بسم الله الرحمن الرحيم
وقع حادث ماساوي بتاريخ 24-8-2003 في مدينة العين وبالتحديد في منطقه
المناصير والحادث هو احتراق منزل
ابى اقووولكم بالتفصيل لاني شخصيا كنت موجود
السالفه ومافيها ان العائله تتكون من الاب وهو سوري الجنسيه والام مواطنه
وعندهم 5 عيال شي بنت تعبت وودوها المستشفى
وتركوا باقي اليهال في البيت وقفلوا عليهم الباب وباب الغرفه بعد؟؟؟
المهم انا طبعا مداوم وانا على فكره شفت كل شي بعيني
المهم
واحد اتصل بالشرطه وقال اشووووف حريجه عووده في احد البيوووت
وصلت سيارات المطافي بسرعه جنووونيه
ويووم وصلوا للمكان وصلت الدوريات وسيارات التحريات
شوي جان ايينا واحد ويقول ان الاب والام مش موجودين في البيت
لان شافهم يودوون وحده من بناتهم المستشفى والباقي داخل البيت؟؟؟
طبعا البيت كان يحترق بالكامل
ساروا بيكسرووون الباب تفاجأ الكل ان البيبان حديديه ولازم اييبون المقص
ويباله وقت لين ما يوصل
فما كان الا ان واحد من رجال الدوريات قالهم بعدوا عن الطريق
جان يمشي بدوريته بآخر سرعه ويدعم الباب ويكسره والدوريه تكنسلت بعد؟؟
الكل استغرب من هالتصرف الجرئ بس الريال ماقدر يستحمل ان في يهال داخل البيت
والبيت يالس يحترق؟؟
المهم يووم دشوا المطافي داخل شافوا باب مقفول كسرووه في نفس اللحظه
بس كانت الصدمه كبيره جدا جدا جدا
رجال الدفاع المدني شافوا جثث الاطفال الاربعه متفحمه على الآخر ! ! ! ! !
والاطفال هم نور 6 سنوات, نوره 5 سنوات, والتوأم احمد ومحمد 3 سنوات فقط! !
طبعا ما تتصورون المنظر اسميني اقول يا ريت ماشفت شي
منظر يقشعر له البدن
والله عمري ما تاثرت هالشكل
ولو تشوفون ردة فعل الاب والام؟؟
على طوول طاحوا وودوهم العنايه المركزه بمستشفى الجيمي
والناجيه الوحيده من هالحادث البنت اللي ودوها المستشفى واسمها مريم ؟؟
اثبت المخبر الجنائي ان سبب الحادث شراره من المكيف حرقت البيت واللي داخله
الله ارحمهم يا رب
الله يعين الاهل
تحياتي لكم . . . . زعــ المقام ــيم ;)
ترى القصه واقعيه 100% وانا شاهد عليها
والحادثه هاااي في النهااار
26-08-2003, 07:43
العرض العادي
المواضيع المتشابهه 
