°°*¤§ .. بدون عنوان .. §¤*°°

**زايـ بنوووتة ــد** · 20-03-2004, 09:51

بسم الله الرحمن الرحيم
السلام عليكم ورحمة الله وبركاتة

مساء معطر بشذا الورد. .. والياااسمين
مساء يحمل الجمااال لارواحكم .. العذبه
مساء مليء بالورد والكااادي والجوووري ..وتغريد العصااافير
أول قصه أكتبها بالمنتدى .. وما أدري اذا كانت راح تعجبكم ولالا
وبصراحه القصه من تأليفي وما أدري إذا كانت بمستواكم وانا أدري ان مستواكم أكبر من قصه بسيطه
وراح أكتبها لكم مره وحده لانها طويله .. انشاء الله كل يوم بحط لكم جزء بسيط ..

في واحد من هالبيوت الكبيره اللي تجمع الكثير من الأهالي والأقارب ولكن هالبيت في شيء مختلف عن باقي البيوت .. فيه عائلتين ساكنين في فيلا عوده وواسعه وتوسعهم كلهم .. وكان كبير العائله هو أبو محمد (( راشد )) وهو كان يدير شؤون البيت واي شيء يحتاجه البيت هو الوحيد اللي يتكفل بهالشيء مع عم محمد (( سلطان )) ومثل العاده بكل بيت عالصبح لازم الحشره .. وخاصة هالبيت مايخلى من الحشره عالصبح لان كل واحد يكون مستعيل ويبغي يظهر على شغله بسرعه

(( طبعا أبو محمد عنده شركه وشركائه أخوه سلطان وشباب العائله كلهم يشتغلون بالشركه ووياهم صديق أبو محمد ما عدا محمد كان يدرس آخر سنه له بالثانويه ))

أبو محمد (( راشد )) : يا أم راشد انا ساير يالغاليه تآمريني بشيء
اييب لج وانا راد من الشركه
أم محمد (( فاطمه )) : سلامتك يا أبو محمد بس دير بالك على نفسك
راشد : ماطلبتي شيء يالغاليه يالله عيل مع السلامه
فاطمه : مع السلامه

وفي نفس الوقت بغرفة أخت محمد (( روان )) العفسه العوده ماتعرف راسها من ريلها
مخربطه الدنيا فوق وتحت وكل يوم الغرفه تتنظف لكن ماشيء فايده
روان : يماااااه تعالي بسرعه .. شيلتي مااعرف وينها
وبعد شباصات شعري ماادري منو شالهم؟؟
فاطمه : انتي شو مسويه بالحجره ليش عافستنها فوق وتحت
مااظني انج بنت .. لو كنتي بنت ماكانت غرفتج جي
روان : يمايه حبيبتي خلاص آخر مره بس طلعي لي الشيله وشباصاتي فديتج انا والله
فاطمه : هي قصي علي بهالكلمتين شوفي تراج قلتي آخر مره بس مره ثانيه ياويلج فاهمتني
روان : انشاء الله يالغاليه

وبعدين فاطمه طلعت لبنتها شيلتها وشباصاتها وخلتها ترتب نفسها للكليه وتروح ويا السايق

وفي غرفة أخوان محمد

علي : أحمدووووووه وخلفوووووووه اذا مانشيتوووا والله بصب الماي عليكم
خليفه : أنت أسكت أحسن لك وخلنا أنام وأشوفك تصب الماي
خالد : أقووول علوووه صب الماي وماعليك خلهم ينشوون مافينا ننهزب كلنا علشان متأخرين عالشركه
أحمد : خلدووه انت أسكت ومالك خص بنتأخر نحن حرين ومابنتأخر هم بعد نحن حرين
علي وخالد : خلاص تموا وبنشووووف منو اليوم بيتشرشح

بالوقت اللي خالد وعلي يحاولون يوعون خليفه وأحمد

عم محمد (( سلطان .. أبو حمدان ))
سلطان : أم حمدان يالله انا ساير الشركه ماابغي اتاخر تامريني بشيء
علياء : لا يالغالي ما أبغي شيء يحفظك ربي

وبهاللحظه يدخلون عيال عم محمد (( حمدان و مروان على أبوهم وأمهم بعد مادقوا باب الغرفه ))

حمدان ومروان : يبه نحن جاهزيين وعمي ينتظرنا تحت
سلطان : يالله عيل روحنا بس وين عيال عمكم
حمدان ومروان : علي وخالد جاهزين بس خليفه وأحمد ما أنعرف عنهم
سلطان : خلاص عيل خلونا نروح عن نتأخر على عمكم وعياله

وينزلووون بالصاله والكل خلاااص جاهز انه يروح
روان راحت الكليه وأبو محمد وخالد وعلي وأبو حمدان وحمدان ومروان كلهم طلعوا من البيت
ومحد تم فيه غير محمد وام محمد وام حمدان والكسالى خليفه وأحمد

محمد كان نايم بسابع نومه ويحلم أحلى الأحلام لانه ماعنده دراسه يوم الخميس ..

