تكملة القصه وهذا هو الجزء الأخير
علشان يكون طويل ويعجب بنت الجود
وطلع راشد من غرفة شجون وشافه محمد وكلمه
راشد : تفضل يبه اتكلم
محمد : يبه بقول لك شيء بقلبي واتمنى انك ماترفضه
راشد : قول اللي في خاطرك كله ولا تخلي شيء
محمد : يبه ودي اتزوج
راشد : والله ابركها من ساعه .. راح اخبرك امك انك بتاخذ بنت خالتك شوق
محمد : بس البنت اللي ابغي آخذها مب شوق
راشد : لا يكون شايف لك شوفه ثانيه .. محمد انت وشوق من صغركم ونحن نقول لبعض انكم راح تتزوجون .. ولا تفكر في بنت ثانيه غير بنت خالتك
محمد : بس يبه انا احب البنت يلي ابغي اتزوجها
راشد : انساها ولا تخليها في بالك لانك مستحيل تاخذها
محمد : يبه حتى لو كانت شجون
راشد :تبغي تتزوج شجون
محمد : هي ابغي اتزوجها لاني احبها من اول مادخلت هالبيت
راشد : بس شجون ماراح تقدر تعيش وايد
محمد : ودي اعيش وياها بهالفتره اللي هي بتعيش فيها .. وراح اهتم فيها
راشد : خلاص يبه اذا كنت تبغيها لك هالشيء بس لازم اسالها
محمد : اذا ماوافقت ودي اكلمها اشويه
راشد : خلاص يصير خير .. بكلمها واشوف ردها واذا ماوافقت لك اللي تبغيه
راح اخليك تكلمها .. بس لو تضايقت منك ياريت تخليها .. ماابغي قلبها يعورها .. واذا تزوجتها هالله هالله في قلبها واهتم فيها
محمد : خلاص يبه انت كلمها ورد لي خبر .. وياريت الحين تكلمها
راشد : مستعيل يعني خلها لباجر لاني احس ان البنت اليوم تعبانه
محمد : خلاص على أمرك يبه
محمد ترك ابوه ينزل تحت بالصاله وهو دخل غرفته ولقى فيها شوق وروان
محمد : انتو شو تسوون هني
شوق : على الأقل سلم
محمد : السلام عليكم
شوق وروان : وعليكم السلام
محمد : يالله الحين جاوبوني شو تسوون بغرفتي
شوق : يالسين نسولف عنك .. واقول لروان اني من زمان ماشفتك
محمد : بس انا موجود بالبيت كل يوم
شوق : موجود بس محد يشوفك الا اللي بيلس بالحديقه هذي
محمد : ليش شو فيها الحديقه هذي مب عايبتنج
شوق : ماقلت مب عايبتني بس مااعرف كيف احس عمي لو شالها يكون احسن..
وحاول يحط مكانها يلسه او شيء
محمد : عيل ابشرج ترى الحديقه ماراح تنشال .. لانها غاليه على قلبي
روان : غاليه على قلبك ولا
محمد : روانوووه ترى ولا مالتج هذي راح تكون من نصيبي قريب
شوق : عن شو ترمسون انتو الأثنين ولا ما ولا
روان : اسكتي بعدين بفهمج .. وانت صج الكلام اللي تقوله
محمد : هي صج ورمست ابوي بعد .. وياريت تبشرين بعض الناس بهالشيء
شوق : وبعدين وياكم فهموني شو السالفه
روان : شواق تعالي وياي بنسير تحت عند ابوي
محمد : سيري حد ماسكنج يالله بسرعه اجلبي ويهج
محمد ماكان مصدق ان شجون راح تكون له بعد ماتعذب كل هالعذاب
ويلس يفكر شو راح يقول لها لو رفضته .. وشو بيسوي بدون حبيبته
كيف بيعش بدونها ..
روان نزلت تحت بروحها وتركت شوق بالغرفه
وتاكدت من ابوها ان محمد يبغي يتزوج شجون .. روان عصبت وزعلت علشان بنت خالتها بتتعذب لو محمد خذ شجون ..
وتركت ابوها وراحت عند شجون
روان : شجون
شجون : هلا روان .. وينج من زمان ماشفتج ..
