماعرف شسمه نسيت بس هو شكله مثل الكوفي . اكله وايد يعيبني وحلو

ههههههههههههههههههه

خلوده مكتوب أسمه على الكلينكس

" باول " عجييييييييب بصراااحه

وفيه كيكه لازم اللي يخطف صوبه اييبها لي لذيييييييييييييييييذه ،، مع إني ما أحب الكيك

8-ايام الكليه كنت اتدرب في الجوازات وفاضيه ماعندي شغله قعدت اصور

عاش سوني أريكسون عاش

9- هالسويت قالت لي عنه عزووووووووه .. خخخ عيبهم كلهم وسويته لهم مره ثانيه يسلمووو عزونه انا قبل كنت اسوي جيه تقريبا بس شوي غير

لالالالالالالالالالالا ما نقبل إلا بالطريقه

يسلموووو عزه

بس لا زم الطريقه عسب نجربها

أكيد لذيذه لأنه طلبوها منج كم مره

10- كان يومها نازل مطر

وااااااااااو

الجو ولا أروع ماشاء الله ،، صيفكم كان جمييييييل السنه ماشاء الله صراااحه كنت أشوف الأمطار في الأخبار

الله يخليلج أمج ويحفظها ويطول في عمرها ويرزقها الجنه قادر ياكريم

11- الشاطر يقولي كم هاذييييييييييييل؟؟ خمنوا ..

وفوقهن هاذييييييل .. يالله كم ؟

ههههههههههههههههههههههههههه

عرفنا إنج خريتيهن كلهن مافي داعي نحسبهن

12- هدايا .. (الماينا - فرنسا - النمسا - سويسرا)؟؟

عاش الشوكليت عاش

هذي بعد هديه .. صورت قبل لا افجها .. كنت اتحرقص خخخخخخ

وأنا بعد وصلتني هديه بما إني مريضه وتعبانه يابولي ساعه بس جوتشي

===================================

تسلمين حبوبه

واستمتعنا واااايد بالصور

ربي لا حرمنا تصويرج

ولاعدمنا جديدج

~* الفراشة *~

**Optimistic08** · 23-09-2008, 05:04

Great.....................and you have a kind mind

**شنيوب** · 24-09-2008, 06:20

السلام عليكم ورحمة الله وبركاته

ماشاء الله تبارك الله
اللابتوب متوافق مع المنتدى (Utopia)

عاش الشربت بو نص وخاصة يوم يتثلج.. نم نم.

ومطعم باول، يازين طلبيتي الخاصة فيه ،، بيتزا رقيقة، وقليلة الجبنة وبدون صوص، وعليها ربيان ومشروم،وقليل من الخرشوف المتخرشف.

ما احيدج تحبين الربيان الصغير ولا جان دليتج على مطعم يسويه في جبنة ومابخبرج انه المطعم الإيطالي اللي في الدور الأول من الفيستفل سيتي، في نص المركز (فوق ستاند الإستعراضات)، ومثل ما قلت،،،مابقوللج.

الله يحفظ لج أمج وتفرح بعرسج ، اللهم آمين.
ومناظر طبيعية جميلة.

وشوها الزين من الحلاوة اللي فوق والحلاوة اللي في آخر الموضوع، لا تاكلون حلاوة موووووول (انا بساعدكم في التخلص منها)، واللبن بو كمون،، علمت ربعي عليه في الرحلات البحرية .

عاش أخوج، والله زين في ها العمر قادر يسوي هاي الحركة، السن له أحكام والوزن له قوانينه الفيزيائية.

إلى لقاء قريب بإذن الله

**Cotton Candy** · 02-10-2008, 05:34

ماشاء الله خلووووووووووود مرة حلوة الصور و سالفة كل صورة

ودي اعلق عليهم بس الحين مافيني
يمكن ارجع

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع: