تبي تضحك ؟ تعال.......
قصه تموت ضحك ؟؟؟؟؟؟
فيه ولد طفران (ماعنده ولا درهم) راح لابوه
وقاله : عطني 15 درهم ... ابى اشتري كوره
الاب : أقول انجلع عني تراها واصله وياي
الولد : تكفا يبه ... بس 15 درهم والا اقولك خلها عشرة دراهم
الاب : ماعندي فلوس ... إذا تبى فلوس سير بيع الديك مالك المريض اللي فالحوش ..
الولد : بس هذا مريض ومحد بيشتريه
الاب : ما علي منك...دبر عمرك
والله الولد استسلم للأمر الواقع واخذ الديك
أول واحد قابله في وجهه اكيد أبوه ... قاله الولد : تشتري الديك؟
الاب : اقول بتنجلع عني ولا اقوم ادوس في بطنك؟
الولد : خلاص خلاص لاتنفخ
طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك
قال الولد : ممممممممم ... والله مالي إلا فلانه ... عقلها خفيف وأكيد بروم العب عليها بسهوله
فلانه هذي كانت وحده متزوجه بس للاسف كانت رايحه فيها وتلعب بذيلها من ورا ريلها راح لها الولد عشان يبيع لها الديك
الولد : تشترين الديك ؟
الحرمه : هلا والله بحبيبي ... تعال قرب مني عشان ابوسك بوسه خفيفه
الولد : اقول مب فاضي لج ... خذي مني الديك وخليني اروح
الحرمه : تروح وين ياعمري !! انا ماصدقت إني شفت ريّال عندي في البيت ...
الولد : ومنو اللي قالج إن انا ريّال؟ خذي مني الديك وخليني اسير
شوي الا الباب يدق خافت الحرمه
وقالت للولد : تعال إندس هني في الكبت لايطلع ريلي ونروح فيها.
دست الولد في الكبت وسارت فتحت الباب إلا وطلعلها ربيعها اللي تخون ريلها وياه ..
الحرمه : هلا والله بعمري وحياتي
الريّال: يا هلا فيج عمري...
ما لحق الريّال يكمل كلمته إلا والباب يدق
الحرمه : ياويلي ويلاه....هذا شكله ريلي ... تعال ودش الكبت
دش خوينا الكبت ... وفجاه في عز الظلام سمع صوت حد يرمسه داخل الكبت
ويقوله: تشتري الديك؟
الريّال : اصصصصصصصص ... قصر حسك الله يرحم والديك لاتفضحنا
الولد : أقول تشتري الديك؟
الريّال: ياخوي خلاص بشتري الديك بس قصر حسك ورفجه ...
الولد : اوكي
الريّال: بس بكم تبيعه؟
الولد : بـ 100 درهم
الريّال : شوووووو !!!!!!!!!!!! هالديك المنتوف المريض بـ 100 درهم
الولد : تبى تشتري ولا ارفع صوتي؟
الريّال: لا لا خلاص ... بشتريه وأمري لله
يلسو 5 دقايق
الولد : تبيع الديك؟
الريّال : توك بايعه على يابن الحلال!!
الولد : تبيع لي إياه ولا ارفع صوتي؟
الريّال : لا لا خلاص....ابيعه وأمري لله....بكم تشتريه؟
الولد : بدرهم
الريّال: شووووو !! بدرهم !!!! انا مشتريه منك بـ 100 وانت تشتريه مني بدرهم !!!!!
الولد : تبيع ... ولا ارفع صوتي؟
الريّال: لا لا خلاص....ابيعه وأمري لله
يلسو 5 دقايق
الولد : تشتري الديك؟
الريّال: ياخوي توني مشتريه منك!
الولد : تبى تشتري ولا ارفع صوتي؟
الريّال: لا لا خلاص ... بشتري وأمري لله ... بكم تبيعه؟
الولد : بـ 200 درهم
الريّال: الله يبحصك ان شا الله ... توني شارنه منك بـ 100 درهم!
الولد : تبى تشتري ولا ارفع صوتي؟
الريّال : لا لا خلاص ... بشتري وأمري لله
يلسو 5 دقايق
الولد : تبيع الديك؟
الريّال : انا لله وإنا إليه راجعون.....بكم تبي تشتريه؟
الولد : بدرهم
الريّال: وشو تباني أقول !! يالله خذ الديك وببلاش
بعد أن اخذ الولد الديك شوي ألا الحرمه فاتحه عليهم الكبت
وقالتلهم : يالله بسرعه انحاشو دام إن ريلي في الحمام ... بس واحد ورا الثاني وشوي شوي عشان لايحس فيكم ريلي
طلع الريّال وانحاش ولحقه الولد بعده بـ 5 دقايق المهم ... قام الولد
يتمشى في الشارع وهو مستانس إن صار عنده فلوس ...
بعدين سار للبيت يوم دش البيت شاف ابوه جدامه ...
سار عند ابوه وقاله : تشتري الديك؟
الأب : يطالعه والشرار ظاهر من عيونه
وقاله: ما يسدك يا ولد (...) الــ 300 درهم اللي خذتها مني في الكبت
تحياتي لكم ...
: : : تبى تضحك دش هني ... قصة تموت من الضحك : : : 
العرض العادي