روان : جاوبيني اول صج انتي ومحمد بتتزوجون ؟؟ وياريت تجاوبيني بدون استهبال
شجون : اول شيء ياريت تغييرين طريقة كلامج لاني ماتعودت عليها
وثاني شيء غلطان اللي قال لج هالكلام انا ومحمد من زمان ماشايفين بعض اصلا..
روان : كيف ماشايفين بعض وحمود قال انكم راح تتزوجون
شجون : انتي غلطانه لاني اصلا ماكلمة محمد من زمان
روان : اسمعيني ابتعدي عن حمود علشان بنت خالتي ماابغيها تتعذب علشان خاطرج انتي وحمود فاهمتني
شجون انصدمت من طريقة كلام روان لها .. وماقدرت تسوي اي شيء غير انها
تنزل تحت عند ابو محمد وتكلمه .. وحمدان وعلي كانوا يالسن
شجون : عمي ودي اكلمك
راشد : آمري يالغاليه
شجون : ودي تدور لي بيت ودي اعيش بروحي .. لا هذا الوقت المناسب اني اطلع من البيت .. وبصراحه انت كفيت ووفيت
راشد : ليش عمي صاير شيء .. في احد مضايقنج
علي : شو فيج انتي ؟ ليش تبغين تطلعين
حمدان : الظاهر صاير شيء .. ولا عمي ماطلبت منك هالشيء
شجون : ودي اطلع بس ممكن تدور لي بيت اعيش فيه ولا لا ؟
راشد : عمي انتي اليوم ايلسي بالبيت عندنا وانشاء الله باجر بعد مانرد من المستشفى نتكلم بالموضوع
شجون تركتهم وسارت غرفتها وشافت محمد بطريقها وكانت متضايقه منه بسبة
كلامه اللي قاله عن زواجهم
شجون : اسمعني زين .. لو الموت ماني متزوجتنك فاهمني
محمد : ليش تقولين هالكلام انا شو مسوي لج
شجون : بس ماابغيك بسبتك صرت انجرح واحس بألم كبير بقلبي
محمد : ماكنت ادري اني سبب المج
شجون : والحين عرفت انك انت السبب ياريت تنساني .. واحب ابشرك
اني بطلع من البيت .. واتمنى انك تفكر في بنت خالتك شوق اوكي
محمد : بس انا مااحبها كم مره اقول لج هالشيء
شجون ( وهي تصيح ): تحبها ولا ماتحبها مشكلتك ومشكلتها بس تكفى لا تسبب لي عذاب اكبر من هالعذاب والله حرام عليك يلي تسويه
محمد : حبيبتي لا تصيحين علشان خاطري
شجون : محمد علشان خاطري انساني تكفى
محمد : والله مااقدر والله مااقدر
شجون : اذا كنت صج تحبني انساني
محمد : وانت تبغيني انساج ولا علشان خاطر شوق تسويين هالشيء
شجون : والله ودي اكون وياك طول عمري .. بس مااقدر استحمل الكلام اللي يعور قلبي .. وانجرح اكثر من مره
محمد : علشان خاطرج راح اتزوجها .. بس اعرفي ان قلبي راح يموت الف مره باليوم
شجون تركت محمد وسارت غرفتها وهو راح لأبوه وكلمه وقاله انه راح يتزوج شوق خلاص .. وراح يتزوجها باقرب وقت ممكن بس علشان خاطر حبيبته
وشجون سارت اليوم الثاني المستشفى وقالوا لها انها لازم تهتم بنفسها ولا ماراح تقدر تعيش اكثر .. لان قلبها وايد كان تعبان
ومحمد خطب شوق وصاروا مخطوبين لبعض بس محمد ماعمره اهتم لها ولا سالها
اذا كانت تبغي منه شيء .. كان دومه يحاول يكلم شجون لكنها كانت تصده
والايام مرت وحددوا موعد عرس محمد .. وشوق ماكانت مصدقه هالشيء
وخلاص بطير من الفرحه وروان نفس الشيء .. بس محمد كان يحس بالعذاب
وشجون كانت تحس انها راح تموت قريب
وقرب عرس محمد .. وشافته شجون بالصدفه وكلمها لآخر مره
محمد : هلا
شجون : أهلين
محمد : شخبارج يالغاليه
شجون : تمام وانت ؟
محمد : احس اني بموت
شجون : يعل يومي قبل يومك .. لا تقول هالكلام تكفى
