ابتدي بسم الرحمن=
غافرٍ ذنب الإنسان
اللي أنزل القرآن=
يجعلنا له حافظين
دنيا كلها عجاب=
آخرتها هي حساب
إما جنة وثواب=
أو بنار معذبين
لا تقول إنك بصير=
أنت في الدنيا ضرير
ما تدري وش المصير=
اطلب الله لك يعين
اطلبه واستغفره=
آخر ليلك اذكره
يغفر لك في محشره=
يوم جمع العالمين
كل يومٍ فيه خمس =
قبل ما تبين الشمس
وقبل يصير اليوم أمس=
حن عليها مداومين
طهر مالك بالزكاه=
حتى يصبح له حلاه
تلقا ربك وتجناه=
حظ منهم فاعلين
صومٍ في السنه شهر=
لو ذنوبك كالنهر
يرمضها طول الدهر=
نحمده في كل حين
حجٍ في العمر سنه=
لمن كان يمكنه
هو لذنبك يدفنه=
هو علينا فرض عين
ثم طاعة والديك=
واجبٍ هذا عليك
ادع لهم ارفع يديك=
اعتنوا بك من سنين
والوفا ياهل الوفا=
ولب القلب لي صفا
مقصد كل من لفا=
صوبنا متعودين
والصلاة والسلام=
عد من لبى وصام
لأجلك يا خير الأنام=
حن ( ع ) نهجك سايرين