أخوي

J_F_T_B

أخجلت تواضعي سيدي بردك ..
لك كل الشكر ولقلمك الرائع ..
تسلم على مرورك الكريم ..
والله يعطيك ألف عافيه ..

تقبل تحياتي
زايـ بنوووتة ـد

تكملة القصه


روان : حمود
محمد : خير شو تبغين
روان : شو فيك ؟ احسك متغير ؟ ليش ماترمس ويانا ؟ ليش كله ساكت
محمد : مافيني شيء بس متضايق عندج مانع
روان : اوكي تعال ايلس ويانا ترى شوق يايه ومارمست وياها اليوم
محمد : ومنو شوق هاي علشان انا ارمس وياها الا هي بنت خالتج
روان : بنت خالتي هي بنت خالتك اوكي
محمد : اوكي خلااص عندج شيء ثاني
روان : حمود تراها تحبك
محمد : وانا قلت لج قولي لها من زمان اني مستحيل احبها لانها ماتدخل قلبي
روان : ومنو يلي دخلت قلبك ؟ وحده ماتعرفها ؟ اول مره تشوفها وتفضلها على بنت خالتك .. ماادري شو فيها غير عن شوق ؟ انت ماتدري شو في قلبها حتى ؟ انت تعرف اذا كانت تحب واحد غيرك ؟
محمد : شجون تحب واحد ؟
روان : انا ماقلت هالشيء
محمد : لا قلتي هالكلام .. لا تجذبين علي وقولي لي الحقيقه تحب غيري ولالا؟
روان : ماادري سير اسألها .. انا ما بدخل بينكم
محمد : اوكي بسالها
روان : كيفك .. المهم انا نازله تحت

روان نزلت وشجون صعدت لغرفتها ومحمد طلع من غرفته وشافها
وروان حست ان محمد بيكلم شجون ونادت شوق وسمعوا الكلام اللي دار بينهم

محمد : ممكن اتكلم وياج
شجون : تفضل
محمد : ودي اسالج سؤال واحد وصارحيني فيه تكفين
شجون : تفضل اسال .. شو هو سؤالك ؟
محمد : شجون تحبين غيري ؟ في احد بقلبج ؟ جاوبيني بصراحه

(( شجون فكرت بالوعد يلي وعدته لروان انها ماتتقرب من محمد بس علشان قلب
بنت خالته مايتعذب بقربهم من بعض ))

محمد : ليش ساكته جاوبيني تكفين .. ريحي قلبي الله يخليج
شجون : تبغي الصراحه أحب شخص .. وياريت تبتعد عني

محمد انصدم صدمة العمر .. وتركها ودخل غرفته وماقدر يستحمل كلامها
وبدأ يصيح علشان حبيبته تحب شخص ثاني .. وشجون راحت غرفتها وبدت تصيح لانها راح تضيع من يدها شخص تحبه بس علشان قلب بنت خالته وعلشان خاطر اخته .. وبهاللحظه شوق فرحة وبغت تطير من الفرحه ماصدقت انهم ابتعدوا عن بعض .. وصار محمد لها وحدها

ومحمد كان يكتب لشجون شعر وهو يصيح وكتب كلام يجرح القلب وماكان حاس بعمره وهو يكتب لها هالكلام
وحط الورقه عند باب غرفته
ودق عليها الباب علشان تفتح الباب وتشوف الرساله

مضمون الرساله

خليني ارحل واتركيني مع الريـــح
يمكن يجيني . بأخر الوقت راحه
خليني ابكي واتركيني آبا صــيح
يموت قلبي وإن سمعتي صياحــه
هذي دموعي لا بكـتني تـــــباريح
ترسم بقايا انساان يبكي جراحــه
وهذي عيوني وردّ واهدابها شيح
صحراء وجودي كل ابوها مناحه
الورد ذاب وذوبته المجار يـــح
ليل الشقى موجود هاتي صبــاحه
خلاص ابرحل ماابي منك تصريح
( مالك سموّ ولا لشخصك سماحه)!


....

شجون فتحت الباب وشافت الرساله خذتها ودخلت غرفتها والدموع بعينها
وقرت الرساله وقلبها صار يعورها .. ولين تقرأ الرساله كانت تتمنى الموت
بس علشان كانت تسبب ألم كبير للشخص اللي تحبه

ومر هاليوم مثل الموت بالنسبه لمحمد وشجون
ولا واحد منهم كان قادر يستحمل العذاب



تقبلوا تحياتي
زايـ بنوووتة ـد

كل مرة اتحلين القصة بكلامج الحلو يا بنوتة زايد

لا تحرمينا من ابداعاتج

واتمنى لك المزيد والتوفيق

.....

