السلام عليكم
اعزائي زوار وأعضاء منتديات حلم دبي ...
حبيت اليوم اطرح موضوع للنقاش واللي هوه
هل الرادار مصدر دخل على المرور .؟
واذا كانت الإجابة بنعم ... فهل يحترف ناصب رادار السرعة طريقة تمويه وتخبئة الرادار ..
ووضعه على المنحدرات بحيث لو تزيد سرعة السيارة كم كيلو يصورك...
هل صار شباب اليوم ينفق اكثر من نصف راتبة شهريا على مخالفات المرور ..
وبالذات على الرادار .. لماذا لاتوجد هناك استثناءات على الفقرا المساكين اللي
مخلي عيالة وظارب ها الخط من المكان لفلاني لي المكان الفلاني
ويقطع له من 4 إلى 5 إمارات وهذي الإمارات اسبوعيا ينصبون الرادار الخاص بسرعة السيارة
كل جمعة وانت متجه إلى الدوام وكل أربعاء وانت متجه إلى البيت ...
اللي حبيت افهمه ... ليش من بين الرادارات الثابتة تكون رادارات متحركة
لا والرادار المتحرك يصور على 120 والثابت على 140 يعني لو حاسب حسابك
تمشي 130 لا مفر ..
في الكثير من الناس بيقولون وانته ليش تسرع ..
شو تباني اقول .. امشي مثلا 100 كم في الساعة وانا بعده جدامي 300 كم
تفتكرون انه اللي ينصب الرادار ما يصوره الرادار ... لا يصوره وبتلفون واحد حق الشباب
فلان صورني الرادار .. الغيها .. اوكي ولا يهمك هذا الرد ..
اما اللي حالته حاله ويحاتي عيالة .. ويقول متى بوصل وهو مار على كل امارة رادار ..
وبعد مب رادار واضح علساس انه يكون تنبيه او شي .. لا رادار مخباي علشان ايصورك
وانته تظحك
يعني بالله عليكم هاي شغلة ..
لا بعد احسبو ويايه ..
4 إمارات وكل رادار ب 200 ها من غير الثابته
المهم ها صارو 800 درهم بس علشان اتشوف عيالك ..
لا وانته مداوم في نفس الاسبوع بعد نفس الموال ..
وصار الاسبوع 1600 بنقول فلتنا من 3 رادارات وما طلعت الصور واضحة
وصار مجموع الاسبوع 1000 درهم
حلو الكلام ..
والشهر 4000 درهم ... ما شالله
صار اكثر من نصف الشباب يدفعون المخالفات شهريا .. علشان ما تتراكم
بالله عليكم هذي حالة ...
وانتظر تعليقاتكم ...
تحياتي JerNass
ذكرتني بمعاناة أعاني منها
يعني ماكو داعي ترجع للبيت اصلا" والشوارع عدنا بيها بيار من كثر الحفر والطسات اللي سبّبها الاستعمار
العرض العادي