وفي الشركه ايي لأبو محمد إتصال بأن أعز صديق عنده توفى
وهو كان شريك معاهم بالشركه
وكلهم قفلوا الشركه وراحوا يعزون بنت الريال (( شجــون))اللي مات
للأسف ماكان عندها أي شخص يعيش وياها غير أبوها وراح عنها أعز شخص بهالدنيا وهي كانت بآخر سنه بالثانويه يعني لازم تذاكر وتجتهد بس وفاة أبوها ماخلاها تسوي اي شيء

(( على فكره شجون بنت كانت مريضه وكان مرضها ماله علاج وكان مرضها بقلبها .. وابوها كان يهتم فيها
اكثر مما كان يهتم بنفسه .. وماكان مخلي مستشفى الا موديها علشان يشوفون لها علاج لكن بدون فايده))

واستقبلت عمها يلي هو أبو محمد كان يكلمها ويحاول يخفف عليها
لكن شجـــون ماكانت قادره تسكت ودموعها تذرف على خدها
وكانت تقول لأبو محمد : راح أبوي راح اللي كان يحميني قول لي حياتي شو اسميها بدون أبوي

وأبو محمد ماكان قادر يستحمل كلامها واحس ان الدنيا ضاقت به
وماكان عارف شو يسوي وكيف يحمي بنت صديقه .. فكر انه يخليها تعيش وياهم بالبيت

وكلمها وقال لها .. رفضت بالبدايه بس بعد ماحاول فيها كم من مره قدر يقنعها
وقال لأبو حمدان والشباب يروحون البيت من دونه
وهو بينتظر لين شجــون تجهز أغراضها وفي نفس الوقت اتصل في ام محمد وخلها تجهز الغرفه
الفاضيه اللي كانت عندهم في البيت وخبرها بالسالفه وام محمد ماقصرت ورتبت الغرفه

واول ماوصل أبو محمد للبيت لقى الكل ينتظره
وشجــون كانت وياه سلموا عليها أم محمد وزوجة عمه وأخته روان

وخليفه وأحمد ماكانوا يعرفون السالفه واقفين مثل المساطيل
وأبو محمد ناداهم للغرفه وعرف كيف يداويهم وعلي وخالد وحمدان ومروان يضحكون عليهم وخليفه وأحمد
أشويه بينفجروووون من كثر مامعصبين

ام محمد خذت شجــون لغرفتها وبالصدفه محمد كان توه واعي من نومه وشافها
ووقف مثل المسطول هو الثاني .. لان شجــون كان عليها جمال مب طبيعي
واول بنت تخلي محمد يوقف بهالطريقه
امه ضربته على راسه وقالت له: سير تحت ولا توقف جي
محمد :انشاء الله يمه الحين ساير

اول مانزل محمد سلم عليهم وخالد وعلي وحمدان ومروان قالوا له : شوف بعض الناس بنهزبون وضحك عليهم

تموا يضحكون كلهم اما خليفه وأحمد خلاااص ماقدروا يستكون كل واحد صار يعصب على واحد اما مروان وعلي وخالد وحمدان ومحمد مب مهتمين ..
ام حمدان وام محمد ساروا يزهبون الغدى وخلوا الشباب يضحكون
بس روان مب راضيه كانت تسير تساعدهم بالمطبخ
وعصبوا عليها الشباب كلهم سارت وهي معصبه

طبعا شجـون ماكان لها نفس تاكل علشان وفاة أبوها
وتمت بغرفتها وحاولت تذاكر لو كلمة وحده لكنها ماكانت تقدر
وطول الوقت تصيح
ودخل عليها ابو محمد المغرب كلمها وخفف عليها
وحاول انه يخليها تطلع من غرفتها وتسير عند روان وافقت وسارت عند روان
واول مره كانت تتكلم وياها
وروان كانت يالسه بالصاله تشوف التلفزيون
واول ماشافت شجون نازله مسكتها سولفت وياها وحاولت تضحكها
وساروا صديقات من اول يوم ..