....

...

..

.

J_F_T_B كان هنا ورحل

بنووووووووته ترى الجزء واايد قصير

اسمحيلنا ما نرضى بالجزء هذا

يالله نبا غيره

سلمت يمنااااااج الغلا

^_^

:(








:(





:(





وجان تعورين قلبي واصيح :(




لا تفرقينهم حراااام :( :( :(





وتسلمين الغلا على الجزء اليديد


بس جنه وااايد قصير


ونتريااا التكملة

أخوي

J_F_T_B

اقف عاجزه عن التعبير سيدي ..
فزهت حروفي بحضورك ووضحت ..
أشكر لك مرورك الكريم ..
والله يعطيك ألف عافيه ..

تقبل تحياتي
زايـ بنوووتة ـد

غاليتــي

بنت الجود

أشوي أشوي علي يالغلا ..
هدي أعصابج .. ولا تعصبين ..
ومايصير خاطرج الا طيب ..
وانشاء الله الجزء هذا يعجبج ..

تقبلي تحياتي
زايـ بنوووتة ـد

غاليتــي

أريج


فديتج لا تصيحين وامسحي دموعج لانها غاليه ..
وسلامت قلبج من العوار ..
وانشاء الله جزء هذا يكون احسن عن اللي قبله
وانشاء الله راح اخليه اطول من اللي قبله ..

****

وانا حاطه في بالي ان القدر يحكم بالتباعد ..
يعني اسمحيلي لاني فرقتهم ..

تقبلي تحياتي
زايـ بنوووتة ـد

تكملة القصه


وفي اليوم الثاني
كلهم كانوا موجودين ماعدا البنات

شوق وروان بغرفتة روان وشجون بغرفتها كالعاده
محمد وحمدان واحمد وخليفه ومروان وعلي وخالد وابو محمد وابو حمدان
وام محمد وابو حمدان وخالة محمد وريل خالته كانوا يالسين

وفتح راشد موضوع الزواج

راشد : ماشاء الله الشباب كبروا والبنات كبروا
ماباقي غير نزوجهم لبعض
سلطان : صدقت يا ابو محمد لازم نزوجهم علشان نفرح فيهم ونشوف عيالهم
عبدالله (( ريل خالة محمد )) : هي حمدان ياخذ روان
ومحمد يا خذ شوق
محمد : بس انا افكر بدراستي
راشد : يبه ادرس واخطبها انزين مافيها شيء
محمد : انسوا موضوع الزواج ممكن
سلطان : افا عمي شو فيك ماتبغي تتزوج
محمد : بس ماابغي اتزوج ماابغي اتزوج .. عن اذنكم انا رايح
راشد : حمود تعال
محمد : نعم يبه آمر
راشد : من متى ونحن نرمس وياك وانت تصارخ ؟
محمد : آسف يبه بس ماكنت اقصد
راشد : خلاص روح
محمد : آسف يبه وحقك علي (( باس أبوه على راسه وطلع من البيت )) ولحقه
مروان يبغي يكلمه ويفهم منه ليش تصرفاته متغيره

مروان : محمد شو صاير فيك هاليومين .. من امبارحه وانت صاير عصبي
محمد : مافيني شيء .. ليش انت تشوف فيني شيء
مروان : تصرفاتك غير عن قبل .. صاير شيء بينك وبين حبيبتك
محمد : أي حبيبه تقصد ؟
مروان : ليش في غير شجون
محمد : شجون مب حبيبتي حبيبة غيري
مروان : لا مستحيل شجون تحب غيرك
محمد : مافي شيء اسمه مستحيل بهالدنيا .. شو رايك انها اعترفت لي بهالشيء
بدون ماتراعي شعوري على الأقل ..قالتها بكل بساطه
مروان سكت وماقدر يقول لمحمد شيء لانه حس بمعاناة ولد عمه
والعذاب اللي بقلبه والحزن اللي بعيونه



نزلت شجون كان ودها تكلم محمد وراحت للحديقه وشافته هناك متضايق
وصار يقطع كل ورده .. وكان يردد : ليش جي تسويين يا شجون
منو هالشخص اللي حبيتيه ؟ هو بشنو احسن مني ؟
والله حرام عليج تسويين فيني جي ؟

