7777777

السلام عليكم ... يا شباب الحلوين طبعا هذس الظاهرة منتشرة في كل مكان ( بنات وأولاد ) ..... أريد أكلمكم عن موضوع أشوفه وايد منتشر ... وهو كم نحن نسرف ... وأنا يمكن أكون مثلكم ومش غير عنكم ... لكن الحمدلله أفكر في الموضوع يعني ايي على بالي مرات ومراااااااااااااات

أما عن الأولاد

الحين حياتهم صارت كلها خقه في خقه .... يعني اذا الولد ما لبس نعال من أنطونيو ولا من باشوتي بيكون متفشل .... واذا ما كانت كندورته من خياط العربي الممتاز بيكون مال أول وما يعرف في الرقاع وما يعرف في الموضه ( يعني الكندورة لازم تكون من قطعة ( الختم ) هاي الواقفه اللي كأنها كيس
أما الموبايلات ... اذا ما كان بوكيمره وآخر موديل .... وفيه برامج وفيه فيديو كليبات ... ما بيعتبره تيلفون ... كأنه ما يرسل الا اذا كانن فيه هالاشياء
والسياره يبونها بورش
ومش أي بورش
يعني الكايين العادية ما يبونها ... يبون توربو

ويتمنون لو كانت بورش جي تي تو

واذا الله راحمنه وعاطنه ستيشن ولا نيسان بيلعببها لعب .... وبيزودها بكامات وما ادري شوه ... وبيخليها ما تسوى ربيه

يا ربي يا الخقه .... والله ما بتشلون معاكم شي حق الاخره .....
طبعا ما اتكلمت عن السفر ( الغتر ) والعقل والعطور وفواتير الاتصالات ... أو حتى البطايق المدفوعه اللي يدخلن التيلفون وحده ورا الثانية .... وحق شوه حق يرمسون هالبنات المرغد اللي ما وراهن والي

وبعد لا تنسون الملابس ... يعني الأقمصه والبناطلين حق يوم بيسافرون .... اذا ما كانن ماركات .... ما بيرتاحون

لا والا تلاقي ها الاولاد الصغار (وحتى الكبار يمكن) يسيرون الاكشن زون ومحلات الكمبيوترات ويدخلون في حسابهم هناك 200 درهم ولا300 درهم ... عشان يلعبون كاونتر سترايك ... ( يعني لعبة المسدسات ) ويتمون يتنافسون ... والله لو هم يلعبون رياضة ابرك لهم

أما البنات عاد ..... حدث ولا حرج

يدققن في كل التفاصيل .... يعني العباه والشيله لازم تكون آخر موضة ... ومن أرقى المحلات .... وبيموتن من القهر اذا حد لابس مثلهن ....
يحبن يلبسن من ماي فير ليدي
ولارين
وارابيسك
وموزان
وايفن بلاك
والاختيار الأول

أي محل ثاني بيستحن منه .... واذا سون عنده بيقولن له لا تحط توقيعك على الشيلة وعلى العباه

أما الشنط .... اللي طايحين فيهم طيحه ... ما يريدن يشلن الا شانيل وفندي وكريستيان ديور ... وجوتشي ... جيفنشي ... ما يهمهن سعرهن المرتقع ... ما يقولن انه هذا حرام .... وأنهن أبرك لهن لو يتصدقن بهالفلوس ... وما يقولن بناخذ شنط حلوه ... ومن محلات معروفه لكن بأسعار معقوله

لا وعاد الصدمة اللي تيهن أنه هالشنط اللي هن الماركات يعني ... نزلن تقلييييييييييد في كل مكان وما تم حد ما شلهن
أحسن يستاهلن ( من هالاسراف اللي يسرفنه ... الله راواهن

والبلايز والتنانير لازم كل يوم شي يديد .....
وما يبن حد شراتهن .... ما يخلن مول ما يروحنه عشان يدورن من هالسوالف

ولا البنطلونات ( يعععععععععععععععععع ) صدق يع

والساعات والمكياج والنظارات و و و و




الله يهديني ويهدي البنات والأولاد كلهم ان شاء الله
والله هالاسراف مب زين ... الله ما يرضى عن هالشي .... يعني هالفلوس اللي ينفرن في اشياء ما يستاهلن ... وكل شهرين غيرناهن واشترينا غيرهن ... مش أحسن لو نسوي بهن أعمال خير ... مش أحسن لو نتبرع بهن ... والله أنه أحسن .... هذا اللي بيتم حقنا ... أنا ألاحظ أنه هالشي ما يهم البنات والشباب ... وألاحظ أنهم اذا اتبرعوا بيتبرعون بخمس ولا بعشر

لا لا لا هالخمس ولا هالعشر ما ايي شي عدال كم أنتو تصرفون على أغراضكم اللي اتحبونها وايد وايد

يا أخواني لازم ما اتهمنا الدنيا هالكثر .... أنتو بتقولون نحن عايشين في بلاد كلها خير الحمدلله ....
وأنا بقولكم صح نحن عايشين في خير الحمدلله ... لكن فيه ناس يتمنون يلاقون أساسيات الحياة من أكل وشرب وملبس .... وهم من بلادنا بعد مش من بلدان ثانية

وأنتو بتقولون هاي مستلزمات الحياة وبتقولون أنه الناس في الامارات كلهم عايشين بالمظاهر ... واذا ما اتلبسنا وما كشخنا وما صرفنا بالهبل ... محد بيحترمنا ومحد بيعطينا ويه
وأنا أقولكم ... أنه نحن اللي سوينا هالشي ولا الأوليين ما كانوا يفكرون نفس تفكيرنا ... نحن اللي غيرنا المجتمع ونحن بيدنا نرجعه مثل ما كان .... لازم اذا شفنا حد لابس من محل مش ماركه قوية ... لازم ما ننتقده وما نرمس عليه .... وبعدين ها الناس اللي يحكمون علينا من خلال ملابسنا ومظاهرنا ... ها ناس لازم ما يهمنا حكمهم

أتمنى أنكم تتأثرون بكلامي وتغيرون لو جزء بسيط من حياتكم ... وتحاولون تناقشون هالموضوع في يلساتكم مع الربع والأخوان