سـ العين ـواد

يسلمووووووووووووو بنووتته على هالقصة الروعه


ويعطيج العافية على الكلتابات اللي تكتبيها



بس بسألج الغالية


شي تكملة للقصه


لأني أحسها ما انتهت


اذا شي خبريني لاني مهتم بمثل هالأشياء



السموحة

__________________

مرر الماوس

ولكم باااااك

...
--------------------------------------------------------


ان قلت سود الليالـي بضمـة السيـن
وان قلت عين العذارى ارخت هدبهـا

فأنته ياسـواد العيـن تشمـل اثنيـن
سود العيـون اللـي تصافـا نظرهـا

أريج

:(


:(


:(



ليييييييييييييييييش


حرام عليج


خليتي شجون تحب محمد :( :( :(

عندنا عزى في بيتنا

وتقبل التعازي في بيت محمد

خخخخخخخخخخخخخخخخخخخخخخخخخخخخخخخخخخ


يعني لازم تقولين ان شجون تحب محمد ... جان ما خبرتينا وحيرتيتنا تحبه ولا لاه

هيه جيه اباها شجون .. كلامها يريح القلب خخخخخخخخخخخخخخخخخخخخ

والشباب طلعوا اذكيه يفهمونها عالطاير <<< اول مرة اعرف ان الشباب فيهم ذرة ذكاء







تسسسسسسسسسسسسسسسسلمين غناتي عالجزء اليديد الحلووو شرات كاتبة القصه الحلوة

ونتريا اليديد

__________________
يـاعااذليــن القلب يكفـي مـلاما
قـلبي تعذب حيل لااا تحــرقونه..
غاب الفرح عني وزاااد الــهيــاما
وصار الشقا مرسوم دوني ودونه..
كني سجين عاش وسط الظلاما
من طــعنة الأيــام تذرف عيونه..
محبوب عيـني لويجيك الســلاما
رد الســلام وخــافقي لاتـخوونه..

زايـ بنوووتة ــد

__________________

زايـ بنوووتة ــد

__________________

زايـ بنوووتة ــد

تكملة القصه ..


وفي اليوم الثاني .. كانوا معتفسين اهل محمد لان عيال خالتهم راح اييون بيتهم ..
والبنت اللي تحب محمد هي بنت خالته اسمها .. شوق ..
كانت تعشق محمد عشق جنوني

وفي المطبخ معفوسين روان وام حمدان وام محمد
روان : يماااه ليش نحن عافسين الدنيا فوق وتحت ليش منو بيي غير بيت خالوتي
فاطمه : اسكتي .. صج انج ماتستحي .. هذي خالتج اكبر منج واحترميها ولاتيلسين
الحين لين بتيي تيلسين تقولين جي يدامها
علياء : عقاب لها خليها تقطع البصل
روان : لا عمتي تكفين الا البصل الطباخ بيقطعه
فاطمه : صج والله فكره الطباخ مشغول روااانوه قصي البصل بسرعه قبل مااخلي خليفه ايي لج
روان : خلاص بقطعه وآمري لله بس اهم شيء مااي هالدب

وتدخل شجون بهاللحظه المطبخ وتشوفهم شو يسوون
شجون : السلام عليكم
علياء وفاطمه وروان : وعليكم السلام
روان : هلا والله بحبيبة قلبي شجون تعالي فديتج بغيت منج شيء
فاطمه : شجون يمه اذا ماعليج أمر سيري الصاله وماعليج منها بتخليج تقطعين البصل اللي ماسكتنه هي الحين
شجون : تأمرين آمر يمه الحين سايره وماعليه من روان
روان : شجون انتي حبيبتي تعالي بس بقول لج شيء
شجون : اوكي قولي لي وانا واقفه صوب الباب مب لازم اقرب منج
روان : لا ماينفع تعالي عندي
علياء : روانووه قطعي البصل وبسج كلام .. شجون يمه روحي الصاله
شجون : اوكي يالغاليات عن اذنكم

راحت شجون الصاله وتدخل خالة محمد وبناتها .. سلمت عليهم مع انها ماتعرفهم ..
ولا هم يعرفونها .. استأذنت منهم وراحت تنادي امها فاطمه

شجون : يمه تعالي مااعرف منو دخل الصاله حرمه ومعاها بنات ووياهم شنط
فاطمه : خلاص يمه انتي روحي ايلسي وياهم وروان بتيي وياج
شجون : اوكي خلاص .. روان يالله بنسير عندهم فشله هم يالسين بروحهم
روان : انشاء الله الحين يايه ماصدقت افتك من البصل وبلاويه