شجون : محمد
محمد : شو تبغين بعد .. كفايه جرحتيني وعذبتي قلبي
شجون : ودي اقول لك عن شيئين واقفين بدربي ودربك
لكن ودي اصارحك بشيء واحد
محمد : الأول شو هو ؟ والثاني ياريت تقولينه علشان لو تبغين تذبحين قلبي اذبحيه مره وحده يكون احسن
شجون : الأول المرض اللي بقلبي
والثاني .. مااقدر اقوله لانك راح تعرفه بالوقت المناسب
والحين اخليك وياريت انك ماتقطع الورود .. لان مالها ذنب تموت
والشخص اللي لازم يموت هو انا ..
وراحت عن محمد وهو كان يشوف الدموع تنزل من عينها

ماكان يعرف محمد عن مرض شجون .. وندم على كل كلمه قالها لها
بالرساله .. والكلام اللي يجرح قلبها اكثر واكثر .. وحس انه سبب لحبيبته
اكبر ألم .. ومايعرف كيف يصلح هالشيء ..

اما شجون وهي سايره غرفتها شافها مروان والدموع على خدها
مسكها مروان وكلمها
مروان : شو فيج
شجون : ممكن تخليني اسير غرفتي
مروان : صار بينج وبين محمد شيء .. تكلمي وياريت تمسحين دموعج
شجون : تعودت على هالدموع واصلا مافيني شيء بيني وبين محمد علشان يصير
مروان : بسالج سؤال وانا ادري مو من حقي هالشيء
شجون : ممكن تأجل سؤالك لوقت ثاني
مروان : سؤال بسيط ومابياخذ من وقتج
شجون : تفضل اسال
مروان : انتي تحبين ولد عمي ولالا ؟
شجون : للاسف اني بخيب املك وامل ولد عمك
انا ماابغي محمد وياريتك تفهمه هالشيء
وقوله شوق ترى تنتظر منه انه يروح عندها ويقول لها احبج
مروان : انتي شو عرفج ان شوق تحب محمد ؟
شجون : عرفت وخلاص .. المهم ياريت تقول لمحمد ينساني ولا يسبب لي اي عذاب
لان قلبي ماعاد يقدر يتحمل هالشيء

((محمد كان واقف ورى شجون ويسمع كل كلمه قالتها لمروان ))

محمد : مافي داعي يوصل لي هالكلام .. واحب اقول لج اني مستحيل احب شوق
لو السماء تنطبق على الأرض .. وحبي راح يكون لج انتي ..

شجون تركت محمد ومن ذاك اليوم شجون ماكانت تطلع من غرفتها
وصارت منعزله عن اللي بالبيت كلهم

راشد حس ان بنت صديقه ماعاد يشوفها مثل قبل
وفكر انه يكلمها ويحاول يعرف اذا كانت متضايقه من شيء ولا في شيء مضايقنها بالبيت

راشد : السلام عليكم
شجون : هلا يبه تفضل
راشد : شو تسويين يبه
شجون : مااسوي شيء بس يالسه بالغرفه .. وماابغي اضايقكم بشيء
راشد : افا يبه ليش تقولين هالكلام .. بالعكس انتي بنتي قبل ماتكونين بنت صديق
شجون : تسلم يبه وانا اعتبر نفسي مثل بنتك
راشد : يبه ودي اسالج ليش ماتنزلين تحت بالصاله؟ ليش ماتروحين ويا روان وشوق تسولفين وياهم ؟ في شيء مضايقنج ؟
شجون : لا مافيني شيء مضايقني وبالعكس انا مرتاحه
راشد :انزين يبه قلبج يعورج الحين ولا لا ؟
شجون : بس كيف عرفت اني مريضه بقلبي
راشد : ابوج الله يرحمه قال لي لما كنتي بالمستشفى ذاك اليوم تعبانه
واعتذر لنا انه مابيحظر الاجتماع يلي كان بالشركه علشان يكون وياج
شجون : لا تخاف يبه لو قلبي يعورني بقول لك
راشد : المهم لا تكونين بروحج بالغرفه وايد وانزلي تحت وروحي عند روان
وباجر تجهزي علشان عندج موعد بالمستشفى
شجون : ودي اسالك سؤال ؟
راشد : تفضلي اسالي
شجون : عندك مواعيدي يلي تخص المستشفى
راشد : هي عندي وكل موعد انشاء الله انا راح اخذج للمستشفى علشان اطمان عليج
شجون : تسلم والله ماقصرت وياي .. والله ماني عارفه شو اقول لك
راشد : أنا أبوج ومافي داعي البنت تقول لابوها اي شيء غير انها تهتم بنفسها
شجون : انشاء الله تآمر آمر
راشد :أوكي يالغاليه اخليج الحين
شجون : مع السلامه



تقبلوا تحياتي
زايـ بنوووتة ـد