وانشاء الله راح اكمل لكم الباقي بيوم ثاني
وأعذروني اذا كان في أخطاء

تقبلوا تحياتي
زايـ بنوووتة ـد

**سـ العين ـواد** · 22-03-2004, 02:51

يسلموووو بنوووته على هالقصة وانشالله اتريا الجزء الثاني

حياج الله

**أريج** · 22-03-2004, 03:29

:(

:(

من اولها موت حرام عليج :(

حلووووووووووووووووووووووة القصه .. يا ريت تكملينها بسرررعه

ولا تحيريينا حبوووبة

شي فخاطري ابي اقوله اوكي

ما ابي اتدخل في قصتج .. بس يعني لو يصير يعني وانتي يعني تسوين خير لو

طولي القراض والضرابه اللي بتصير

احب هالمواقف وااايد

ولو محمد حب شجون

ابي اللقطات اللي تصده فيه

لا تخلينها تحبه بسررررعه ذليه شوي

هههههههههههههههههههههههههههههههههههههههههههههههههه ههههههه

يعني اقول لو تقدرين

تسلمين الغااليه

ويعطيج العافيه عالقصه الحلوة

والى الامام دايما

**زايـ بنوووتة ــد** · 22-03-2004, 10:12

أخوي

سـ العين ـواد

يشرفني مرورك سيدي
ويسعدني تواجدك الذي زاد موضوعي نور وحلى
تسلم على مرورك الرائع
والله يعطيك ألف عافيه

تقبل تحياتي
زايـ بنووةتة ـد

**زايـ بنوووتة ــد** · 22-03-2004, 10:21

غاليتــي

أريج

يسعدني تواجدج سيدتي ..
أشكرج على مرورج الكريم الذي أنار قصتي ..
وردج الذي أشعر بالفخر فيه ..
وطلباتج أوامر الغاليه ..
ولاتخافين ترى كل هالأشياء بالقصه ..

تقبلي تحياتي
زايـ بنوووتة ـد

**زايـ بنوووتة ــد** · 22-03-2004, 10:51

تكملة القصه ..

وفي اليوم الثاني الكل عنده اجازه
وطلعوا يتمشون الشباب (( مروان وعلي وخالد وحمدان )) بروحهم و(( خليفه وأحمد)) بروحهم
ومحمد كان يالس بالبيت مايعرف وين يسير نزلت روان ويلست عنده وحاولت تقنعه انه يطلعها اليوم
وكان يقول لها : ماني فاضي لج ..
قالت له: اوكي ماعليه بطلع ويا السايق انا وشجون

محمد : روااانوه ويعه منو شجون
روان : قول آنسه روان بعدين بقول لك
محمد : روانوه رضيتي ولا مرضيتي
روان : احلم عيل اقول لك منو هاي يالدب
محمد : انا دب يالفيله
روان : مابحط عقلي عقل ياهل
محمد : انزين لا تحطين عقلج عقل يا هل واجلبي ويهج

(( بنفس هالوقت اللي محمد وروان يالسين يتناجرون شجون كانت تشوفهم من فوق وتضحك عليهم ))

بعد ما تقارضوا محمد وروان .. روان عرفت ان شجون تراقبهم
سكتت عن محمد وخلته يرمسها وهي ماترد لانها خلته مثل المينون يرمس ويا عمره
ويه تضحك عليه بدون ماترد عليها بأي كلمه وكانت شجون تضحك عليها من فوق .. وفجأه صرخ عليها ..

محمد : روااانوه ويعه تويع بطنج انشاء الله ليش تضحكين يهالبله
قالت له : اوكي شوف فوق وبتعرف ليش اضحك عليك يالعاقل

ورفع راسه محمد وشاف شجون سكت ومارام يقول اي شيء
ويه صار أحمر .. حس ان روان خلته مثل الأهبل يدامها

محمد : فضحتيني يالفشيله الحين شو بتقول عنا البنت مينون ماعنده عقل
روان : توك تعرف انك مينون أصلا انت متى عقلت علشان تقول عنك عاقل ؟
محمد ضرب روان بالكتاب فوق راسها وخلها تصارخ وتنادي ابوها
ابوها وصل

راشد : شو فيج يبه صوتج واصل لي آخر الشارع
روان وهي تسوي عمرها زعلانه : يبه حمود الدب ضربني
محمد : يبه فضحتنا خلتني ارمس ويا عمري يدام البنت مثل الأهبل
راشد : بس الله يخليكم اسكتوا انتو لين باجر مابتخلص ضرابتكم خلوني اسير الميلس عند عمكم ابرك لي

ودخلوا الشباب الصاله لقوا روان ومحمد يالسين ومحتشرين
حمدان وعلي ومروان وخالد : السلام عليكم
روان ومحمد : وعليكم السلام
علي : هااا آنسه روان يالسه هني شو عندج
محمد: مصلحجيه تعرف اختك انت بعد
روان : انزين انزين الحين بقول لهم شو سويت فيك
محمد : قولي وان مايت لج ضربه ثانيه فوق راسج ماأكون محمد
خالد : اقول ميري سيري ييبي لي ماي
روان : منو ميري هااااا
خالد : انتي .. ولا تشوفين وحده رازه ويهها بين الشباب غيرج
علي : آنسه روان اجلبي ويهج وخلينا بروحنا
حمدان : صج اجلبي ويهج وفارقي حشى لاصقه مثل الصمغ
روان : وانت احد طلب رايك
مروان : مافي داعي احد يطلب راييه نحن كلنا شباب وانتي الوحيده اللي يالسه يعني معاه حق لين قال هالكلام
محمد : زين يسوون فيج يالدبه ذليتيني ذل والحين مساعديني وصلوا علشان ينتقمون منج
روان : عشتو ماادري منو انت علشان عندك مساعديين

