انا بعطيج سبب مقنع لهالظاهره اللي ما عرفتي لها سبب لحد الآن
الله يسلمج الشباب اذا يداومون ولا ما يداومون بعضهم طبعا مب كلهم
يسووون هالحركة
أولا: الشباب يوم ما يكون عندهم شغلة تلاقين الواحد يدور على شارع واحد اذا كان فيه شباب ثانين وكان فيه شوية زحمة للأسباب التالية:
-- يبي يراوي الناس شكل سيارته اونه شوفوني اليوم كاشخ فيها
--أو يدور بنت يرقمها ولا جنه كافنه البنات اللي تارسين تلفونه
--أو يبي يتحرش في واحد من هالشباب اللي متجمعين لانه ضايق خلقه ويبي يتظارب ويا حد
-- أو انه متظارب ويا ربيعته وما عارف وين يسير وما يبي يبتعد عن الناس فيلف فالشوارع عسى انه يحصل وحده يرقمها وتفهمه على حسب ما هو يفكر (وهذا الشي اللي يخلي الواحد يرمس ألف وحده )
ثانيا: يعلي على صوت المسجل للأسباب التالية:
-- ربعه يكونون وياه ويبي يسمعهم انه انه عنده احلى الأغاني وأحيانا أحدث الأغاني ولا اونه هالأغنية تعذبه وما يعرف كيف يخليهم يتعذبون وياه
--ثانيا اذا كان وياه واحد من ربعه وربيعه شاف بنت طايفه على الشارع او على طرف الشارع طوول على الصوت للأخير كأنه يقول لها أهديج هالأغنية إسمعيها عشان خاطري أرجوج وعطيني ابتسامه عشان اعرف انج تبين الرقم
( والإبتسامه هي غلطة البنات في هاللحظة لانه الشباب يفهمونها غلط )
يمكن البنت تظحك تقول شو هالغبي يسوي عمره واحد من هاييل وهو يفكر كأنه تقول له حبيبي تعال رقمني
-- ثالثا يبي يراوي الشباب اللي على طول الشارع انه عنده سماعات قويه وبيس وصوت عالي وغيره من هالخرابيط خقااق
ثالثا: أسباب تشفيط الويلات :
-- الشباب عادةً يشفطون ويلات إذا :
1- شافوا بنت
2- كان فيه عرس
3- رايحين دبا وهذا شي اصبح شايع
4- إذا كان الواحد فيهم متغايض من شي بالقو ومعصب يلعن صير السيارة وحليلها
5- يراوي غيره من الشباب انه موتره مزود ( ومناك عليه مكينة كورولا حليانه)
6-إذا كان يبي يبيع السيارة ( وهذي الظاهرة انتشرت بشكل فظيع )
7-إذا كان مترايس ويا واحد من الشباب وطافه يحليله موتره ما يمشي
بإختصار الظواهر كثيرة واذا تميت ارمس ما بخلص عطيتكم بعض الأسباب اللي ما لقيتوا لها حل يا اخواني ولا عرفتوا لها جواب..
أرجو اني ما أكون طولت عليكم وأرجو انكم تكونون عرفتوا شو بعض أسباب تهور وطيش الشباب وخبالهم
والسموحة منكم
العرض العادي