محمد : بس هاي الحقيقه .. شجون بتزوج قريب وراح ابتعد عنج
واحس اني ماراح اقدر اتنفس لو كنت بعيد عنج
شجون : صدقني راح تكون اسعد انسان بهالدنيا .. واحب اقول لك قبل اي انسان بهالدنيا .. ألف مبروك
محمد : الف مبروك تقصدينها لموتي
شجون : لا تييب طاري الموت علشان خاطر اغلى انسان
محمد : مافي اغلى انسان بهالدنيا على قلبي غيرج انتي
شجون : المهم الحين اخليك
شجون تركته وحس محمد بضيق .. وفكر انها بتصده بكل مره .. وبيوم عرس محمد الكل كان فرحان
ماعادا شجون ومحمد يحسون الدنيا مظلمه على كثرة الأضواء اللي كانت موجوده
بالبيت .. وكل ماكانوا يشوفون بعض شجون تصد عن محمد وماكانت تبغي
تحط عينها بعينه لانها ماكانت قادره تستحمل انهم راح يبتعدون عن بعض
وتزوج محمد شوق وسافر وشجون كانت مريضه .. وحست انها خلاص بتموت
ومحمد وهو مسافر كان يفكر فيها وكثر مايفكر فيه كان قلبه يحس فيها
اذا كانت تتالم ولالا .. وراحت روح شجون للسماء عند ابوها
ومحمد حس انه قلبه وقف ماعاد يحس فيه حس حبيبته صار فيها شيء
وقال لشوق انهم لازم يرجعون .. ورجع محمد للبيت هو وشوق
والكل يصيح .. حس انه صاير شيء لشجون .. تركهم كلهم وراح عن ابوه
محمد : يبه شجون وينها ؟
راشد : يبه شجون راحت وماراح ترجع
محمد : قول انك تجذب علي مستحيل اصدق هالشيء
راشد : هذا القدر يا يبه لازم نرضى فيه وعطاه رسالة كتبتها شجون قبل ماتموت ..
ومحمد صعد لغرفته والرساله بيده ماكان قادر يقراها من كثر ماكان يصيح
حس ان موت حبيبته هو نهاية العالم .. وقرر انه يفتح رسالتها ويقراها
فتح الرساله وقراها ودموعه تنزل على خده اكثر واكثر
((اتمنى انكم تسمعون الموسيقى وانتو تقرون مضمون الرساله ))
مضمون الرساله
بشروه بموتي أبيه على القبر يصلي
بشروه سكوتي أفـنى أيام عمـري
خبروه بين دود ورمل صـار محلي
خبروه كفن الهم غطا ضلوع صدري
علموه إن طيفه عاش معي مثل ظـلي
علموه ما نسيته لو نسى هو أمري
ذكروه بحبه وأوصفوا إللي حصلي
ذكروه إن كان ناسي بشوقي وكل صبري
عطوه أوراقي وكل قصيدي ياأهلي
عطوه وقولوا لعيونه أكتب شعري
خلوه ياخـذ كل حاجة كانت لي
وخلوه إن مت يصـلي على تراب قبري
وعاش محمد بعذاب وماكان يفكر غير بمواصفات حبيبته ويتخليها يدامه بكل الوقت ..
وشوق كانت بالنسبه له مثل الجدار .. وماكان يحب يكلم احد وصار يكره البيت اللي عايش فيه ..
[movek=right]قل لمن يحمل هما ان همك لن يدوم ...... مثلما تفنى السعادة هكذا تفنى الهموم......... اللَّهُمَّ انْفَعْنِي بِمَا عَلَّمْتَنِي وَعَلِّمْنِي مَا يَنْفَعُنِي وَزِدْنِي عِلْمًا وَالْحَمْدُ لِلَّهِ عَلَى كُلِّ حَالٍ وَأَعُوذُ بِاللَّهِ مِنْ عَذَابِ النَّارِ .....اللهم لاتشغلني برزقك عن قربك ولابلهو عن ذكرك ولابحاجة من حوائج الدنيا عن عبادتك وشكرك .....اللهم لاتأخذني منك إلا اليك ولاتشغلني عنك إلا بك [/movek]
مساء النور والسرور ..
مساء يحمل الجمال لروحج العذبه ..
تسلمين يالغلا على مرورج الكريم ..
والله يعطيج ألف عافيه ..
وملاحظتج على عيني وعلى راسي ..
وانشاء الله راح انفذها بدون أي تردد ..
العرض العادي