بهاللحظه دخل خليفه وأحمد وسلموا ويلسوا وياهم
وخليفه دومه متعود انه يضايق روان هو واحمد
وبدأوا بحركاتهم

خليفه : أقول أحمدوه مو في وحده تشبه خدامة الجيران يالسه ويانا
أحمدو : لا وين خدامة الجيران أحلى
خليفه : هي لازم احلى تراك تعرفها زين .. اما أنا بس أشوفها من بعيد
أحمد : تصدق ان خدامة الجيران عليها جمال ويمكن احد ياخذها .. بس اللي عندنا بتم على قلوبنا

روان زعلت وسارت عند شجون .. والشباب يضحكون عليها
وفي غرقة شجون
روان : هلا شجون
شجون : هلا فيج يالغاليه
روان : شو رايج نروح نيلس بالحديقه
شجون : اوكي موافقه بس بشرط
روان : بعد تتشرطين .. قولي وآمري لله والله لو مو متضايقه ماكنت بوافق
شجون : خلاص خلاص انسى الشرط وخلينا نروح

نزلوا البنات من الغرفه وراحوا يلسوا بالحديقه
ولين مروا بالصاله محمد يلس يطالع شجون وروان تغايضه وتسوي له حركات

والشباب يشوفون محمد ويضحكون عليه .. ويضحكون على شكله اللي تبدل 180 درجه
ومن ذاك اليوم محمد صار يفكر بشجون .. لانها دخلت قلبه وحبها
لكن هي ماكانت تهتم غير بدراستها من بعد وفاة أبوها

شجون اول ماسارت الحديقه حست انها راح تكون لها البيت الثاني
وتمت تروح الحديقه كل يوم مغرب وتذاكر وتخلص مذاكرتها وبعدين تهتم بالورد

ومحمد صار يراقبها كل يوم من اول ماتوعى الصبح
تروح المدرسه وترد ويبدأ يراقبها من يديد وماكانت تغيب عن عيونه
حتى وهي بالحديقه كان يراقبها وحفظ شو تسوي طول اليوم
وكل يوم كان يراقبها ويشوف جمالها يلي سحره
وسال امه عنها وقالت له كل شيء عنها الا مرضها محد كان يعرف عنه الا ابوها اللي راح وخلاها بالدنيا وحيده ..
وعرف ان هو وياها بنفس السنه .. وفكر كيف يكلمها ومالقى غير الدراسه
وفاتحها بموضوع الدراسه وهي كانت يالسه بالحديقه وسالها عن مادة من المواد
ماردت عليه وخلته وسارت ويلس مكانها وصار يفكر كيف يكلمها ..

تقبلوا تحياتي
زايـ بنوووتة ـد

**BabyDoll** · 23-03-2004, 11:04

تسلمين بنوته على القصه

يالله نتريا شو بيصير عقب

يعطيج العافيه

**أريج** · 23-03-2004, 12:06

رووووووووووووووووووووووووووووووووووووووووووووووووع ه

هذي روان ربيعتي

بس يبيلها حصص قراض

خخخخخخخخخخخخخخخخخخخخخخخخخخخخخخخخخخخخخخخ

وبديت قصه محمد .. وأشكر فن شجوون يوم لبسته

حبيبتها

خليها جيه أحلى لبسنج بالقوووو جنه ما تشوفه

فيني ضحكه ابي اضحك

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههههههه

تسلمين غناااتي

ويعطيج ربي الف الف الف الف الف الف الف عااااافيه

سلاااام

**زايـ بنوووتة ــد** · 23-03-2004, 08:44

اخوي

BabyDoll

يشرفني تواجدك بصفحتي سيدي
شرفتني بمروك الكريم
يسلم ردك .. والله يعطيك ألف عافيه

تقبل تحياتي
زايـ بنوووتة ـد

**زايـ بنوووتة ــد** · 23-03-2004, 08:49

غاليتــي

أريج

ردج الروعه يالغلا
وانشاء الله دوم هالضحكه
وعلى طاري روان تراني بييبها لج وعطيها دروس
يسلم لي مرورج الرائع
والله يعطيج ألف عافيه

تقبلي تحياتي
زايـ بنوووتة ـد