دخلت روان سلمت على خالتها وبنات خالتها .. ويلست تسولف وياهم
وخذتها السوالف وشجون طول الوقت ساكته .. حست ماله داعي انها تيلس وياهم
استأذنت وراحت غرفتها ويلست تكتب شعر حافظتنه بس ماكان لها
ولانها تحب الشعر كانت تحفظه .. وهي تحب قراءة الشعر
وكانت تكتب شعر لابوها ودموعها بدت تذرف على خدها وهي تتذكر ابتسامته
وتتخيله واقف يدامها .. ودخلت عليها روان وانصدمت لما شافتها تصيح

روان : شجون شو فيج
شجون : لا مافيني شيء
روان : مافيج شيء وانتي تصيحين .. تقصين على منو انتي
شجون : لا بس تذكرت شيء وصيحني .. ماقلتي لي ليش يايه ؟ شو كنتي تبغين
روان : تعالي امي تبغيج علشان تيلسين ويانا
شجون : اوكي بيي بس قولي لي منو تحت
روان : والله الموجودين بالبيت كلهم تحت
شجون : حتى محمد موجود
روان : هي موجود .. بس انتي وعدتيني انج تصدينه
لان شوق موجوده وماابغي اعور قلب بنت خالتي
شجون : لاتخافين انا عند وعدي .. ومحمد راح امحيه من قلبي يعني ماراح يصير بينا اي شيء
روان : اوكي الحين خلينا ننزل تحت
شجون : اول شيء قولي لي اي وحده فيهم شوق
روان : انزلي وبتشوفينها
شجون : اوكي يالله خلينا ننزل

ونزلوا شجون وروان بالصاله .. اول ماسمع ابوه يقول هلا والله بشجون وروان
محمد على طول رفع راسه وشافها .. لكنها ماكانت تشوفه خير شر
ويلست شجون عند روان وروان ترمس ويا شوق .. وكانت تحاول تتكلم ويا شجون علشان تعرف طبعها ..
لكن شجون ماكانت تحب تتكلم وايد مثل روان
شوق بدت الكلام ويا شجون

شوق : تدرسين يالغاليه
شجون : هي ادرس بالثانويه وخلصت وانشاء الله السنه اليايه بكون بالكليه
شوق : اها انا السنه اليايه بكون بثلاث ثانوي
شجون : الله يوفقج يارب
روان : هي انتو خلااااص اشوفكم تتكلمون ولا كأني موجوده
شجون : روان انا بروح غرفتي
روان : وين بتسيرين وانتي قبل اشويه نازله ؟ شو بقول لابوي لو سرتي؟
شوق : وين بتسيرين للحين مارمسنا ويا بعض
شجون : روان انا برمس ويا ابوج .. وشوق يالغاليه انشاء الله باجر بنرمس
ولا تنسين ترى الأيام يايه يعني عندنا فرصه
شوق : اوكي على راحتج يالغاليه
روان : كيفج انتي تصرفي انا مابدخل

شجون استاذنت منهم وقالت انها بتروح غرفتها
راشد : وين سايره يبه قبل اشويه نازله وبتردين تسيرين غرفتج
خالد : لا يبه انا اعرف ليش ماتبغي تيلس ويانا لانها ماتحب تتكلم ويانا اصلا
شجون : لا تراك فاهمني غلط .. انا بروح غرفتي لان عندي شغل
حمدان : اي شغل هذا يلي يخليج تخلينا وتروحين ؟
خليفه : على مااعتقد ترى المدرسه خلصت
أحمد : الظاهر نحن مب قد المقام
شجون : هونت ماني سايره بيلس وياكم .. حشى ماعطيتوني فرصه اتكلم
روان : زين يسوون فيج .. ترى الحين الدور عليج .. بس استحملي منهم
خليفه : انتي يالرزه اسكتي
روان : يبه شوفه
راشد : حشى حشى مب عيال .. ماتعرفون تيلسون يوم واحد بدون ضرابه

ويلس كل واحد منهم يرمس ويا الثاني .. الا محمد كان ساكت والحزن بعيونه
ماكان يعرف شو يسوي علشان يراضي شجون .. استاذن منهم وراح غرفته ولحقته روان


تقبلوا تحياتي
زايـ بنوووتة ـد

__________________

بنت الجود

__________________

أريج

فديتج بنوووتتة زايد

واخيرا حصلت وحده ما تحيرني في المنتدى


ولا ترفع ضغطي من كثر الانتظار


تسلم لنا هالانامل الناعمه الحلوة اللي تخط لنا سطووووووووور من روائع القلم




يعطيج العافيه حياتي

ونترياا التكمله

__________________
يـاعااذليــن القلب يكفـي مـلاما
قـلبي تعذب حيل لااا تحــرقونه..
غاب الفرح عني وزاااد الــهيــاما
وصار الشقا مرسوم دوني ودونه..
كني سجين عاش وسط الظلاما
من طــعنة الأيــام تذرف عيونه..
محبوب عيـني لويجيك الســلاما
رد الســلام وخــافقي لاتـخوونه..

J_F_T_B

زايـ بنوووتة ــد

__________________